Wasa biyar kacal Chelsea za ta buga a cikin watan Janairu

Karanta rubutu kawai domin rage cin data

An wallafa 31 Disamba 2024

Lokacin karatu: Minti 1

Wasa biyar Chelsea za ta buga a watan Janairun 2025 da ya haɗa da huɗu a Premier League da FA Cup.

Ranar Litinin Chelsea ta yi rashin nasara 2-0 a gidan Ipswich Town a babbar gasar tamaula ta Ingila karawar mako na 19, wasan karshe da ta yi a 2024 kenan.

Hakan ya sa Chelsea mai maki 35 ta yi kasa zuwa ta huɗu a teburin Premier League, bayan cin wasa 10 da canjaras biyar da rashin nasara huɗu.

Ƙungiyar Stamford Bridge za ta fara wasa ranar 4 ga watan Janairu da zuwa Crystal Palace a Selhurst Park, wasan hamayya na ƙungiyoyin Landan.

Ranar 11 ga watan Janairu, Chelsea za ta karɓi bakuncin Morecambe a FA Cup, kwana uku tsakani ta yi wa Bournemouth masauki a Premier a Stamford Bridge.

Ranar 20 ga watan sabuwar shekara, Chelsea za ta fafata da Wolverhampton a gida daga nan ta yi wasan karshe a Janairun 2024.

Shi ne wanda za ta je Etihad ranar 25 ga watan Janairu, domin karawa da Manchester City mai rike da Premier na bara na huɗu a jere.

Ranar 18 ga watan Agusta, City ta doke Chelsea 2-0 a makon farko a Premier League a Stamford Bridge, kuma Erling Haaland da Mateo Kovacic ne suka ci ƙwallayen.

Skip Wanda aka fi karantawa and continue reading

Wanda aka fi karantawa