ચંદ્રગ્રહણ : ભારતમાં આ તારીખે થશે ગ્રહણ, ક્યાં જોવા મળશે, કોણ નહીં જોઈ શકે?

આ વરસે છેલ્લું ચંદ્રગ્રહણ 17 અને 18 સપ્ટેમ્બર વચ્ચે થવાનું છે. આ ચંદ્રગ્રહણની ખાસ વાત એ છે કે તે પૂર્ણિમાના દિવસે થશે.

તેને સુપર મૂન કહે છે. સુપર મૂન એક ખગોળીય ઘટના છે જેમાં ચંદ્ર પૃથ્વીની સૌથી નજીક હોય છે અને 14 ટકા વધારે ચમકીલો પણ હોય છે. તેને પેરિગી મૂન પણ કહે છે.

સપ્ટેમ્બરની પૂર્ણિમાને ઉત્તર ગોળાર્ધમાં શરદ ઋતુના પાકો સાથે જોડાયેલ હોવાથી તેને હાર્વેસ્ટ મૂન પણ કહે છે.

આ વખતે ચંદ્રગ્રહણ પેનુમબ્રલ(ઉપછાયા) ચંદ્રગ્રહણ હશે. વાસ્તવમાં ચંદ્રગ્રહણ ત્રણ પ્રકારના હોય છે. પૂર્ણ ચંદ્રગ્રહણ, આંશિક ચંદ્રગ્રહણ અને પેનુમબ્રલ ચંદ્રગ્રહણ.

ભારતમાં ક્યારે થશે ચંદ્રગ્રહણ?

અમેરિકાની સ્પેસ એજન્સી નાસા મુજબ ભારતમાં આ ચંદ્રગ્રહણ બુધવારે, 18 સપ્ટેમ્બરની સવારે 6.11 વાગ્યે શરૂ થશે. સવારે 7.42 વાગ્યે ચંદ્ર આંશિક રૂપે ઢંકાવાનું શરૂ થશે. જે સવારે 8.45 વાગ્યા સુધી ચાલશે.

ક્યાં દેખાશે ચંદ્રગ્રહણ?

ભારતના લોકો આ ચંદ્રગ્રહણને નહીં જોઈ શકે. સવારે સૂર્યના વધુ પ્રકાશમાં આ ચંદ્રગ્રહણ નજરે નહીં પડે.

ભારત અને કેટલાક અન્ય દેશોની વાત કરીએ તો આ ચંદ્રગ્રહણ દુનિયાના ઘણા દેશોમાં દેખાશે. જેમાં ઉત્તર અમેરિકા, યુરોપ, આફ્રિકા અને દક્ષિણ અમેરિકાના કેટલાક ભાગો સામેલ છે.

ચંદ્રગ્રહણ કેવી રીતે થાય છે?

સૂર્યની પરિક્રમા દરમિયાન જ્યારે પૃથ્વી, ચંદ્ર તથા સૂર્યની વચ્ચે આવે છે ત્યારે પૃથ્વીની છાયા ચંદ્ર પર પડે છે અને ચંદ્ર છૂપાઈ જાય છે કે ચંદ્રનો ભાગ અંધકારમય થઈ જાય છે. આ સ્થિતિને ગ્રહણ કહેવાય છે.

ચંદ્રગ્રહણ સૂર્યગ્રહણની સરખામણીએ વ્યાપક સ્તરે દેખાય છે.

ચંદ્રગ્રહણની ખાસ વાત એ છે કે કોઈ પણ વ્યક્તિ તેને નગ્ન આંખોએ જોઈ શકે છે જ્યારે કે સૂર્યગ્રહણમાં આવું ન કરી શકાય.

સુપર મૂન, બ્લૂ મૂન અને બ્લ્ડ મૂન શું છે?

(બીબીસી માટે કલેક્ટિવ ન્યૂઝરૂમનું પ્રકાશન)

તમે બીબીસી ગુજરાતીને સોશિયલ મીડિયામાં Facebook પર , Instagram પર, YouTube પર, Twitter પર અને WhatsApp પર ફૉલો કરી શકો છો.