#IndvsEng : બૉલર મોહમ્મદ શમી અને બુમરાહની નવમી વિકેટની બેટિંગ ભાગીદારી ઇંગ્લૅન્ડને ભારે પડી
ઇમેજ સ્રોત, Getty Images
ભારતે ઇંગ્લૅન્ડને આજે બીજી ટેસ્ટના આખરી દિવસે ક્રિકેટ ઇતિહાસનો યાદગાર કહી શકાય તેવો પરાજય આપ્યો છે.
ભારતે ઇંગ્લૅન્ડને 151 રનથી હરાવ્યું છે. એક સમયે એવું લાગતું હતું કે ઇંગ્લૅન્ડ મૅચ જીતી જશે, પરંતુ ટીમ ઇન્ડિયાએ આખરે બાજી પોતાના નામે કરી લીધી.
લૉર્ડ્ઝ ક્રિકેટ ગ્રાઉન્ડ પર 5 ટેસ્ટની શ્રેણીમાં ભારતે આ સાથે જ 1-0ની સરસાઈ મેળવી લીધી છે.
લૉર્ડ્ઝ પર ભારતનો 1986 અને 2014 પછી આ ત્રીજી વખત ટેસ્ટમાં વિજય થયો છે.
ભારતીય બૉલરોની બેટિંગ
ઇમેજ સ્રોત, PA Media
272 રનના ટાર્ગેટ સામે ઈંગ્લૅન્ડ માત્ર 120 રનમાં ઑલઆઉટ થયું હતું. તેને ડ્રૉ ખેંચવા 8.1 ઓવર રમવાની બાકી હતી.
પછી ભારતે બાજી મારી લીધી હતી. ભારતીય બૉલર્સના આક્રમણ સામે ઇંગ્લૅન્ડની બેટિંગ-હરોળ ધરાશાયી થઈ ગઈ હતી.
સિરાજે 32 રનમાં 4, બુમરાહે 3 અને ઈશાંત શર્માએ બે વિકેટ તેમજ શમીએ 1 વિકેટ ઝડપી હતી.
જ્યારે મોહમ્મદ શમી (56 અણનમ) અને બુમરાહ (34 અણનમ) વચ્ચેની નવમી વિકેટની 89 રનની ભાગીદારી ઇંગ્લૅન્ડને હરાવવા માટે નિર્ણાયક રહી હતી.
End of સૌથી વધારે વંચાયેલા સમાચાર
નવમી વિકેટની ભાગીદારીએ ભારતને વિજય મેળવવામાં ખૂબ જ મહત્ત્વની ભૂમિકા ભજવી હતી.
એમ તો મૅચનો વિજય સમગ્ર ટીમના પરફૅક્ટ પર્ફૉર્મન્સને આભારી છે, પરંતુ કે. એલ. રાહુલની સદી અને રોહિત શર્મા સાથેની તેમની 126 રનની ભાગીદારી પણ મહત્ત્વની રહી છે.
મોહમ્મદ સિરાજની ચાર વિકેટ
ઇમેજ સ્રોત, Getty Images
કે.એલ. રાહુલે બાદમાં કપ્તાન વિરાટ કોહલી સાથે પણ 117 રનની ભાગીદારી કરી હતી. આમ કે. એલ. રાહુલની સદીએ પણ મોટું યોગદાન આપ્યું.
તો વળી બીજી ઇનિંગમાં જ્યારે રાહુલ, રોહિત અને વિરાટ જેવા બૅટ્સમૅન નિષ્ફળ રહ્યા ત્યારે પૂજારા અને રહાણેએ બાજી સંભાળી હતી. તેમણે ચોથા દિવસે પણ ક્રિઝ પર અડીખમ બેટિંગ કરી હતી.
તદુપરાંત સૌથી આકર્ષક અને રસપ્રદ બાબત બુમરાહ અને શમી વચ્ચેની બેટિંગની ભાગીદારી રહી. તેમણે 120 બૉલમાં 89 રનની ભાગીદારી કરી હતી.
વળી રોહિત શર્માના પર્ફૉર્મન્સની વાત કરીએ તો આ બૅટ્સમૅન ચોક્કસપણે સદી ચૂકી ગયો હતો, પરંતુ રોહિતે 145 બૉલમાં 83 રન કર્યા હતા.
અને આ મજબૂત ઇનિંગના આધારે જ ભારત 364 રન સુધી પહોંચી ગયું હતું. જેથી ઇંગ્લૅન્ડ પર દબાણ સર્જવા માટે આ સ્કોર મદદરૂપ રહ્યો હતો.
ભારતે એક રીતે જોઈએ તો બેટિંગ અને બૉલિંગ બન્નેમાં સારું પ્રદર્શન કર્યું હતું.
ઇંગ્લૅન્ડની બીજી ઇનિંગમાં 4 બૅટ્સમૅન શૂન્ય પર આઉટ થયા હતા. જોકે ઇંગ્લૅન્ડે પ્રથમ ઇનિંગમાં પ્રભાવક પર્ફૉર્મ કરી 391 રન ખડક્યા હતા. છતાં તે મૅચ હારી ગયું.
ઇમેજ સ્રોત, MohFW, GoI
આ લેખમાં Google YouTube દ્વારા પૂરું પાડવામાં આવેલું કન્ટેન્ટ છે. કંઈ પણ લોડ થાય તે પહેલાં અમે તમારી મંજૂરી માટે પૂછીએ છીએ કારણ કે તેઓ કૂકીઝ અને અન્ય તકનીકોનો ઉપયોગ કરી શકે છે. તમે સ્વીકારતા પહેલાં Google YouTube કૂકીઝ નીતિ અને ગોપનીયતાની નીતિ વાંચી શકો છો. આ સામગ્રી જોવા માટે 'સ્વીકારો અને ચાલુ રાખો'ના વિકલ્પને પસંદ કરો.
YouTube કન્ટેન્ટ પૂર્ણ
તમે અમનેફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો
