ቦላ ሞሱሮ የፎከስ ቤተሰብን የተቀላቀለችው በ1992 [እ.አ.አ] ሲሆን አሁን ዋና አቅራቢ ነች። በድጋሚ ቃለ መጠይቅ የማድረግ እድሉ ቢሰጠኝ፤ ቃለ መጠይቅ ላደርግ የምችለው ለከፌላ [ኩቲ] ነው። በ90ዎቹ ዩናይትድ ኪንግደምን ጎብኝቶ ከበርሚንግሃም ኮንሰርት በኋላ ለመገናኘት ተስማማ። ለእርሱ ትልቅ አድናቆት ነበረኝ። እንደተለመደው ያጨስ ነበር እናም በሌላ እውነት ውስጥ ነበር። በመሆኑም በውስጤ የነበረችው ታዳጊዋ የሴቶች መብት ተከራካሪ የዚያን ሌሊት ይጠቀማቸው የነበሩ ቃላትን ለማስተካከል ጥረት ታደርግ ነበር። በመሆኑም ብዙ ሳናወራ ተለያየን። ጊዜን መመለስ ብችል እንደ "ሻፈሪንግ እና ሽማይሊንግ" ዓይነት ብዙ አዝናኝ ነገሮችን መስማት እፈልግ ነበር።

ግራኟ ኦውድሬይ ብሮውን ደቡብ አፍሪካዊት ነች። ሪፖርተር ሆና ከሰራች በኋላ ከ2005 ጀምሮ አቅራቢ ነች። "በኡጋንዳ ያላገቡና ልጅ ስለሌላቸው ሴቶች መብት ቅስቀሳ ስታደርግ የነበረችን ሴት ቃለ መጠይቅ አድርጌ ነበር። የነበረኝ ትንሽ ዝግጅት "ባል የሌላቸውን ሴቶች ከወንዶች ጋር የምታገናኘው ሴት አብራን ትገኛለች" የሚል የተሳሳተ መግቢያ ጽፌ ነበር፤ በቀጥታ ስርጭት ላይ በትህትና ታርሜያለሁ።

ኒሻት ላድሃ ለብዙ ዓመታት "ስፖርትስዎርልድ" ስታቀርብ ከቆየች በኋላ አሁን "ፎከስ ስፖርት"ን ታቀርባለች። እንደ ስፖርት አፍቃሪ፤ አፍሪካውያን የስፖርት ከዋክብት የተጓዙበትን የስኬት መንገድ መስማት ያስደስታታል። በጣም የምትወደው ቃለ መጠይቅ በቅርቡ ከካሜሩናዊቷ የሁለት ጊዜ ኦሊምፒክ አሸናፊ ፍራንሷ ምባንጎ ጋር ያደረገችው ቆይታ ነው። "እንደ እናት ከወሊድ ተመልሳ የ2008 የቤጂንግ ኦሊምፒክን ዘውድ መጫኗን መስማት ያስደንቃል። የማይታመን ነው! "

በፎከስ ዝግጅት የፖል ባቺቢንጋ ድምጽ በመላው አፍሪካ መሰማት የጀመረው ከ2004 ጀምሮ ነው። በየሳምንቱ የሚወጡ ፕሮግራሞችንም አርትኦት የሚሰራው እርሱ ነው።

ዴቪድ አማኖር በተለያዩ ጊዜያት ከ2012 ጀምሮ የፎከስ አቅራቢ ሆኖ ሰርቷል። "የእኔ ምርጥ ቃለ መጠይቆች ከተራው ማኅበረሰብ ጋር የማደርጋቸው ይመስሉኛል፤ ለምሳሌ በ2019 የማላዊ ምርጫ ራሷን ዋይኒ ሩኒ ብላ ከምትጠራው እግር ኳስ ተጫዋች ሉኒ ጋር ያደረግሁት ቃለ መጠይቅ፣ በ2015 በአይቮሪኮስት ምርጫ ያናገርኳት ገበያተኛ ሴት፣ በ2014 ኬንያ አውቶብስ ውስጥ ያናገርኳት ሴት፣ በጣም የምወደው ደግሞ በ2008 የአፍሪካ ዋንጫ ሰዎች ታኮራዲ ወደብን ሲያቋርጡ ያናገርኩበት ቅጽበት ናቸው።"

ሃሰን አሩኒ ለፎከስ ኦን አፍሪካ ከ1990ዎቹ ጀምሮ አቅራቢ ነበር። "ባለፈው ዓመት ከናይጀሪያዊው ሙዚቀኛ ዲ'ባንጂ ጋር ቃለ መጠይቅ አድርጌያለሁ። በመጨረሻም ሁለታችንም በደመነፍስ በእንጉርጉሮ ጭልጥ አልን። የተጠያቂው ልብ ውስጥ ለመግባት ያስቻለኝ የቃለ መጠይቅ ተደራጊው ቴክኒክ ነበር ብዬ አስባለሁ። "