Labaran abubuwan da ke faruwa dangane da wasanni

Rahoto kai-tsaye

Mohammed Abdu da Ahmad Bawage

1. 26 Mayu 2025Mbappe ya lashe ƙyautar takalmin zinare a matakin mafi cin ƙwallaye a Turai, Europe golden shoe

   Kylian Mbappe ne ya lashe ƙyautar takalmin zinare a matakin wanda ya fi cin ƙwallaye a dukkan gasar Turai, bayan da ya ci Real Sociedad 2-0 ranar Asabar a gasar La Liga.

   Kenan din tawagar Faransa ya ci ƙwallo 31 a lik jimilla a kakarsa ta farko a babbar gasar tamaula ta Sifaniya, kuma shi ne kan gaba a cin ƙwallye a La Liga a kakar nan.

   Kenan yana gaban ɗan wasan Sporting, Victor Gyokeres mai ƙwallo 39 da na Liverpool, Mohamed Salah mai 29 a raga.

   Idan ɗan wasa ya ci ƙwallo a manyan gasar Turai biyar da ta haɗa da Premier League da La Liga da Bundesliga da Serie A da kuma Ligue 1 - ana bayar da maki biyu duk ƙwallo ɗaya.

   Idan aka zura ƙwallo tun daga gasa mai daraja ta shida zuwa 22 a ma'unin ƙwazon ƙungiyoyin daga Uefa har da ta Portugal, ana bayar da maki 1.5 ga duk ƙwallon da aka ci.

   Mbappe shi ne na uku a Real Madrid da ya lashe ƙyautar, bayan Hugo Sanchez a 1989-90 da kuma Cristiano Ronaldo a 2010-11 da 2013-14 da kuma 2014-15.

   A jerin jadawalin Mbappe, wanda yake matakin farko yana da maki (62 points), sai Gyokeres mai maki (58.5), da Salah mai maki (58), da Robert Lewandowski da maki (54), da kuma Harry Kane mai maki (52).

   Wa zai lashe takalmin zinare a matakin mafi cin ƙwallaye a Turai a bana?

2. 25 Mayu 2025Arsenal za ta je Champions League a baɗi, Southampton da Arsenal

   Bayan da Liverpool ta lashe kofin Premier League na bana, tuni ta samu gurbin shiga Champions League na kakar baɗi.

   Itama Arsenal ta samu tikitin shiga gasar tare da Tottenham, wadda ta ɗauki Europa League, bayan cin Manchester United 1-0 ranar Lataba.

   Kenan wasan yau da ƙungiyoyin za su kara a Premier League ba shi da wani tasiri a tsakaninsu, illa Arsenal tana fatan ci gaba da zama ta biyu a teburi da zarar ta doke Southampton a St Mary.

3. 25 Mayu 2025Onana yana benci a wasan United da Aston Villa, Man Utd da Aston Villa

   An ce watakila Manchester United ta ajiye Onana a benci a wasan da za ta karɓi bakuncin Aston Villa a Premier League ranar Lahadi a Old Trafford.

   Kenan za ta yi amfani da Altay Bayindir a matakin mai tsare ragar United.

   Ranar Alhamis Onana da Harry Maguire da kuma Diogo Dalot za su je India, domin yin wasu tallace-tallacen ƙungiyar.

   Ruben Amorim da sauran ƴan wasa za su je Kuala Lumpur, domin buga wasannin sada zumunta.

   Za ta fara wasa da fitattun Asia ranar Laraba, sannan ta kece raini da tawagar ƙwallon kafar Hong Kong ranar Juma'a.

4. 25 Mayu 2025Man United ba za ta buga gasar zakarun Turai ba a baɗi, Manchester United

   Bayan da Tottenham ta yi nasara a kan Manchester United da cin 1-0 ranar Laraba ta lashe Europa League, kenan United ba za ta je gasar zakarun Turai ba a karon farko tun bayan 2014/15, kuma karo na biyu da ƙungiyar Old Trafford ta ci karo da irin wannan koma bayan tun 1990.

5. 25 Mayu 2025Amorim zai yi jawabi ga magoya bayan Man United, Manchester United

   Kociyan Manchester United, Ruben Amorim zai yi jawabi ga magoya baya da zarar an tashi wasan da za su kara da Aston Villa ranar Lahadi a Premier League a Old Trafford.

   Ranar Laraba, Tottenham ta ci Manchester United 1-0 ta lashe Europa League a birnin Bilbao a Sifaniya.

