Israa'el har'a wayita haleellaa Hamaas waggaa tokkooffaa yaadataa jirtuutti Kibba Libaanoos kan Hezboollaan baayyinaan keessa buufate haleelte.
Madda suuraa, Israel defence force
Waraanni Israa'el (IDF) Iraan miisaa'eloota gara Israa'eliitti dhukaasuu beeksiise.
Sa'aatii muraasaan dura, Misaa'eelli Iraan irraa gara Israa'elitti dhukaafamu waraanni Israa'el ibsa baaseen beeksiise.
Itti dabalunis sagaleen akeekkachiiftuu Israa'el guutuutti dhagahamee akka ture hime.
Waayit Haawus Iraan haleellaa misaayelaa baalaastikii raawwachuuf jechuun booda gatiin boba'aa jiktaa barmeelaaan %3 dabaleera.
Haala kanaan baarmeelaan doolaara 70 hanga 73 Ameerikaa keessatti gurguramaa jira.
Waggoota darban keessaa Baha gidduugalaatti muddamni jiraatus gatiin boba'aa garuu akkauma tasgabbaa'een tureera. Kunis finciltoonni Huutii doonii fe'umsaa Galaana Diimaa irratti ugguruu dablata.
Sodaan guddaan ture Iraan hulaa Straits of Hormuz cufuufi gurgurtaa boba'aa galoo galaanarraa dhaabdi waan jedhu ture.
Baankootiin gidduugalaa addunyaa yaaddoon waaggoota sadeen darbeera yeroo jedhanitti sodaan sun gabaa irratti mul'achaa jira.
Awurooppaaf immoo yaaddoon guddaan boba'aa cabbaa'aa Kataariidhaan galfattuufi hulaa maayil 20 Iraan keessaan darbee dhufudha.
Waraanni Raashiyaa- Yukireen Awurooppaan aannisaadhaaf gabaa boba'aa cabbaa'aa kanarratti akka hirkattu godheera.
Gatiin boba'aa ammallee bakkuma waggaa darbe jiraatus taateewwan siyaasaa wal-fakkaatoo lama qaala'insa bara 1970 yaadachiisu.
Yeroo Israa'el kibba Libaanos keessatti haleellaa loltoota lafoon gaggeessaa jirtutti, Hezboollaan buufata humna qilleensaa magaalaa Teel Aviivitti dhiyoo jirurratti haleellaa bane.
Hezboollaan buufata humna qilleensaa Israa'el irratti misaa'elii dhukaasuu himeera.
Gareen kun ergaa Telegram irratti baaseen, buufata humna qilleensaa Sde Dov kan qarqara magaalaa Teel Aviiv jirurratti xiyyyeeffachuu ibseera.
Haleellaa kana ilaalchisee ilaalchisee waan haaraa jiru hordofnee isin biraan geenya.
Madda suuraa, Reuters
Ministirri Muummee Israa'el Benjaamiin Netaaniyahuu Israa'eloonni qajeelfamoota nageenyaa manaa manatti darbu akka hordofaniif gaafatan.
Kun ammoo aanga'aan Waayit Hawus tokko Balaastik Misaa'el Iraan dhukaastu Israa'el haleeluun isaa waan oolu miti jechuu hordofeeti.
Ergaa biyyattiif viidiyootiin dabarsaniin, Israa'el "humnoota hammeenyaa Iraan gamtoomanirratti duula gaggeessaa jirti" jedhan Netaaniyaahuun.
Israa'el jiraattotashee kaaba jiran qe'ee isaaniitti deebisuuf "murteeffatteetti" garuu fuuldura keenya "rakkoo guddaatu" jira jedhan.
Netaaniyaahuun lammileen Israa'el ajaja humni waraanaa dabarsu "sirriitti akka hordofan" fi tokkummaan dhaabbataniif" gaafataniiru.
"Waliin taanee lolla, waliinis ni injifanna," jedhan.
Qondaalli Waayit Haawus gameessi akka miidiyaa CBS michuu BBC tahetti himanitti Iraan haleellaa misayelaa Israa'el irratti raawwachuun waan hin oolledha.
''Haleellaan waraanaan kallattii Iraan irraa Israa'el irratti qiyyaafatamu Iraaniin gatii guddaa baasisa,'' jechuun qondaaloti akeekkachiisaniiru.
