Peter Obi meriri mpaghara ndida n'ihi agbụrụ na okpukperechi - Ifeanyi Okowa

Mkpuchi Na Eme Ozugbo

Chukwunaeme Obiejesi and Jessica Nwankwo

1. 23 Febụwarị 2023Lee ọnụọgụgụ ndị tozuruoke ịtụ vootu dịka Inec si kwuo

   

   Ebe foto si, Inec

   Dịka ọ fọrọ naanị ụbọchị abụọ ka e mee ntuliaka ọkwa onyeisiala na ndị omeiwu Naịjirịa, ụloọrụ na-ahazi ntuliaka a bụ Inec ewepụtala ọnụọgụgụ ndị tozuruoke ịtụ vootu.

   Ọnụọgụgụ ndị nwetere akwụkwọ ikike ịtụ vootu (PVC) - 87,209,007

   Ndị enweteghi akwụkwọ ikike ịtụ vootu - 6,259,229

   Cheta na ọnụọgụgụ ndị dabanyere aha maka iso tụọ vootu dị 93,469,008)

   Skip X post

   Hapụ X ihe dị na ya?

   Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

   Nabata na gaa n’ihu

   Warning: BBC amaghị maka ihe ndị si n'ọbaozi ndị ọzọ.

   End of X post

2. 23 Febụwarị 2023Etu ndị ọrụ nchekwa si eke nkwụcha maka ntuliaka Naịjirịa

   

   Ebe foto si, Getty Images

   Ndị ọrụ nchekwa dị iche iche na Naịjirịa na ha akwado maka ntuliaka ọkwa onyeisiala Naịjirịa na nke ndị omeiwu ga-adị na Satọde 25 Febụwarị 2023.

   Ndị a gụnyere ndịagha, ndị uweojii, ndị uweojii nzuzo a kpọrọ DSS n’ịchafụ, ndị nchekwa civil defence nakwa ndị ọzọ.

   Ọrụ ndị a bụ ịhụ na udo dị n’oge ntuliaka, ibuagha megide ndị ohi ikpe ntuliaka nakwa ndị na-ebute ọgbaghara n’ebe a na-atụ vootu.

   Onyeisi ndị uweojii nyere iwu na njem ụgbọala, ụgbọmmiri na ndị ọzọ agaghị adị n’ụbọchị ntuliaka malite n’elekere isii nke ụtụtu ruo elekere isii nke mgbede.

   

   Mana nke a agaghị emetụta ndị ọrụ Inec, ndị na-ele ka ntuliaka a si aga, ụgbọala ndị ọrụ ahụike nakwa ndị ọrụ mgbanyụọkụ.

   Ha sị na nke a bụ iji hụụ na e nwere udo n’oge ntuliaka a.

   Ọ dọkwara ndị nchekwa aka na ntị ka ha esola ndị ha na-arụrụ ọrụ gaa n’ọgbọ ebe a na-atụ vootu.

   Na onye ọbụla a hụrụ dara iwu a ga-ata ahụhụ dị na ya.

3. 23 Febụwarị 2023Etu ụlọọrụ Inec si akwado maka ntuliaka ọkwa onyeisiala na ndị omeiwu

   

   Ụlọọrụ na-ahazi ntuliaka na Naịjirịa bụ Independent National Electoral Commission amalitela ikesa akụrụngwa ndị a ga-eji eme ntuliaka.

   Nke a malitere kamgbe ụbọchị Wenezde 21 Febụwarị 2023 na steetị ndị dịka Legọs, Kwara, Ondo dgz.

   Ebe steetị ndị dị n'Ọwụwa Anyanwụ Naịjirịa dịka Abia, Ebonyi, Anambra, Imo malitere ikesa akụrụngwa a kpọrọ 'sensitive materials' dịka BIVAS na akwụkwọ itụ vootu na ndị ọzo taa bụ 23 Febụwarị 2023.

   E buuru ihe ndị a gawa n'okpuruọchịchị ndị dị na steeti dị iche iche na Naịjirịa.

