ဗိုလ်ချုပ်မွေးနေ့မှာလည်း ဆန္ဒပြပွဲတွေ အရှိန်ဆက်မြင့်နေ

ဖမ်းဆီးထိန်းသိမ်းခံထားရတာ ၁၃ ရက်မြောက်ရှိလာပြီဖြစ်တဲ့ ဒေါ်အောင်ဆန်းစုကြည်နဲ့ ဦးဝင်းမြင့်တို့ဟာ နေပြည်တော်က နေအိမ်တွေမှာ အတူနေထိုင်သူတွေနဲ့အတူ ကျန်းမာစွာရှိနေတယ်လို့ NLD ပါတီက ပြောပါတယ်။

တိုက်ရိုက် ထုတ်လွှင့်ချက်

၁၀ ဖေဖော်ဝါရီ ၂၀၂၁တပ်က ဝင်စီးပြီးတဲ့နောက် NLD ရွှေဂုံတိုင်ရုံးချုပ် ဒီမနက်မြင်ကွင်း
ရန်ကုန် ရွှေဂုံတိုင်မှာ ရှိတဲ့ NLD ရုံးချုပ်ကို စစ်တပ်က ဖေဖော်ဝါရီ ၉ ရက် ညပိုင်းမှာ ဝင်ရောက်စီးနင်းရှာဖွေခဲ့ပြီးတဲ့နောက် ဒီနေ့ ဖေဖော်ဝါရီ ၁၀ ရက်မနက်ပိုင်းမှာ တွေ့ရတဲ့ ရုံးချုပ်မြင်ကွင်းတွေ ဖြစ်ပါတယ်။ အမျိုးသား ဒီမိုကရေစီအဖွဲ့ချုပ်ရဲ့ ရန်ကုန် ရွှေဂုံတိုင်ရုံးချုပ်ကို ဖေဖော်ဝါရီ ၉ ရက် ည ၁၀ နာရီ ဝန်းကျင်ခန့်က စစ်တပ်က ဝင်ရောက် စီးနင်းရှာ‌ဖွေခဲ့တယ်လို့ ရန်ကုန်တိုင်းဒေသကြီး လွှတ်တော်ကိုယ်စားလှယ် တစ်ဦးနဲ့ ရုံးချုပ်အနီးမျက်မြင်တွေ့ရှိသူတွေက ဘီဘီစီကို ပြောပါတယ်။ NLD ရုံးချုပ်ကို စီးနင်းချိန်မှာ ရုံးမှာ တစ်ဦးတစ်ယောက်မှ မရှိကြောင်းနဲ့ ဖမ်းဆီးခံရသူ မရှိကြောင်း အမျိုးသား ဒီမိုကရေစီအဖွဲ့ချုပ်က တာဝန်ရှိသူတစ်ဦးက ပြောပါတယ်။ NLD ရွှေဂုံတိုင်ရုံးချုပ်အနီး မျက်မြင်တွေ့သူတွေကတော့ အဆောက်အအုံထဲကို လူ ၁၅ ဦးခန့် ဝင်ရောက် ရှာဖွေခဲ့ကြောင်းနဲ့ ရုံးချုပ်ရှေ့က ကားအရောင်းပြခန်း အနီးမှာလည်း စစ်တပ်က လုံခြုံ‌ရေး ယူထားတယ်လို့ ဘီဘီစီကို ပြောပါတယ်။
ဓာတ်ပုံ ရင်းမြစ်, CJ
ဓာတ်ပုံ ရင်းမြစ်, CJ
ဓာတ်ပုံ ရင်းမြစ်, CJ
ဓာတ်ပုံ ရင်းမြစ်, CJ
ဓာတ်ပုံ ရင်းမြစ်, CJ
၁၀ ဖေဖော်ဝါရီ ၂၀၂၁သင့်ရဲ့ဓာတ်ပုံတွေ၊ ဗီဒီယိုတွေ ပြန်ဝေမျှပါ။
