Egbuola nnukwu onyendu Hamas, Ismail Haniyeh n’Iran

Akụkọ ndị kachasị mkpa n'ụwa n'ọnwa Julaị 2024

Mkpuchi Na Eme Ozugbo

Uche Akolisa, Jessica Nwankwo, Michael Ilediagu

23 Julaị 2024Awakpoola ndị na-agba gọọmenti Uganda ụkwụ dịka ha na-akwado ịhazi ngagharịiwe
Ebe foto si, Bobi Wine/X
Onyendu otu na-agba gọọmenti Yuganda ụkwụ bụ Bobi Wine ekwuola na ndị ọrụ nchekwa dị n’isi obodo mba ahụ bụ Kampala awakpoola isi ụlọọrụ pati ya.
O kwuru na ndị nchekwa ahụ mere nke a n’abalị ga-abọ ụbọchị ha kwadoro ime ngagharịiwe megide gọọmenti Yuganda.
Dịka o siri kwuo “ndịagha na ndị uweojii emeela isi ụlọorụ pati National Unity Platform (NUP) ụlọ ndịagha ma nwụchiekwa ụfọdụ ndị isi pati anyị n’ike.”
Ndị uweojii ekwubeghị ma ọ bụ eziokwu na anwụchiri ndị pati NUP mana ha kwuru sị ha azọpụla njem ndị kwesịrị ekwesị iji gbochie ịchịkọta ụmụ mmadụ maka ngagharịiwe ahụ.
Onyeisiala Yuganda bụ Yoweri Museveni dọrọ aka na ntị n’ụbọchị Satọde na ndị na-ahazi ngagharịiwe ahụ ji “ọkụ egwuri egwu”.
Ndị ntorobịa Yuganda anọrọla na-achọ nkwado n’ọbaozi ịntaneetị maka ngagharịiwe ahụ ha chọrọ iji kpọọ oku ka akwụsị nrụrụaka na ọchịchị ọjọọ.
Ka o siladị, nwaamadị ahụ na-eti egwu bụ Bobi Wine, onye ezigbo aha ya bụ Robert Kyagulanyi gọrọ agụgọ na NUP na-ahazi ngagharịiwe na Yuganda kama o kwuru na pati ya na-akwado mbọ ọbụla a na-agba ime ngagharịiwe megide nrụrụaka na ọchịchị ọjọọ.
23 Julaị 2024Kamala Harris enweela nkwado zuruoke ga-eme ka o fee ọkọlọtọ ndị Democrat
Ebe foto si, Getty Images
The Vice President of the United States, Kamala Harris, has received full support from the 'delegates' which can make her the candidate for the presidency with the name of the Democrats.
This is according to an investigation carried out by the Associated Press, which reached the attention of the BBC through their media partners, CBS.
A poll conducted on Monday showed that Ms Harris received the number of votes from 1,976 voters to win the first round of the election.
Ms. Harris is "delighted" to receive this kind of "support" and looks forward to accepting the nomination.
The 'delegates' are those who are elected to represent the voting age region at the Democratic National Convention (DNC) which is important for the nomination.
These endorsements do not mean that she has won, but if this number remains like this until the 'delegates' will vote in early August, it means that Ms. Harris will use the Party's banner in running for president.
Delegates from 27 states have expressed their full support for Ms. Harris, according to CBS News.
The analysis shows the kind of commitment Ms. Harris has received since President Joe Biden entered the race for the post on Church Day.
22 Julaị 2024Ulọ omeiwu Naịjirịa chọrọ ịkwụsị ikpe ọnwu maka ụmụnwaanyị dị ime
Ebe foto si, House of Rep Nigeria/ Facebook
Nkọwa foto, Ụlọ omeiwu nta Naịjirịa
Ụlọ omeiwu Naijiria ekwuola ihe mere ha ji chọọ imezigharị akwụkwọ iwu Naịjirịa nke 1999 ma wepụ ikpe ọnwụ maka ụmụnwaanyị dị ime.
