ABŞ: Trump prezident seçkilərində qalib gəlir

Canlı reportaj

1. 9 Noyabr 2016Respublikaçılar Nümayəndələr Palatasına nəzarəti ələ keçirir

   Associated Press agentliyi xəbər verir ki, Respublikaçılar Nümayəndələr Palatasında çoxluq qazanmaqla palataya nəzarətlərini altı il də uzadıb. Demokratların isə qazandığı yerlər nisbətən azdır.

   Səslər hələ də sayılır, amma Respublikaçılar azı 218 yer əldə ediblər.

   Bəzi Respublikaçılar arasında qorxu var ki, Donald Trump-un fikir ayrılığı yaradan prezidentliyə namizədliyinə görə, onlar palatada yer itirə bilərlər.

   Demokratların Senatda yerləri geri almağı, respublikaçıların Wisconsin, North Carolina, Indiana və Florida-da əsas yerləri qazanmağı ilə əldən gedir.

   Demokratlar Nevadada öz yerini tutub, burada Catherine Cortez Masto-nun qalibiyyəti onu ilk Latın Amerikalı senator edəcək.

   

2. 9 Noyabr 2016Trump-ın dəstəkçiləri həyəcanlarını gizlətmir, BBC müxbirləri Trump qərargahından xəbər verir.

   "Trump-ın gəlişini gözləyirəm və "sakit çoxluğun" həqiqətən Trump-ı dəstəklədiyini görürəm", BBC müxbiri Trump-ın qərargahından yazır.

   BBC-dən Laura Trevelyan isə yazır ki, "kütlə Amerikanın növbəti prezidenti hesab etdikləri şəxsi gözləyir"

3. 9 Noyabr 2016Clintonun qərargahında depressiv vəziyyət

   Elə dünən Clinton tərəfdarları "inamlı qələbə" barəsində danışırdı, amma bugünkü səsvermə nəticələrinin proqnozları onların yanlış olduğunu sübut edib.

   BBC-dən Chris Gibson Nyu-yorkda Clintonun qərargahında onun tərəfdarları ilə danışıb. 

   Onlardan biri deyib ki, bu axşamkı xəbərlər onun “ürəyini bulandırır”.

4. 9 Noyabr 2016Məşhurlar yazır:

   "Axırıncı dəfə may ayında Nyu York-da onu gördüyümdə Trump-un mənə dediyi son sözlər, “Yaxşı, Piers, Ağ Evdə görüşərik” oldu"", jurnalist və Mail Online qəzetinin baş redaktoru Piers Morgan yazır.

5. 9 Noyabr 2016Obama: "Səhər günəş oyanacaq"

   Prezident Obamanın əvvəlcədən hazırlanmış video bəyanatı paylaşılıb.

   Videoda cənab Obama hansı namizədin qalib gəlməsindən asılı olmayaraq demokratiyanı dəstəklədiyini deyir.

   O həmçinin Twitter-də seçicilərə məsləhət görüb ki, "bir-birilərini demokratlar və ya respublikaçılar kimi deyil, amerikalılar kimi görsünlər".

6. 9 Noyabr 2016Sizin fikirlər:

   ABŞ-da yaşayan Aylan Ağamalıyeva paylaşıb:

7. 9 Noyabr 2016Trump qərargahında nə baş verir?

   Donald Trump hazırda Trump Tower-i tərk edərək Hilton otelinə - qələbə nümayişi deyilən tədbirə baş çəkib.

   Arizonanın dövlət xəzinədarı Jeff DeWit oradan bəzi fotolar paylaşıb.

8. 9 Noyabr 2016Seçkilərın saxtalaşdırılacağı barədə ittihamlar "unudulub"

   Donald Trump seçkilərə hazırlıq dövründə tez-tez deyirdi ki, seçkilər saxtalaşdırılacaq, amma hazırda New York Times onun qalib gəlmək üçün daha çox şansının olduğunu proqnozlaşdırır.

9. 9 Noyabr 2016Təcili xəbər, Nevada Clinton-a "səs verib"

   Nevada Clintona səs verib, ABC News proqnoz verib.

   Ştat son 9 seçkidə qalibə səs verib. 

   Tarixən respublikaçı olan ştat latın amerikalıların təsiri ilə demokratlara da səs verib.

10. 9 Noyabr 2016Məşhurlar paylaşır:

    "Bütün günü Hillary-nin qələbə niqtini harada dinləyəcəyim barədə düşünmüşəm. Heç "əgər" də olmayıb. Mən ölkəmi az qiymətləndirmişəm. Ümidsizəm", rejissor Morgan J. Freeman yazıb.