တကယ်လို့ ဘီဘီစီက စိတ်ဝင်စားနိုင်ဘွယ် ရှိတဲ့ သတင်းဓာတ်ပုံ ဒါမှမဟုတ် ဗီဒီယိုပုံတွေ သင့်မှာ ရိုက်ထားတာ ရှိရင်ဒီလင့်ခ်ကနေတဆင့် ဘီဘီစီကို ပို့ပေးနိုင်ပါတယ်။
သင်ပေးပို့လာတဲ့ စာသားကို သင့်ရဲ့ ဓာတ်ပုံတွေ၊ ဗီဒီယိုပုံတွေလိုပဲ ဘီဘီစီရဲ့ ထုတ်လွှင့်ဖော်ပြချက်တွေမှာ အသုံးပြုကောင်း အသုံးပြုနိုင်ပါတယ်။
သင့်ရဲ့ အမည် (သင်ပေးပို့လာတဲ့အတိုင်း)နဲ့ နေရာကို (မဖော်ပြပါနဲ့လို့ မေတ္တာရပ်ခံတာမျိုး မရှိရင်) ဖော်ပြပါမယ်။ ဒါပေမဲ့ သင့်ရဲ့ မိုဘိုင်းဖုန်းနံပတ် ဒါမှမဟုတ် အီးမေးလ် လိပ်စာကိုတော့ လုံးဝ ဖော်ပြမှာ မဟုတ်ပါဘူး။
သတင်းအကြောင်းအရာ တစ်ခုနဲ့ပတ်သက်လို့ နောင်တစ်ချိန်မှာ သင့်ကို ဆက်သွယ်နိုင်ဖို့အတွက် သင့်ရဲ့ အချက်အလက်တွေကို ဘီဘီစီက သိမ်းထားကောင်း သိမ်းထားဖွယ် ရှိပါတယ်။ ဒါပေမဲ့ လိုအပ်တာထက် သင့်ရဲ့ အချက်အလက်တွေကို ပိုကြာကြာ သိမ်းထားမှာ မဟုတ်ပါဘူး။
ပေးပို့လာတဲ့ မက်ဆေ့ချ်တွေအားလုံးကို တတ်နိုင်သမျှ ဖတ်ဖို့ ရည်ရွယ်ထားပါတယ်။ ဒါပေမဲ့ လက်ခံရရှိတဲ့ မက်ဆေ့ချ် အရေအတွက်က များပြားလွန်းတာကြောင့် တစ်ယောက်ချင်းစီကို အမြဲ ပြန်လည် ဖြေကြားပေးနိုင်မှာတော့ မဟုတ်ပါဘူး။
ဓာတ်ပုံတွေ၊ ဗီဒီယိုတွေ ဒါမှမဟုတ် မျက်မြင်ကြုံတွေ့ရတာကို ပေးပို့တဲ့အခါ ကိုယ်တိုင် ဖြစ်စေ၊ တခြားသူပေါ် ဖြစ်စေ အန္တရာယ် မဖြစ်စေဖို့ လိုပါတယ်။ မလိုအပ်ဘဲ အရဲစွန့်လုပ်တာမျိုး၊ ဥပဒေ ချိုးဖောက်တာမျိုး မလုပ်သင့်ပါဘူး။
ဘီဘီစီရဲ့ စည်းမျဉ်း၊ ကန့်သတ်ချက်တွေကိုဒီလင့်ခ်ကနေသွားရောက် ဖတ်ရှုနိုင်ပါတယ်။
ဓာတ်ပုံ ရင်းမြစ်, CJ
၁၀ ဖေဖော်ဝါရီ ၂၀၂၁ကျန်းမာရေးဝန်ထမ်းတွေ လုပ်ငန်းခွင် ပြန်ဝင်ပါလို့ဆို၊ ဘဏ်တွေပုံမှန်ပြန်ဖွင့်ရေးကူညီဖို့ ဗဟိုဘဏ်ပြော