Ndị omeiwu chọrọ ịgbanwe ikpe ọnwụ ahụ ka ọ bụrụ ịtụ mkpọrọ ndụ.
Otu onye omeiwusi Yobe steeti bụ Fatima Talba, kwuru na mkpebi a gafere ọgụgụ nke abụọ n'ọgbakọ ụlọ omeiwu nta Naịjirịa.
N’okwu ya "Ikpebi ntaramahụhụ ọnwụ maka nwannyị dị ime adịghị mma n'ihi na amabeghị ihe ọ ga-amụ tinyere na enweghị ihe ọjọ ọbụla nwatakịrị o bu n’afọ mere.”
"Ọ ka mma na a tụrụ ha mkpọrọ ndụ." Fatima gbakwunyere
22 Julaị 2024Gọvanọ Alex Otti amalitela ịkwọ ụgwọ e jị ndị ọrụ mahadum Abia State University.
Ebe foto si, Alex Otti/X
Nkọwa foto, Gọvanọ Alex Otti
Gọvanọ Abịa steeti bụ Alex Otti ekwuola na a amalitela usoro ịkwụ Ijeri Naịra iri na asatọ (N18 billion) e ji ndị ọrụ mahadum Abia Steeti University, Uturu.
Gọvanọ Otti kwuputara nke a oge ndị ọrụ mahadum ahụ kpọtụrụ ya na be ya dị Umuehim Nvosi dị n’okpuruọchịchị Isialangwa south nke steeti ahụ.
O kwuru na a ga-amalite ịkwụ ụgwọ ahụ na nkeji na nkeji n’ọnwa Julaị 2024.
Gọvanọ Otti nyere ndụmọọdụ ka ndị ọrụ verification mahadum ahụ mee ngwa n’ọrụ ha iji hụ na a kwụrụ onye ọbụla ụgwọ gọọmenti ji ya.
Ndị biara ọgbakọ ahụ gunyere onyeisi mahadum Abia Steeti University bụ Ọkammụta Onyemachi Ogbulu na ndịọzọ welitere isi na mahadum ahụ.
22 Julaị 2024Ndị obodo Nnamdi Kanu arịọla Onyeisiala Tinubu ka ọ tọhapụ nwa ha
Ndị obodo Afaraukwu Ibeku dị n’Umuahia bụ ebe Nnamdi Kanu, onyendu IPOB si arịọla Onyeisiala Bola Tinubu arịọla ka o biko tọhapụ nwa ha site n’ụzọ ikpe udo.
Ndị ikwu na ibe Kanu gara n’ihu kwuo na ha ga-ebu ọnụ ma kpee ekpere otu ọnwa bụ nke ha sị ga-emetụ ndị ọ dị n’aka ịtọhapụ Kanu n’obi.
Arịrịọ ha a dị n’akwụkwọ ozi ha wepụtara nke ndị eze ọdịnala gụnyere Eze Edward Ibeabuchi na Eze P.K Ukaegbu nd ndị ọzo tinyere aka na ya.
Ha kwuru na ụlọmkpọro ahụ Nnamdi Kanu nọ n’aka ndị DSS kamgbe afọ atọ gara aga etinyela obodo ha nakwa mpaghara Ọwụwa Anyanwụ na gbagharịa.
Ha rịọrọ Onyeisiala Tinubu ka o were obi dịka nna ma tọhapụ Kanu bụ onye ha sị nọrọla ọtụtụ afọ na mkpọrọ.
A chetere na nne na nna Kanu bụ Eze na Ugoeze I.O. Kanu nwụkwara n’ihi okwu a mgbe nwa ha Nnamdi Kanu nọkwa n’ụlọmkpọrọ.
Ha gakwara n’ihu kelee ndị niile kpọrọla oku ka a tọhapụ Kanu, gụnyere ndị Sịnetọ, ndị ụlọomeiwu nta nakwa ndị Gọvanọ Ọwụwa Anyanwụ.
