2023 Nigeria Elections: E nyela ndị meriri ọkwa gọvanọ Abia, Ebonyi na Enugwu Steeti asambodo mmeri
N'ụbọchị 29 na 30 ka e nyere ndị meriri ntuliaka ọkwa gọvanọ Abia, Ebonyi nakwa Enugwu Steeti asambodo mmeri ha dịka iwu Inec siri dị
Mkpuchi Na Eme Ozugbo
Chigozie Ohaka, Chukwunaeme Obiejesi and Uche Akolisa
Gọvanọ Ikpeazụ ekeleela Alex Otti maka mmeri ya dịka gọvanọ Abia Steeti
Ebe foto si, Abia state government/Alex Otti/Facebook
Gọvanọ Abia Steeti bụ Okezie Ikpeazu ekeela Alex Otti dịka ngalaba Inec kpọpụtara ya dịka onye meriri na ntuliaka gọvanọ Abia Steeti.
Nke a siterre n'akwụkwọ ozi onyeisi ntaakụkọ steetu ahụ bụ Onyebuchi Ememanka depụtara o kwuru sị, " Dịka anyị bịara n'isi njedebe nghọpụta a, a na m ekele Dr Alex Otti maka mmeri ya, site n'obi ị dị n'otu na ihụnayna ebe Abia steeti nọ, a na m agwa Otti na mmeri ya bụ oku ndị Abia Steeti kpọrọ ya maka ọdịmma steeti a".
Gbasara ị ga ụlọikpe maka ndị mpụtara ntuliaka a ejughị afọ, Ikpeazu kwuru sị, " mụ onwe m n'ime afọ atọ maara ihe m ghabigara n'ụlọikpe, a na m agwa ndị niile soro zọọ ọkwa a ka ha hapụ ime ka gọọmentị steeti a hapụ ọrụ ha kwesịrị ịrụ gaghariwa ụlọikpe. Ka anyị kwụsị nke a ma nye ha ohere ka ha rụọ ọrụ dị mkpa cheere ha n'ihu".
Ikpeazu ji ohere a keele ndị Abia steeti ma kwa ha ka ha nye gọọmentị ọhụrụ a nkwado niile ha kwesịrị iji hụ na ha rụrụ ọrụ ha nke ọma.
A kpọpụtala Peter Ndubuisi Mbah nke otu PDP dịka onye meriri gọvanọ Enugwu Steeti
Ebe foto si, Peter Ndubuisi Mbah/Facebook
Inec akpọpụtala Peter Ndubuisi Mbah nke otu PDP dịka onye meiri ntuliaka gọvanọ Enugwu steeti.
Bar. Peter Ndubisi Mba bụ onye ọkaiwu ma bụrụ onye Owoh dị n'okpuru ọchịchị Nkanu East n'Enugwu Steeti.
Dịka o siri dị, ndị otu APC na LP ekweghị itinye aka n'akwụkwọ nkwekọrịta ntuliaka a.
A kwụsịtụrụ ngụkọ mpụtara ntuliaka n'Enugwu steeti n'ihi nghọtahie dapụtara na mpụtara ntuliaka si n'okpuru ọchịchị Nsukka na nke Nkanu East.
Nghọtahie a mere ka ndịnkwado PDP na Labour Party malite ngagharịiwe, ndị ọbụla n'ime ha na-ekwu na ọ bụ onye nke ha meriri.
Ka o dị ugbua, a ka na-eche ịmata onye ga-enwe mmeri n'ime Peter Mba nke PDP na Chijioke Edeoga nke Labour Party.
Lee ka ndị otu Labour Party sị aṅụrị n'Abia Steeti
Tupu Inec akpọpụta mpụtara ntuliaka nke ọkwa gọvanọ Abia Steeti, ndị otu Labour pati gbakọrọ n'ogige ha nke dị na Bank road in Umuahia.
Na mpaghara ndị ọzọ n'Umuahia, ndị mmadụ na-aṅụrị kwa.
Inec akpọpụtala Alex Chioma Otti nke Labour Party dịka onye meriri ntuliaka gọvanọ Abia Steeti.
Ebe foto si, Alec Otti/ Facebook
Ọkammụta Nnenna Oti onyeisi oche ngalaba Inec nke Abia Steeti nke lekọtara mkpọpụta ntuliaka akpọpụtala Alex Otti dịka onye meiri ntuliaka nke gọvanọ Abia Steeti.
Ha ji ohere mgbe ya bụ mkpọpụta chọrọ ibido kwuo na enweghị mgbe Bvas jiri hapụ Obingwa ma sị na ha kporọ ndị ọkaibe gbasara ya bụ igwe Bvas ka ha bịa nyochaa ya.
Cheta na eyiharịrị ya bụ mkpọpụta mpụtara dịka ndị Inec kwuru na ndị omekome wakporo ụlọọrụ nke nọ ebe ahụ, ọzọ abụrụkwa ebubo na kepukepu nke na-ekwu na e nwere nrụrụka ana enyo ya bụ ntụliaka.
