Abubuwan da ke faruwa a duniyar wasanni

Rahoto kai-tsaye

Mohammed Abdu da Abdulrazzaq Kumo

1. 8 Yuli 2025

   

   Asalin hoton, Getty Images

   Manchester United ta fara zawarcin ɗan wasan Atalanta da Brazil Ederson, yayin da ƙungiyoyin Serie A Inter Milan da Juventus suma su ke bibiyar ɗan wasan mai shekara 26 wanda ke ɗauke da farashin fam miliyan 44. (Goal)

   Ɗan wasan gaban Denmark Rasmus Hojlund, mai shekara 22, ba ya tunanin barin Manchester United sai dai idan ƙungiyar ta yanke shawarar sallamarsa, inda Inter Milan ta kasance ɗaya daga cikin ƙungiyoyin da suka nuna sha'awarsu kan ɗan wasan. (Fabrizio Romano)

   A halin da ake ciki kuma, Manchester United ta sanya farashin fam miliyan 30 kan Andre Onana yayin da ta ke tattaunawa da AS Monaco a ƙarshen watan da ya gabata, amma alamu na nuna cewa golan Kamaru mai shekara 29 na iya ci gaba da zama a ƙungiyar ta Old Trafford (Mail)

2. 8 Yuli 2025Liverpool ta koma atisaye bayan binne jota

   

   Asalin hoton, PA Media

   Ƴan wasan Liverpool sun koma karɓar horo, bayan da aka kamma binne Diago Jota.

   Jota ya mutu ne a wani haɗarin mota a Sifaniya ranar Alhamis tare da ɗan uwansa, Andre Silva, an kuma binne su a garinsu a Gondomar kusa da Porto, kuma yawancin ƴan wasa da jami'an Liverpool sun halarci binnewar.

   Tun a ranar Juma'a ya kamata su koma yin atisaye, amma Liverpool ta soke hakan, sakamakon haɗarin.

   Mohamed Salah da Andy Robertson da Conor Bradley da Wataru Endo, suna daga cikin waɗanda suka halarci atisayen.

   Liverpool za ta fara wasan sada zumunta ranar Lahadi da Preston a Deepdale, sai dai har yanzu ba ta sanar ko za ta buga karawar ba.

   Haka kuma ƙungiyar Anfield, wadda za ta fuskanci Crystal Palace a Community Shield ranar 10 ga watan Agusta, za ta fuskanci AC Milan a Hong Kong da kuma Yokohama a Japan a karshen watan nan.

3. 8 Yuli 2025Newcastle na shirin sayen Elanga daga Forest

   

   Asalin hoton, Getty Images

   Newcastle United ta amince da farashin da Nottingham Forest ta yi wa Anthony Elanga.

   Wata majiya ta sanar da BBC cewar a cikin makon nan za a kammala cinikin.

   Newcastle na shirin kara karfin gurbin masu ci mata ƙwallaye, bayan da za ta sake buga Champions League, sakamakon da ta kare a mataki na biyar a teburin Premier League a kakar da ta wuce.

   Mai shekara 23, ya ci ƙwallo shida ya bayar da 11 aka zura a raga a ƙungiyar da Nuno Espirito Santo ke jan ragama, wadda ta taka rawar gani a kakar da ta wuce.

   Har yanzu Newcastle ba ta fitar da ƙudi ta sayi ɗan wasan ba, kuma Antonio Cordero ne ta ɗauka kawo yanzu, wanda ya koma St James Park a matakin wanda ba shi da yarjejeniya da wata ƙungiyar, bayan barin Malaga.

   Forest ta ɗauki Elanga daga Manchester United kan kwantiragin kaka biyar a 2023.

   Ya kuma je Old Trafford yana da shekara 12 da yin wasa 55, daga nan ya koma Forest.

4. 7 Yuli 2025Modrich zai koma AC Milan bayan kammala Club World Cup

   Dan wasan tawagar Croatia mai taka leda a Real Madrid, Luka Modric zai koma AC Milan da zarar an kammala Club World Cup, kamar yadda sabon koci, Massimiliano Allegri ya sanar ranar Litinin.

   Mai shekara 39 zai kawo karshen kaka 13 da ya yi a Real Madrid kenan.