11. 9 Noyabr 2016"İkiqərarlı" ştatlar

    • Donald Trump rəqibi Hillary Clinton-dan fərqli olaraq daha çox iki qərarlı ştatın dəstəyini qazanıb
    • Trump Florida, Ohio, və Şimalı Carolina kimi əsas ştatların səsini "alıb" və indi ona qalib gəlmək üçün 26 səs lazımdır
    • Clinton Virginia-da qalib gələ bilər
    • Bir çox qərarsız ştatlarda, o cümlədən Pennsylvania və Michigan-da nəticələr birazdan bəlli olacaq
    • Bazarlar proqnozlardan ciddi təsir görüb, ABŞ dolları və Meksika pesosu enib
    • ABC News proqnoz verir ki, Trump Utah, Alabama, Kentucky, Cənubi Carolina, Nebraska, Indiana, Qərbi Virginia, Mississippi, Tennessee, Oklahoma, Şimali Dakota, Cənubi Dakota və Texas-da qalib gələcək
    • ABC News proqnoz verir ki, ClintonCalifornia, Oregon, New York, New Jersey, Connecticut, Massachusetts, Maryland, Vermont, Delaware, Illinois, Rhode Adaları, Hawaii, Washington, New Mexico, Colorado, və Washington DC-də qalib gələcək

12. 9 Noyabr 2016"Əla gecədir"- Trump-ın məsləhətçisi deyir

    "Əla gecədir. Amerika üçün əla gecədir -  dünyada bütün insanlar üçün əla gecədir", Trump-ın baş məsləhətçisi Curtis Ellis BBC-ə deyib.

    

    Şəklin mənbəyi, AFP

13. 9 Noyabr 2016Clinton dəstəkçilərinin "emojiləri"

    Emoji axtarış motoru, Emojipedia gecədən bəri ən çox paylaşılan emojilər barədə məlumat toplayıb.

    Son 30 dəqiqədə bu emojilər daha çox paylaşılıb, güman ki bu Clinton-u dəstəkləyənlərin ən çox paylaşdığı emojilərdir.

14. 9 Noyabr 2016Floridada nəticələr dəyişə bilərmi?, Floridada nəticələr Clinton-un xeyrinə dəyişə bilərmi?

    Son məlumatlara görə, Donald Trump təxminən 130min səs toplayaraq Florida ştatında qələbə qazanıb. 

    Eyni zamanda üçüncü partiya  namizədləri Gary Johnson və Jill Stein-in qazandığı səslər 260 mini ötüb.

    Prezidentlik yarışında olmayan Johnson və Stein-ə verilən səslərin taleyinin necə olacağı barədə nəsə demək çətindir. Ancaq bəzi “etirazçı seçicilər” minlərlə “Brexit tərəfdarları” kimi hazırda öz qərarlarını sorğulaya bilərlər.

15. 9 Noyabr 2016Kanada mühacirət xidmətinin saytı çöküb

    Tvitter istifadəçilərinin verdiyi məlumata görə Kanadanın Vətəndaşlıq və Miqrasiya Nazirlyinin intrenet saytı çöküb.

    Xəbər verilir ki, bu sayta daxil olmaq mümkün deyil.

    ABŞ prezident seçkisi ərəfəsində bir çox məşhurlar Trump qalib gələrsə, Kanadaya köçəcəklərini bildirmişdilər.

16. 9 Noyabr 2016California marixuananı “qanuniləşdirir”

    Marixuana Birləşmiş Ştatların bütün Qərb Sahili boyunca qanuniləşdi.

    Yerdə qalan 4 ştat da bu qanunu qəbul etsə, sabahdan 75 milyon amerikalının marixuana çəkməsi tam qanuni olacaq.

17. 9 Noyabr 2016Təcili xəbər, Georgia Trump-a "səs verir"

    1996-cı ildən respublikaçılara səs vermiş Georgia Trump-a səs verib, ABC News proqnoz verir.

18. 9 Noyabr 2016Təcili xəbər, Iowa Trump-a "səs verir"

    Iowa ştatı Trump-a səs verir, ABC News proqnoz verir.

19. 9 Noyabr 2016Təcili xəbər, Washington ştatı Clinton-a "səs verib"

    ABC News proqnoz verir ki, Sakit okean sahilində yerləşən Washington ştatı Hillary Clinton-a səs verib.

    Amma bu surpriz deyil, çünki ştat 1988-ci ildən demokratları dəstəkləyir.

20. 9 Noyabr 2016Trump-ın düşərgəsində “canlanma” var

    Yüksək səviyyəli mənbələrin verdiyi məlumata görə Donald Trump öz komandası ilə kampaniya qərargahında nəticələri izləyir.

    Onun yarış yoldaşı Mike Pence də oradadır. Yüksək mənbələr orada “canlanma” müşahidə olunduğunu xəbər verirlər.