Kalli shugaban kasa na tikar rawa a bainar jama'a
Asalin hoton, Getty Images
A ranar Lahadi ne aka yi hutu domin tunawa da ranar Matasa ta Afirka ta Kudu.
Sai dai abin da ya fi jan hankalin mutane a shafukan sada zumunta shi ne wani bidiyo na Cyril Ramaphosa yana tikar rawa a gaban jama'a.
Mutane da dama sun rinka sake wallafa bidiyon a Twitter.
Kawo yanzu sama da mutum 100,000 ne suka kalli bidiyon kuma yawancinsu sun sanya alamun dariya a martanin da suka mayar.
Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Karshen labarin da aka sa a X
Bikin, wanda ake yi a ranar 16 ga watan Yuni, na tunawa ne da tarzomar da ta faru a shekarar 1976 a birnin Soweto lokacin da dubban dalibai suka yi zanga-zanga domin nuna adawa da mulkin wariyar launin fata da kuma manufofin ilimi.
Daruruwan mutane 'yan sanda suka kashe, lamarin da ya kawo gagarumin sauyi a fannin zamantakewa da kuma siyasar kasar.