   Ranar Laraba, Real Madrid za ta kara da Paris St Germain a zagayen daf da karshe a buga wasan karshe ranar Lahadi a Amurka.

   Modric, mai Ballon d'Or a 2018 zai je Milan mai fatan komawa kan ganiya, bayan da ta kare a mataki na takwas a teburin Serie A a kakar da ta wuce, ba za ta buga gasar zakarun Turai ba.

   Allegri, wanda ya koma horar da Milan karo na biyu, ya maye gurbin Sergio Conceicao a watan Mayu.

   Milan ta sayar da Tijjani Reijnders ga Manchester City a watan Yuni, yayin da Theo Hernandez zai koma Al-Hilal ta Saudiyya.

   Milan za ta fara Serie A kakar 2025/26 ranar 23 ga watan Agusta a wasan gida da Cremonese.

   Allegri, wanda a baya ya ja ragamar Milan ta lashe Serie A a 2010-11, kungiya ta karshe da ya yi koci ita ce Juventus.

5. 7 Yuli 2025Cinikin ƴan wasan da aka yi a Premier League kawo yanzu

   

   Asalin hoton, Getty Images

   Ƴan wasan da aka kammala cinikinsu a Premier League kawo yanzu

   Arsenal

   • Kepa Arrizabalaga - from Chelsea - £5m
   • Martin Zubimendi - from Real Sociedad - £60m

   Aston Villa

   • Yasin Ozcan - from Kasimpasa - £5.9m (£6.7m)
   • Zepiqueno Redmond - from Feyenoord - Free

   Bournemouth

   • Adrien Truffert - from Rennes - £11.4m (£14.4m)

   Brentford

   • Michael Kayode - from Fiorentina - £14.8m

   • Caoimhin Kelleher - from Liverpool - £12.5m (£18m)
   • Romelle Donovan - from Birmingham City - £3m
   • Antoni Milambo - from Feyenoord - Undisclosed

   Brighton

   • Charalampos Kostoulas - from Olympiakos - £29.8m (£31.5m)
   • Diego Coppola - from Hellas Verona - £8.5m
   • Olivier Boscagli - from PSV Eindhoven - Free
   • Maxim de Cuyper - from Club Brugge - Undisclosed

   Burnley

   • Bashir Humphreys - from Chelsea - £12m (£14.7m)
   • Marcus Edwards - from Sporting - £8.5m
   • Jaidon Anthony - from Bournemouth - £7.5m
   • Zian Flemming - from Millwall - £7m
   • Max Weiss - from Karlsruher - £4.3m
   • Quilindschy Hartman - from Feyenoord - Undisclosed
   • Axel Tuanzebe - from Ipswich - Free
   • Loum Tchaouna - from Lazio - Undisclosed
   • Kyle Walker - Manchester City - £5m

   Chelsea

   • Liam Delap - from Ipswich - £30m
   • Estevao Willian - from Palmeiras - £29m (£48.5m)
   • Dario Essugo - from Sporting - £18.5
   • Mamadou Sarr - from Strasbourg - £12m
   • Kendry Paez - from Independiente del Valle - £8.3m (£16.6m)
   • Joao Pedro - from Brighton - £60m
   • Jamie Gittens - from Borussia Dortmund - £48.5m

   Crystal Palace

   • Walter Benitez - from PSV Eindhoven - Free

   Everton

   • Charly Alcaraz - from Flamengo - £12.6m (£15.2m)

   Leeds

   • Jaka Bijol - from Udinese - £15m
   • Lukas Nmecha - from Wolfsburg - Free
   • Sebastiaan Bornauw - from Wolfsburg - £5.1m

   Liverpool

   • Florian Wirtz - from Bayer Leverkusen - £100m (£116m)
   • Jeremie Frimpong - from Bayer Leverkusen - £29.5m
   • Armin Pecsi - from Puskas Akademia - £1.5m
   • Milos Kerkez - from Bournemouth - £40m

   Manchester City

   • Tijjani Reijnders - from AC Milan - £46.3m (£60m)
   • Rayan Ait-Nouri - from Wolves - £31m (£36.3m)
   • Rayan Cherki - from Lyon - £30.5m (£35.6m)
   • Marcus Bettinelli - from Chelsea - Nominal