21 Julaị 2024Joe Biden ewezugala onwe ya na ntụliaka Onyeisiala mba Amerịka
Ebe foto si, Getty Images
Nkọwa foto, Joe Biden
Onyeisiala mba Amerịka bụ Joe Biden ekwuola na ya agaghị eso zọọ ọkwa onyeisiala nantụliaka a ga-eme n’onwa Novemba 2024.
Joe Biden mere ka a mata nke a n’akwụkwọ ozi o dere ma keesa n’akara soshal midia ya taa, Julaị 21, 2024.
Nke a na-esote ọtụtụ oku ndị otu pati ya bụ Democrats na-akpọ ka Joe Biden ghara ịzọ ọkwa onyeisiala na ntụliaka ahụ maka ọnọdụ ahụike ya.
Onyeisiala Joe Biden kwuru na ọ na-akwado osote ya bụ Kamala Harris ka ọ bụrụ onye ga-eji aha otu Democrats zọọ ọkwa onyeisiala na ntụliaka ahụ a ga-eme ụbọchị Tuzde, 5 Nọvemba 2024.
Onyeisiala Joe Biden mere ka a amata na ọ ga-agwa mba Amerịka okwu banyere mkpebi ya n'ime izu ụka a.
Ebe foto si, Joe Biden/Instagram
21 Julaị 2024APC eturula ugo na ntụliaka okpuruọchịchị 13 e mere n’Ebonyi Steeti
Ebe foto si, APC/BBC
Nkọwa foto, APC
Otu pati All Progressives Congress enwetela mmeri na ntụliaka okpuruọchịchị e mere n'okpuruọchịchị 13 nke Ebonyi steeti ụbọchị Satọde Julaị 20, 2024.
Onyeisi ụlọọrụ na-ahụ maka ntụliaka na steeti ahụ bụ Ebonyi State Independent Electoral Commission (EBSIEC) Josey Eze onye gụpụtara nsonaazụ ntụliaka ahụ, kwuru na pati APC nwetera mmeri n’okpuruọchịchị 13 nke steeti ahụ.
Akụkọ kwuru na ọtụtụ mmadụ apụtaghị tụọ vootu na ntụliaka okpuruọchịchị ahụ.
21 Julaị 2024Ndị ụweojii egbuola mmadụ abụọ ji egbe n’Abia steeti
Ebe foto si, Getty Images
Nkọwa foto, Ndị uweojii
Ndị ụweojii egbuola mmadụ abụọ ji egbe a na-amaghị ndị ha bụ n’Abia steeti ebe ndịọzọ bu ọya mgbọ egbe gba oso.
Ọnụ na-ekwuchitere ndị uweojii steeti ahụ bụ Maureen Chioma Chinaka kwuru na ya bụ ihe mere taa Julaị 21, 2024.
N’okwu ya, ndị uweojii Rapid Respond Squad Abia steeti na ndị ahụ ji egbe bu ụgbọala Toyota Sienna, kwakọtara mgbọ n’okporoụzọ Ngwa wee gbuo mmadụ abụọ n’ime ha ebe ụfọdụ bu ọya mgbọ egbe gba oso.
Maureen Chioma Chinaka gara n’ihu kwuo na otu onye uweojii aha bụ Shehu Oyibo na mmadụ atọ nwụrụ ka ihe ahụ mere.
Mmadụ atọ ahụ bụ ụmụ nwoke abụọ, Chika Godliveth na Onyenaturuchi Jonah ndị si n’okpuruọchịchị Bende dị n’Abia steeti na nwaaghọghọ aha bụ Eniobong Godsgift Clement si Akwa Ibom steeti.
E bugara ozu ndị ahụ nwụrụ n’ọba ozu ebe a na-eme nyocha iji wuchie ndị ahụ gbara oso.
Ndị uweojii Abia steeti gara n’ihu gwa ọha na eze na ha kwụrụ chịm inweta ezi nchekwa ma kpọọ oku ka ha nyere ndị uweojii aka iji hụ na-awuchiri ndị ahụ gbara oso.