LEE KA HA SI KWỤRỤ
Okpuruọchịchị Obingwa n'Abia steeti
Ọnụọgụgụ aha dị n'akwụkwọ ntuliaka: 27664
Ọnụọgụgụ ndị e nyochara maka ịtụ vootu: 157,390
A - 187
AA - 12
AAC -22
ADC -37
ADP - 19
APC - 721
APGA - 1445
APM - 18
APP - 383
BP - 113
LP - 3776
NNPP - 49
NRM - 47
PDP - 9962
PRP - 12
SDP - 55
YPP - 3101
ZLP - 11
Vootu niile a gụrụ - 20000
Vootu niile a kagburu - 510
Vootu niile a tụrụ - 20510
Okpuruọchịchị Isikwuatọ n'Abia steeti
Ọnụọgụgụ aha dị n'akwụkwọ ntuliaka: 17229
Ọnụọgụgụ ndị e nyochara maka ịtụ vootu: 77747
A-21
AA-243
AAC-26
ADC-136
ADP-18
APC-872
APGA -3662
APM-14
APP-523
BP-15
LP-8228
NNPP-111
NRM-08
PDP-2204
PRP-07
SDP-38
YPP-269
ZLP-415
Vootu niile a gụrụ - 16810
Vootu niile a kagburu - 419
Vootu niile a tụrụ - 17229
OkpuruọchịchịIsialaNgwa NọọtAbia Steeti
Ọnụọgụgụ aha dị n'akwụkwọ ntuliaka - 102878
Ọnụọgụgụ ndị e nyochara maka ịtụ vootu: 32548
A-394
AA-08
AAC-12
ADC-77
ADP-20
APC-838
APGA-225
APM-29
APP-78
BP-09
LP - 7323
NNPP - 68
NRM - 26
PDP - 21741
PRP-14
SDP-36
YPP-1094
ZLP-18
Vootu niile a gụrụ - 32010
Vootu niile a kagburu - 517
Vootu niile a tụrụ - 32527
E nwere ọgbaaghara na 'ward' 9, Unit 12
OkpuruọchịchịIkwuanọ,Abia Steeti
Ọnụọgụgụ aha dị n'akwụkwọ ntuliaka - 79687
Ọnụọgụgụ ndị e nyochara maka ịtụ vootu: 13447
A-61
AA-37
AAC-15
ADC-261
ADP-21
APC-1198
APGA-499
APM-17
APP-515
BP-06
LP - 7054
NNPP-119
NRM-09
PDP-2427
PRP-01
SDP-332
YPP-276
ZLP-20
Vootu niile a gụrụ - 12868
Vootu niile a kagburu - 449
Vootu niile a tụrụ - 13317
OkpuruọchịchịArọchukwu,Abia Steeti
Ọnụọgụgụ aha dị n'akwụkwọ ntuliaka - 89614
Ọnụọgụgụ ndị e nyochara maka ịtụ vootu: 17771
A-247
AA-28
AAC-35
ADC-38
ADP-24
APC-1082
APGA-460
APM-17
APP-893
BP-22
LP - 12689
NNPP-100
NRM-06
PDP-1280
PRP-19
SDP-18
YPP-410
ZLP-17
Vootu niile a gụrụ - 17385
Vootu niile a kagburu - 350
Vootu niile a tụrụ - 17735
Ọgbaaghara mere ka a kagbuo ntuliaka na mpaghara Ututu nakwa Arochukwu 2
Ntụfe vootu mere ka a kagbuo ntuliaka n'Amuvi
OkpuruọchịchịIsialaNgwa SautAbia Steeti
Ọnụọgụgụ aha dị n'akwụkwọ ntuliaka - 85388
Ọnụọgụgụ ndị e nyochara maka ịtụ vootu: 21678
A-136
AA-4
AAC-14
ADC-39
ADP-22
APC-1580
APGA-366
APM-22
APP-124
BP-12
LP-7589
NNPP-105
NRM-40
PDP - 9093
PRP-13
SDP-20
YPP-1691
ZLP-42
Vootu niile a gụrụ - 20912
Vootu niile a kagburu - 692
Vootu niile a tụrụ - 21604
Okpuruọchịchị Bende Abia Steeti
Ọnụọgụgụ aha dị n'akwụkwọ ntuliaka - 105182
Ọnụọgụgụ ndị e nyochara maka ịtụ vootu: 22492
A-48
AA-23
AAC-32
ADC-459
ADP-124
APC-2143
APGA -947
APM-44
APP-2733
BP-17
LP - 9886
NNPP-110
NRM-33
PDP-3410
PRP-11
SDP-34
YPP-1667
ZLP-45
Vootu niile a gụrụ - 21766
Vootu niile a kagburu - 675
Vootu niile a tụrụ - 22441
E nwere ọgbaaghara na mpaghara Bende na Uzuakoli nke mere ka a kagbuo ntuliaka na polling unit olemole ebe ahụ.