   Manchester United

   • Matheus Cunha - from Wolves - £62.5m
   • Diego Leon - from Cerro Porteno - Undisclosed

   Newcastle

   • Antonio Cordero - from Malaga - Free

   Nottingham Forest

   • Igor Jesus - from Botafogo - £10m

   Sunderland

   • Enzo le Fee - from Roma - £19.3m
   • Habib Diarra - from Strasbourg - £30m
   • Noah Sadiki - from Royale Union Saint-Gilloise - Reported £15m

   Tottenham

   • Kevin Danso - Lens - £20.9m
   • Mathys Tel - from Bayern Munich - £29.8m (£34.1m)

   West Ham

   • Jean-Clair Todibo - from Nice - £36.3m

   Wolves

   • Fer Lopez - from Celta Vigo - £19.6m (£21.3m)
   • Jorgen Strand Larsen - from Celta Vigo - £23m

6. 7 Yuli 2025Wilson ya bar Newcastle bayan da ƙwantiraginsa ya kare

   Dan wasan Newcastle United, Callum Wilson ya yi ban kwana da kungiyar, bayan da yarjejeniyarsa ta karkare.

   Newcastle ta yi kokarin ta kulla wata yarjejeniyar da Wilson da aka tsara biyansa albashi ta idan ya buga wasa, sai dai tsohon dan kwallon tawagar Ingila ya zabi ya kara gaba.

   Wilson, wanda ya koma St James Park daga Bournemouth a 2020, ya ci kwallo 49 a wasa 130 a Newcastle har da 22 da ya zazzaga a raga a kakar da ta wuce.

   Sai dai Wilson, wanda ya yi wa Ingila wasa tara da cin kwallo a karawa da Amurka a 2018, ana jita-jitar cewar zai koma taka leda a Leeds United, wadda za ta koma buga Premier League a kakar da za a fara cikin watan Agusta.

7. 7 Yuli 2025Duran zai koma Fernerbahce wasannin aro daga Al-Nassr

   

   Asalin hoton, Getty Images

   Dan wasan tawagar Colombia, Jhon Duran zai koma buga wasannin aro a Fenerbahce kaka guda - wata shida tsakani da ya koma Al Nassr daga Aston Villa.

   Mai shekara 21 ya ci kwallo 12 a wasa 29 a Villa Park a kakar da ta wuce daga nan ya koma Al Nassr a Janairu, nan ma ya ci kwallo 12 a wasa 18 a babbar gasar tamaula ta Saudiyya.

   Duran wanda ya ci kwallo uku a wasa 17 a tawagar Colombia, ya koma Villa daga Chicago Fire a Janairun 2023.

   Ya bayar da gudunmuwar da Al Nassr ta kare a mataki na uku a teburi a kakar da aka kammala.

   Fernabahce, wadda Jose Mourinho ke jan ragamarta, ta kare a mataki na biyu a babbar gasar tamaula ta Turkiya.

8. 6 Yuli 2025West Ham ta ƙi sallama tayin da Tottenham ta yi wa Kudus

   

   Asalin hoton, Getty Images

   West Ham ta ki amincewa da tayin fam miliyan 50 da Tottenham ta yi kan Mohammed Kudus.

   Dan wasan tawagar Ghana na fatan barin West Ham, domin ya koma kungiyar da zai buga Champions League.

   Hakan ya sa Tottenham ta fara zawarcinsa, wadda za ta buga babbar gasar tamaula ta zakarun Turai a kaka mai zuwa, bayan lashe Europa League da ta yi.

   Kudus, ya koma West Ham daga Ajax a 2023, yana kuma da kunshin yarjejeniyar fam miliyan 85 ga duk kungiyar da za ta dauke shi wa’adinsa bai cika ba.

   Sauran yarjejeniyar kaka uku ta ragewa Kudus a West Ham, wanda ya ci kwallo 13 da bayar da tara aka zura a raga a wasa 65 a Premier League.

9. 6 Yuli 2025Arsenal na shirin kammala cinikin Gyokeres

   

   Asalin hoton, Getty Images

   Arsenal na tattaunawa kan cinikin dan kasar Sweden mai wasa a Sporting, Viktor Gyokeres.