Dabaluunis, ''haleellaa Iraan raawwaannaan Ameerikaan Israa'el deeggarti,'' jedhan.
Humni Waraanaa Israa'el Daani'el Hagaarii garuu yaaddoo Iraan haleellaa qilleensarraa rawwatti jedhu hin qabnu jedhan.
Qondaalli waraanaa Israa'el Daani'eel Hagaarii haleellaan Israa'el Libaanos keessatti gaggeessitu ''baayyee kan turu ta'uu mala,'' jedhaniiru.
Miiidiyaan NBC News garuu qondaalota Ameerikaa eeruun haleellaan Israa'el Hezboollaa keessatti geggeessitu guyyootaaf malee, torbee baayyee kan adeemu miti jechuun gabaaseera.
Dubbiin kunis waan dubbi-himaan Mana Maree Nagneeyaa Ameerikaa isa ''oppireeshinii daageefamaa'' jedhan wajjin adeema.
Israa'el eda galgala yeroo haleellaa kana jalqabde ''daangeeffamaa, naannootti kan murtaa'eefi haleellaa lafoo qiyyaafannoo irratti qofa xiyyeefatudha,'' jetteetti.
Amma Israa’el loltoota lafootiin Libaanos kibbaa seentee oppereeshinii gabaabaafi saffisaan bu’a qabeessa ta’e gaggeessuuf jirti.
Garuu akka yaadame kana ta’a jedhanii tilmaamuun rakkisaadha. Yookaan ammoo akka namoonni tilmaamanitti, Israa’el Libaanosuma keessatti qabattee akkuma kanaan dura 1982 hanga 2000 waggoota 18 turuu dandeessi jechuun tilmaamaa jiru.
Kibba Libaanos kiiloo meetira dhibbaan lakkaa’amu hunda irraa qulqulleessuun, waggoota hedduudhaaf lafa jala qotee meeshaa waraanaa guddaa kuufame saffisaa raawwachuun ykn salphaa ta’uuf hin deemu.
Hezboollaah - kan haleellaa dhiheenya kana Israa'el irraa dhufeen akka malee dadhabus - ammallee qabsaa'ota kumaatamaan lakkaa'aman qabateera.
Isaan leenjii gaarii kan qaban yoo ta’u, yeroo baay’ee muuxannoo dhiheenya kana Sooriyaa keessatti lolanii jabaataniiru. Akkasumas, aanga’oonni garee kanaa jalaa ajjeefamuu haaloo ba’uudhaaf akkaan isaan kakaasa.
Hezboollaan Hamaas Gaazaa keessaa jiru caalaa diina IDF baayyee sodaachisoodha.
Garuu yeroo hangamii keessatti akka xumuramu ifatti waan hin beekamne keessa seenuun carraan yeroo hin beekamneef turuu ni jiraata.
Madda suuraa, Reuters
Madda suuraa, Thinkstock
Naannoo Sidaamaa aanaa Sidaamaa keessatti baatii Waxabajji 2016 A.L.I irraa kaasee miidhaa waraabessi irra deddeebiin qaqqabsiiseen namoonni 12 lubbuun isaanii darbuu, shan immii miidhaan qaamaa irra gahuu bulchaan aanichaa beeksisaniiru.
Miidhaa waraabessi qaqqabsiiseen booda duula jiraattonni naannichaa taasisaniin waraabeessi 40 ol ajjeefamuunis dhagahameera.
Miidhaan waraabessaa kuni Waxabajji darbeetii akka jalaqabe itti gaafatamaan koominikeeshinii aanichaa Obbo Garramoo Maatiyoos BBCtti himaniiru.
Yeroos aanaalee ollaa Dillaa keessa jiranitti akkasuma waraabessi miidhaa qaqqabsiisuun booda hawaasni itti duullaan garaa aanaa Darraatti ''godaanuu'' isaanii ibsaniiru.
Waraabuun bineeldota butanii nyaachuu kan jalqabe yoo tahu boodarra namootarra miidhaa geessissuu danda'eera.
Hamma yoonaa gandoota 24 keessaa kanneen torba tahan keessatti waraabessaan miidhaan qaqqabeera.
Warabuun yeroo baayyee daa'imman irratti akka Obbo Abbaayineh himaniiru.