Okpuruọchịchị Ukwa West Abịa Steeti
Ọnụọgụgụ aha dị n'akwụkwọ ntuliaka - 67990
Ọnụọgụgụ ndị e nyochara maka ịtụ vootu: 11670
A-29
AA-01
AAC-05
ADC-130
ADP-14
APC-1209
APGA -830
APM-24
APP-699
BP-04
LP-2833
NNPP-24
NRM-13
PDP - 4622
PRP-04
SDP-18
YPP-890
ZLP-22
Vootu niile a gụrụ - 11371
Vootu niile a kagburu - 289
Vootu niile a tụrụ - 11660
Okpuruọchịchị Umunneochi Abịa Steeti
Ọnụọgụgụ aha dị n'akwụkwọ ntuliaka - 76813
Ọnụọgụgụ ndị e nyochara maka ịtụ vootu: 13702
A-156
AA-06
AAC-25
ADC-71
ADP-28
APC-2034
APGA-581
APM-16
APP-679
BP-04
LP - 5940
NNPP-76
NRM-07
PDP-3198
PRP-08
SDP-09
YPP-314
ZLP-12
Vootu niile a gụrụ - 13164
Vootu niile a kagburu - 340
Vootu niile a tụrụ - 13504
Okpuruọchịchị Ukwa East
A- 16
AA-06
AAC-11
ADC-13
ADP-08
APC-560
APGA-646
APM-05
APP-890
BP-05
LP-2273
NNPP-28
NRM-07
PDP - 2329
PRP-08
SDP-24
YPP-759
ZLP-17
Vootu niile a gụrụ - 7595
Vootu niile a kagburu - 166
Vootu niile a tụrụ - 7761
‘Ntuliaka abụghị agha’ – Okwu Gbadebo Rhodes-Vivour ka ọ gara zute ezinụlọ ndị nwụrụ na ntuliaka
Ebe foto si, Gbadebo Rhodes-Vivour
Onye zọọrọ Labour
Party ọkwa gọvanọ na Legọs steeti bụ Gbadebo Rhodes-Vivour ezipụtala ozi dịka o
kwuru na kemgbe e mechara ntuliaka ahụ na ọ na-agagharị ụlọọgwụ dị iche iche ma
na-enye ndị mwakpo so ntuliaka ọkwa gọvanọ Legọs metụtara ego enyemaka.
Ozi ya na
Twitter katọrọ mwakpo ndị a ma kwuo “Ọchịchị kwesịrị ichekwa ndị mmadụ, ọ kwesịghị
ịkpata nkwafu ọbara ndị ị kwesịrị ịgbara odibo.”
O boro
ebubo na ọ bụ pati nọ n’ọchịchị bụ ihe zitere ndị wakporo ndị mmadụ pụtara ịtụ
vootu dịka o kwuru:
“E jirila m
abalị olemole na-aga eeleta ezinaụlọ ndị tufuru ndụ ha maka ịpụta tụọ vootu na
Satọdee bụ ndị pati nọ n’ọchịchị tinyere tigbuo zọgbuo gburu ha.”
Tigbuo-zogbuo,
iyi egwu na mkpagbu bụ ihe so ntuliaka ọkwa Gọvanọ na ụlọomeiwu steeti n'ọtụtụ
steeti e mere ntuliaka n’ụbọchị 18 nke ọnwa Maachị, 2023.
Akụkọ mmajia na mwakpo ndị pụtara ịtụ vootu dapụtara nke
ukwuu n’akụkụ dị iche iche na Legọs ụbọchị ahụ.
Ụfọdụ ihe onyonyo ndị gbara na soshal midia gosiri ndị a
na-eche bụ ndị na-akwado otu APC ka ha nọ na-agwa ndị mmadụ ndị achọghị ịtụrụ
pati ha vootu ka ha 'lawa be ha'.
BBC nyochara ụfọdụ ihe onyonyo ndị ahụ, were chọpụta na otu
n'ime ha mere n'akụkụ Mafoluku, dị na mpaghara Oshodi, Legọs.
BBC nyochakwara ihe onyonyo gosiri ebe ọgbaghara dapụtara n’etiti
ndị chọrọ itụ vootu na ndị agboro bịara ikposa atụmvootu na Star Times Estate dị
na Legọs zụkọrọ.
Ụlọọrụ mba Amerịka na Naịjirịa katọrọ ihe ndị a ma kwuo na ha ga-enye ndị a hụrụ na aka nọ n'ime okwu ntaramahụhụ nke gụnyere mmachi ha ịbata mba ha.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post
Ndị na-achọ ịkụchapụ mmeri Bola Tinubu na ntuliaka na-arọ nrọ ọcha – Ayo Fayose
Ebe foto si, GovayoFayose
Aka chịburu
Ekiti steeti bụ Ayodele Fayose ekwuola na ndị na-achọ ka a kagbuo nhọpụta Bola
Tinubu dịka onye ga-achị Naịjirịa na-arọ nrọ ọcha.
O kwuru nke
a n’ụbọchị Tuzde na mkparịtaụka ya ụlọ ntaakụkọ Channels TV.
N’okwu ya, ọ
sị:
“Onye ọbụla
na-ekwu na ọ ga-anapụ Ahmed Bola Tinubu ọchịchị a na-arọ nrọ ọcha, onye ahụ
na-etinye onwe n’ime ajọ nrọ; ntuliaka abịala, laa ma chịsa ọwa ya”
“Ị na-ekwu
okwu ibupụ okwu a ụlọikpe, ọ dị gị ka ndị ọzọ ga na-ele gị anya ka ịkụpụ ha n’ụlọikpe?”
