Kana amfani da shafin BBC mai bayyana rubutu kawai (babu hoto) domin rage cin data. Idan ana so a ga hotuna da bidiyo sai a koma babban shafinmu.
Wannan shafi ne da zai ke kawo muku labaran wasannin BBC Hausa daga 4 zuwa 8 ga watan Mayun 2026.
Mohammed Abdu
Harry Kane ya buga kwallo daga gefen akwatin PSG, amma an tare ta.
Wannan ya nuna ɗan ƙara saƙarfi daga Bayern a wasan, amma har yanzu suna bukatar aƙalla ƙwallaye biyu domin farke wanda aka zura mata a raga gida da waje.
Luis Díaz ya aika ƙwallo mai kyau zuwa Harry Kane, amma ɗan baya Marquinhos ya yi katsalandan daidai lokacin, wanda ya karkatar da ƙwallon ya hana Kane kaiwa gare ta.
Khvicha Kvaratskhelia shi ne ɗan wasa na farko da yake da hannun a cin kwallaye da bayarwa a zura a raga a wasanni bakwai a jere na matakin fitar da gwani (knockout stage) a kakar guda ta UEFA Champions League.
Tun daga lokacin da ya fara taka leda a Paris Saint-Germain a gasar a watan Fabrairu 2025, babu wani ɗan wasa da ya fi shi kai tsaye wajen cin ƙwallaye a Champions League: jimilla 21 (Ya ci ƙwallaye 13 ya bayar da takwas aka zura a raga), adadin da ya yi daidai da Harry Kane.
Ousmane Dembélé ya zura ƙwallaye bakwai a UEFA Champions League a wannan kakar — ciki har da ƙwallaye biyar a wasanninsa uku a baya bayan nan.
Khvicha Kvaratskhelia kuma ya bayar da ƙwallaye aka zura a raga sau shida, wanda ya fi kowane ɗan wasa wannan kokarin a gasar a wannan kakar.
Khvicha Kvaratskhelia ya taka rawar gani daga gefen hagu, ya yi amfani da layin baya na Bayern Munich cikin sauri.
Sai ya yanka ƙwallon cikin akwatin bugun daga kai sai mai tsaron raga, inda Ousmane Dembélé ya yi buga ƙwallon da ƙarfi ta kuma faɗa raga
A wasa 11 baya mai rike da Champions League kan kai zagayen karshe karo uku daga ciki.
Me zai faru a wasan nan na ranarLaraba?.
Ƙungiyoyin biyu da suka fi zura ƙwallaye a UEFA Champions League a wannan kakar su ne Paris Saint-Germain (ƙwallaye 43) da Bayern Munich (ƙwallaye 42).
Tarihi mafi yawan cin ƙwallaye a kakar gasar European Cup tun daga 1955 shi ne 45, wanda Barcelona ta kafa a kakar 1999–2000.
Har yanzu, ba a taɓa samun ƙungiyoyi biyu a lokaci guda da suka kai ko wuce ƙwallaye 40 a cikin kakar guda ba.
Shima kociyan, Paris St-Germain Luis Enrique canji ɗaya ya yi daga waɗanda suka fuskanci Bayern Munic a wasan farko a Faransa, inda Fabian Ruiz ya maye gurbin Achraf Hakimi.
Osman Dembele, Desire Doue and Khvicha Kvaratskhelia sune ƴan gaba uku da za suke kai hare-hare.
Ƴan wasan Paris St-Germain 11: Safonov, Marquinhos, Kvaratskhelia, Ruiz, Dembele, Doue, Vitinha, Mendes, Zaire-Emery, Pacho, Neves.
Masu zaman benci: Vignaud, Laurendon, Marin, Beraldo, Zabarnyi, Ramos, Lee, Mayulu, Fernandez, Barcola, Mbaye.
Vincent Kompany bai yi canjin ƴan wasan da Bayern Munich ta fuskanci Paris St-Germain a Faransa ba.
Amma dai Konrad Laimer ya maye gurbin Alphonso Davies, yayin Harry Kane zai ja ragamar masu cin ƙwallaye da kuma Luis Diaz da kuma Jamal Musiala da Michael Olise za su taimaka musu.
Ƴan Bayern Munich 11: Neuer, Upamecano, Tah, Kimmich, Stanisic, Pavlovic, Luis Diaz, Olise, Laimer, Kane, Musiala.
Ƴan zaman benci: Ulreich, Urbig, Kim, Goretzka, Jackson, Davies, Bischof, Ito, Guerreiro, Karl.
