Sauye-sauyen da Gasar Tseren Mota ta F1 za ta kawo a Saudiyya

Karanta rubutu kawai domin rage cin data

Richard Morris ya daga tutar mai launuka daban daban da ke nuna goyon baya ga 'yan Luwadi da Madigo baya nasarar da ya yi a tseren mota

- Marubuci, Daga Christian Hewgill
- Sanya sunan wanda ya rubuta labari, BBC Newsbeat
An wallafa 7 Disamba 2021

Ana shiri gudanar da gasar tseren mota mafi girma a duniya. Za dai a sha kallo fiye da irin wanda ake gani a fina-finan da ake gani a manhajar Netflix.

Akwai abubuwa da yawa da za a so a tseren Formula 1. Kai abubuwan da za su faru a wannan gasa sun shallake tunani, ba kuma safai ake ganin su ba.

Amma tseren da za a yi a kasar Saudiyya na dauke da abubuwa daban-daban.

"Na tafi ba tare da tunanin abin da zai biyo baya ba," in ji dan jarida Hazel Southwell mai aika rahoto kan wasannin tseren mota a hirarsa da shirin Radio 1 Newsbeat.

Wannan ne karon farko da ake wasan tseren mota na F1 a kasar Saudiyya, mako guda da dakatar da wasan a Qatar - yawanci dai ana nuna damuwa kan yadda kasashen biyu ke shan suka kan zargin take hakkin dan adam, musamman ga mata.

Saudiyya dai na sahun gaba cikin kasashen da ke zartar da hukuncin kisa a duniya. An yi kiyasin an yanke da zartar da hukuncin kisa ga mutum 40 daga watan Junairu zuwa Yuli, kamar yadda kungiyar kare hakkin dan Adam ta Amnesty International ta bayyana.

Sai dai Hazel na daga cikin masu tunanin tseren motoci zai kawo sauyi a kasar Saudiyya.

Motar da Richard Morris ya ke tsere da ita — Bayanan hoto, Richard Morris ya kware wajen tseren lafiyayyun motoci

"Abu ne mai matukar wuya shirin hakan. Ya zo da kalubale daban-daban, abubuwa da dama sun gifta a raina," in ji Richard Morris, fitaccen dan Luwadi a Birtaniya da baya boye abin da yake yi, kuma mai wasan tseren mota a hirarsa da Newsbeat.

Skip Wanda aka fi karantawa and continue reading

Wanda aka fi karantawa

End of Wanda aka fi karantawa

Tuki domin kawo sauyi

A kasar Saudiyya, ana hukunta 'yan Luwadi da Madigo da bulala ko zaman kurkuku.

"Muna bukatar karbar yadda lamura ke gudana," in ji Richard.

Richard yana tunanin ta yiwu yin wasan tseren F1 a Saudiyya, ka iya sauya abubuwa musamman idan ana batun lamarin da ya shafi hakkin dan adam.

Tuni akwai misalan da ke nuna watakil hasashensa ya tabbata.

Zakaran F1 na duniya karo hudu Sebastian Vettel n nuna goyon baya ga 'yan Luwadi da Madigo a gangamin da aka yi a shekarar nan a gasar da aka yi ta Hungarian Grand Prix, sanye da kyalle mai launi daban-daban — Bayanan hoto, Zakaran F1 na duniya karo hudu Sebastian Vettel na nuna goyon baya ga 'yan Luwadi da Madigo a gangamin da aka yi a shekarar nan a gasar da aka yi ta Hungarian Grand Prix

Misali kamar Sebastian Vettel.

Direban na Aston Martin ya bayyana kansa a matsayin babban amini, da ba ya jin shakkar nuna goyon baya ga 'yan luwadi da madigo.

Aikawa da saƙo

A tseren motoci na Hungary zakaran tseren Lewis Hamilton ya soki matakin Hungary na gudanar da ƙuri'ar raba gardama kan dokar da ta ƙunshi haramtawa ko kuma nuna goyon baya ga masu neman jinsi ɗaya ko sauya jinsi ga ƴan ƙasa da shekara 18.

Lewis da kansa ya yi bikin nasara a Qatar ɗauke da tuta a hular kwano. Kuma zai yi haka a wannan ƙarshen makon - yana amsa cewa ba ya jin daɗin tsere a Saudiyya - yana bayyana cewa rayuwar ƴan maɗigo da luwadi a ƙasar "na da ban tsoro."

Lewis Hamilton sanye da hular kwano mai launin tutar ƴan maɗigo da Luwaɗi — Bayanan hoto, 'Wannan wurin na buƙatar tantancewa. Haƙƙi ga kowa babban abu ne,' in ji Lewis Hamilton

Shugaban Formula 1 shi ma kansa ya yi fatan cewa wasanni za su iya haddasa sauyi a waɗannan wuraren.

Kuma Richard Morris shi ma ya amince.

"Wannan ya aika sako ga masu goyon bayan maɗigo da luwaɗi kamar Lewis, Sebastian da tawagar Aston Martin su tafi su yi tsere a yanki kamar Saudiyya.

Wasu masu suka kamar ƙungiyoyin kare haƙƙin ɗan adam - suna ganin yin tseren mota a Saudiyya, F1 kamar nuna goyon baya ne ga yadda ake tafiyar da abubuwa a ƙasar.

Amma Richard ya ƙi yarda.

"Na yi matukar farin ciki a wajen babban jami'in wasanni a wani taron manema labarai."

Ƴan jarida mai aiko da rahotanni kan tseren motoci Hazel Southwell ta yi aikin aiko da rahotannin gasar Formula E, gasar fasaha, da aka fara a Saudiyya daga 2018.

"Martanina ya kasance cikin fushi a makance," kamar yadda ta faɗawa Newsbeat.

A 2018 mata a Saudiyya sun kasa tuƙi kuma an hana su zuwa kallon wasanni.

Tseren Formula E a Diriyah, Saudiyya — Bayanan hoto, Karon farko da Hazel ta ziyarci ƙasar domin Formula E, ta amsa cewa tana jin tsoro bayan ta yi tunanin cewa za a iya kashe ta amma yanzu tana ganin tunanin ba haka ba ne

Amma Hazel, yar maɗigo ce da ta fara zuwa yin aiki amma lokacin ra'ayinta ya fara sauyawa.

"Ina shekara 32 lokacin da na fara zuwa wurin taro a ƙasar. Ban sani ba, amma wannan shi ne adadin shekarun wani ɗan Saudiyya da zai tafi wuri irin wannan.

Amma duk da Saudiyya tana cikin ƙasashe masu arziki a yankin, saboda arzikin mai, amma miliyoyin ƴan ƙasar na fama da talauci.

"Akwai mutum miliyan 34 a Saudiyya. Ba mu san abubuwa da yawa game da su ba," in ji Hazel tana mai cewa yanayin rayuwa "na da matsala"

Tana ganin kawo manyan wasanni a ƙasar zai taimaka wajen inganta haƙƙin ɗan adam da kuma habaƙa wasanni.

"Domin karɓar bakuncin gasar tseren mota ta FIA, Saudiyya ta bar mata suna tuki," a cewar Hazel.

Reema Juffali tuni ta zama ƴan Saudiyya ta farko da ta kasance ƴar tseren mota a matakin ƙwararru. Yayin da wasanni ba za su taɓa sauya komi ba, Hazel na ganin za su yi.

"Ya komi a rufe yake a Saudiyya, babu abin da ya sauya a tsawon shekara 40," in ji ta.

"Akwai zuwa wani lokaci, sauye-sauye na faruwa domin idon duniya."