O kwuru na ọ
naghị echela uche azụ n’okwu nkwado o nyere Bola Tinubu agbanyeghi na ọ bụ onye
PDP.
Ọ gara n’ihu
kwuo na ihe o mere so mkpebi ụfọdụ n’ime ndị pati ha zụkọrọ mee iji hụ n’ọchịchị
ruru ndị ndịda Naịjirịa aka.
Okwu Fayose
kwuru rụrụ aka na mkpesa Peter Obi nke Labour Party na Atiku Abubukar nke PDP buuru
gaa ụlọikpe maka ịgbagha mmeri Bola Tinubu nwetere na ntuliaka ọkwa onyeisiala
Naịjirịa 2023.
A ga-amalite ngụkọ mpụtara ntuliaka Abia steeti n'elekere anọ nke mgbede taa
Ebe foto si, Alex Otti/Okey Ahiwe
Ngụkọ mpụtara ntuliaka n'Abia Steeti ga-amalite ọzọ n'elekere anọ nke mgbede taa, dịka ọnụ na-ekwuru Inec na steeti ahụ bụ Bamidele Oyetunji si kwuo.
Inec kwụsịburu ngụkọ mpụtara ntuliaka n'Abia steeti n'ihi ebubo nrụrụaka na ntuliaka e mere n'okpuru ọchịchị Obingwa.
Naanị mpụtara ntuliaka nke okpuruọchịchị Obingwa bụ nke ọ fọdụrụ tupu a kpụta onye meriri ntuliaka ọkwa gọvano Abia steeti.
Ka ọ dị ugbua, a kpọọla mpụtara ntuliaka si n'okpuru ọchịchị 16, Alex Otti nke Labour Party emeriela n'okpuru ọchịchị 10, PDP meriri n'okpuru ọchịchị ise, ebe YPP meriri n'otu okpuru ọchịchị.
Ngụkọ mpụtara ntuliaka n'Enugwu Steeti ga-amalite ọzọ n'elekere ise
Ebe foto si, Peter Mba/Chijioke Edeoga
Inec ekwuola na ngụkọ mpụtara ntuliaka ọkwa gọvanọ n'Enugwu steeti ga-amalite ọzọ n'elekere ise nke mgbede taa bụ Wenezde, Maachị 22, 2023.
Ọnụ na-ekwuru Inec n'Enugwu bụ Victor Okafor gwara BBC nke a ma kwuo na a ga-akapị mpụtara ntuliaka niile ahụ ọnụ ma kpọpụta onye meriri.
Cheta na Inec kwụsịtụrụ ngụkọ mpụtara ntuliaka n'Enugwu n'ihi nghọtahie dapụtara na mpụtara ntuliaka si n'okpuru ọchịchị Nsukka na nke Nkanu East.
Nghọtahie a mere ka ndịnkwado PDP na Labour Party malite ngagharịiwe, ndị ọbụla n'ime ha na-ekwu na ọ bụ onye nke ha meriri.
Ka o dị ugbua, a ka na-eche ịmata onye ga-enwe mmeri n'ime Peter Mba nke PDP na Chijioke Edeoga nke Labour Party.
"Wepụnụ onye isi ngụkọ ntuliaka Abia Steeti" - Ihe gọọmentị Abia gwara Inec
Ebe foto si, Okezie Ikpeazu/Nnenna Oti
Gọọmentị Abịa Steeti akpọkuola isi ụlọọrụ Inec dị n'Abuja ka ha wepụ onyeisi ngụkọ mpụtara ntuliaka ọkwa gọvanọ e mere n'Abia Steeti, bụ Ọkammụta Nnenna Nnannaya-Oti.
Kọmishọna mgbasaozi Abia Steeti bụ Eze Chikamnayo kwuru na o doro anya na ndị Labour Party nakwa onye zọrọ ọkwa gọvanọ na pati ahụ bụ Alex Otti na-agwa ọkammụta Nnenna Oti ihe ọ na-eme.
"Akụkọ ekwuola na onyeisi ngụkọ mpụtara Ntuliaka bụ Oriaku Nnenna Otti na Alex Otti bụ ụmụnne. Ya mere e kwesịrị iwepụ ya n'ọkwa ahụ ugbua maka na ọ gaghị abụ onye isi ọkaikpe n'okwu metụtara ya," Chikamnayo dere n'akwụkwọ ozi o zipụrụ n'ụbọchị Tuzde.
"Site n'akparamagwa ya, O (Nnenna Oti) gosila na ọ bụghị onye chọrọ inye ikpe ziri ezi kama ọ bụ onye kwụnyeere otu ndị."
Chikamnayo gara n'ihu bo Alex Otti na Labour Party ebubo ime ọtụtụ nrụrụaka na iwepụta mpụtara ntuliaka na-abụghị etu ndị mmadụ si tụọ vootu.
