Ƙayattatun hotunan Mauludi a faɗin duniya

Karanta rubutu kawai domin rage cin data
An wallafa

Wasu daga cikin al'ummar Musulmai sun yi imanin cewa an haifi Annabi Muhammadu (SAW) a ranar 12 ga watan Rabiul Awwal na shekarar Hijira.

Hakan ta sa miliyoyin Musulman kan yi bikin tunawa da ranar a kowace shekara, wadda ta wannan shekarar ta yi daidai da 8 ga watan Oktoba.

Mun duba wasu ƙayatattun hotunan yadda bikin ya gudana a wasu ƙasashe na duniya.

Masu Mauludi a Iraƙi

Asalin hoton, Getty Images

Bayanan hoto, Wani mutum ke nan ɗauke da yarinya yayin da suke kan hanyar halartar taron Mauludi a birnin Irbil na Iraƙi ranar Asabar, 12 ga watan Rabiul Awwal na shekarar Hijira ta 1444
Masu Mauludi a Yemen

Asalin hoton, Getty Images

Bayanan hoto, A Sana'a babban birnin Yemen kuwa, an ɗauki hoton dubban mutane ne da suka yi dandazo a wurin Mauludin na ranar Asabar
Masu Mauludi a Yemen

Asalin hoton, AFP/Getty Images

Bayanan hoto, Kafin bikin Mauludlin na Yemen, mazauna Sana'a sun ƙawata gine-gine da sauran kayayyaki da launin kore
Masu Mauludi a Yemen

Asalin hoton, AFP/GettyImages

Bayanan hoto, Nan ma dubban masu Mauludin ne a wani dandali da ke birnin Sana'a ɗin a ranar Asabar
Masu Mauludi a Ghana

Asalin hoton, Fahd/BBC Hausa

Bayanan hoto, Wasu mata ke nan da ke halartar Mauludin Wataniyya da aka gudanar a birnin Kumasi na Ghana ranar Asabar.
Masu Mauludi a Moroko

Asalin hoton, AFP/GettyImages

Bayanan hoto, Nan kuma wasu masu yabo ke kaɗe-kaɗe a bikin Mauludi a garin Al Aaroui da ke gundumar Nador a ƙasar Moroko.
Masu Mauludi a Kashmir

Asalin hoton, AFP/GettyImages

Bayanan hoto, Wasu mata ne a nan ke hanƙoron kallon wani gashi da suka yi imanin cewa gemun Annabi Muhammadu ne (SAW) a ranar Lahadi. Mutanen sun taru ne a Hubbaren Hazratbal da ke yankin Kashmir ƙarƙashin ikon Indiya, inda ake nuna musu gashin a lotuta na musamman duk shekara.
Masu Mauludi a

Asalin hoton, AFP/GettyImages

Bayanan hoto, Wasu mata ke nan a cikin masallaci yayin da suke halartar bikin Mauludi a ƙasar Bosnia Herzegovina da ke nahiyar Turai a ranar Asabar.
Masu Mauludi a Iraƙi

Asalin hoton, Getty Images

Bayanan hoto, Yayin da waɗancan ke cikin masallaci, waɗannan kuwa cashewa suke da waƙoƙi a farfajiyar wani gini.
Masu Mauludi a Falasɗinu

Asalin hoton, Getty Images

Bayanan hoto, Su ma Falasɗinawa ba a bar su a baya ba, inda yara da manya suka fito kan tituna don nuna murnar haihuwar Annabi a ranar Asabar.
Masu Mauludi a Yemen

Asalin hoton, Getty Images

Bayanan hoto, Wani mutum ke nan ɗauke da 'yarsa a kan hanyarsu ta zuwa wurin Mauludin Annabi SAW a birnin Sana'a na Yemen ranar Asabar.