You’re viewing a text-only version of this website that uses less data. View the main version of the website including all images and videos.
Ndịagha Naịjirịa ekwupụtala na mmadụ iri abụọ na isii ebutela nje covid-19 n’ime mmadụ narị anọ na iri na asaa ha mere nnyocha.
Onyeisisala mba Ivory Coast bụ, Alassane Ouattara si na akụnaụba mba ahụ e jirila otu pasent na ụma asatọ gbadaaa site na pasent asaa na ụba abụọ ha tụburu n’anya na ọ ga-abụ.
Ọrịa coronavirus kụpịara orugbo, njem, ewumewu na njem nleta na mba ahụ.
N'Afrịka, onyeisiala mba Kenya bụ Uhuru Kenyatta ejirila abalị iri atọ gbatịa mmachi ngagharị n'abali e tinyere na mba ahụ maka agha coronavirus.
Uhuru Kenyatha gbanwekwaara mmadụ ole nwere ike ịga akwamozu site na mmadụ iri na ise ka ka bụrụ o rikata nne otu narị.
Soro anyị ka ịmata nke ekwe na-akụ taa maka coronavirus.
Minista nke steeti agụmakwụkwọ bụ Emeka Nwajiuba arịọla ụmụakwụkwọ ka ha biko dere juu maka mkpu ha na-eti maka ịmeghe ụlọakwụkwọ bụ nke emechiri kemgbe maka agha coronavirus.
Dịka ọ na-arịọ ndị na-eme ngagharịiwe, ọ na-ekwu na ndị ọrụ ya na ndị ọzọ ọnụ na-eru n'okwu na-akpa maka ka ha aga-esi mehee ụlọakwụkwọ na-enweghị nsogbu ọbụla.
Ụlọọrụ na ahụ maka mgbochi na nfesa nje na Naịjirịa bụ Nigeria Centre for Disease Control (NCDC) ekwuola na mmadụ narị atọ iri abụọ na otu (321) ka ahụrụ nje coronavirus na ahụ ha unyaahụ bụ Mọnde.
N'ime ndị a, Enugwu were itoolu, (9), Delta asaa (7), Ebonyi anọ (4), Imo abụọ, ebe Abia ji naanị otu.
Nke a wetere ọnụọgụ ọhụrụ a mere ka ọnụọgụ dị niile bu ya bụ nje na Naịjirịa bụrụ puku iri ise na abụọ, narị ise, iri anọ na asatọ (52,548).
N'ime ndị a mmadụ puku iri atọ na itoolu, narị abụọ, iri ise na asaa (39,257) esila n'akwa ọrịa gbakee, ebe mmadụ otu puku na anọ nwụrụla n'aka ya.
N'ụbọchị 24 ọnwa Ọgọstụ ka ụlọọrụ Facebook kwupụtara na ọ ga-enye ndị azụmaahịa dị 781 na Naịjirịa ego enyemaka dị nde naịra 500 nke so na nde dọla 100, ha mawapụtara iji nyere mbaụwa aka n'ihi ihe isi ike nke ọrịa coronavirus butere.
Ha sị na nke a ga-eru ndị azụmaahịa obere ruru puku iri atọ na mba karịrị iri atọ n'ụwa bụ ndị ọrịa coronavirus a metụtara azụmaahịa ha karịsịa.
Ụlọọrụ ga-ahụ maka nkesa ego a bụ Deloitte na njikọ aka nke ndị FATE Foundation na Afrigrants. Ndị azụmaahịa uche ha dị n'iketa ego a ga-amalite idebanye aha ha n'ụbọchị 24 ọnwa Ọgọstụ maka ndị si na mpaghara North East, North West na South East ebe ndị si na South West, South-South na North Central ga-amalite n'ụbọchị 26 ọnwa Ọgọstụ.
Akara websaịt ha ga-edebanye aha bụ www.facebook.com/grantsforbusiness iji mara ma ha tozuruoke ma ọ bụ chọpụta ihe ndị ọzọ n'uju.