   An yi ta alakanta Gyokeres da kungiyoyin Premier League da yawa, wanda ya ci kwallo 97 a wasa 102 a kaka biyu da ya buga a babbar gasar tamaula ta Portugal.

   Ana hasashen cewar darajar Gyokeres, wanda ya buga kaka uku a Brighton tun daga matakin matashi ya kai fam miliyan 70.

10. 6 Yuli 2025An ci wasa na 100 da Tchouameni a Real Madrid

    

    Asalin hoton, Getty Images

    Real Madrid ta doke Borussia Dortmund 3-2 ranar Asabar ta kai zagayen daf da karshe a FIFA Club World Cup da ake yi a Amurka.

    Tchouameni ya buga karawar kuma karo na 100 da aka ci wasa da shi a Real Madrid.

    Ɗan kasar Faransa, wadda yake kaka ta uku a Real Madrid, ya buga karawa 145 da lashe kofi takwas.

    Yana da Champions League da Club World Cup biyu da European Super Cups biyu da La Liga da Copa del Rey da kuma Spanish Super Cup.

    A kakar nan an ci wasa 37 da ɗan wasan Faransa da nasara 33 a kakar da ya fara buga mata tamaula da 30 a 2023/24.

    Ƙungiyar da aka ci wasa da shi da yawa ita ce Celta Vigo da Real Madrid ta doke karo bakwai tare da Tchouameni.

11. 6 Yuli 2025Kyle Walker ya koma Burnley bayan kaka takwas a Man City

    

    Asalin hoton, Getty Images

    Kyle Walker ya kamala komawa Burnley kan kwantiragin kaka biyu, hakan ya kawo karshen kaka takwas da ya yi a Manchester City.

    Dan wasan tawagar Ingila ya buga karawa 319 a kungiyar Etihad a dukkan fafatawa da cin kwallo shida, wanda ya yi wasannin aro a AC Milan a kakar da ta wuce.

    Walker ya koma Etihad daga Tottenham a Yulin 2017.

    Mai shekara 34 ya buga wa tawagar Ingila wasa 96 kawo yanzu da halartar gasar kofin duniya a 2018 da 2022 da buga gasar cin kofin Turai wato Euro 2020 da 2024.

12. 6 Yuli 2025Zubimendi ya koma Arsenal daga Sociedad kan fam miliyan 60

    

    Asalin hoton, Getty Images

    Arsenal ta kammala sayan Martin Zubimendi daga Real Sociedad kan fam miliyan 60 - shi ne ɗan wasa na biyu da Arsenal ta ɗauka a bana bayan Kepa Arrizabalaga.

    Ɗan wasan na Sifaniya ya sanya hannu kan yarjejeniyar shekara biyar a Emirates.

    Arteta ya ɗau tsawon lokaci yana sha'awar Zubimendi saboda salonsa na buga wasa wanda yake ganin zai dace da Arsenal.

    A shekarar da ta gabata ma Arsenal ta nemi ɗan wasan amma ya ƙi zuwa.

    Ƙungiyar ta fuskanci barazana lokacin da kocin Real Madrid Xabi Alonso ya nuna sha'awar ɗaukar Zubimendi, amma duk da haka ɗan wasan ya amince da komawa ƙungiyar ta Premier.

    Baya ga Zubimendi, Arsenal ta amince ta biya fam miliyan 10 kan ɗan wasan Brentford Christan Norgaard.

13. 6 Yuli 2025'Raunin da Musiala ya ji ba shi da kyawun gani'

    

    Asalin hoton, Getty Images

    A ranar Asabar ne ɗan wasan tsakiya na Bayern Munich Jamal Musiala ya ji rauni a ƙafarsa bayan cin karo da mai tsaron ragar PSG Gianluigi Donnarumma a karawarsu a gasar Club World Cup.

    Likitoci sun ruga cikin fili domin duba lafiyarsa lokacin da ya faɗi, yayin da ƴan wasa ke kawar da idanuwansu saboda tsananin raunin.

    Zuwa yanzu dai Musiala na asibiti inda yake ci gaba da samun kulawa.