21 Julaị 2024Ihe mberede okporoụzọ e gbuola otu onye n’Anambra steeti
Ebe foto si, FRSC Anambra State
Nkọwa foto, Ndị ọrụ FRSC na-ebupu ozu onye ahụ nwụrụ
Otu onye anwụọla n’ihe mberede okporoụzọ mere n’ụzọ si Nteje gawa Onistsha, n’Anambra steeti.
Ụlọọrụ Federal Road Safety Corps (FRSC) na steeti ahụ kwuru na ihe mberede ahụ mere mgbe ụgbọala Toyota Camry na ụgbọala Ford Exploxer kụkọrọ onwe ha.
Onye na-ekwuchitere FRCS na steeti ahụ bụ Margaret Onabe kwuru na Chinweuba Chidiebere bụ onye ọkwọụgbọala Toyota Camry ebe a na-amaghị aha onye ọkwọụgbọala nke ọzọ.
Margaret Onabe gara n’ihu kwuo na n’ime mmadụ atọ ihe mberede ahụ metutara, ọtu n’ime ha nwụrụ ebe mmadụ abụọ nke ọzọ meruru ahụ.
Onyeisi FRSC na steeti ahụ bụ Adeoye Irelewuyi, kpọrọ oku ka ndị ọkwọụgbọala kpachara anya oge ọbụla ha nọ n’ụzọ ma kwusi ịgba oke oso.
21 Julaị 2024A gbapụtala ụmụafọ Naịjirịa 58 n’aka ndị na-atụ mgbere mmadụ na mba Ghana - NIDCOM
Ebe foto si, Abike Dabiri-Erewa/X
Nkọwa foto, Abike Dabiri-Erewa
Ụlọọrụ Nigerians in Diaspora Commission (NiDCOM) ekwuola na ha agbapụtala ụmụ nwannyị 58 na ụmụaka Naịjirịa n’aka ndị na-atụ mgbere mmadụ na mba Ghana.
Onyeisi ụlọọrụ Nigerians In Diaspora Organization (NIDO) bụ Abike Dabiri-Erewa kwuru nke a ka ọ gara leta ndị ahụ a napụtara ebe ha nọ na Ghana.
Nnapụta a na-esote nnapụta a napụtara ụmụagbọghọ 10 dị afọ 15 na 16 n’aka ndị na-atụ mgbere mmadụ n’ọnwa gara aga.
N'ozi onye na-ekwuchitere ụlọọrụ NiDCOM bụ Abdur-Rahman Balogun wepụtara, ndị ahụ a napụtara gunyere mmadụ 47 si Kano steeti, mmadụ ise si Katsina steeti, abụọ si Jigawa steeti ebe mmadụ anọ si Kaduna steeti.
Balogun gbakwunyere na n’ime ọnwa atọ gara aga, ụlọọrụ NiDCOM agbapụtala ụmụafọ Naịjirịa 105 n’aka ndị na-atụ mgbere mmadụ na mba Ghana.
21 Julaị 2024Gọvanọ Mbah akpọọla oku ka a nwụlata Simom Ekpa site na mba Finland
Ebe foto si, Simon Ekpa/ Peter Mbah/Facebook
Gọvanọ Enugwu steeti bụ Peter Mbah akpọọla oku ka gọọmentị gbakọta aka ma tụlata Simon Ekpa bụ onyendu otu alaka Ipob site na mba Finland.
Mbah kpọrọ oku a mgbe ọ nabatara ndị kọmitii ụlọomeiwu nta na-ahụ maka nchekwa n’Enugwu ma boo Ekpa ebubo igbu mmadụ nakwa iyi ndụ egwu na mpaghara Ọwụwa Anyanwụ.
N’okwu ya ‘ọ na-eju m anya na gọọmentị mba Finland ga-ekwe ka nwoke a biri n’udo na mba ha ma na-eyi ndụ ndị mmadụ egwu na Naịjirịa.”