   Hakan ne ya sa United wadda take buga kaka mafi muni tana ta 16 a kasan teburi da maki 39, kenan ba za ta je gasar zakarun Turai ba, sannan ta kare kakar bana ba tare da lashe kofi ba.

6. 25 Mayu 2025Yadda teburin Premier Laegue yake, Premier League

7. 25 Mayu 2025, Premier League

8. 25 Mayu 2025Wasannin Premier League da za a buga ranar Lahadi, Premier League

9. 25 Mayu 2025Daniel Levy bai fayyace makomar Postecoglou ba, Tottenham

   Shugaban ƙungiyar Tottenham, Daniel Levy na fatan za su kara ƙwazo a baɗi, bayan lashe Europa League ranar Laraba, sai dai bai ce komai ba kan makomar koci, Ange Postecoglou a sakonsa na karshen kakar ban.

   Postecoglou ya yi nasara a kan Manchester United da cin 1-0 ya lashe Europa League a kaka ta biyu da ya fara aiki da Tottenham, sai dai ƙungiyar tana mataki na 17 a kasan teburi kaka mafi muni da take fuskanta.

   Magoya bayan Tottenham sama da 220,000 sun halarci bikin lashe kofin Europa League, na farko tun bayan 2008, kuma karon farko rabon ta da ɗaukar kofin gasar Ingila tun bayan kaka 17.

   Tottenham za ta buga wasan karshe ranar Lahadi da Brighton.

10. 25 Mayu 2025Labaran da jaridu ke wallafawa kan cinikin ƴan wasa, Daga jaridu

    Bayern Munich na shawara kan ɗan wasan tsakiya a Crystal Palace da Ingila, Eberechi Eze mai shekara 26, bayan rashin nasara kan ɗan wasan Liverpool da Jamus, Florian Wirtz, mai shekara 22. (Mirror)

    Liverpool ta gabatar da tayin sama da £320,000 kowanne mako kan ɗan wasan Bayer Leverkusen, Wirtz a kokarin ganin sun daidaita kan lokaci. (Sky Sports Switzerland - in French)

    Zakarar Bundesliga, Bayern Munich ta nuna kwaɗayinta kan ɗan wasan Brighton da Japan, Kaoru Mitoma mai shekara 28, da kuma mai taka leda a AC Milan, Rafael Leao mai shekara 25. (Mirror)

    Ɗan wasan tsakiya a Manchester City Kevin de Bruyne, mai shekara 33, na gab da yanke hukunci kan tafiyarsa ƙungiyar Napoli ta Serie A nan da mako biyu. (Mail)

11. 25 Mayu 2025Ƴan wasan da za su yi ban kwana da kungiyoyinsu a Premier daga ranar Lahadi, Premier League

    Ƴan wasa da dama za su yi ban kwana da Premier League da zarar an kammala kakar bana ranar Lahadi, inda za a yi karawa 10 a lokaci tare.

    Daga cikinsu har da ɗan wasan Liverpool, Trent Alexander-Arnold, wanda zai koma Real Madrid da taka leda.

    Haka shi ne ɗan wasan Manchester City, Kevin de Bruyne zai yi ban kwana da magoya baya, wanda ya ce da ƙyar ne idan zai buga Club World Cup.

    Haka shima Jack Grealish zai karkare wasansa a City, kamar yadda wasu rahotannin ke cewa.

    Shi kuwa Kieran Tierney zai bar Arsenal zai sake komawa Celtic, ana kuma sa ran shima Jorginho zai yi ban kwana da Premier League ranar Lahadi.

    Ƙyaftin ɗin Crystal Palace, Joel Ward zai bar ƙungiyar bayan wasa 364 a kaka 13 da ya yi a Selhurst Park.

    Ƴan wasan Crystal Palace huɗu ne za su yi ban kwana da ya haɗa da - Aaron Cresswell da Lukasz Fabianski da Danny Ings da kuma Vladimir Coufal.

    Shi kuwa Ashley Young da Abdoulaye Doucoure za su bar Everton.

    Dean Huijsen zai yi ban kwana da Bournemouth ranar Lahadi, wanda zai koma Real Madrid da taka leda ana kuma cewa Milos Kerkez zai koma wasa a Liverpool.

    Ɗan wasan Ipswich, Liam Delap zai koma buga Championship, sakamakon da suka kasa ƙwazo a bana a Premier League.

    Ben Mee zai bar Brentford.

    Mai tsaron ragar Aston Villa ba a fayyace makomarsa ba, wanda ake cewar zai koma taka leda a Saudiyya.

