Loyaangalaanii, Keeniyaa: Festivaala Aadaa Marsabit-Turkaanaa suuraaleen
Maxxanfame
Festivaalli Aadaa Marsabit-Haroo Turkaanaa wagga waggaan kabajamu yeroo 12ffaaf Kaawuntii Marsabit, bakka Looyaangalaanii jedhamutti kabajamaa jira.
Festivaalli kun hawaasa yookaan gosoota Kaawuntii Marsabit keessa jiran 14 tahan walitti fida.
Gosoota kanneen keessaa: Boorana, Gabra, Rendile, Burjii, Saamburuu, El moloo, Turkaanaa, Somaalee, Saakuyyee, Daassanach, Waataa, Garrii, fi Konsoodha.
Gosti Elmoloo hawaasa Keeniyaa jiran keessaa lakkoofsaan isa xiqqaadha - ganna kudhaniin dura lakkoofsa galmaaween, lakkoofsi gosa kanaa 3,000'n gadi ture.
Gaazexeessaan BBC Yaadataa Birhaanuu festivaala kanarratti kan argamu yoo tahu, suuraalee babbareeddoo kanneen nuuf ergeera. Dhiyaadhaa.
