બિહારમાં NDAને બહુમત, શું નીતીશકુમાર મુખ્ય મંત્રી બનશે?

લાઇવ કવરેજ

1. 10 નવેમ્બર 2020બિહાર વિધાનસભા પરિણામ, હાલની સ્થિતિ શું છે?

   બિહાર વિધાનસભા ચૂંટણીનાં અત્યાર સુધીનાં વલણો પ્રમાણે એનડીએ ગઠબંધન આગળ ચાલી રહ્યું છે.

   ચૂંટણીપંચે થોડા સમય પહેલાં જ પ્રેસ કૉન્ફરન્સ કરીને કહ્યું કે મતગણતરીમાં થોડું મોડું થઈ શકે છે.

   જોકે અત્યાર સુધીની સ્થિતિ પ્રમાણે ભાજપ સૌથી વધુ બેઠક પર આગળ ચાલી રહ્યો છે.

   ચૂંટણીપંચ અનુસાર ભાજપ અત્યાર સુધીમાં 73 બેઠક પર આગળ ચાલી રહ્યો છે અને જેડીયુ 47 પર.

   અત્યાર સુધીનાં વલણમાં એનડીએમાં ભાજપ સૌથી મોટી પાર્ટી બનતી દેખાઈ રહી છે.

   તો લાલુ પ્રસાદ યાદવની પાર્ટી આરજેડી અત્યાર સુધીમાં 68 બેઠકો પર આગળ ચાલી રહી છે.

   બીજી તરફ કૉંગ્રેસ પાર્ટી 19 સીટ પર આગળ છે. જ્યારે સીપીઆઈએમએલને 12 સીટ પર આગળ છે.

2. 10 નવેમ્બર 2020પટણામાં જેડીયુની ઑફિસ બહાર ઉજવણી

   અત્યારસુધીનાં વલણોમાં એનડીએને સરસાઈ મળતાં બિહારના પાટનગર પટણામાં જેડીયુની ઑફિસ બહાર કાર્યકર્તાઓએ ઉજવણી શરૂ કરી દીધી છે.

   એનડીએને બહુમતી મળે તો તેમના મુખ્યમંત્રી પદના ઉમેદવાર જેડીયુની નીતીશકુમાર છે. જોકે, તેમનો પક્ષ હાલ આરજેડી અને ભાજપ કરતાં પણ પાછળ છે.

3. 10 નવેમ્બર 2020બિહારમાં વલણો પ્રમાણે કોને કેટલી બેઠકો?

4. 10 નવેમ્બર 2020પેટાચૂંટણીનું પરિણામ 2020નું ટ્રેલર- રૂપાણી

   ગુજરાતમાં તમામ આઠ બેઠકો પર હાલમાં મતગણતરી ચાલી રહી છે અને તમામ બેઠકો પર ભાજપ આગળ ચાલી રહ્યો છે.

   ત્યારે ગુજરાતના મુખ્ય મંત્રી વિજય રૂપાણીએ ગાંધીનગર કમલમ કાર્યાલય ખાતે પત્રકારપરિષદ સંબોધી હતી.

   વિજય રૂપાણીએ કહ્યું કે આ પરિણામ 2020ની ચૂંટણીનું ટ્રેલર છે. ભાજપે પ્રજાલક્ષી કામો કર્યાં છે. ગુજરાતના દરેક સમાજે ભાજપને ભવ્ય લીડ આપી છે.

5. 10 નવેમ્બર 2020નીતીશકુમારની એન્જિનિયરથી મુખ્ય મંત્રી બનવાની સફર

6. 10 નવેમ્બર 2020મતગણતરીમાં મોડું થવાની શક્યતા

   ચૂંટણીપંચના કહેવા મુજબ આ વખતે બિહાર વિધાનસભાની ચૂંટણીની મતગણતરી પૂર્ણ થવામાં વધારે સમય લાગશે.

   ચૂંટણીપંચે કહ્યું કે 2015ની તુલનામાં આ વખતે મતદાનકેન્દ્રની સંખ્યા વધી ગઈ છે એટલે ઈવીએમ મશીન પણ વધી ગયાં છે. જેથી મતની ગણતરી કરવામાં વાર લાગશે.

   ચૂંટણીપંચ અનુસાર બિહારમાં અત્યાર સુધી એક કરોડ મતોની ગણતરી થઈ છે.

7. 10 નવેમ્બર 2020નીતીશની પાર્ટી આરજેડી અને ભાજપથી પાછળ

   બિહાર વિધાનસભાની ચૂંટણીનાં અત્યાર સુધીનાં વલણો પ્રમાણે નીતીશકુમારની પાર્ટી એનડીએમાં પાછળ જણાઈ રહી છે.

   જેડીયુને એનડીએમાં 122 બેઠક મળી હતી અને ભાજપને 121 બેઠક.