    Ba wani kociyan da aka sanr zai bar Premier League, wanda ake hasashe shi ne Ange Postecoglou, koda yake ya lashe Europa League ranar Laraba, kenan Tottenham za ta buga Champions League.

12. 25 Mayu 2025Messi ya ceci Inter Miami a gasar ƙwallon kafar Amurka, Inter Miami

    Lionel Messi ya ci ƙwallo a minti na 87 ya kuma bayar aka zura a raga daf da tashi a wasan da aka tashi 3-3 tsakanin Inter Miami da Philadelphia Union.

    Hakan shi ne ya kawo karshen rashin nasara biyu a jere a Inter Miami, wadda ke fama da kalubale a kakar nan.

    Da wannan sakamakon Inter Miami tana ta shida, kuma saura wasa biyu a kammala kakar nan daga nan za ta je Club World Cup.

13. 25 Mayu 2025Real Madrid ta ɗauki Xabi Alonso, Real Madrid

    Real Madrid ta sanar da ɗaukar Xabi Alonso a matakin sabon kociyanta kan yarjejeniyar kaka uku.

    Alonso, wanda ya buga wa Real Madrid wasa 236, ya sanar tun farkon watan nan cewar zai bar Bayern Leverkusen da zarar an kammala kakar Bundesliga.

    Tsohon ɗan wasan Liverpool da tawagar Sifaniya, ya maye gurbin Carlo Ancelotti, zai kuma horar da Real Madrid zuwa 30 ga watan Yunin 2028.

    Ancelotti ɗan kasar Italiya ya ja ragamar Real Madrid wasan karshe ranar Asabar da yin nasara 2-0 a kan Real Sociedad a La Liga - zai koma aikin horar da tawagar Brazil.

    Alonso, wanda ya lashe Champions League a matakin ɗan wasa a Real Madrid a 2014, za a gabatar da shi gaban magoya baya ranar Lahadi - kuma shi ne zai kai Real Madrid Club World Cup da za a yi a Amurka.

    Real Madrid za ta fara wasa a Club World Cup da ƙungiyar Saudiyya ta Al-Hilal ranar 18 ga watan Yuni.

    Mai shekara 43 ya sa Bayern Leverkusen ta lashe kofin Bundesliga ba tare da rashin nasara ba da kuma ɗaukar German Cup a kakarsa ta farko a 2023/24.

    To sai dai Leverkusen ta kasa ɗaukar Bundesliga a bana, wanda Bayern Munich ta lashe, amma za ta je Champions League sakamakon da ta kare a mataki na biyu a teburi.

    Ana alakanta tsohon kociyan Manchester United, Erik ten Hag da cewar shi ne zai maye gurbin Alonso a Leverkusen.

14. 24 Mayu 2025Ten Hag zai maye gurbin Xabi Alonso a Leverkusen, Bayern Leverkusen

    Erik ten Hag na daf da maye gurbin Xabi Alonso a matakin kociyan Bayern Leverkusen mai buga Bundesliga.

    Mai horar da tamaula, baya aiki tun bayan da Manchester United ta kaore shi a cikin watan Oktoba.

    Ɗan kasar Netherland ya yi ta samun tayin aiki, sai dai ya zaɓi ya huta har sai an kammala kakar bana.

    A farkon watan nan daga wata majiya ga Ten Hag ta sanar da BBC cewar kociyan na shirye-shiryen sake karɓar aikin horar da Ajax daga watan Yuni.

    Alonso, wanda ake cewa shi ne zai maye gurbin Carlo Ancelotti a Real Madrid, ya bar aikin jan ragamar Leverkusen, wanda ya lashe Bundesliga a karon farko a 2024 da cin dukkan wasannin ba tare da rashin nasara ba.

    Haka kuma Leverkusen ta lashe kofin cikin gida na Jamus guda biyu har da doke Kaiserslautern da ta kai ta ɗauki German Cup.

    Sai dai a bana ƙungiyar ba ta taka rawar da ta yi a bara ba, amma ta yi ta biyu a teburin Bundesliga, kenan za ta je Champions League..

    Ten Hag ya san gasar Jamus, wanda ya yi kaka biyu a karamar ƙungiyar Bayern Munich daga 2013.

    Mai shekara 55 ya lashe FA Cup da League Cup a kaka biyu a United da yin na uku a Premier a 2022/23.

    United ta kori Ten Hag ranar 28 ga watan Oktoba, sakamakon rashin nasara 2-1 a hannun West Ham United daga nan ta maye gurbinsa da Ruben Amorim.

