Dandazon mutane sun kalli kusufin rana mai kama da zoben wuta

Karanta rubutu kawai domin rage cin data

Yara sanye da bakin tabarau na musamman dan kallon ''wutar zobe'' ta kusufin rana a garin Wan Twin, Myanmar — Bayanan hoto, Yara sun sanya bakin tabarau domin su kalli kusufin rana a garin Wan Twin na kasar Myanmar

An wallafa 26 Disamba 2019

Al'umma a yankin Asiya sun kalli yadda kusufin rana na shekara-shekara, wanda aka yi wa lakabi da "ring of fire" da Ingilishi - wato ''zoben wuta''.

Dandazon mutanen sun taru domin kallon abin al'ajbin a kasashe dabn-daban ciki har da Sri Lanka, da Indonesia, da Indiya da kuma Saudiyya.

A kusufin da wata ke yi duk shekara, wata yana mamaye tsakiyar rana, inda yanayin ke kama da zobe.

Akalla ana yin kusufin rana sau biyu a kowacce shekara, suna faruwa ne idan inuwar wata ta lullube duniya.

Cikin hotuna: An bai wa dabbobin dawa kyautukan Kirsimeti
Hotunan yadda aka yi bikin kirsimeti a sassan duniya

Wata ya fara matsawa kusa da rana a hankali har si da ya yi masa ''zoben wuta'', kmar yadda mutane suka tsaya kallo a cibiyar Wan Twin aMyanmar (Burma). Ranar 26 ga watan Disamba 2019 — Bayanan hoto, Yadda rana ta yi kusufi a tsakiyar kasar Myanmar

Yarinya na kallon kusufin rana ta jikin hotonkwakwaf na X-ray a Islamabad ranar 26 ga watan Disamba, 2019. — Bayanan hoto, Wata yarinya ta kare idanunta don kallon kusufin rana ta jikin katin hoton kashi na X-ray a birnin Islamabad na kasar Pakistan

Kusufin rana na baya-bayan nan an yi shi ne a ranar 2 ga watan Yuli, ya kuma fito baro-baro ana gani har a kudancin Amurka.

Ana sa ran kusufin rana na gaba za a gan shi a ranar 14 ga watan Disambar 2020, za kuma a gan shi baro-baro a kudancin kasashen Chile da Argentina da kuma kudu masu yammacin Afirka da Antarctica.