የዲጄ አረፋት አድናቂዎች በቀብሩ ስርአት ላይ የሬሳ ሳጥኑን በመክፈታቸው አለመረጋጋት ተፈጠረ

ከሰሞኑ በአደጋ ህይወቱ ያለፈው የአይቮሪኮስቱ ታዋቂ ሙዚቀኛ ዲጄ አረፋት ቀብር ላይ የአርቲስቱ አድናቂዎች የሬሳ ሳጥኑን በመክፈታቸው አለመረጋጋት ተፈጥሯል።

የ33 አመቱ ዲጄ አረፋት ወይም አንጂ ዲዲየር የሞተው በሞተር አደጋ ነው።

በማህበራዊ ሚዲያ ላይ የወጣ ቪዲዮ እንደሚያሳየው አድናቂዎቹ የሬሳ ሳጥኑን ከፍተው ልብሱንም በማውለቅ ሙዚቀኛው ራሱ መሆኑንም ለማረጋገጥ ንቅሳቶቹን ሲፈልጉ ነበር።

በሺዎች የሚቆጠሩ የሙዚቀኛው አድናቂዎችም ለስንብት ተገኝተው ነበር።

•ኢትዮጵያውያን 'የሌሉበት' ስለ ኢትዮጵያ የሚዘክረው ሬድ ሲ ዳይቪንግ ሪዞርት ፊልም

•"ራሴን የምፈርጀው የሀቅ ታጋይ ነኝ ብዬ ነው" አሊ ቢራ

ቅዳሜ እለት ከመቀበሩ በፊት ለሙዚቀኛው አክብሮታቸውን ለመግለፅ በስታዲየም ኮንሰርት ተካሂዶ ነበር።

በቤተሰቡ ቤት ሽኝት የነበረ ሲሆን አስከሬኑን ለማየት የፈለጉ አድናቂዎችንም ለመበተን ፖሊስ አስለቃሽ ጋዝ ሲጠቀም ነበር ተብሏል።

"መቃብር ውስጥ ከመግባቱ በፊት የምንወደውን ሙዚቀኛ ማየት ፈልገን ነበር" በማለት አንድ አድናቂው ለአጃንስ ፍራንስ ፕሬስ ገልጿል።

ፈረንሳይኛ በሚናገሩ ሃገራት ከፍተኛ አድናቆትን ያተረፈው ዲጄ አረፋት የአይቮሪኮስት የዳንስ ሙዚቃ ተብሎ በሚጠራው ኩፔ ዴካልም ንጉስ የሚል ስያሜም ማትረፍ ችሏል።

• ሙዚቃ ሳይሰሙ መወዛዋዝ ይችላሉ?

• ባህልን በኤሌክትሮኒክ ሙዚቃ የቀመመው ሮፍናን

በዘናጭነቱ የሚታወቀው ሙዚቀኛው ፈጣን የሆነ የከበሮ ምት፣ ሂፕሆፕ ቅላፄ ባለው ዘፈኖቹ ብዙ አድናቂዎችን ማትረፍ ችሏል።

ከመድረክ ውጭ ባለ ህይወቱ አወዛጋቢ የሆነው ሙዚቀኛው ቤት ውስጥ ጥቃትን በማድረስ ውንጀላዎች ቀርበውበታል።