15. 24 Mayu 2025Za a kammala Premier League ranar Lahadi, Premier League

    Ranar Lahadi za a kammala Premier League, wadda za a yi karawa 10 a kuma lokaci ɗaya, kenan fafatawar mako na 38.

    An fara gasar ranar 16 ga watan Agustan 2024, kuma kawo yanzu an buga karawa 370 da cin ƙwallo 1,091, inda ɗan wasan Liverpool, Mohamed Salah shi ne kan gaba a cin ƙwallaye mai 28 a raga.

    Tuni Liverpool ta lashe kofin bana na 20 jimilla, irin yawan na Manchester United.

    An kuma samu ukun da suka yi ban kwana da Premier da ya haɗa da Leicester City da Ipswich Town da Southampton.

    Yanzu abin da ya rage shi ne waɗanda za su wakilci Ingila a Champions League da Europa da Conference League.

    Liverpool da Arsenal sun samu gurbin Champions League har da Tottenham, wadda ta lashe Europa League.

    Yanzu saura gurbi uku ake nema a teburin Premier da za su je babbar gasar zakarun Turai.

    Kofin Europa kuwa Crystal ce za ta buga shi, sakamakon lashe FA Cup, bayan doke Manchester City a Wembley.

    Wasannin mako na 38 a Premier League ranar Lahadi

    • Bournemouth da Leicester City
    • Fulham da Manchester City
    • Ipswich Town da West Ham United
    • Liverpool da Crystal Palace
    • Manchester United da Aston Villa
    • Newcastle United da Everton
    • Nottingham Forest da Chelsea
    • Southampton da Arsenal
    • Tottenham da Brighton & Hove Albion
    • Wolverhampton da Brentford

16. 24 Mayu 2025Arsenal ta lashe Champions League bayan cin Barcelona 1-0, Arsenal 1 - 0 Barcelona

17. 24 Mayu 2025Amorim ya sanar da Garnacho zai iya barin Man United, Manchester United

    Mai horar da Manchester United, Ruben Amorim ya sanar da Alejandro Garnacho cewar zai iya barin Old Trafford da zarar an kammala kakar nan.

    Ɗan wasan tawagar Argentina ya yi korafi da aka sa shi wasa saura saura minti tara a tashi a karawar Europa League da Tottenham ta lashe kofin da cin 1-0.

18. 24 Mayu 2025Aberdeen ta lashe Scottish Cup kafin farko bayan kaka 35, Scottish Cup

    Ƙungiyar Aberdeen ta ɗauki Scottish Cup bayan doke Celtic ranar Asabar.

    Karon farko da ta lashe kofi tun bayan shekara 35.

    Hakan ya sa ta hana Celtic ɗaukar kofi uku a jere a kakar nan a babbar gasar tamaula ta Scotland.

    Tun farko sun tashi 1-1 daga baya aka je bugun fenariti, inda Aberdeen ta lashe kofin.

19. 24 Mayu 2025Na yi murna da Postecoglou ya lashe Europa League - Hurzeler, Premier League

    Mai horar da Brighton, Fabian Hurzeler ya ce ya ji daɗi da Ange Postecoglou ya lashe Europa League ranar Laraba, hakan zai samu saukin matsi da ya fuskanta a ƙungiyar.

    Tottenham ta lashe kofi a karon farko tun bayan shekara 17 na farko a Turai tun bayan kaka 41, inda Brennan Johnson ya ci Manchester United a karawar da aka tashi 1-1 a Bilbao a Sifaniya.

    Ranar Lahadi za a kara tsakanin Brighton da Tottenham, wadda take ta 17 a kasan teburin kakar nan.

20. 24 Mayu 2025Emery ya ce Man United za ta iya yi musu fancale

    Kociyan Aston Villa, Unai Emery ya ce Manchester United za ta yi kokarin yi musu fancale a wasan karshe a Premier League da za su fafata ranar Lahadi.

    Ita dai Villa na neman gurbin shiga Champions League a baɗi, za ta je Old Trafford kwana huɗu tsakani da United ta yi rashin nasara 1-0 a hannun Tottenham, wadda ta lashe Europa League a birnin Bilbao a Sifaniya.

    United tana buga kaka mafi muni a tarihi a bana, wadda take ta 16 a kasan teburi da maki 39, bayan buga wasan mako na 37.

    Ita kuwa Villa mai maki 66 tana da maki iri ɗaya da na Newcastle ta huɗu da kuma Chelsea ta biyar da tazarar maki ɗaya tsakani da Nottingahm Forest ta bakwai.

    .