“Eche m na ihe bụ ihe kọmitii unu kwesịrị ileba anya na ya ma hụụ etu a ga-esi kpọlata nwamadị na Naịjirịa ka e kpee ya ikpe.
“Site n’okwu ya nakwa ihe ndị ọ na-eme, ọtụtụ mmadụ anwụọla mana ọ na-aga n’ihu na-eme ya. Nke a bụ ọdachi anyị niile kwesịrị ịgbakọta aka ọnụ ma kwụsị. Ọ na-aghị anọchiteanya ọdịmma ndị Igbo.”
Gọvanọ Mbah kwuru na ọchịchị akwụsịla iwu ịnọ n’ụlọ ahụ o tinyere na ọ ga-aga n’ihu ịhụ na e chekwara ndụ ndị bi na steeti Enugwu.
Ọ gakwara n’ihu kpọkuo ndị ntoroọbịa Ọwụwa Anyanwụ, ka ha ghara ige ntị n’ihe ndị Simon Ekpa na-ekwu ma ṅụọ iyi na gọọmentị steeti agaghị ekwe ka ihe ndị megharịa ha anya n’ọrụ ha.
“Ihe a dịka azụmaahịa nye Simon Ekpa, na-aghọ aghụghọ ka ọ na-alụrụ ndị Igbo ọgụ, mana ọ maghị ihe banyere ndị maọbụ nwee mmasị n’ọdịmma ha.”
21 Julaị 2024Aghọrọ m mgbọ egbe n’ihi ọchịchị onye kwuo uche ya – Donald Trump
Ebe foto si, Getty Images
Donald Trump na-azọ onyeisiala mba Amerịka agwala ndị bịara ọgbakọ achụmnta vootu ya na Michigan na ọ “ghọrọ mgbọ egbe n’ihi ọchịchị onye kwuo uche ya” n’oge a nwara igbu ya n’izu gara aga.
Ọgbakọ a nke ọtụtụ mmadụ bịara bụ nke mbụ Trump na osote ya bụ JD Vance ga-emekọta ọnụ bụkwara nke mbụ ya kamgbe a gbachara ya egbe.
Ọ gwara ndị nkwado ya ndị pati Democrats boro ya ebubo na ọ bụ “ihe iyi egwu nye ọchịchị onye kwuo uche ya” ma kwuo na ọ dị njikere iwerekwa obi ọchịchị ha bụ White House.
A na-eme nyocha banyere egbe ahụ a gbara n’izuụka gara aga bụ nke merụrụ Trump ahụ na ntị -a gbanweela akwa ọcha ahụ e jiri kechie ya ntị ebe ọ merụrụ ahụ.
Ọtụtụ ndị bịara ọgbakọ ahụ gwara BBC okwu, sịrị na egbe ahụ a gbara Trump nke merụrụ ya ahụ ma gbuo otu onye agaghị egbochi ha ịkwado Trump ji aha pati Republican azọ ọkwa.
Ụfọdụ kwuru na ọ bụ n’ihi egbe ahụ a gbara ya mere ha jiri bịa ọgbakọ nke Michigan.
Ọgbọka nke a e mere na Michigan bụ n’ime ụlọ nke nyere ndị ọrụ nchekwa ezi ohere inyocha onye ọbụla na-abata nke ọma – na-abụghị nke Butler Pennsylvania e mere n’ezi.
N’okwu ya Trump kelere puku igwe mmadụ bịara ịhụ ya n’ime otu izuụka a gbachara ya egbe na Pennsylvania.
Cheta na otu nwokoroọbịa gbara Trump egbe mgbe ọ na-agwa ọha okwu n’ọgbakọ achụmnta vootu na Butler dị na Pennsylvania n’izuụka gara aga mana o gbughi kama o merụrụ ya ahụ na ntị.
Ndị ọrụ nchekwa mecharagbagbuo nwamadị a bụ Thomas Mathew Crooks mana otu onye nwụrụ ebe mmadụ abụọ merụrụ ahụ.