"Inec kwesịrị iji igwe BVAS nyochaa mpụtara ntuliaka niile e debanyere n'akwwụkwọ 'form EC8A' nke okpuru ọchịchị niile. Ha mee nke a, ha ga-achọpụta na mpụtara ntuliaka niile nke Alex Otti na ndị otu ya bupụtara bụ adigboroja, ma kagbukwaa ha niile," ka Chikamnayo dere.
Anyị na-ekele gị dịka ị na-esonyere anyị na mgbasaozi nke taa.
Ya gaziere gị.
Ihe isi ụlọọrụ mba Amerịka na Naịjirịa kwuru maka ntulika 2023
Ebe foto si, USinNigeria/Twitter/BBC
Ụlọọrụ mba
Amerịka na Naịjirịa bụ ‘US mission in Nigeria’ ezipụta ozi ihe ndị ha ji anya
ha hụ n’oge ntuliaka ọkwa gọvanọ nakwa nke ndị ụlọomeiwu steeti Naịjirịa.
Ozi nke pụtara
n’ụbọchị Tuzde kwuru
“Mba Amerịka
nọ n’ụjọ etu mwakpo, mmaja na mkpagbu ndị chọrọ ịtụ vootu, siri soro ntuliaka
ndị e mere na Legọs, Kano nakwa steeti ndị ọzọ”
“Ọ bụ ihe e
kwesịrị ilebaranya etu ozi ịkpaoke agbụrụ siri rie elu tupu nakwa n’oge
ntuliaka ọkwa gọvanọ na Legọs steeti”
“Anyị
na-akpoku gọọmentị Naịjirịa ka ha nwudo ndị mere ihe ndị a ma kpee ikpe ziri n’isi
ha ma ahụ n’aka dị n’atụmatụ mmaja na tigbuo zọgbuo dapụtara n’oge ntuliaka a”
Ụlọọrụ gara
n’ihu kwuo ihe dị ha n’obi ime ndị okwu a metụtara dịka ha kwuru:
“Anyị ga-atule
inye ndị a ntaramahụhụ dịịrị ha nke gụnyere mmachị inye ndị aka nọ n’ime ndị a
akwụkwọ ikike ibata mba Amerịka.”
Ha gara n’ihu
kwuo na ha na ndị ọrụ nlebanya n’usoro ntuliaka ndị ọzọ na-adụ Inec ndụmọdụ ka
ha hazie usoro ntuliaka ha nakwa ngwa teknụzụ ha.
Ha gbakwara
ndị nwere mkpesa banyere etu ntuliaka ahụ siri gaa ka ha buru ya gaa ụlọikpe.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
Ebe foto si, Chukwuma Soludo/Bola Ahmed Tinubu/Facebook
Aka na-achị Anambra Steeti bụ Chukwuma Soludo ekeleela onye meriri ntuliaka ọkwa Onyeisiala Naịjirịa bụ Bola Ahmed Tinubu, ma werekwa ohere ahụ kpọkuo ya ka ọ tọhapụ Mazi Nnamdi Kanu ma ọ banye n'ọchịchị.
Nke a dị n'akwụkwọ ozi nke Soludo wepụtara n'ụbọchị Tuzde gbasara ntuliaka Naịjirịa nke bịarala n'isi njedebe.
Soludo kwuru na ihe dị mkpa ugbua bụ ka ọgwụgwọ mwugharị malite na Naịjirịa ọ kachasị dịka o si metụta ọnọdụ nchekwa, na ọnọdụ akụnụba.
"Ana m ekele Onyeisiala ahọpụtara ọhụrụ bụ Asiwaju Bola Ahmed Tinubu maka mmeri ya na ntuliaka, na-ekelekwa ndị so ya zọọ ya bụ ọkwa maka ike ha kpara na ya bụ ndọrọndọrọ," Soludo dere.
"Otu ihe anyị ga-arụtụrụ gị (bụ onyeisiala ọhụrụ) aka bụ ihe gbasara mwulite ọnọdụ nchekwa na mpaghara Ọwụwa Anyanwụ nke bụ ihe dị nnukwu mkpa ma kwesịkwa ime ya ngwa ngwa.
"Ọ bụ eziokwu na atụmatụ dị icheiche anyị na-etinye maka mwulite ọnọdụ nchekwa na-amịta mkpụrụ, anyị kwenyere na a ga-enwe ezi nchekwa ga-anọte aka site n'atụmatụ na-abụghị nke aka ike kama nke ịkpọkọta ndị niile okwu ahụ metụtara ka e nwee mkparịtaụka.
"N'ihi nke a, ana m arịọkwa Onyeisiala ọhụrụ arịrịọ ọzọ, dịka m meburu n'oge mbụ, ka ọ tọhapụ Mazi Nnamdi Kanu na mkpọrọ ngwangwa o malitere ọchịchị (ma ọ bụrụ na a tọhapụbeghị ya ruo oge ahụ).
"Ọ bụ onye dị mkpa kwesịrị isonye n'ọgbakọ ahụ a ga-enwe iji weta ọgwụgwọ nakwa udo zuru oke na mpaghara Ọwụwa Anyanwụ."
Soludo kwuru na onye ọbụla nwere mkpesa maka mpụtara ntuliaka nwere ikike iwega mkpesa ya n'ụlọikpe.
