You’re viewing a text-only version of this website that uses less data. View the main version of the website including all images and videos.
Off Cycle elections 2023: Diri ekelela ndị Bayelsa maka mmeri ya
Ntuliaka ọkwa Gọvanọ na Kogi, Bayelsa na Imo steeti ka o si aga.
Mkpuchi Na Eme Ozugbo
Chimezie UcheAgbo, Uche Akolisa, Ikechukwu Kalu, Chukwunaeme Obiejesi and Jessica Nwankwo
Etu ndị ojiegbe si gbuo mmadụ aghara aghara n’Imo steeti n’ime izuụka abụọ
A kwụsịtụla ikutu ụlọ ndị mmadụ n'Abule Ado Legọs ma malite inyocha akwụkwọ ha
Hope Uzodimma anatala asambodo mmeri ya
Gọvanọ na-achị Imo steeti bụ Hope Uzodimma anatala asambodo mmeri ya n'aka Inec taa bụ ụbọchị Fraịde n'Owere bụ isi obodo steeti ahụ.
Uzodimma n'okwu nnabata ya kwuru na ihe Inec mere egosila ndị mmadụ na ha nwereike ịnwe ntụkwasiobi na vootu ha ga-enwe isi.
O ji ohere ahụ kelee ngalaba na-ahazi ntuliaka bụ Inec maka ịhazi ntuliaka ọ sị bụ nke kachasị "nwe udo ma nye ohere ma bụrụ nke ziri ezi"
O kelekwara ndị ọrụ nchekwa maka nkwado ha nyere atụmatụ ntuliaka n'ụbọchị ahụ.
Cheta na Inec kpọpụtara aha ya dịka onye meriri ntuliaka ọkwa Gọvanọ Imo steeti e mere n'ụbọchị 11 nke ọnwa Nọvemba afọ 2023.
Ọ ga-achị afọ anọ ọzọ dịka iwu Naịjirịa si nye.
Ọ bụ eziokwu na a hụrụ ozu mmadụ 322 n’otu ili n’Anambra Steeti? Lee ihe anyị ma
Off-cycle elections: Diri ekelela ndị Bayelsa maka mmeri ya
Aka na-achị Bayelsa Steeti bụ Douye Diri ekelela Chineke na ndị Bayelsa maka mmeri ya na ntuliaka ọkwa Gọvanọ Bayelsa Steeti e mere n'abalị 11 nke ọnwa Novemba afọ 2023.
Diri Nke PDP ji vootu dị 175196 merie Timipre Sylva nke APC, onye nwetara vootu dị 110108, ebe Udengs Eradiri nke Labour Party nwetara vootu dị 905.
N'ozi nke Diri o wepụtara n'akara ọbaọzi ya n'X, ọ sịrị,"Ndị Abịa, ekele m ụnụ."
Ọ gara n'ihu kwuo sị, Mmeri a a bụ site n'ike nke Chukwu nakwa nkwado ụnụ nyere m iji gbara ụnụ odibo afọ anọ abụọ."
" Aga m aga n'ihu n'ịbụ gọvanọ mmadụ nile."
Diri emeriela na ntuliaka ọkwa Gọvanọ Bayelsa steeti
Aka na-achi Bayelsa steeti bụ Douye Diri nke PDP emeriela na ntuliaka ọkwa Gọvanọ afọ 2023 nke e mere ụbọchị Satode,abalị 11, nke ọnwa Novemba, afọ 2023, dịka ụlọọrụ na-ahazị ntuliaka bụ Inec si kpọpụta ya taa bụ Monde.
Gọvanọ Diri, onwe meriri n’Okpuru Ọchịchị isii n’ime asatọ dị na Bayelsa steeti nwetara vootu dị 175196, ebe Timipre Sylva nke APC nwetara vootu dị 110108, ebe Udengs Eradiri nke Labour Party nwetara vootu dị 905.