21 Julaị 2024Igbo mma mma nụ ooo!
Ka ụbọchị ụka a maara unu mma.
Anyị ji aka na ezumike nke ngwụcha izuụka na-aga ọfụma?
Biko echefukwala ịnọnyere anyị n'ọgbakọ BBC News Igbo taa maka akụkọ ndị gbapụtara ihe n'ụwa.
20 Julaị 2024Ihe mere nkewapụta steeti Anioma ji dị mkpa – Regina Daniels Nwoko
Ebe foto si, Regina.Daniels/Instagram
Omeiheononyo nakwa nwunye Omeiwu Ned Nwoko esorola nzọmụkwụ di ya n’ịkpọ oku ka ekewapụta steeti ọzọ nke ndị Igbo a ga-akpọ “Anioma steeti”.
O kwuru nke a n’akara soshal midia ya ebe o weputara ihe onyonyo na-akpọ ya bụ oku.
Ọ rịrọrọ ndị ọnụ na-eru n’okwu gụnyere ndị Igwe obodo ndị dị n’Anioma, Ohaneze ndị Igbo nakwa ndị bi na mpaghara ebe ahụ ha wepu ndịniche n’etiti ha ma jikọọ aka ihụ na nkepụ a bịara na mmezu.
Na nkọwa ya Regina Daniels kwuru na Anioma nwere omenala, asụsụ, njikọ kemgbe oge gboo bụ ihe kepụrụ ha n’ebe okpuruọchịchị ndị ọzọ na Delta steeti ma bụrụkwa ihe jikọrọ ha na steeti ndị ọzọ n’ọwụwa anyanwụ.
Ihe ozọ o kwuru bụ na steeti ọhụru ahụ nwere ala zuru oke nakwa ọnatarachi dị n’ime ala ịzuuru onwe ya na ndị ya oke.
Ọ sịkwa na ọ ga-enye aka ime ka ndị ebe ahụ nwee ezi nnọchiteanya na gọọmentị etiti.
“Dịka ezi Ada Anioma m bụ, obi dị m ụtọ maka iwu obere a nke di m bụ omeiwu Ned Nwoke wepụtara n’ụlọomeiwu” ka Daniels kwuru.
Ọ sịkwa na nkepụta steeti ahụ ga-aza oku ndị mmadụ na-akpọ kemgbe gbasara ya.
“Ọ bụ ụzọ dị mkpa iji weta nhatanha, udo na ikpe nkwụmọtọ nye ndị mpaghara ahụ.” ka o kwukwara.
Cheta na ọ bụ n’ọnwa Juun afọ a ka Omeiwu Ned Nwoko kpọrọ oku ka ekewaputa steeti Anioma ebe nkwado iwu ga-eme ka ekewapụta “Orlu steeti” na mpaghara Imo na Anambra agafeela nyocha abụọ ya n’ụlọomeiwu.
20 Julaị 2024Philip Shaibu esila na PDP banye APC
Ebe foto si, Philip Shaibu/Facebook
Nkọwa foto, Philip Shaibu
Osote Gọvanọ Edo Steeti bụ Philip Shaibu esila na Peoples Democratic Party, PDP banye n'otu pati All Progressives Congress (APC)
N’okwu otu onye nwelitere isi na APC n’Edo steeti bụ Andrew Enwenta gwara BBC Igbo na APC Edo steeti nabatara Shaibu na igurube ndị nkwado n’otu pati APC taa, Satọde 20 Julaị, 2024..
Shaibu kwuru na ya laghachitara n’otu pati APC ka ya nweta ezi mgbanwe nakwa ọdịmma ndị Edo steeti gba gburugburu.
