ABŞ: Trump prezident seçkilərində qalib gəlir

Canlı reportaj

1. 9 Noyabr 2016Təcili xəbər, İlk nəticələr..., ABC News aşağıdakı proqnozlarını bildirir:

   Kentucky-də Trump-a səs verildiyi proqnozlaşdırılır. Respublikaçıları dəstəkləyən bu ştatda cəmi 2 dəfə 1976-cı ildə  Jimmy Carter-ə, 1992-ci ildə isə Bill Clinton-a səs verilib.

   Vermont-da Clintona səs verildiyi proqnozlaşdırılır.

   Obama 2012-ci ildə burada 66 faizlə qalib gəlmişdi.

   Indiana-da Trump-a səs verildiyi proqnozlaşdırılır. Ştatda respublikaçılar üstünlük təşkil edir, amma Barack Obama 2008-ci ildə burada az da olsa səs toplamışdı.

   Hazırda Georgia, Cənubi Carolina və Virginiya ştatlarında da səsvermə məntəqələri bağlanmalıdır, amma sonuncu adam səs verənədək fəalliyyət göstərəcək.

2. 9 Noyabr 2016Clinton Manhattan otelinə gəlib, Bu otel Trump Tower-ə yaxındır

   BBC müxbiri Regan Morris indicə Hillary Clinton-un otelə gəldiyini görüb, güman ki, o seçkilərin nəticələri açıqlanarkən burada qalacaq.

   Bu otel Trump Tower-ə yaxındır. 

   Bu səbəblərə görə polis Manhattan-ın mərkəzinə nəzarəti gücləndirib.

   

   Şəklin mənbəyi, Regan Morris

3. 9 Noyabr 2016ABŞ seçkiləri: Kim irəlidədir – Clinton, yoxsa Trump?, Həm Clinton, həm də Trump artıq səs veriblər.

   Seçki günü yaxınlaşdıqca rəy sorğularının rəqəmləri arasındakı fərq azalmaqda davam edirdi. Bu həm Clinton, həm də Trump düşərgəsinin yaşadığı böhranlarla bağlıdır.

   ABŞ seçkiləri: Kim irəlidədir – Clinton, yoxsa Trump?

   

   Şəklin mənbəyi, Getty Images

4. 9 Noyabr 2016Amerikalılar prezident seçir, Amerikalılar ABŞ-ın 45-ci prezidentini seçmək üçün seçki məntəqələrinə gedirlər.

   Salam, BBC Azərbaycanca Xidməti ABŞ-da prezident seçkilərinin canlı yayımına başlayır. 

   Noyabrın 8-də amerikalılar ABŞ-ın 45-ci prezidentini seçmək üçün seçki məntəqələrinə gedirlər. 

   Hadisələrdən məlumatlı qalmaq üçün canlı yayımımızı izləyin, bizimlə fikir və şərhlərinizi bölüşün.