"Party nke mụ onwe m bụ 'All Progressives Grand Alliance' (Apga) nwereike ịga ụlọikpe ịga wetaghachi mmeri anyị nwetara nke a napụrụ anyị," ka o kwuru.
Soludo kwuru na ya na-ekwe ndị niile nwetara mmeri n'ụlọ omeiwu Anambra state nkwa nkwado ya, ma na-akpọku ha ka ya na ha jikọọ aka ọnụ maka ọdịmma Anambra Steeti.
Etu Peter Obi siri katọọ nnwụchi nwaamadị a na-akpọ Chude na Soshal Midia
Ebe foto si, Peter Obi/Twitter
Onye zọọrọ Labour Party ọkwa na ntuliaka onyeisiala 2023 bụ
Peter Obi etinyela ọnụ n’okwu ọtụtụ ndị mmadụ kpụ n’ọnụ kemgbe abali olenaole.
Ozi Obi katọrọ nnwụchie nwaamadi ọtụtụ ji aha ‘Chude’ mara
na soshal midia Twitter.
Obi kwuru na nwụchị ya maka ihe ọ chị bụ ozi ndị ọ kesara na
Twitter gosiri na “isoro usoro iwu, ndị mmadụ inweike nye ndị ọchịchị ntuziaka
nakwa usoro ọchịchị ziri ezi na Naịjirịa na-adatusiike”
Obi kwuru na nchọpụta o mere site n’ọtụtụ ịjụ ajụjụ gbara n’anwụ
na ndị uweojii nwụchiri Chude maka nkatọ onyere ụfọdụ ndị nọ n’ọchịchị.
Ọ gara n’ihu kwuo:
“Ọtụtụ na-eso ịnọ n’ọchị nke otu n’ime ya bụ ndị mmadụ inwe echichi
dị iche iche banyere ndị ọchịchị.”
“Anyị nwereikike isa ihe mmadụ na-ekwu, mana iji ikike ọchịchị
emegbu ndị mmadụ agaghi abụ ihe dịrị anyị mma dịka ndị mmadụ nakwa ndị nọ n’’ọchịchị”
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post, 1
Cheta na akụkọ pụtara n’abalị Satọdee na a nwụchiri Chude.
Ụfọdụ kwukwara na ọ bụ ntọrọ ka a tọọrọ ya.
Gọvanọ Chukwma Soludo mechara zipụtara ozi n’ehihe Sọnde ma gbaa ama na ndị uweojii Anambra nwụchiri nwaamadị ahụ n’ezie.
Soludo kwuru na ọ bụ ngalaba ndị uweojii ụị̀a na-ahụ maka iji ịntanetị mee mpụ nwụchiri ya ma kpọga ụlọọrụ ha nọ n’Abuja.
O kwukwara na ndị uweojii Anambra amaghị maka ebubo nọ n’isi ya maọbụ ihe mere e jiri nwụchie ya kpọm kwem.
Chude so na ndị nkwado otu Labour Party a ma ama nke uweojii dịka o ji ọbaozi soshal midia gbasoo atụmatụ ịchụrụ pati ahụ nta vootu kemgbe ọnwa ole m ole gara aga.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post, 2
Ihe Tinubu gwara Buhari na ndị Naịjirịa maka ntuliaka 2023
Ebe foto si, Bola Ahmed Tinubu/Facebook
Bola Ahmed Tinubu
bụ onye Inec kwuru nwtere mmeri na ntuliaka onyeisiala 2023 ezipụtala banyere
ntuliaka ọkwa onyeisiala, nke gọvanọ na nke ndị omeiwu emechapụrụ na Naịjirịa.
Ozi a o
zipụtara na Tuzde toro onyeisiala Muhammadu Buhari maka etu o siri hibe ntọala
nakwa ụkpụrụ ndị mere ka ntuliaka bụrụ ihe bịara na mmezu.
Ọ gara n’ihu
kwuo banyere akụkọ mwakpo na ọgbaghara ndị dapụtara n’oge ntuliaka ndị a.
Ozi ya dere:
“Ọ bụ ihe nwute
na e nwere akụkọ ọgbaghara dapụtara n’oge ntuliaka a n’ụfọdụ steeti. Ana m akatọ
ihe ndị a. Akụkọ maka ebe ndị a sị agbara ọkụ dịka e mechapụrụ ntuliaka ọkwa
gọvanọ n’otu steeti egosighi ụkpụrụ anyị dịka ndị udo na ịhụnaya na-amasị.”
“Ntuliaka
kwesịrị ịbụ ohere ngosi ntozuoke ọchịchị onye kwuo uche ya nakwa nnwereonwe ndị
mmadụ n’atụmatụ ịhọrọ ndị ha chọrọ, okweghi ịbụ oge iru uju. Nke kacha wute m
bụ etu okwu ịkpaoke agbụrụ siri jụpụta ebe niile bụ ihe nwereike ịkpata
ọgbaghara n’akụkụ dị iche iche.”
“Dịka aka
chịbụrụ Legọs steeti, ama ike dị n’ime ndị mmadụ ịjịkọaka ọnụ ma nabata onwe ha.
