Macron aragirisha inama amashirahamwe y'abakozi n'abakoresha ku myiyerekano y'abambaye amakoti y'umuhondo

Inyandiko gusa
Man walks past graffiti which reads: "Burn the Elysée"

Ahavuye isanamu, EPA

Insiguro y'isanamu, Mu myiyerekano yo ku wa gatandatu i Paris basize banditse ibintu vyinshi ku mpome harimwo iyi nyandiko ndo"Turira Elysee"
Yatangajwe

Bitegekanijwe ko prezida w'Ubufaransa Emmanuel Macron akoresha inama amashirahamwe y'abakoze n'abakoresha mu ntumbero yo gusukamwo mabisi mu myiyerekano imaze imisi i Paris no mu bindi bisagara.

Inama yo ku wa mbere ibaye imbere y'ijambo ryo ku mboneshakure aho vyitezwe ko aza gushikiriza ingingo zafashwe zotuma imyiyerekano ihagarara.

Ubufaransa bumaze indwi zine z'imyiyerekano yaranzwemwo imidurumbanyo yo kwiyamiriza amakori y'igitoro yaduze, ubuzima buzimvye hamwe n'ibindi bibazo.

Mu bantu 136.000 biyise "abambaye amakoti y'umuhondo" bihereje amabarabara ku wa gatandatu, abarenga 1.200 barahagaritswe.

Emmanuel Macron (file picture)

Ahavuye isanamu, EPA

Insiguro y'isanamu, Emmanuel Macron ahanganye n'ibibazo bikomeye inyuma y'amezi 19 ari ku butegetsi

Ku mugwa mukuru i Paris ni habaye imyiyerekano ikomeye cane, aho hamenaguwe amadirisha, amamodoka araturirwa, amaduka arasahugwa igihe abantu 10.000 bihereza amabarabara.

Umushikiranganji w'ikigega ca reta Bruno Le Maire yavuze ko uko ibintu vyifashe "bigeramiye ubudandaji" hamwe n'ubutunzi."

Abagira imyiyerekano bamaze imisi bazibira amabarabara mu gihugu cose muri izi ndwi zine ziheze.

Car set on fire in central Paris - 8 December

Ahavuye isanamu, AFP

Insiguro y'isanamu, Imodoka zoba zishika 50 zaraturiwe mu myiyerekano yo ku wa gatandatu