Hotunan taurari masu ban sha'awa da wani dalibi ya dauka

Karanta rubutu kawai domin rage cin data

Starlight skyline photo — Bayanan hoto, Bryan Shaw ya ce rashin haske a yankinsa ne ya taimaka masa ɗaukar irin wannan hoton kan Dunure Castle gaɓar Ayrshire

An wallafa 26 Aprilu 2022

Wani ɗalibi ɗan ƙasar Scotland ya ƙaddamar da hotunan sararin samaniya da ya ɗauka ta hanyar amfani da na'urar hangen nesa a bayan lambunsa.

Bryan Shaw, dalibi a Jami'ar West of Scotland, ya shafe sa'o'i da yawa yana kallon taurari da tattara hotuna da bidiyo don wani shiri na ƙarshen shekara.

Bryan Shaw holding a telescope — Bayanan hoto, Mr Shaw ya ce ya gano ta hanyar amfani da na'urorin hangen nesa da dama lokacin da yake nazarin yadda zai ɗauki hotunan taurari.

Dalibin da ke ajin karatu na hudu ya sami nasarar ɗaukar cikakkun hotuna na gungun taurari da waɗanda ke da haske a shekaru da yawa, kamar Pleiades, Andromeda da Orion Nebula.

Whirlpool Galaxy — Bayanan hoto, Taurarin da Mr Shaw ya dauka da na'urar hangen nesa ta telescope

Mr Shaw - wanda ya fara ɗaukar hotunan sararin samaniya a bara - yakan sadaukar da darensa kan burinsa, na ɗaukar hotunan taurari a wajen gidansa da ke c New Cumnock, gabashin Ayrshire.

Bayanan hoto, Gungun taurarin Rosette Nebula na da tazarar nisan shekara 5,000 daga duniya

Ya ce: "Yana cin lokaci, amma ina matuƙar so wannan. Ina shirin samun babbar na'urar hangen nesa domin faɗaɗa ilimi na, kuma don na iya ɗaukar wasu abubuwan da ba zan iya ɗauka ba a yanzu."

Ina son na ɗauki hotunan na duniyoyi da wata - abin da nake tsarawa kenan.

"Babban burina shi ne na ɗauki taurarin nebula."

Red-giant branch stars — Bayanan hoto, Taurari

Dr Sheona Urquhart, malamin kimiya a Open University, ya shaida wa BBC cewa hotunan da aka ɗauka "abubuwa ne da ke nuna yanayin duniyarmu."

Skip Wanda aka fi karantawa and continue reading

Wanda aka fi karantawa

End of Wanda aka fi karantawa

"Abin da nake tunani ya fi ban sha'awa shi ne yadda ya ba sai ka je kasa da kasa ba, ka samu hotuna masu ban sha'awa - daga gida za ka iya samun abin da kake so," in ji shi.