Real Madrid 6-0 Levante: Real Madrid ta ci Levante 6-0.
Asalin hoton, Real Madrid FC
Real Madrid ta casa Leavante da ci 6-0 a wasan mako na 36 a gasar La Liga da suka fafata ranar Alhamis a Santiago Bernabeu.
Ferland Mendy ne ya fara cin kwallo a minti na 13 da take leda, minti shida tsakani Karim Benzema ya kara na biyu, sannan Rodrygo ya zura na uku a raga.
Daga baya ne Vinicius Junior ya ci uku rigis a karawar.
Da wannan sakamakon, Real Madrid wadda ta lashe kofin babbar gasar tamaula ta Sifaniya ta bana, kuma na 35 jumulla, tana ta daya a kan teburin La Liga da tazarar maki 12 tsakaninta da Barcelona mai biye da ita.
Ita kuwa Levante mai maki 29 tana ta biyun karshe wato ta 19 a kasan teburin kakar bana.
'Yan wasan da koci, Carlo Ancelottiya ya fuskanci Levante da su a Santiago Bernabeu a wasan na mako na 36.
'Yan wasan Real Madrid:
Masu tsaron raga: Courtois, Lunin da kuma Fuidias.
Masu tsaron baya: E. Militão, Vallejo, Nacho, F. Mendy da kuma Gila.
Masu buga tsakiya: Kroos, Modrić, Casemiro, Valverde, L. Vázquez, Camavinga da kuma Peter.
Masu cin kwallaye: Benzema, Jović, Vini Jr., Rodrygo da kuma Mariano.