Dịka onye a họpụtara ga-achi Naịjirịa, ụdịrị mmụọ a anyị hibere na Legọs bụ ihe
m chọrọ ibubata n’ọchịchị Naịjirịa.”
Ọ gara n’ihu
kwuo na ọ ga-agba mbị chekwa ndụ ndị mmadụ na ikiek dịrị ha ime ha dị ha mkpa
dịka iwu siri nye ohere ya.
Ọ kwekwara nkwa
ikwalite ikpe siri ezi, ịdanotu nakwa igbachiri mmadụ niile na Naịjirịa.
Na nchịkọta,
o kwuru na ọ dịịla njikere ịchị Naịjirịa dịka onyeisiala.
Inec
kpọpụtara Tinubu dịka onyeisiala agbanyeghi na ụfọdụ ndị zọrọ ọkwa ahụ ekweteghiri
usoro ntuliaka nyere ya ọchịchị nke mere ha jiri buru okwu ahụ gawa ụlọikpe.
Peter Obi zọrọ
Labour Party ọkwa ebughala mkpesa ụlọikpe n’uju dịka a ga-amalite ya bụ ikpe n’oge
adịghị anya.
Ọ bụrụ na ụlọikpe
kwuo na mmeri Tinubu ziri ezi, a ga-edu ya iyi ọrụ n’ụbọchị 29 nke ọnwa Mee,
2023 dịka ọ ga-aga n’ihu chịa Naịjirịa n’afọ anọ na-abịa abịa.
"Ọ bụ mụ ka ọkwa Senate President ruuru" - Orji Uzor Kalu
Ebe foto si, Orji Uzor Kalu
Aka chịburu Abia Steeti bụ Orji Uzor Kalu ekwupụtala mmasị ya ịzọ ọkwa onyeisi ụlọ omeiwu ukwu nke Naịjirịa, ma kwuo na ọ bụ ya ka ọkwa ahụ ruuru.
Kalu kwuru nke a na mkparịtaụka ya na ndị ntaakụkọ n'ihe onyonyo nke ụlọ ntaakụkọ Daily Trust wepụtara n'ụbọchị Tuzde.
O kwuru na ọ bụrụ na ya merie ọkwa ahụ na ọ ga-etinye Naịjirịa n'ọnọdụ mbụ n'ihi ọbụla ọ na-eme.
"Ọ bụrụ na m nweta mmeri, aha mbụ ọchịchị m ga-abụ 'team Nigeria', aha nke abụọ ga-abụ 'team Nigeria', aha nke atọ ga-abụ 'team Nigeria'," Kalu kwuru.
"Ụnụ ga-echeta na agbanwebeghị m akara ekwentị m kamgbe afọ 24 m ji bụrụ gọvanọ ruo ugbua. Oru akara ekwentị ahụ ka m nwere nke onye ọbụla na Naịjirịa nwere ike iji nweta m.
"Agaghị m agbanwekwanụ akara ekwentị ahụ ma ọ bụrụ na m merie ọkwa onyeisi sinet. Ya mere m ji nwee nchekwube na ụmụ Naịjirịa niile ga-ekpere m ekpere ka m bụrụ onyeisi sineti, maka na ọ bụ mụ ka o ruuru."
Gregory Ibe ekeleela Alex Otti na ntuliaka Abia Steeti
Ebe foto si, Gregory Ibe/Alex Otti
Onye zọrọ ọkwa Gọvanọ Abia steeti na pati 'All Progressives Grand Alliance' (APGA) bụ Gregory Ibe, ekeleela Alex Otti nke Labour Pati dịka a na-eche ka Inec kpọpụta mpụtara ntuliaka ọkwa gọvanọ e mere na steeti ahụ n'ụbọchị Satọde, Maachị 18.
Ibe kwuru na ọ bụ eziokwu na Inec akwụsịla ngụkọ mpụtara ntuliaka n'Abia Steeti, "mana na ndị nke a kpọpụtarala, o doro anya na Alex Otti nke Labour Party nwetara vootu ga-ezu iji kpọpụta aha ya dịka onye meriri ntuliaka ahụ."
"Ya mere, dịka a na-eche ka Inec kpọpụta kpọmkwem onye meriri ntuliaka a, achọrọ m ikele Dr Alex Otti maka nkwụdosi ike ya ịhụ na Abia Steeti pụtara n'ọnọdụ ọchịchị ọjọọ ọ nọ n'ime ya kamgbe ọtụtụ afọ."
Ibe rịọkwara Inec ka ha gbado anya ma hụ na ha mere ihe kwesịrị ekwesị na ngụkọ nakwa mkpọpụta mpụtara ntuliaka ọkwa gọvanọ Abia Steeti dịka iwu 'Electoral Act' si kwuo.
Cheta na Inec akpọpụtala mpụtara ntuliaka n'okpuru ọchịchị 16 n'Abịa Steeti, ọ fọdụ naanị otu nke bụ Obingwa.