Aanichatti itti gaafatamaa kominikeeshinii kan tahan Obbo Garramaw Waxabajjii irraa kaasee nama 17 irratti miidhaan gaheera. Kanneen keessaa 15 daa'immani dha.
Daa'imman waraabessaan nyaataman ganna shanii hanga 15 kan gahanii dha jedhan.
Daa'imman baayyeen bishaan waraabuufi, wayyaa miicuuf laga yoo deeman akkasumas loon tiksuuf yeroo laga bu'anitti nyaataman.
Obbo Abbaayinah, ''daa'imni waggaa 14 fa'i yeroo haadhashee wajjin deemtu adda foo'e ishee kuffise. Haati oolchuu dhaaf wal'aansoo qabattus. Humnashee ol tahuun, mucaan iyya namaafi tattaaffii uumma reeffashee otoo hin nyaatin argamuu dandeesseetti,'' jedhan Itti gaafataman aanichaa Obbo Abbaayinah.
Viidiyoon Israa'el irraa har'a gadhiifame tokko rokkettii Libaanosirraa dhukaafameen daandiin Israa'el keessatti manca'ee agarsiisa.
Viidiyoon kun Teel Aviivtti dhiyoo Kifaar Qaasimitti waan ta'e agarsiisa.
Rokkettii dhukaafame kana hordofee namni tokko facaatii 'furguggifameen' miidhaan irra gaheera.
Madda suuraa, Reuters
Hezboollaan Waajjira Olaanaa Dhaabbata Basaasaa Israa'el Moosaaditti rokkeettii dhukaasuu hime.
Magaalaa guddoo Israa'el Teel Aviiv keessa sagaleen akeekkachiisaa [Siren] guutummaan dhagahamaa jira.
Hezboollaan rokkeettii ''Fadi-4 jedhamu Waajjira Olaanaa Mosaadii fi Yunit 8200 irratti dhukaasuu hime.
Yuunit 8200 fi Mosaad magaalaa Teel Aviiv keessatti argamu.
Mosaad dhaabbata basaasaa Israa'el, kan Peejerootaa fi 'Walkie Talkie' Hezbollaa akka isaanitti dhohu godhe duuba jira jedhamudha.
Israa'el garuu dhimma kana irratti yaada hin kennine.
Yuunit 8200 Gidduugala Odeeffannoo Waraanaa Israa'el yoo tahu, dhaabbata Tika Ameerikaa [NSA] waliin hidhata qaba jedhama.
Miidhaa akkamii akka dhaqqabsiise hanga ammaa hin himamne.
Madda suuraa, Getty Images
Lammileen Libaanos miliyoona tokkoo ol ta'an biyyaa baqataniiru , kaan ammao gara itti baqatan wallalanii daandii irraa jiraataa jiru. Amma naanaw kibba biyyattitti waraanni cimeera. Bakka heddutti sagaleen dhukaasa fi mallattoo balaa akeeku dhaga'amaa jira. Alaabaan keelloo fi magariisa Hizbullaah daandiiwwan heddu irra mul'ata jechuun dubartiin baqataa jirtu tokko BBC tti himte.
Ministirri Muummee Libaanos Najiib Makaatii, biyyi isaanii seenaa keessatti,"balaan akka kanaa muudateeni hin beeku" jedhan
Makaatiin walgahii Dhaabbata Mootummoota Gamtoomanii irratti Lammiilee nagaa buqqa'aniif deeggarsi hatattamaa itti fufiinsa qabu akka taasifamu gaafachuun isaani kan yaadatamuudha.
Kanaanis Dhabbatichi Libaanositti gargaarsa namoomaaf kan oolu doolaara miiliyoona 426 ol ta’u ramadeera.
Madda suuraa, Reuters
Carraan Gaazaa muudate Libaanosille qaqqabuuf jiraa? jechuun BBC'n dubbi himaan humna Waraana Israa'el Letenaant Koloneel Piitar Lerner gaafate.
Akka Lerner jedhutti, loltoonni Hezbollaa kibba Libaanos keessa bakka buufata. Waraanaa fuuldurraf fayyadamuuf qopheesse kan haleellaa akkaataa Onkoloolessa 7 irratti fayyadamuuf yaadame qaba.
