Chelsea na fatan karwa a mataki na shida watakila ta buga Champions League
Chelsea tana tazarar maki huɗu kacal daga matsayi na shida a gasar Premier League — wanda zai iya zama gurbin shiga gasar Champions League a baɗi.
Matsayi na shida zai ba da damar shiga Europa League aƙalla, amma akwai yiwuwar abubuwa biyu su faru da za su sa wannan matsayi ya koma gurbin Champions League.
Aston Villa na matsayi na biyar, wanda a yanzu haka tana cikin gurbin Champions League, sannan idan ta lashe lashe gasar Europa League. Koda yake ta yi rashin nasara 1-0 a hannun Nottingham Forest a wasan farko na zagayen kusa da ƙarshe (semi-final), amma za ta karɓi baƙuncin wasa na biyu ranar ranar Alhamis - kenan idan ta lashe kofin akwai dama ga Chelsea.