Messi ya sha kashi a Copa America
Asalin hoton, Getty Images
An wallafa
Colombia ta ba Argentina kashi ci 2-0 a wasan farko na rukuni da suka fafata a gasar lashe Copa America.
Wannan ne karon farko da Colombia ta doke Argentina a shekaru 12.
Roger Martinez da Duvan Zapata ne suka ci wa Colombia kwallayenta a ragar Argentina - tawagar da ke kunshe da Messi da Aguero.
Messi ya ce ba su so farawa da rashin nasara a gasar, amma wannan ba zai nuna cewa sun kariya ba.
Argentina ta lashe kofin sau 14, amma rabon da ta lashe kofin tun 1993.
A zamanin Messi ta kai zagayen karshe sau biyu amma ta gaza lashe kofin.
A wasa na gaba Argentina za ta kara ne da Paraguay.
A ranar Asabar Venezuela da Peru sun rike juna ne 0-0 a rukuninsu na A
Brazil ce ke jagorantar rukunin A bayan ta lallasa Bolivia 3-0.
