Abin da kuke son sani kan Fifa Club World Cup 2023
Asalin hoton, Getty Images
Kawo yanzu an san kungiyoyi shidan da za su fafata a FIFA Club World Cup da za a gudanar a cikin watan Disambar 2023.
Ranar Asabar Fluminense ta cike gurbin karshe na shida, bayan da ta yi nasara a kan Boca Juniors ta lashe Copa Libertadores a Rio de Janeiro.
Manchester City ce za ta wakilci nahiyar Turai, wadda za ta fara gasar daga matakin daf da karshe da za a yi gumurzu a Saudi Arabia.
Jadawalin wasannin Fifa Club World Cup:
Man City za ta kara da ko dai Club Leon ko Urawa Red Diamonds ranar 19 ga watan Disamba.
Fluminense za ta kece raini da Al Ahly ko Al-Ittihad ko kuma Auckland City.
Wadanda suka ci karawar daf da karshe za su hadu a wasan karshe ranar 22 ga watan Disamba.
Kungiyoyin da suke cikin Fifa Club World Cup 2023:
Yanzu za ku iya samun labaran BBC Hausa kai-tsaye a wayoyinku.
Latsa nan domin shiga
Karshen Whatsapp
Al Ahly (Masar) - Wadda ta lashe kofin zakarun Afirka CAF Champions League 2023.
Al-Ittihad (Saudi Arabia) - Mai masaukin baki, wadda ta lashe gasar Saudi Arabia kakar 2022/23.
Auckland City (New Zealand) - Wadda ta lashe kofin zakarun Oceania a 2023.
Fluminense (Brazil) - Wadda ta dauki Copa Libertadores a 2023.
Leon (Mexico) - Wadda ta dauki CONCACAF 2023.
Manchester City (Ingila) - Wadda ta dauki Champions League a 2023.
Urawa Red Diamonds (Japan) - Wadda ta lashe kofin zakarun Asia a 2023.
Wasannin da za a buga a Fifa Club World Cup a Saudi Arabia:
Zagayen farko:
Al-Ittihad da Auckland City ranar 12 ga watan Disamba a King Abdullah Sports City, Jeddah
Zagaye na biyu:
Leon da Urawa Red Diamonds ranar 15 ga watan Disamba a Prince Abdullah Al Faisal Stadium, Jeddah
Al Ahly da Al-Ittihad ko kuma Auckland City ranar 15 ga watan Disamba a King Abdullah Sports City, Jeddah
Wasan daf da karshe:
Fluminense da Al Ahly ko kuma Al-Ittihad ko kuma Auckland City ranar 18 ga watan Disamba a King Abdullah Sports City, Jeddah
Manchester City da Leon ko kuma Urawa Red Diamonds ranar 19 ga watan Disamba a King Abdullah Sports City, Jeddah
Wasan neman mataki na uku:
Ranar 22 ga watan Disamba a Prince Abdullah Al Faisal Stadium, Jeddah
Wasan karshe:
Ranar 22 ga watan Disamba a King Abdullah Sports City, Jeddah