   ચૂંટણીપંચ અનુસાર ભાજપ અત્યાર સુધીમાં 72 બેઠક પર આગળ ચાલી રહ્યો છે અને જેડીયુ 48 પર.

   બીજી તરફ મહાગઠબંધનમાં આરજેડીને 144 બેઠકો મળી હતી અને હાલમાં 66 બેઠક પર આગળ છે.

   કૉંગ્રેસે 70 બેઠકો પર ઉમેદવાર ઊભા રાખ્યા હતા અને માત્ર 20 બેઠકો પર આગળ છે.

   સૌથી સારી સ્થિતિ સીપીઆઈએમએલની છે. સીપીઆઈએમએલને 19 સીટ મળી હતી અને 14 સીટ પર આગળ છે.

8. 10 નવેમ્બર 2020બિહારમાં કોને કેટલી બેઠકો?

   બિહાર વિધાનસભા ચૂંટણીની મતગણતરી ચાલી રહી છે અને ભાજપ તમામ પક્ષોમાં સૌથી વધારે બેઠકો મેળવી રહ્યો છે.

   એનડીએ હાલ રાજયમાં મહાગઠબંધન કરતાં આગળ ચાલી રહ્યું છે.

9. 10 નવેમ્બર 2020એનડીએ આગળ, કાર્યકરોમાં ઉત્સાહ

   બિહાર વિધાનસભાની મતગણતરી હાલમાં ચાલી રહી છે અને એનડીએ ગઠબંધન આગળ ચાલી રહ્યું છે. ત્યારે કાર્યકરોમાં પણ ઉત્સાહનો માહોલ જોવા મળી રહ્યો છે. જુઓ તસવીરમાં.

10. 10 નવેમ્બર 2020ગુજરાત : પેટાચૂંટણીના પરિણામ વખતે ભાજપ ઑફિસનો માહોલ

    ગુજરાત પેટાચૂંટણી અને બિહાર વિધાનસભા ચૂંટણીનાં પરિણામોમાં ભાજપ આગળ ચાલી રહ્યો છે, ત્યારે ભાજપના મુખ્યાલય કમલમ ખાતે કેવો માહોલ છે?

    બીબીસી ગુજરાતી સંવાદદાતા તેજસ વૈદ્યનો રિપોર્ટ

11. 10 નવેમ્બર 2020કૉંગ્રેસના નેતાને ઈવીએમ પર શંકા

    બિહાર વિધાનસભા સહિત તમામ પેટાચૂંટણીમાં ભાજપ હાલમાં આગળ ચાલી રહ્યો છે.

    બિહાર વિધાનસભાની અત્યાર સુધીની ગણતરી પ્રમાણે એનડીએ ગઠબંધન આગળ ચાલી રહ્યું છે.

    ત્યારે કૉંગ્રેસના નેતા ઉદિત રાજે ટ્વીટ કરીને લખ્યું, "જો મંગળ ગ્રહ અને ચાંદ તરફ જતાં ઉપક્રમની દિશાને ધરતી પરથી નિયંત્રિત કરી શકાતી હોય તો ઈવીએમ હૈક કેમ ન કરી શકાય?"

12. 10 નવેમ્બર 2020ગુજરાતમાં આઠેય બેઠક પર ભાજપ આગળ

    ગુજરાતમાં આઠ પેટાચૂંટણીની બેઠકોની મતગણતરી ચાલી રહી છે અને તમામ આઠ બેઠક પર ભાજપ આગળ ચાલી રહ્યો છે.

    હાલમાં અબડાસા, મોરબી, ધારી, લીમડી, કરજણ, કપરાડા અને ડાંગની બેઠકો માટેની ગણતરી ચાલી રહી છે.

    ભાજપ શરૂઆતનાં વલણોમાં આગળ જતાં ભાજપ કાર્યાલય કમલમ ખાતે ભાજપના નેતાઓ અને કાર્યકરો એકઠા થયા છે.

    લીમડી વિધાનસભામાં 20મા રાઉન્ડના અંતે ભાજપના ઉમેદવાર કિરીટસિંહ રાણા 22982 મતે આગળ છે.

    અત્યાર સુધીમાં ભાજપના ઉમેદવાર કિરીટસિંહને 45,285 મત અને કૉંગ્રેસના ઉમેદવાર ચેતન ખાચરને 22,303 મળ્યા છે.

13. 10 નવેમ્બર 2020તેજ પ્રતાપ યાદવ આગળ નીકળ્યા

    લાલુ પ્રસાદ યાદવના પુત્ર તેજ પ્રતાપ યાદવ હસનપુર વિધાનસભા ક્ષેત્રમાંથી હવે આગળ ચાલી રહ્યા છે.

    તેજ પ્રસાદ યાદવને કુલ 15,241 મત મળ્યા છે, જ્યારે જેડીયુના રાજકુમાર રાયને 12,058 મત મળ્યા છે.

