Autan ƴar biyat ya buge Ilele a damben Maraba

Autan ƴar biyat ya buge Ilele a damben Marabar Nƴanya da suka kara ranar Lahadi da safe a jihar Nasarawa, Najeriya.

Autan ƴar biyat Guramada ya yi nasara a kan Ilele Garkuwan Mai Caji daga Kudu a turmin farko da suka taka dambe.

Tun farko Ilele ya yi fushi da kin daukar ƙaddara da cewar Autan ƴar biyat ya sa masa kafa ne ba kisa bane.

To amma daga baya an zagaya da dan damben Guramada, bayan da aka tabbatar da cewar an buge Ilele da hannu ba ture ba ne.

An kuma buga dambe da yawa sakamakon ranar ce aka yi wa Inda da Shagon Mada a Marabar Nƴanya.

Wasannin da aka yi kisa:

Bahagon Ali Kansila ya buge Boloko

Lagada ya yi nasara a kan Shagon Terminator

Bahagon Ali Yaro ya doke Shagon Autan Ɗan Bunza

Wasannin da aka yi canjaras:

Aljanin Nokiya da Shagon Sharif

Jan Idon Guramada da Ɗan Yalon Dijango

Mabilu da Shagon Ɗan Aliyu

Bahagon Ali Kansila da Shagon Dunan ba ta jemu ba

Ushu Shagon Inda da Autan na Aisha

Ɗan Sama'ila Shagon Alabo da Autan Fafa

Shagon Kurma da Shagon Inda

Shagon Autan Ɗan Bunza da Sabon Gundumi.