Bayern Munich za ta yi fatan zazzaga ƙwallaye kamar yadda suka yi a wasan farko lokacin da za ta karɓi baƙuncin masu rike da kofin Champions League, Paris Saint-Germain a wasa na biyu a daf da karshe ranar Laraba. Rashin nasarar da ta yi 5-4 a Faransa a ranar Talata ya karya tarihin mafi yawan ƙwallaye da aka ci a wasan wannan mataki a gasar.
Bayern ta fara wasan da ckwarin gwiwa, amma daga baya ta sha wahala kafin ta rage tazarar ƙwallaye daga 5-2, inda ta zare biyu a wani wasa mai matuƙar ban sha'awa da aka zura ƙwallaye da dama.
Bayern, wadda ta riga ta lashe gasar Bundesliga, ta kafa sabon tarihin cin ƙwallaye 113 a gasar, tare da sauran wasa uku suka rage. Wannan ya karya tsohon tarihi da aka yi sama da shekaru 50 — ƙwallaye 101 da Bayern ta ci a kakar 1971/1972.
Haka kuma, wannan shi ne karo na farko da ƴan wasan Bayern uku — Harry Kane, Michael Olise da Luis Díaz — duk suka kai ko wuce zura ƙwallo a raga masu 10 (Ko cin ƙwallaye ko bayarwa a zura a raga) a kakar Champions League guda ɗaya.
Kane, wanda ya ci ƙwallo a ranar Talata, ya kai jimillar ƙwallaye 13, kuma shi ne ke kan gaba a jerin masu zura ƙwallaye a Bundesliga da 33 a raga.
Bayern kuma na shirin buga wasan ƙarshe a kofin Jamus (German Cup) da VfB Stuttgart a ranar 23 ga Mayu kenan tana fatan lashe uku a kakar nan.
Désiré Doué ya shiga cikin masu cin ƙwallaye 13 daga wasa 17 a knockout. Kafin ya kai shekara 21, babu wanda ya kai haka, kuma yana da matsakaicin cin ƙwallo kowane minti 72 — kusa da Raphinha da Ivica Olić.
A tarihin UEFA Champions League, ƙungiya guda ɗaya ce kawai ta taba cin ƙwallaye biyar a wasan fitar da gwani amma aka fitar da ita — wato Manchester City da AS Monaco a 2016-17.
Ko da yake Bayern ta taɓa canja sakamako daga rashin nasara a wasan farko sau 4 cikin 16, hakan ya faru ne a zagaye na 16 da kwata fainal. Amma a semi-final, ta taɓa rashin nasara biyar, bayan data rasa wasan farko — kuma an fitar da ita a dukkan lokutan.
Real Madrid ce kawai ta kai final sau da yawa (18) fiye da Bayern (11). Bayern na ƙoƙarin kai wa final na 12, yayin da PSG na iya zama ƙungiyar Faransa mafi yawan kai wa final karo na uku, tana gogayya da Marseille da Reims.
PSG ta bar abokan hamayya suna taba ƙwallaye fiye da 50 a yankin bugun fanareti nata a wasanni biyu na baya — abin da ya fi matsakaici a wasanninta na farko (17).
Bayern Munich na ƙoƙarin kai wa zagayen karshe, bayan shan kashi 5-4 a hannun Paris Saint-Germain a UEFA Champions League a daf da karshe a makon jiya.
Kocin Bayern, Vincent Kompany, ya jaddada muhimmancin haɗin kai da natsuwa a cikin ƙungiyar kafin wasan na biyu a Jamus a ranar Laraba.
Bayern ta kusa kaiwa wasan ƙarshe na Champions League, kuma ‘yan wasa da magoya baya suna shirin wani babban lokaci mai tarihi, in ji Kompany a ranar Talata.
Ƙungiyar PSG, wadda ta lashe kofin a karon farko a bara, ta samu nasarar 5-4 a wasan farko mai cike da tashin hankali, duk da cewa Bayern ta dawo daga baya tana rage tazarar ƙwallaye daga 5-2.
Bayern, wacce ke ƙarƙashin Kompany a kakarsa ta biyu, ta riga ta lashe gasar Bundesliga, kuma tana da damar lashe kofin gida sau biyu (domestic double) idan ta doke VfB Stuttgart a wasan ƙarshe na kofin Jamus a ranar 23 ga Mayu.
PSG ta sha kashi a wasannin waje a hannun Bayern sau biyar — fiye da kowace ƙungiya. A wasannin waje, tana da mafi girman kaso na rashin nasara a kan Manchester City (100%) da Real Madrid (75%), sai Bayern (71%).
Ƙungiyoyin biyu mafi yawan cin ƙwallaye a wannan kakar ita ce PSG (43) da Bayern (42). Tarihin gaba ɗaya shi ne 45, wanda Barcelona ta kafa a 1999-00.