အခု အချိန်ဟာ ကိုဗစ် ထိန်းချုပ်ရေး လုပ်ငန်းတွေနဲ့ ကာကွယ်ဆေး လုပ်ငန်းတွေ လုပ်ကိုင်နေတာအပြင် ဆေးကုသခံဖို့ လိုအပ်နေသူတွေ အတွက် လူနာတွေ အကျိုးရှေးရှုပြီး လုပ်ငန်းခွင် ပြန်ဝင်ကြဖို့ ကျန်းမာရေး ဝန်ထမ်းတွေကို တိုက်တွန်း ပန်ကြားတယ်လို့ ဝန်ကြီးဌာနက ဖေဖော်ဝါရီ ၈ ရက် ရက်စွဲနဲ့ ထုတ်ပြန်ထားပါတယ်။
အဲဒါနဲ့အတူ ဘဏ်တွေ ပုံမှန်လည်ပတ်နိုင်ရေး ကူညီဆောင်ရွက်ကြဖို့ ပြည်သူလူထုကို မေတ္တာရပ်ခံတယ်လို့ ဗဟိုဘဏ်ကလည်း အဲဒီနေ့မှာပဲ ထုတ်ပြန်ပါတယ်။
ကျန်းမာရေးဝန်ထမ်းတွေက အာဏာသိမ်းတာကို အကြမ်းမဖက် ဆန့်ကျင်တဲ့ CDM လှုပ်ရှားမှုတွေ လုပ်နေချိန်မှာ လူနာတွေကို မြို့နယ်အသီးသီးက တပ်ဆေးရုံတွေမှာ ယာယီကုသရေးဆေးရုံတွေ ဖွင့်လှစ်ပြီးကုသပေးနေတယ်လို့လည်း ဖေဖော်ဝါရီ ၈ ရက် တစ်နေ့တည်းမှာပဲ သတင်းထုတ်ပြန်ထားပါတယ်။
အဲဒီအခြေအနေမှာပဲ ဝန်ထမ်းတွေ သပိတ်မှောက်မှုနဲ့ ဆန္ဒပြမှုမှာ ပါဝင်မှုတွေ ဆက်လက်ထွက်ပေါ်လာနေပြီး CDM လှုပ်ရှားမှုတွေ ဆက်လုပ်ဖို့ တိုက်တွန်းမှုတွေ ရှိနေပါတယ်။
ဓာတ်ပုံ ရင်းမြစ်, MOI
ဓာတ်ပုံ ရင်းမြစ်, MOI
၁၀ ဖေဖော်ဝါရီ ၂၀၂၁ဆန္ဒပြသူတွေကို အကြမ်းဖက်တာ အမေရိကန် ရှုတ်ချ
စစ်အာဏာသိမ်းတာ ကန့်ကွက် ဆန္ဒပြသူတွေအပေါ် အကြမ်းဖက်တာကို ပြင်းပြန်းထန်ထန် ရှုတ်ချတယ်လို့ အမေရိကန် နိုင်ငံခြားရေး ဝန်ကြီးဌာန ပြောခွင့်ရ နက်ပရိုက်စ်က ဖေဖော် ၉ ရက် သတင်းစာရှင်းလင်းပွဲမှာ ပြောပါတယ်။
မြန်မာနိုင်ငံက လူတစ်ဦးတစ်ယောက်တိုင်းမှာ လွတ်လပ်စွာ ထုတ်ဖော်ပြောကြားနိုင်ခွင့်၊ စုစည်းခွင့်၊ ငြိမ်းချမ်းစွာ စုဝေးပိုင်ခွင့်နဲ့ ငြိမ်းငြိမ်းချမ်းချမ်း ဆန္ဒပြခွင့်တို့ ရှိတယ်လို့လည်း ဆိုပါတယ်။