Lee ihe ngụkọ na-ekwu
Ndị debanyere aha: 1056862
Ndị nwere ikike ịtụ vootu: 372090
Vootu a tụrụ dị mma: 287554
Vootu ndị agbajọrọ: 3658
Vootu nnile a tụrụ: 291212
A malitela ngụkọ mpụtara ntuliaka Gọvanọ Bayelsa ọzọ
Ngalaba na-ahazi ntuliaka na Naijiria bụ Inec n'ịchafụ amalitela mkpọpụta mpụtara ntuliaka e mere na Bayelsa steeti ụbọchị Satode.
Inec kwụsiburu mkpọpụta mpụtara si okpuru ọchịchị dị na steeti ahụ Ụbọchịụka dịka ha hiwere nke fọrọ taa bụ Monde abalị 13, nke ọnwa Novemba afọ 2023.
Ahmed Usman Ododo emeriela ntuliaka Kogi steeti
Ngalaba Inec akpọpụtala aha Ahmed Usman Ododo dịka onye meriri ntuliaka ọkwa Gọvanọ Kogi steeti.
Ododo ji vootu 446,237 were rite mmeri a ebe onye so ya n'azụ bụ Muratala Yakubu Ajaka nke SDP ritere vootu 259,052 ebe Dino Melaye nke PDP nwetara 46,362.
Lee ihe ngụkọ na-ekwu
Ndị debanyere aha: 1,932,474
Ndị nwere ikike ịtụ vootu: 794,500
Vootu a tụrụ dị mma: 782,289
Vootu ndị agbajọrọ: 9,601
Vootu nnile a tụrụ: 791,890
A ga-akpọpụga mpụtara ntuliaka Bayelsa n'ụbọchị Monde
Ngalaba Inec ekwuola na ha ga-akpọchazi mpụtara ntuliaka ọkwa Gọvanọ Bayelsa steeti echi bụ ụbọchị Monde.
Ọnụ na-ekwuru Inec na Bayelsa steeti kwuru nke a na mgbede ụbọchị ụka ma kwuo na ha ga-amalite ebe elekere iri na abụọ nke ehihie.
Nke a mere n'ihi mpụtara ntuliaka nke ha ka na-edekọ n'okpuruọchịchị Brass nakwa ntuliaka emegharịrị n'ụfodụ ebe dị iicheiche na steeti ahụ.
Ọ kọwakwara na ụfọdụ ebe emere ntuliaka bụ obodo ndị dị n'ikpere mmiri nke mere a ka ji atụ anya na ha ga-erute n'isiobodo Yenogoa n'ụbọchị Monde.
Okpuruọchịchị ndị akpọpụtara bụ Kolokuma/Opokuma, Ogbia, Yenogoa, Sagbama, Nembe nakwa Ekrermor.
N'ime ndị a niile, APC meriri n'otu ebe dịka PDP meriri n'ebe ise.
ICPC anwụchiela mmadụ isii zụrụ vootu ndị mmadụ n'Imo steeti
Ndị ọrụ Independent Corrupt Practices Commission bụ ICPC n'ịchafụ ekwuola na ha anwụchiela mmadụ isii zụrụ vootu mmadụ na ntuliaka e mere n'Imo steeti.
Ngalaba ahụ depụtara n'akara X (bụbu Twitter) ha na ndị ọrụ ha nwụchiri ndị mmadụ n'ọgbọ ntuliaka asaa ma jichie nde naira anọ.
Ha sị na otu onye n'ime ndị ha nwụchiri ji akwụkwọ ebe e dere aha nakwa akara ekwentị ndị na-atụ vootu.
"Ndị niile anyị nwụchiri nọ n'aka anyị ugbua, anyị edetuola aha ha na okwu akaebe ha" ka ha dere.
Ha sị kwa na ha atọhapụla ndị ahụ nwamgbenta dịka nyocha ka na-aga n'ihu.
Ndị Imo, ụnụ emela- Uzodimma
Aka na achị Imo steeti bụ Hope Ụzodimma ekelela ndị Imo maka ịkwado ya na ntuliaka ọkwa Gọvanọ steeti ahụ e mere ụbọchị Satode.