Ndị nabatara Shaibu na ndị nkwado ya gunyere aka chịburu steeti ahụ ma bụrụkwa sinetọ na-anọchitaanya Edọ North n’ụlọomeiwu ukwu Naịjirịa bụ Sịnetọ Adams Oshiomhole na otụtụ ndị otu pati APC ndịọzọ
20 Julaị 2024Joe Biden agbalaisiakwara na ya ga-azọ ọkwa onyeisiala mba Amerịka ọzọ
Ebe foto si, Getty Images
Nkọwa foto, Joe Biden
Onyeisiala mba Amerịka bụ Joe Biden agbalaisiakwara na ya ga-azọ ọkwa onyeisiala nke afọ a naagbeyeghị ọtụtụ oku ndị otu pati ya bụ Democrats na-akpọ ka ọ ghara izo ọkwa ahụ.
N’owku ya ụbọchị Fraịde Julaị 19, Biden kwuru na “Ihe dị na ntụliaka aka dị mkpa, anyị ga-enweta mmeri”.
Cheta na-enweela ọtụtụ oku ndị mmadụ kpọrọ banyere ahụike Biden n'ime izu ụka olele na ole gara aga.
Ndị otu pati Democrats na-ekwu na ọ ka mma ka osote onyeisiala bụ Kamala Harris bụrụ onye ga-eji aha pati Democrats zọọ ọkwa onyeisiala na ntụliaka Novemba 2024, mana Biden na-esiọ ọnwụ na ya agahị aritu dịka achụmnata vootu ya kwusituru obere.
19 Julaị 2024Ihe ndị uweojii Enugwu kwuru maka akụkọ na a tọọrọ mmadu 11 n’Amechi-Idodo
Ebe foto si, Enugu State Police
Ndị uweojii Enugwu steeti ekwuola na akụkọ ahụ na-efegharị nke kwuru na a tọọrọ mmadụ iri na otu n’Amechi-Idodo dị n’ụzọ si Enugwu gawa Abakaliki bụ asị ọcha.
Nke a dị n’akwụkwọ ozi ọnụ na-ekwuru ndị uweojii steeti ahụ Daniel Ndukwe wepụtarama kwuom na akụkọ a dị iche n’ihe mere ebe ahụ kpọmkwem.
O kwuru na nke bụ eziokwu ihe mere n’ụbọchị Tuzde 16 Julaị, 2024 bụ na ha natara ozi na ndị omekaome na-akpa ike ebe.
Nke mere ka ndị ọrụ ha gbara ọsọ wụchie ebe ahụ ma zọpụta mmadụ iri na atọ (13) nọ n’otuugbọala ‘bus’ mana mmadụ atọ ndị ọzọ gbara ọsọ n’ime ọhịa ka a ka na-achọ achọ rute ugbua.
O kwuru na kọmishọna uweojii bụ Kanayo Uzuegbu enyela iwu ka ndị uweojii gbaa mbọ chọta mmadụ atọ ahụ na-efu efu.
Ọ gakwara n’ihu dọọ ndị odeakwụkwọ aka na ntị ka ha kpachara anya n’ihe ha na-ede maka iji ya na-etinye ọhanaeze ụjọ n’ahụ.
19 Julaị 2024Ndị Boko Haram 263 awụsala ngwaọgụ n’okeala Nigeria na Cameroun
Ebe foto si, @HQNigerianArmy
Ndịagha ekwuola na ndị Boko Haram na-eyi ndụ egwu narị abụọ na iri isii na atọ (263) na ezinaụlọ ha achiliela aka n’okeala Naịjirịa na Kameruun malite n’abalị 10 ruo 17 nke ọnwa Julaị 2024.
Ozi ọnụ na-ekwuru ndịagha N’djamena Chad bụ Lieutenant Colonel Abubakar Abdullahi wepụtara n’ụbọchị Fraịde 19 Julaị 2024 kwuru na ndị oyi ndụ egwu malitere ịwụsa ngwaọgụ ha n’abalị 11 Julaị 2024.
Dịka ozi ahụ siri kwuo, ndị oyi ọha egwu ahụ bụ ụmụafọ Tumumba na Kutumgulla dị n’Okpuru ọchịchị Marte nke Naịjirịa.