    Ƴan wasan PSG sun aika saƙonnin da addu'o'in samun sauƙi bayan an kammala wasan.

    Ousmane Dembele - wanda ya zura wa PSG kwallo na biyu a wasan ya yi wa Musiala fatan samun sauki nan ba da jimawa ba.

    "Raunin da ya ji abu ne da ba son gani ya faru a filin wasa, ina masa fatan samun lafiya cikin gaggawa," in ji Dembele.

14. 5 Yuli 2025Chelsea ta kammala ɗaukar Gittens daga Dortmund

    

    Asalin hoton, Getty Images

    Chelsea ta sanar da sayen ɗan wasan Ingila Jamie Gittens kan fam miliyan 48.5 daga Borrusia Dortmund.

    Gittens mai shekara 20, ya saka hannu kan yarjejeniyar shekara bakwai a Stamford Bridge.

    Ɗan wasan ya koma Dortmund ne daga Manchester City a shekarar 2020 inda ya zura ƙwallo 17 cikin wasanni 107 a Jamus.

    Gittens wanda ba zai iya buga wa Chelsea gasar Club World Cup ba, ya ce yana farin cikin komawa babban ƙungiya irin ta.

    Chelsea dai na ci gaba da sayan ƴan wasa bayan da ta riga ta sayi Liam Delap da Joao Pedro da Dario Essugo da Mamadou Sarr.

15. 5 Yuli 2025Burnley ta ɗauki Walker daga City kan fam miliyan biyar

    

    Asalin hoton, Burnley FC

    Ɗan wasan baya na Ingila Kyle Walker ya koma Burnley bayan sanya hannu kan yarjejeniyar shekara biyu da ƙungiyar.

    Walker zai yi aiki tare da kocin ƙungiyar, Scott Parker, wanda suka taka leda tare a Tottenham a can baya.

    "Ina farin cikin zuwa wannan ƙungiya, na zaƙu na ƙara nuna bajinta ta da kuma jajircewa a wannan tawagar matasan ƴan wasan," in ji Walker.

    Walker ya kasance ɗan wasa na biyar da Burnley ta saya a bana, bayan Axel Tuanzebe da Quilindschy Hartman da Max Weiss da Loum Tchaouna.

16. 5 Yuli 2025An binne gawar Diogo Jota a Gondomar garin mahaifarsa

    

    Asalin hoton, Getty Images

    Bayan da aka kammala addu'o'i a wani cocin da ke Gondomar, an tafi da gawar Jota da ta ɗan'uwansa Andre Silva inda aka binne su cikin sirri.

    Abokai da iyali ne suka raka gawar yayin da sauran mutane suka riƙa yi musu tafi.

    An yi jana'izar ne a yau Asabar a wani cocin da ke garin Gondomar a ƙasar Porugal.

17. 5 Yuli 2025Hotuna: Ƴan wasa sun isa wurin jana'izar Jota

    Tawagar ƴan wasan Liverpool da ta Portugal, har da ma abokan Jota a wasu ƙungiyoyi sun isa wajen da za a yi jana'izar tsohon abokin nasu da kuma ɗan uwansa Andre Silva.

    Cikin tawagar akwai kocin Liverpool Arne Slot da kuma sauran jagororin ƙungiyar, har da Bernardo Silva da Pedro Neto da sauransu.

    

    Asalin hoton, Getty Images

    

    Asalin hoton, Getty Images

    

    Asalin hoton, Getty Images

    

    Asalin hoton, Getty Images

    

    Asalin hoton, Getty Images

18. 5 Yuli 2025Hotuna: Tawagar ƴan wasan Liverpool sun isa wurin jana'izar Jota

    Tawagar ƴan wasan Liverpool sun isa wajen da za a yi jana'izar tsohon abokinsu Diogo Jota da kuma ɗan uwansa Andre Silva.

    Cikin tawagar ta Liverpool akwai kocinsu Arne Slot da kuma sauran jagororin ƙungiyar.

    

    Asalin hoton, PA Media

19. 5 Yuli 2025Buɗewa

    Masu bibiyar mu barkan mu da warhaka.

    Ku kasance da mu a wannan shafi domin kawo muku labaran wainar da ake toyawa a fagen kwallon kafa a duniya.