Election Result 2019: Mba Briten akwadola mmeri Buhari

Mkpuchi Na Eme Ozugbo

Chimamaka Ihenacho and Uche Akolisa

1. 24 Febụwarị 2019Gbadokwa anya!, Mara nke bụ nke tupu i kwenye na mpụtara a na-akpọ aha.

   Gbadokwa anya ma chere mgbe ngalaba Inec gụpụtara mpụtara (result) ihe a tụtara na vootu tupu i kwuwe onye meriri na ntuliaka, makana mpụtara adịgboroja na-efegharị.

   N'otu aka ahụ, BBC Igbo ga-agbalị iwetara gị nke ndị ntaakụkọ anyị nọ ebe a gụpụtara ma hụ n'anya.

   

2. 24 Febụwarị 2019Unu abọọla chi, anyị awụchiela ọzọ

   Dịka e mechara ntuliaka ụnyaahụ, onye ọbụla na-eche aka ịghọrọ ihe ga-eme taa.

   A ga-akpọpụta mpụtara taa ka ọ bụ na agaghị akpọpụta ya? Chere aka ghọrọ ihe ga-eme taa, ebe a.

   

3. 23 Febụwarị 2019Anyị emechiela taa.

   Daalụ nụ maka etu unu siri sonye anyị taa.

   Anyị ga-amalite ọzọ echi dịka mpụtara dị icheiche na ntuliaka a ga-ebido ịpụta.

   Kachifo!

4. 23 Febụwarị 2019Buhari emeriela Atiku n'ọgbọ ntuliaka ya n'Adamawa

   Dịka agụkọchara vootu, ihe pụtara bụ na Buhari nazọ ọkwa n'okpuru APC meriri Atiku n'azọ n'okpuru PDP n'ọgbọ ntuliaka Atiku nke dị n'Adamawa.

   Ọ pụtara

   APC - 186

   PDP -167

5. 23 Febụwarị 2019Ngụkọ vootu na-eme n'Akwakụma n'Imo steeti

   Dịka ha tụnyechara vootu, ndị mmadụ chere ka ndị ọrụ ngalaba Inec kpọpụta ọnụọgụgụ vootu na otu ndọrọndọrọ meriri n'Akwakuma dị n'Owere.

6. 23 Febụwarị 2019Ndị ọrụ ngo Inec na-enweta onwe ha n'Anambara, Igbo na-asị "ọ rụọ, o rie". Ya ka ndị ọrụ Inec a na-eme.

   

7. 23 Febụwarị 2019Agụkọwala vootu n'Abịa steeti

   N'ọgbọ ntuliaka Aba Town hall wọọdụ 12 nke dị n'okpuruọchịchị Aba Saụt dị n'Abia Steeti, a gụkọwala ihe a tụtara.

   

8. 23 Febụwarị 2019Ọ ka na-eme ụfọdụ ndị obi abụọ maka isonye na ntuliaka taa

9. 23 Febụwarị 2019Nigeria Decides: A si anyị gaa n'obodo anyị gaa tụọ ntuliaka

   Ndị Igbo pụtara ịtu vootu na Legọs etiela mkpu mkpagbu na nchụpụ a chụrụ ha na Legọs.

10. 23 Febụwarị 2019Ebidola ịgụ vootu n'Enugwu, Imo na Anambara

    Akụkọ na-apụta ugbua na-ekwu na amalitela ịgụ vootu na wọọdụ dị iche iche n'Enugwu, Imo na Anamabara.

    

    

    

11. 23 Febụwarị 2019Ihe Nnamdi Kanu kwuru maka Ịtụ vootu taa, Kanu tinyere ọnụ ya na Twitter, ebe ọ gwara ndị na-akwado Biafra mkpa ọ dị na ha tụru vootu taa.

    Skip X post

    Hapụ X ihe dị na ya?

    Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

    Nabata na gaa n’ihu

    Warning: BBC amaghị maka ihe ndị si n'ọbaozi ndị ọzọ.

    End of X post

12. 23 Febụwarị 2019Ken Erics, Chike Ukaegbu na ndị ọzọ atụọla vootu ha.

    

    Ebe foto si, Ken Erics

    

    

    Ebe foto si, Somto Nwankwo

    

    Ebe foto si, Bonario Nnags

    

    Ebe foto si, Chinonso Onyia

    

    Ebe foto si, Uchenna Igwilo

    

    Ebe foto si, Isaac Amadi

13. 23 Febụwarị 2019Okota: A gbaala ngwa ntuliaka ọkụ na Legos

    Ndị mmadụ emeela ngagharịwe maka mmaja a majara ha n'itu vootu na mpaghara Okota na Aguda Legọs steeti; ebe a gbara ụfọdụ ngwa ntuliaka ọkụ.

    

14. 23 Febụwarị 2019N'Ebonyi, ọgbọ ntuliaka ụfọdụ tọgbọ chakoo, N'ụzọ Gunning, dị n'Ebonyi, ndị ọụ Inec na-eche ka ndị mmadụ bata bịa tụọ vootu.

    

15. 23 Febụwarị 2019Ahaziwela vootu a tụrụ n'Agulu, Anambara steeti

    

16. 23 Febụwarị 2019Chike Ukaegbu atụbeghi vootu

    Chike Ukaegbu na-azọ ọkwa onyeisiala n'okpuru pati AAP, ekwuola na ọ tụbeghi vootu makana ndị Inec abịaghị n'oge.

17. 23 Febụwarị 2019Okota: Joe Igbokwe azarala ọnụ APC na Legọs

    Mgbe BBC Igbo gbara Igbokwe ajụjụ ọnụ gbasara ndị Igbo na-eti mkpu mmegide n'ọtụtụ ebe na Legos, O kwuru na ọ bụghị eziokwu.

    Igbokwe kwetara na ọ hụrụ ya bụ ihe na soshal midia mana kwuo na ndị mmadụ na-atụ asị.

18. 23 Febụwarị 2019Ndị uweojii agbatarala ndị Aguda, Surulere ọsọ enyemaka

    Ndị uweojii eruola Aguda, Surulere Legọs ebe akụkọ na-ekwu na ndị omekome chụrụ ndị Igbo chọrọ ịtụ vootu ọsọ ụkwụ eruola.

    Ndị Igbo bi na mpaghara ebe ahụ batara soshal midia taa na-akwa arịrị na ndị omekome a chụrụ ha ọsọ makana ha chọrọ ibinyere pati ọzọ aka n'akwụkwọ ha.

    

19. 23 Febụwarị 2019INEC adọtiala oge ịtụ vootu taa

    INEC ekwuola na ha ga-eji elekere ole mefuru were dọtị oge ndị mmadụ ga-eji tụ vootu ha taa ebe niile na Naịjirịa.

    Ọnụ na-ekwuchiri INEC bụ Festus Okoye kwụrụ na INEC kwetara na ọtụtụ nsogbu malitere na-ebe dị iche iche oge ntuliaka bidoro.

    

20. 23 Febụwarị 2019Igwe mmadụ apụtala n'Ọka