Ka o sịladị, enyefeela ha n’aka ndịagha nọ n’ọrụ Hadin Kai maka ihe ndị ọzọ fọrọ afọ.
19 Julaị 2024Onyeisiala mba Rwanda ji vootu 99% merie na ntuliaka nke ugboro anọ
Ebe foto si, EPA
Onyeisiala mba Rwanda bụ Paul Kagame emeriela ọzọ na ntuliaka ọkwa onyeisiala mba ahụ dịka o ji pasentị 99% vootu niile a tụrụ merie.
Nwamadị a dị afọ 66 ji pasentị 98.6% merie ntuliaka afọ 2017, jiri 93% merie nke afọ 2010 ebe o ji pasentị 95% merie nke afọ 2003.
Ndị na-akatọ ya kwuru na ọ tụghị ha n’anya na Kagame ji ụdịrị aka ahụ merie na ntuliaka maka na ọ bụ onye ji aka ike achị ọchịchị.
Mana ndị nkwado kwuru na o meriri ka etu ọrụ ọma si dị maka na ọ gbanweela akụnaụba mba ahụ ma wulite ọnọdụ ha.
Kagame bụbu onyendu otu agha nnupuisi bụ onye ndịagha ya weere ọchịchị n’afọ 1994, ma kwụsị ikpu ọchụ nke tara isi mmadụ karịrị 800,000 n’ime ụbọchị 100.
Ụlọọrụ na-ahụ maka ntuliaka kagburu mmadụ atọ chọrọ izọ ọkwa nke gụnyere onye kachasị akatọ ọchịchị Kagame.
O kwere naanị mmadụ abụọ zọsa Kagame ọkwa ọchịchị ndị a bụ Frank Habineza nke Democratic Green Party na Philippe Mpayimana kwụụrụ onwe ya.
Ndị a nwetere vootu pasentị 0.53% na pasentị 0.32% na ntuliaka ahụ.
19 Julaị 2024Ihe mere anyị ji nabata 70,000 – Ndịisi NLC na TUC
Ebe foto si, @NLCHeadquarters
Otu jikọtara ndị ọrụ Naịjirịa bụ Nigeria Labour Congress (NLC) ekwuola na ha jụrụ ịnabata atụmatụ Onyeisiala Bola Tinubu ịkwụ ha narị puku naịra abụọ na iri ise (250,000) ma bulie ọnụego mmanụ ụgbọala.
Onyeisioche NLC bụ Joe Ajaero kwupụtara nke a n’ihe omume ụlọmgbasaozi Channels Television n’ụbọchị Tọzde 18 Julaị 2024.
Ajaero kwuru na ịnabata puku naịra iri asaa (70,000) dịka ụgwọọnwa opekatampe ọhụrụ bụ ụzọ kachasị mma isi napụta ụmụafọ Naịjirịa n’iheisiike.
N’okwu ya, Ajaero sịrị “na nzukọ anyị nwere izuụka gara aga, Onyeisiala wepụtara atụmatụ na ya ga-akwụ ndị ọrụ narị puku naịra abụọ na iri ise (250,000) ya bụrụ ma anyị ga-enye ya ohere ibuli ọnụahịa mmanụ ụgbọala mana anyị jụrụ ajụ ma gwa ya ka anyị gaa kpọtụrụ ndị otu anyị”.
“Taa, anyị gara ebe ahụ gwa ya na ndị ọrụ nwere ike ịchụ aja nke na-agaghị eme ka ndị Naịjirịa hujuo anya site n’ibulikwu ọnụahịa mmanụ ụgbọala,” ka Ajaero kwuru.
Ọ gara n’ihi kwuo na ihe mere ndị ọrụ jiri nabata puku naịra iri asaa (70,000) bụ n’ihi na a ga na-enyocha ụgwọọnwa opekatampe n’ime afọ atọ ọbụla na-abụghịzi afọ ise dịka ọ dịbu na mbụ.