Uzodimma nke APC ji vootu dị 540, 308 merie Sam Anyanwu nke PDP bụ onye nwetara vootu dị 71, 503, ebe Athan Achonu nke otu 'Labour Party' nwetara vootu 64, 081.
N'ozi ya ụbọchịụka dịka a kpọpụtachara aha ya dịka onye meriri na ntuliaka ahụ nke nyere ya ohere agba nke abụọ, Uzodimma sịrị, " Nkwado pụrụ iche ụnụ nyere m na ntuliak ụnyahụ tụrụ m n'anya."
"Ntụwasa obi ụnụ nwere n'm ịga n'ihu na edu steeti anyị bụ ihe mkpalite mmụọ.".
Ọ gara n'ihu kwee nkwa imezu nkwa nile o kwere oge ọ na-achụ nta vootu ma rịọ ndị ya na ya zọkọrọ na ntuliaka ahụ ka ha sonyere ya n'ịkwalite steeti ahụ.
Na Akpọtụ Ugbu A, Anyị ga-agbagha mmeri Uzodimma n'ụlọikpe - Ndị LP nke Imo steeti
Otu Labour Party n'Imo steeti eforola ntutu taa na ha ga-agbagha mmeri Hope Uzodimma nke APC n'ụlọikpe.
Onyeisioche otu ahụ n'Imo steeti bụ Callistus Iheagwa kwuru nke a mgbe ọ na-ezi ndị ntaakụkọ ozi dịka akpọpụtachara Hope Uzodimma dịka onye meriri ya bụ ntuliaka ọkwa Gọvanọ.
Iheagwa kwuru na atụmatụ ntuliaka ahụ juputere na mpụ na nrụrụaka.
O boro ndị ọrụ nchekwa ebubo na ha nyere ndị ọrụ Inec aka ihu na e mere wayo na ntuliaka ahụ iji mee ka Uzodimma merie.
Ha sị na mpụtara ntuliaka ahụ nke ezigbo ya gosiri na ọ bụ onye nke ha bụ Athan Achonu meriri ntuliaka ahụ.
Dịka ọ na gwa ndị ntaakụkọ okwu, Iheagwa sị na ntuliaka ahụ bụ "ohi e zuru n'ehihie nakwa mmetọ ọchịchị onyekwuoucheya"
Ọ sị na ntuliaka emeghi n'ụfọdụ obodo gụnyere Orsu, Orlu, Ideato North, Okigwe, Oguta nakwa Owerri Munincipal mana Inec gara n'ihu deere ha mpụtara ntuliaka
Ọ tara onye ọrụ Inec bụ Abayomi Fasina maka egeghị ntị n'okwu ndị a tupu ọ gaa ihu gụkọọ vootu ndị o ji ma kpọpụta Uzodimma dịka onye mmeri.
Ihejiagwa sị "ihe mere n'Imo steeti bụ adigboroja. Ọ bụ ihe ihere etu ndị ọrụ nchekwa si nye ndị ọrụ Inec na ndị otu APC ohere na nchekwa ịrụrụaka na ntuliaka ahụ".
Hope Uzodimma onwe ya na-akpọ oku ka ndị o meriri bịa ka ha jikọọ aka bulie Imo steeti.
Lee ka mkpọpụta mpụtara ntuliaka Bayelsa steeti si aga
Atọrọla ụfọdụ ndị ọrụ Inec na Brass dị na Bayelsa steeti
Ngalaba INEC na-elekọta ntuliaka na Naijirịa etiela mkpu na atọrọla ụfọdụ ndị ọrụ ha gara ọrụ n'okpuruọchichị Brass dị na Bayelsa.
Nke a na-abịa dịka a na-edekọ na agụkọ vootu ntuliaka ọkwa Gọvanọ emere na steeti ahụ.
N'ozi ha depụtara n'akara Twitter ha, ha kpọrọ ndị ọrụ nchekwa oku ha gbaa mbọ hụ na azọpụtara ndị ahụ.
Uzodimma emeriela na ntuliaka ọkwa Gọvanọ Imo steeti
Aka na-achị Imo steeti bụ Hope Uzodimma emeriela n'okpuru ọchịchị 27 dị n'Imo steeti, dịka Inec si kpọpụta.