Nyocha Facebook mere na nso nso a maka ndị azụmaahịa obere na Naịjirịa n'oge coronavirus a, gosiri na ihe karịrị 37% n'ime ha sị na ụkọ ego kọrọ ha.
"Anyị ma na ọ bụ azụmaahịa obere ndị a ji akụnaụba Naịjirịa, nsogbu Covid-19 akarịala nke ahụike ma banye na nke akụnaụba bụ nke metụtara azụmaahịa obere ndị a. Anyị na-aṅa ntị na nsogbu ha na-agabiga ugbua ma kpebie inyere ha aka n'oge ihe isi ike a" Nunu Ntshingila, bụ onyeisi Facebook na mpaghara Afrịka kwuru.
Ndị sayensị na mba Hong Kong na-ekwu na ha ahụla onye a na-eche na ọ bụ ya bụ onye mbụ rịachara coronavirus ma bute ya ọzọ.
Nwoke a gbara afọ 30 butere ọrịa a ọzọ ka o mechara ọnwa anọ na ụma ọ rịachara ya bụ ọrịa.
Ha sị na nyocha ha gosiri na akara ọrịa dị iche na nke nwoke ahụ rịchara mbụ, mana ọ pụtara dịka mbụ mmadụ buterela ọrịa a.
Ngalaba World Health Organisation kwuru na ọ dị mkpa ka a ghara iji ọsọ ọsọ kwenye n'ihe a maka naanị otu onye.
Ndị ọkachamara na-ekwu na ụdịrị ihe a na-eme mana ọ bụghị ihe na-emesike.
A na-eche na ndị butere coronavirus n'ụwa ruru mmadụ 23 million.
Akwụkwọ kọmishọna mgbasa ozi nke Legọs steeti bụ Gbenga Omotoso tinyere aka na-ekwu na Kọmịshọna ahụike steeti ahụ bụ Ọkammụta Akin Abayomi ebutela nje coronavirus.
Omotosho kwuru na ọrụ Abayomi mere ka ọ na-aga ndị bu nje coronavirus nso.
Mana okwukwara na ọnweghị mgbaama ọ na-egosi ugbua nke pụtara na ọ na-eme nke ọma.
Omotoso kwukwara na-achọpụtara na Abayomi nwere ya bụ nje mgbe ọ mere nnyocha, n'ihi ya, ọ ga-anọpụ iche izu abụọ n'ụlọ ya dịka iwu siri kwuo ma na-arụkwa ọrụ ya dịka osote onyenchịkọta ọrụ COVID-19 ya na Kọmịshọna ahụike nke steeti ahụ.
Ụlọọrụ na ahụ maka mgbochi na nfesa nje bụ NCDC ahụla nje coronavirus n'ahụ mmadụ narị atọ iri abụọ na abụọ (322) ọzọ na Naịjirịa ụbọchị Sọnde. N'ime ndị a Anambra were iri na atọ (13), Abia iri (10), ebe Ebonyi ji naanị atọ (3).
Nke a wetere ndị niile bu ya bụ ọrịa na Naịjiria puku iri ise na abụọ narị abụọ, iri abụọ na asaa (52,227) ụbọchị Sọnde bụ ụbọchị iri abụọ na atọ nke ọnwa Ọgụst 2020.
Mmadụ puku iri atọ, narị iri itoolu na iri anọ na ise (38,945) agbakeela, ebe mmadụ otu puku na abụọ (1002) bụ ndị nwụrụ anwụ n'ihe ya bụị ọrịa.
Legọs steeti ekwuola na ha ga-amalite egwuregwu ebe ndị mmadụ anaghị emetụta onwe ha ahụ.
Egwuregwu ndị a gụnyere Badminton, Table Tennis, Lawn Tennis nakwa asọmpị ịgba ọsọ.
Onye na-achịkọta egwuregwu na steeti ahụ bụ Oluwatoyin Gafaar kọwara na ha adịla njikere ịmalite egwuregwu ndị a.
