Kanada akwadoola ịnabata Palestine dịka mba nweere onwe ya

Mkpuchi Na Eme Ozugbo

Uzoamaka Ewuzie, Ikechukwu Kalu, Michael Ngene, Chinonso Ugorji, Michael Ilediagu, Adline Okere, Marvelous Obomanu

1. 1 Julaị 2025A kwụsịtụla Praịm Minista mba Thailand ọrụ maka mkparịtaụka ekwentị nzuzo pụtara ihe

   

   Ebe foto si, Getty Images

   Ụlọikpe Thailand akwụsịtụla Praịm Minista Paetongtarn Shinawatra, onye ọtụtụ kpọrọ oku ka ọ gbaa arụkwaghịm n’ihi mkparịtaụka ya na onye bụbo onye ndu Kambodịa Hun Sen nwere n’ekwentị.

   A kwụsịtụrụ Paetongtarn Shinawatra ọrụ dịka ụlọikpe Thai na-atụle oku ka ewepụ ya.

   Mkparịtaụka nzuzo ahụ nke pụtara ihe, gosiri etu Paetongtarn si kpọọ Hu Sen “nwanne nna” ya ma katọọ “ọchịagha Thailand, kpalitere ngagharịiwe nke mere ka igwe mmadụ kpọọ oku ka a chụpụ ya n’ọrụ, nke ụlọikpe na-atụle ugbua.

   Akụkọ kwuru na nke a nwereike ime ka Paetongtarn bụrụ onye ndọrọ ndọrọ ọchịchị nke atọ si n’agbụrụ Shinawatra – nke nọ n’isi nchịkwa ndọrọ ndọrọ ọchịchị Thailand n'ime afọ iri abụọ gara aga – a na-achụpụ n’ọchịchị tupu oge ha agwụchaa.

2. 1 Julaị 2025Enyemaka mba ụwa Onyeisiala Trump belatara nwereike ịkpalite ọnwụ ruru nde 14 n'afọ ise - Akụkọ kwuru

   

   Ebe foto si, Reuters

   Atụmatụ Onyeisiala bụ Donald Trump ibelata ego enyemaka mba Amerịka na-enye maka enyemaka mmadụ n’ụwa niile nwereike ịkpalite ọnwụ ga-akarị nde iri na anọ n’afọ 2030, dịka nnoycha ụlọọrụ Lancet depụtara n’akwụkwọ ozi ahụike ha.

   Nnoycha ahụ chọpụtara na otu ụzọ n'ụzọ atọ nke ndị nọ n'ihe ize ndụ nke ịnwụ n’akabeghị aka bụ ụmụaka.

   Cheta na odeakwụkwọ mba Amerịka bụ Marco Rubio kwuru n’ọnwa Maachị n’ọchịchị Onyeisiala Trump akagbuola ihe ruru pasentị 80% n’ihe ndị ụlọọrụ US Agency for International Development maọbụ USAID na-eme.

   "Ọtụtụ mba ndị nwere obere ego na nke nwee tụrụ ego, pụtara ya ga-adị ka ọrịa zuru ụwa ọnụ maọbụ nnukwu ọgụ," Davide Rasella, onye dekọtara akụkọ Lancet, kwuru na nkwupụta.

3. 1 Julaị 2025Ụtụtụ ọma ndị be anyị

   Nnọọ n’ọgbakọ BBC Igbo taa Tuzde 1 Julaị 2025.

   Anyị na-asị n’ọnwa ọhụrụ a ga-adịrị anyị mma.

   Dịka ụnụ na-esonyere anyị taa, anyị ga na-ewetere ụnụ akụkọ ihe na-eme n’ala Igbo, Naịjirịa na ụwa niile.

   Udo dịrị ụnụ.