Coronavirus: Ministan Tsaron Ivory Coast ya kamu da cutar
Asalin hoton, Getty Images
Gwajin da aka yi wa Ministan Tsaron Ivory Coast Hamed Bakayoko ya tabbatar da cewa ya kamu da cutar coronavirus.
Mr Bakayoko ya ce bai nuna alamomin kamuwa da cutar ba kafin a yi masa gwajin sannan ya bukaci 'yan kasar su dauki matakan kiyaye lafiyarsu.
Tuni dai aka killace ministan.
Ya bayyana haka ne a sakon da ya wallafa a shafinsa na Twitter a Turancin Faransa.
Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Karshen labarin da aka sa a X
Ya zuwa yanzu Ivory Coast ta tabbatar mutum 323 sun kamu da coronavirus yayin da mutum uku suka warke.
Gwamnati ta sanya dokar hana fita a babban birnin kasar Abidjan sannan ta tilasta wa dukkan 'yan kasar bin dokar hana fita daga karfe 9 na dare zuwa karfe 5 na safe agogon kasar.
A rnar Asabar ne, jami'an lafiyar kasar suka bukaci mutane su rika sanya takunkumin rufe fuska da zummar dakile yaduwar cutar.