   Ndị ọrụ nchekwa gụnyere ndị uweojii, ndịagha, ndị DSS na ndị ọzọ tinyere ndị ntaakụkọ nọ n'ebe ndị a ịchọpụta ka e si ekesa akụrụngwa ndị a.

   

   

   

   

4. 23 Febụwarị 2023Simon Ekpa: Ihe ndị Igbo nwere agba na-ekwu maka ihe Ekpa na-agabiga na Finland

5. 23 Febụwarị 2023Ihe i kwesịrị ịma banyere ntuliaka ọkwa onyeisiala Naịjirịa nke afọ 2023.

   

   Ndị Naịjirịa ga-awụchi n’ọgbọ ebe a na-atụ vootu n’ụbọchị 25 Febụwarị 2023 ịhọpụta onyeisiala ọhụrụ ga-anọchị anya Onyeisiala Muhammadu Buhari nakwa ndị nnọchịteanya n’ụlọomeiwu.

   Esoghi usoro ntuliaka ndị ọzọ a na-emebu, e nwere mmadụ atọ kachasị gbapụta ihe n’ịzọ ọkwa a, ha gụnyere; Bola Ahmed Tinubu nke All Progressive Congress (APC) na-achị ugbua, Atiku Abubakar nke Peoples Democratic Party (PDP) na Peter Obi nke Labour Party (LP).

   Iji merie na ntuliaka a, onye ahụ ga-enwete vootu kachasị n’ọnụọgụgụ ma nwetekwa vootu ruru pasentị 25 n’opekatampe steeti 24 n’ime steeti 36 sị na Naịjirịa.

   

   Ụlọorụ na-ahazi ntuliaka a bụ Independent National Electoral Commission (Inec) sị na mmadụ karịrị nde 93 (93,469,008) debanyere aha iso tụọ vootu.

   E nwere otu ndọrọ ndọrọ ọchịchị 18 so na-azọ ọkwa a, ebe ọgbọ ebe a ga-atụ vootu (polling unit) dị 176,606.

   Nke a bụ mbụ a ga-eji igwe tekịnụzụ a kpọrọ Bimodal Voter Accreditation System (BIVAS) eme ntuliaka ọkwa onyeisiala. A ga-eji igwe a chọpụta onye tozuruoke ịtụ vootu site na akara mkpịsị aka maọbụ ihu onye ahụ.

   Inec sị na ngwa ngwa e nyochara mmadụ na igwe a ga-ezipụ ozi ọnụọgụgụ mmadụ ole e nyocharala nke mere na ọ ga-arụ ka aghụghọ dị na ya.

6. 23 Febụwarị 2023Mmalite akụkọ banyere ọsọ ndị na-azọ ọkwa onyeisiala na ndị ụlọomeiwu

   Igbo ndị ọma nnọọọ! Anyị na-abata unu n’ọgbakọ anyi bụ ebe anyị ga-ewetere unu akụkọ niile banyere ntuliaka ọkwa onyeisiala Naịjirịa na nke ndị omeiwu.

   Sọnyere n’ọgbakọ a malite taa ruo ụbọchị a ga-akpọpụta onye meriri na ntuliaka ọkwa onyeisiala nakwa ndị ụlọomeiwu.

7. 23 Febụwarị 2023Peter Obi meriri mpaghara ndida n'ihi agbụrụ na okpukperechi - Ifeanyi Okowa

8. 22 Febụwarị 2023New Naira Scarcity: Ihe ndị mmadụ na-agabiga n'ihi ụkọ ego naịra

9. 12 Febụwarị 2023Matakwuo maka ndị a na-azọ ọkwa Onyeisiala na nkwa ha na-ekwe

10. 9 Julaị 2022Fact-check: Akụkọ ahụ ị na-achọ ike, ọ bụ akụkọ ụgha ka ọ bụ nke ezie?

11. 19 Nọvemba 2018#NextLevel: Nkwa ọhụrụ iri Buhari kwere