Uganda: Kizza Besigye yarekuwe, anenga uburyo yari afashwe
Ahavuye isanamu, Getty Images
Kizza Besigye utavuga rumwe n'ubutegetsi bwa Uganda yatangaje ubutumwa kuri Twitter avuga ko ubu yarekuwe nyuma yo gutabwa muri yombi ejo ku wa mbere.
Bwana Besigye yavuze ko ameze neza ndetse ashimira abantu bamushyigikiye muri icyo gihe yamaze afunze, ariko avuga ko uko yari amerewe ari "ihonyorwa rikomeye ry'uburenganzira bwa muntu".
Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookie n'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya X ubutumwa, 1
Muri weekend ishize, Bwana Besigye yari yaherekeje umugore we Winnie Byanyima i Genève aho yagiye gutangira imirimo mishya nk'umuyobozi w'ishami ry'umuryango w'abibumbye ryo kurwanya SIDA, UNAIDS nk'uko uyu muryango wabigaragaje ku mbuga nkoranyambaga.
Biboneka ko Bwana Besigye, wigeze kuba umuganga bwite wa Perezida Yoweri Museveni, yahise asubira muri Uganda gukomeza ibikorwa bye bya politiki.
Polisi yataye muri yombi Bwana Besigye nyuma yo kumushinja guparika imodoka ye hagati mu muhanda akabangamira abandi bakoresha uwo muhanda wo mu murwa mukuru Kampala.
Ariko umwe mu banyamakuru bo muri Uganda yavuze ko Bwana Besigye - umukuru w'ishyaka Forum for Democratic Change (FDC) - yari mu nzira agiye kugeza ijambo ku mbaga y'abamushyigikiye ubwo polisi yamutaga muri yombi.
Ku mbuga nkoranyambaga, hari guhererekanywa videwo igaragaza Bwana Besigye arundumurirwaho amazi menshi na polisi.
Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookie n'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya X ubutumwa, 2
Polisi ihita imena ikirahuri cy'imbere cy'imodoka ye, ikamusohoramo igahita imuta muri yombi, nkuko byatangajwe n'ikinyamakuru Daily Monitor cyo muri Uganda kitegamiye kuri leta.
Mu kwezi kwa gatanu uyu mwaka, Bwana Besigye na Bobi Wine - umudepite n'umunyamuziki - bemeje ko bishyize hamwe ngo bazahigike Perezida Museveni, uri ku butegetsi guhera mu 1986.
Amatora ya perezida muri Uganda ateganyijwe kuba mu mwaka wa 2021.