N'ime ndị ahụ akpọpụtarala, Alex Otti nke Labour Party meriri n'okpuru ọchịchị iri, Okey Ahiwe nke PDP meriri n'okpuru ọchịchị ise, ebe Enyinnaya Nwafor nke YPP meriri n'otu okpuru ọchịchị.
Siminialayi Fubara nke PDP emeriela ntuliaka ọkwa Gọvanọ na Rivers Steeti
Ebe foto si, Sir Siminalayi Fubara/Facebook
Onye zọrọ ọkwa gọvanọ Rivers Steeti n'otu 'Peoples Democratic Party' (PDP) bụ Siminialayi Fubara, emeriela ya bụ ntuliaka dịka Inec si kpọpụta.
Onyeisi ngụkọ mpụtara ntuliaka na Rivers Steeti bụ ọkammụta Akpofure Rim-Rukeh kpọpụtara nke a n'abalị ụbọchị Mọnde n'isi ụlọọrụ ndị Inec dị na Pọt Hakọt.
Fubara nwetara vootu 302,614 iji turu ugo, ebe onye nke abụọ bụ Tonye Cole nke 'All Progressives Congress' (APC) nwetara vootu 95,274.
Onye gbara onye nke atọ bụ Magnus Abe nọ n'otu 'Social Democratic Party' (SDP) dịka o nwetara vootu 41,698, ebe onye nke Labour Party, Beatrice Itubo, nwetara vootu 22,224 iji bụrụ onye nke anọ.
Ọkammụta Akpofure kwuru na vootu a tụrụ na ntuliaka a dị 494,604, mana a kagburu vootu 10,670.
Ụtụtụ ọma nụ
Igbo bụ Igbo ndewo nụ.
Ụnụ asaala chi.
Ngwa ka anyị malite mgbasaozi nke ụbọchị taa. Ya gazie.
Nchịkọta ihe ndị mere n'Abịa steeti n'oge ngụkọ vootu n'ụbọchị Mọnde
Aha onyonyo, Ihe ndị nọ n’Abịa na-ekwu maka ngụkọ a na-eme n’Abia steeti
Onye ntaakụkọ
BBC n’Abịa steeti mere ngagharị n’isiobodo Abia steeti bụ Umuahia jụọ ọtụtụ ndị
mmadụ etu obi dị ha banyere ngụkọ vootu Inec na-eme na steeti ahụ.
Nke a na-abịa dịka ozi n’aka ụlọọrụ Inec n’ehihe Mọnde
kwuru na ha ekpebiela ịkwụsịtu ngụkọ vootu n’akụkụ okpuruọchịchị ụfọdụ na
steeti abụọ na mpaghara Ọwụwa Anyanwụ Naịjirịa.
Steeti abụọ a bụ Abịa steeti ebe ozi ha kwuru na ndị agboro wakporo isi
ụlọọrụ ha n’Obingwa ma jichie ndị ọrụ ha.
N’Enugu, ụfọdụ mere ngagharịiwe dịka ndị nkwado pati abụọ bụ PDP na LP
na-ekwu na ha chọrọ ka agụgharị vootu ndị agụrụ si okpuruọchịchị Nsukka na
Nkanu West.
Ya bụ ihe mere Inec ji kpebia ịkwụsịtu ngụkọ ka ha nweeike tinye anya
ngwa ngwa n’okwu ndị a tupu amalite ọzọ ma chịkọta ngụkọ vootu.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post
Inconclusive: Inec ekwuola na ntuliaka n'Adamawa akapịghị ọnụ
Ebe foto si, Aishatu Dahiru/Ahmadu Fintiri/Facebook
Dịka anya ọha na-ele Adamawa steeti
kemgbe, Inec ekwuola na Mọnde a na ntuliaka ọkwa gọvanọ e mere na steeti ahụ na
Satọdee akapịghị ọnụ.
Otu n’ihe mere anya ndị mmadụ jiri chadoo
na steeti ahụ bụ na a na-ele anya ịhụ ma a ga-akpọpụta aha Sịnetọ Aishatu Dahiru dịka onye mmeri.
Nke a ga-eme
Dahiru nwaanyị mbụ ga-achị steeti ọbụla dịka gọvanọ site n’usoro ntuliaka.
Ka ọ dị
ugbua, Dahiru na-azọrọ All Progressives Congress (APC) ọkwa na steeti ahụ enwetela vootu 390, 275 ebe ogbo ya nke onye PDP bụ gọvanọ Ahmadu Fintiri nweterela vootu 421,524.
Onyeisi
ngụkọ vootu n’ụlọọrụ Inec
steeti ahụ bụ Muhammadu Mele
kwuru “Emeghi ntuliaka na Wọọdụ 47 nke metụtara ọgbọ ntuliaka 69.”
O kwuru
na nke a metụtara mpụtara ntuliaka si ebe ahụ pụta ma kọwa na iwu ntuliaka Inec
kwuru na ihe dị etu a mee na a ga-akpọpụta ntuliaka ebe ahụ dịka ntuliaka akapịghị ọnụ (inconclusive).
Ka iwu Inec dị, nke a pụtara na a ga-eme ntuliaka ọzọ n'akụkụ ụfọdụ ya bụ ihe metụtara na steeti ahụ.