"Anyị ekpokọọla otu ga-elebanye anya ịhụ na edebere iwu ndị kpụchiri coronavirus n'egwuregwu ndị a" ka ha dere.
Nwanne onyeisiala Muhammadu Buhari bụ Mamman Daura akpụtala n'ihe onyonyo na-egosi na ahụ siri ya ike dịka akụkọ na-efegharị na ọ bụ makana ahụ adịghị ya mma mere o jiri gawa mba ofesi.
N'ihe onyonyo onye enyemaka Buhari bụ Bashir Ahmad tinyere na Twitter, a hụrụ Maazị Daura ka ọ na aza ekwentị ya.
Maazi Ahmad sị ka ndị Naịjirịa gbajọọ okwu banyere na ahụ adịghị Daura mma.
Mana, dịka emepeghị njem ụgbọelu na Naịjirịa, ụfọdụ na-ajụ onye ọ bụ mere o jiri nwee ohere ịfepụ gawa njem n'ofesi.
Ọnụọgụgụ ndị buterela nje coronavirus na Naịjirịa ka na-agbali elu, ugbua ọ gafeela puku iri ise na otu (51,000).
N'ụbọchị Fraịde, ngalaba 'National Center for Disease Control' kwuru na ọ bụ mmadụ narị atọ na iri anọ (340) ka ha chọpụtara nje a n'ahụ ha.
Nke a pụtara na ndị buterela nje Covid-19 kamgbe ọ batara na Naịjirịa n'ọnwa Febrụwarị 2020 bụ mmadụ puku iri ise na otu na narị atọ na anọ (51,304).
Mana mmadụ 37,885 agbakeela na ya bụ ọrịa ebe mmadụ 996 alaala mmụọ.
Lee ka ọnụọgụgụ ndị butere nje a n'ụbọchị Fraịde sị dị:
Ngalaba abụọ na-elekọta njem ụgbọelụ bụ NCAA nakwa FAAN ekwuola na ha amaghị ihe ọbụla maka ụgbọelu mba Angola ejoichiri na Legọs maka ịda iwu kpuchiri njem ofesi.
Mgbe BBC kpọtụrụ Sam Aduroboye na-ekwuchitere ngalaba NCAA o kwuru si "ejighi m ozi ọbụla gbasara ya bụ akụkọ"
N'otu aka ahụ ụlọọrụ ntaakụkọ Punch na-ekwu na gọọmentị Naịjirịa jichiri ụgbọelụ gọọmentịụ mba Angola gbajọrọ iwu Naịjirịa kpuchiri njem ụgbọelu ofesi na Legọs.
Ha kwuru na ụgbọelu ahụ kwesiri ịbupu ndị mba Angola tọrọ atọ na mba Naịjirịa mana ndị ọrụ ọdọụgbọelu chọtara ndị njem kwụrụ ụgwọ n'ime ya.
Dịka ọ dị ugbua, NCAA ebidola nyocha zuruoke gbasara ya bụ ihe.
Cheta na mba Naịjirịa ga-amalite njem ofesi n'uju n'ụbọchị 29 n'ọnwa Ọgọst.
Ngalaba NCDC edepụtala na mmadụ narị anọ na iri asaa na isii ọzọ ebutela ọrịa coronavirus na Naijirịa.
N'otu aka ahụ ka ọnụ ọgụgụ ndị buterela ya bụ ọrịa kamgbe ọ batara Naijirịa agafeela puku iri ise.
Ọ bụ mmadụ puku iri ise na narị itolu na iri isii na anọ buterela ya bụ ọrịa.
Ọnụ ọgụgụ kachasị kamgbe bụ Legọs steeti ebe mmadụ 17.327 bu ya bụ ọrịa ebe Kogi steeti nwere ndịkacha pee mpe dịka nanị mmadụ ise buterela ya.
Soro anyị taa maka akụkọ niile ga-amasị gị ịkọ oge niile.