တပ်မတော်က အာဏာ စွန့်လွှတ်ဖို့၊ ဒီမိုကရေစီနည်းအရ ရွေးကောက်ခံထားရတဲ့ အစိုးရကို ပြန်လည် ထားရှိဖို့၊ ထိန်းသိမ်းခံထားရသူတွေကို ပြန်လွှတ်ဖို့၊ တယ်လီဖုန်း ဆက်သွယ်ရေးစနစ်တွေ ပိတ်ထားတာ ပြန်ဖွင့်ဖို့နဲ့ အကြမ်းဖက်မှုတွေ မပြုလုပ်ဖို့ ထပ်မံ ပြောကြားလိုတယ်လို့လည်း ဆိုပါတယ်။
၁၀ ဖေဖော်ဝါရီ ၂၀၂၁အထွေထွေသပိတ်ကော်မတီကနေ ဘာတွေ လုပ်ဖို့ ပြင်ဆင်ထားလဲ။
ဆန္ဒပြမှုတွေကို နေရာတချို့မှာ လုံခြုံရေးတပ်ဖွဲ့တွေက အင်အားသုံး ဖြိုခွဲလာတာကို တွေ့လာနေရပါတယ်။ ဒါကြောင့် ဆန္ဒပြမှုတွေဟာ ပြိုကွဲသွားနိုင်လား၊ ဘာတွေ လုပ်ဖို့ ပြင်ဆင်ထားကြပါသလဲ။ လူထုလှုပ်ရှားမှုတွေကို ပူးပေါင်းချိတ်ဆက်ဖို့ ဆောင်ရွက်နေတဲ့ အထွေထွေသပိတ် ပူးပေါင်းဆောင်ရွက်ရေး ကော်မီတီက ပြောခွင့်ရ ကိုလင်းထက်နိုင်ကို ကိုသိမ်းမြတ်က မေးမြန်းထားပါတယ်။
၁၀ ဖေဖော်ဝါရီ ၂၀၂၁NLD ရန်ကုန် ရွှေဂုံတိုင်ရုံးချုပ်ကို ညပိုင်းမှာ တပ်က ဝင်စီး
အမျိုးသား ဒီမိုကရေစီအဖွဲ့ချုပ်ရဲ့ ရန်ကုန် ရွှေဂုံတိုင်ရုံးချုပ်ကို ဖေဖော်ဝါရီ ၉ ရက် ည ၁၀ နာရီ ဝန်းကျင်ခန့်က တပ်က ဝင်ရောက်စီးနင်း ရှာ‌ဖွေခဲ့တယ်လို့ ရန်ကုန်တိုင်းဒေသကြီး လွှတ်တော်ကိုယ်စားလှယ် တစ်ဦးနဲ့ ရုံးချုပ်အနီးမျက်မြင်တွေ့ရှိသူတွေက ဘီဘီစီကို ပြောပါတယ်။
NLD ရုံးချုပ်ကို စီးနင်းချိန်မှာ ရုံးမှာ တစ်ဦးတစ်ယောက်မှ မရှိကြောင်းနဲ့ ဖမ်းဆီးခံရသူ မရှိကြောင်း အမျိုးသား ဒီမိုကရေစီအဖွဲ့ချုပ်က တာဝန်ရှိသူတစ်ဦးက ပြောပါတယ်။
NLD ရွှေဂုံတိုင်ရုံးချုပ်အနီး မျက်မြင်တွေ့သူတွေကတော့ အဆောက်အအုံထဲကို လူ ၁၅ ဦးခန့် ဝင်ရောက် ရှာဖွေနေကြောင်းနဲ့ ရုံးချုပ်ရှေ့က ကားအရောင်းပြခန်း အနီးမှာလည်း စစ်တပ်က လုံခြုံ‌ရေး ယူထားတယ်လို့ ဘီဘီစီကို ပြောပါတယ်။
ဓာတ်ပုံ ရင်းမြစ်, CJ