Uzodimma, ji vootu dị 540, 308 merie Sam Anyanwụ nke PDP bụ onye nwetara vootu dị 71, 503. ebe Athan Achonu nke ou 'Labour Party' nwetara vootu 64, 081.
O nweghị pati n'ime 17 so APC zọọ ọkwa gọvanọ na ntuliaka e mere n'abaị 11 nke ọnwa Novemba afọ 2023 meriri n' okpuru ọchịchị ọbụla na steeti ahụ.
Imo State Governorship Election: Ndị Imo ekwuola na Uzodimma, a ga ya ugboro abụọ
Etu mpụtara ntuliaka ọkwa gọvanọ Imo Steeti si kwụrụ
Ideato North
Ndị debanyere aha ịtụ vootu: 86905
Ndị e nyere ikike ịtụ vootu: 9609
Vootu ndị a tụrụ dị mma: 9161
Vootu ndị a jụrụ ajụ: 389
Vootu niile a tụrụ: 9550
APC: 5271
LP: 1522
PDP: 2062
Ihitte Uboma
Ndị debanyere aha ịtụ vootu: 52108
Ndị e nyere ikike ịtụ vootu: 17537
Vootu ndị a tụrụ dị mma: 17358
Vootu ndị a jụrụ ajụ: 179
Vootu niile a tụrụ: 17537
APC: 11099
LP: 2766
PDP: 3077
Mbaitoli
Ndị debanyere aha ịtụ vootu: 153283
Ndị e nyere ikike ịtụ vootu: 24186
Vootu ndị a tụrụ dị mma: 23014
Vootu ndị a jụrụ ajụ: 972
Vootu niile a tụrụ: 23986
APC: 12556
LP: 4007
PDP: 5343
Ngor-Okpala
Ndị debanyere aha ịtụ vootu: 102048
Ndị e nyere ikike ịtụ vootu: 22111
Vootu ndị a tụrụ dị mma: 21492
Vootu ndị a jụrụ ajụ: 511
Vootu niile a tụrụ: 22003
APC: 14143
LP: 2716
PDP: 3451
E tiri onye nnọchiteanya Labour pati ihe na ngụkọ vootu Imo steeti
Ndị 'agent' pati dị icheiche kụrụ onye nnọchiteanya pati Labour ihe na ngụkọ vootu Imo steeti maka na o kwuru na o nweghi ntuliaka e mere n'Ọsụ na ntuliaka ọkwa gọvanọ e mere na steeti ahụ ụbọchị Satọde.Ihe a bụ nnukwute ihe ịtụ n'anya.
Etu mpụtara ntuliaka ọkwa gọvanọ Imo si kwụrụ
Ikeduru
Ndị debanyere aha ịtụ vootu:119987
Ndị e nyere ikike ịtụ vootu: 33662
Vootu ndị a tụrụ dị mma: 32183
Vootu ndị a jụrụ ajụ: 529
Vootu niile a tụrụ: 32712
APC: 22356
LP: 1377
PDP: 7258
Ehime Mbano
Ndị debanyere aha ịtụ vootu: 79212
Ndị e nyere ikike ịtụ vootu: 13027
Vootu ndị a tụrụ dị mma: 12484
Vootu ndị a jụrụ ajụ: 298
Vootu niile a tụrụ: 12782
APC: 6632
LP: 4958
PDP: 861
Orlu
Ndị debanyere aha ịtụ vootu: 103223
Ndị e nyere ikike ịtụ vootu: 49229
Vootu ndị a tụrụ dị mma: 48027
Vootu ndị a jụrụ ajụ: 359
Vootu niile a tụrụ: 48386
APC: 37614
LP: 2424
PDP: 3690
Ohaji/Egbema
Ndị debanyere aha ịtụ vootu: 107456
Ndị e nyere ikike ịtụ vootu: 21366
Vootu ndị a tụrụ dị mma: 20755
Vootu ndị a jụrụ ajụ: 494
Vootu niile a tụrụ: 21249
APC: 5271
LP: 1522
PDP: 2062