Wasu batutuwan kan wasan Man United da Barcelona

Karanta rubutu kawai domin rage cin data
Europa League

Asalin hoton, Getty Images

An wallafa

Barcelona ta ziyarci Manchester United ranar Alhamis, domin buga wasa na biyu a neman gurbin ci gaba da Europa League.

Duk wadda ta yi nasara za ta kai matakin 'yan 16 da za su ci gaba da wasannin Zakarun Turai a Europa League a kakar nan.

Ranar Alhamis kungiyoyin biyu suka tashi 2-2 a Nou Camp a wasan farko.

Wannan shine karo na shida da Barcelona za ta ziyarci Old Trafford, inda wasa biyu ne United ta yi nasara.

Farko Barcelona ta ci United 2-0 a Cup Winners Cup a 1983/84 a Nou Camp, amma a wasa na biyu aka doke ta 3-0 a Old Trafford, inda Bryan Robson ya ci biyu da Frank Stapleton mai daya.

Daga nan suka yi canjaras biyu a karawar cikin rukuni - United ta doke Barcelona 1-0 ta hannun Paul Schools a daf da karshe a kakar 2008.

Sai dai Barcelona ta yi nasara a kan United a quarter finals a kakar 2019, inda Luke Shaw ya ci gida a Old Trafford.

Wasannin baya da Barcelona ta ziyarci Old Trafford:

Skip Wanda aka fi karantawa and continue reading
Wanda aka fi karantawa

End of Wanda aka fi karantawa

1983/84 Cup Winners' Cup

  • Man Utd 3-0 Barça

1994/95 Champions League

  • Man Utd 2-2 Barça

1998/99 Champions League

  • Man Utd 3-3 Barça

2007/08 Champions League

  • Man Utd 1-0 Barça

2018/19 Champions League

  • Man Utd 0-1 Barça
Kauce wa X
Ya kamata a bar bayanan X?

Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.

Gargadi: BBC ba za ta dauki alhakin bayanan da aka wallafa a shafukan da ba nata ne ba.

Karshen labarin da aka sa a X

Labarin da ya shafi kungiyoyin

Xavi ya ajiye wasu fitattun 'yan wasa a karawar da Barca ta ci Cadiz 2-0 a karshen mako a La Liga.

Sai dai Ousmane Dembele ba zai buga wasan ba, sannan an dakatar da Gavi daga buga karawar.

Sai dai an je da Ronald Araujo Ingila, wanda zai yi wasa na 100 a Barcelona.

Haka kuma ana sa ran kyaftin Sergi Busquets zai yi wasan na hamayya.

Manchester United za ta yi karawar ba tare da Van de Beek da Eriksen da kuma Martial ba, sannan ana auna koshin lafiyar Antony.

Ranar Lahadi United ta doke Leicester City 3-0 a Old Trafford a gasar Premier League karawar mako na 24.