၁၀ ဖေဖော်ဝါရီ ၂၀၂၁လေကြောင်းထိန်းသိမ်းရေးဝန်ထမ်းတွေ သပိတ်မှောက်၊ တစ်နေ့ ဒေါ်လာ နှစ်သိန်းနီးပါး ဆုံးရှုံးဖွယ်ရှိ
အရပ်ဘက် လေကြောင်းဝန်ထမ်းတွေနဲ့ လေကြောင်းထိန်းသိမ်းရေးဝန်ထမ်းတွေ စစ်အာဏာသိမ်းတာကို အကြမ်းမဖက်ဆန့်ကျင်တဲ့ CDM လှုပ်ရှားမှုမှာ ပူးပေါင်းပါဝင်လာကြပါတယ်။
အဲဒီလို အာဏာသိမ်း အုပ်ချုပ်ရေး အဖွဲ့နဲ့ မပူးပေါင်းတဲ့ သပိတ်မှောက် ဆန္ဒပြမှုကြောင့် မြန်မာနိုင်ငံ ဝေဟင်ကို ဖြတ်ကျော် ပျံသန်းမယ့် နိုင်ငံတကာ လေကြောင်းခရီးစဥ်တွေအပေါ် သက်ရောက်မှု ရှိလာနိုင်ပါတယ်။
အဲဒါကြောင့် ဒီလိုဖြတ်ကျော်ပျံသန်းတဲ့ လေယာဥ်တွေဆီက ရရှိတဲ့ တစ်နေ့ ငွေကြေး ဒေါ်လာ ၁၈၂,၀၀၀ ကိုလည်း ဆုံးရှုံးနိုင်ခြေရှိလို့ အာဏာသိမ်း အုပ်ချုပ်ရေး အဖွဲ့ ရရှိမယ့် ဘဏ္ဍာဝင်ငွေလည်း လျော့နည်းသွားနိုင်ပါတယ်။
ဓာတ်ပုံ ရင်းမြစ်, Getty Images
၁၀ ဖေဖော်ဝါရီ ၂၀၂၁အင်္ဂါနေ့ည အခြေအနေ - ညပိုင်းမှာ ဆန္ဒပြသူတွေ လူစုခွဲ
ရန်ကုန်၊ မန္တလေးနဲ့ ဆန္ဒပြမှုတွေ ဖြစ်နေတဲ့ မြို့ကြီးတွေမှာ ညမထွက်ရ အမိန့်တွေနဲ့ လူ ၅ ဦးထက် မစုရ အမိန့်တွေ စတင်ထုတ်ပြန်လိုက်ပြီးနောက် ပထမဆုံးနေ့မှာပဲ အဲဒီအမိန့်တွေကို ဖီဆန်ပြီး လူထောင်ပေါင်းများစွာပါဝင်တဲ့ စစ်အာဏာသိမ်း ဆန္ဒပြမှုတွေ ဆက်ဖြစ်ခဲ့ပါတယ်။
ဒါပေမယ့် ဖေဖော်ဝါရီ ၉ ရက် အင်္ဂါနေ့ ညဘက်မှာတော့ နေရာအများစုမှာ ဆန္ဒပြသူတွေ လူစုခွဲသွားခဲ့ကြပြီး ထိပ်တိုက်တွေ့ဆုံမှု အခြေအနေတွေ မကြားသိရပါဘူး။
၁၀ ဖေဖော်ဝါရီ ၂၀၂၁
မင်္ဂလာပါ။ မြန်မာနိုင်ငံမှာ ဖြစ်ပေါ်နေတဲ့ အခြေအနေတွေကို အချိန်နဲ့ တစ်ပြေးညီ တိုက်ရိုက် တင်ဆက်မှု စတင်ပါပြီ။
ဖေဖော်ဝါရီ ၉ ရက်က ဖြစ်ပေါ်ခဲ့တဲ့ သတင်းတွေကိုတော့ ဒီနေရာမှာ တစ်စုတစ်စည်းတည်း ပြန်လည်ဖတ်ရှုနိုင်ပါတယ်။