    ગત ચૂંટણીમાં તેજ પ્રતાપ યાદવ હસનપુર વિસ્તારમાંથી ચૂંટણી જીત્યા હતા.

14. 10 નવેમ્બર 2020બિહારમાં ફરી નીતીશકુમાર મુખ્ય મંત્રી બનશે?

    બિહાર વિધાનસભા ચૂંટણીમાં અત્યાર સુધીનાં વલણો પ્રમાણે એનડીએની સરકાર બનવા જઈ રહી છે.

    એનડીએમાં ભાજપ અને જેડીયુ બંને મોટા પક્ષો છે અને નીતીશકુમાર તેમના મુખ્ય મંત્રીપદના ઉમેદવાર છે.

    નીતીશકુમાર છેલ્લાં 15 વર્ષથી બિહારના મુખ્ય મંત્રી છે.

    બીજી તરફ મહાગઠબંધનમાં આરજેડી અને કૉંગ્રેસ મુખ્ય પક્ષો છે. તેમના મુખ્ય મંત્રીપદના ઉમેદવાર તેજસ્વી યાદવ છે. જોકે હાલ મહાગઠબંધન પાછળ ચાલી રહ્યું છે.

15. 10 નવેમ્બર 2020મધ્ય પ્રદેશમાં ભાજપ 15 બેઠકો પર આગળ

    મધ્ય પ્રદેશમાં અત્યાર સુધીમાં 15 બેઠકો પર ભાજપ આગળ ચાલી રહ્યો છે.

    જ્યારે કૉંગ્રેસ 8 બેઠકો પર અને બીએસપી એક બેઠક પર આગળ છે.

    મધ્ય પ્રદેશમાં 28 બેઠકો પણ પેટાચૂંટણી યોજાઈ હતી અને તેની હાલ મતગણતરી ચાલી રહી છે.

16. 10 નવેમ્બર 2020બિહાર વિધાનસભા ચૂંટણી : વર્ષ 2015માં કોને કેટલી સીટ મળી હતી?

17. 10 નવેમ્બર 2020બિહારમાં ભાજપ સૌથી મોટો પક્ષ?

    ચૂંટણીપંચની વેબસાઇટ પ્રમાણે હાલ કુલ 243માંથી 238 બેઠકોનાં વલણો આવ્યાં છે. જેમાં મહાગઠબંધન કરતાં એનડીએ આગળ ચાલી રહ્યું છે.

    એનડીએમાં પણ આ વખતે ભાજપ સૌથી મોટો પક્ષ બનતો દેખાઈ રહ્યો છે.

    ભાજપને સૌથી વધારે બેઠકો મળી રહી છે.

    એનડીએ કુલ 125 બેઠકો પર આગળ ચાલી રહ્યું છે, જ્યારે મહાગઠબંધન 101 બેઠકો પર.

    ભાજપ 70

    રાષ્ટ્રીય જનતાદળ (RJD)62

    જનતાદળ યુનાઇટેડ (JDU) 48

    કૉંગ્રેસ 20

18. 10 નવેમ્બર 2020ગુજરાત પેટાચૂંટણી પરિણામ : 8 બેઠકોમાંથી ભાજપ 7 બેઠકો પર આગળ

    બિહાર વિધાનસભાની ચૂંટણી સાથે ગુજરાતમાં પણ આજે 8 બેઠકો પર યોજાયેલી પેટાચૂંટણીની મતગણતરી થઈ રહી છે. કુલ 8 બેઠકોમાંથી 7 બેઠકો પર ભાજપ આગળ છે, જ્યારે માત્ર 1 બેઠક પર કૉંગ્રેસ આગળ છે.

19. 10 નવેમ્બર 2020શત્રુઘ્ન સિન્હાના પુત્ર લવ સિન્હા પાછળ

    ભારતીય ચૂંટણીપંચ અનુસાર કૉંગ્રેસના ઉમેદવાર અને શત્રુઘ્ન સિન્હાના પુત્ર લવ સિન્હા બાંકીપુર સીટ પરથી પાછળ ચાલી રહ્યા છે.

    લવ સિન્હા સામે ભાજપના ઉમેદવાર નીતિન નબિન છે.

20. 10 નવેમ્બર 2020તેજસ્વી યાદવ આગળ

    ભારતીય ચૂંટણીપંચ અનુસાર રાષ્ટ્રીય જનતા દળના નેતા તેજસ્વી યાદવ આગળ ચાલી રહ્યા છે.

    જોકે અત્યાર સુધીની સ્થિતિ પ્રમાણે એનડીએ ગઠબંધન આગળ છે. તેજસ્વીના નેતૃત્વવાળું મહાગઠબંધન પાછળ ચાલી રહ્યું છે.

    લાલુ પ્રસાદ યાદવના પુત્ર તેજસ્વી યાદવ રાધોપુર વિધાનસભા ક્ષેત્રથી ચૂંટણી લડી રહ્યા છે.