'Kanaaf sochiin waraana Israa'el bu'uuraalee misoomaa buufata waraana sana diiguufiidha,'' jedha.
Ibsi waraanni Israa'el haleellaa naannawa daangeffamee irratti xiyyeeffachuu ilaalchiisuun amma kenname kan bara darbe gara Gaazaatti osoo hin ce'iin dura itti fayyadamte wajjiin wal fakkaata.
Haa ta'uu malee Lerner garaa garummaan akka jiru dubbata, ''Gaazaatti galmi waraana Israa'el sirna bulchiinsaa Hamaas kuffisuu yoo ta'u, Libaanos keessatti ammoo ''rakkoo lammiilee Israa'el irra gahu atattamaan furuu irratti caalaatti xiyyeeffata," jedhan.
Kanaaf ammatti karoorri Libaanos dhuunfachuu osoo hin taane bu'uuraalee misoomaa waraanaa Hezbollaan Israa'el ajjeesuuf qopheesse diiguu akka dabalatu dubbi himaan kun kan dubbate.
Waraanni Israa’el fi Hezbollaa giddutti kibba Libaanos keessatti lola cimaan gaggeeffamaa akka jiru gabaafameera.
Madda suuraa, Reuters
Waraanni Israa’el (IDF) halkan edaa, naannoo kibba kibba Beerut bakka Hezbollaan deeggarsa cimaa qabu keessatti, iddoowwan meeshaaleen waraanaa itti oomishaniifi bu’uuraalee misoomaa gariichaa “hedduu” fi bu’uuraalee misoomaa Hezbollaa Dahieh keessaa irratti “haleellaa sirrii” raawwachuu isaa mirkaneessee jira.
"Haleellaa kanaan dura ammoo, jiraattoota namicha jiraataniif akkeekkahciisa dursaa kennuun dabalata, meeshaa waraanaa sirrii fayyadamuufi hordoffii qilleensarraa dabalatee, balaa namoota nagaarra gahuu danda'u salphisuuf tarkaanfiiwwan hedduun fudhatameera," jedha.
'Halkan hirriba malee Beeruut keessatti itti dabarsine'' jedha jiraataan BBC duraan dubbise tokko.
Madda suuraa, Reuters
Hezboollaan ganama kana loltoota Israa'el magaala naannoo daangaa jirtu Metulaa keessaa jiran irratti dhukaasuu hime.
''Haleellaa rokkeettii hedduu'' loltoota Israa'el irratti gadhiise jedhe. Akkasumas dhukaasa isaan irratti banuu hime.
Akkasumas daangaa israa'el keessaa iddoo Aviivim jedhamtu irratti rokkeettii dhukaasuu hime.
IDF haleellaa Misaa'elaa ''shanii ol'' naannichatti dhagahamuu ibseera.
Rokkeettii gariin qolatame, kaan haleelamee caccabe, kaan ammoo lafa qullaarra bu'e jedhe.
Kaleessa Humni Ittisaa Israa'el naannoo magaala Metulaa, Misgaav Am fi Kifaar Gilaadii Kaba Israa'el jiran ''zoonii waraanaaf cufame'' tahuu ibse.
Namni tokkollee naannicha akka hin seennee fi waraanni isaanii qophaa'aa tahuu ibseera.
Israa'el Libaanos keessatti eddoowwan daangeeffame keessatti waraana lafoo eegalunshee ibsameera.
Dhohinsa akka waraabbii viidiyoo asiin gadi fa'itu daangaa Israa'eliifi Libaanos irratti dhagahame. Ilaalaa.
Madda suuraa, Reuters
Israa’el Libaanoo keessatti kibxata ganama warana lafoo eegaluu beeksiifte. loltootashee gara daangaa Libaanos naannawa bakka Hezbollaan itti socho'utti siquun sakatta’iinsa fi haleellaa' jalqabaniiru.
Ibsa waraanni Israa'el baaseen,naannawa daangaa Libaanos bakka waraanni Hezbollaa hawaasa Israa'el kaabaf yaaddo ta'etti "sakatta'iinsa lafaa bakka daangeffame, naannootti fi xiyyeeffate kan odeeffannoo sirrii irratti hundaa'e" jalqabee ture kunis "hawaasa Israa'el kaaba Israa'eliif balaa hatattamaa" ta'etti banuu eegaluu ibseera.
Humni qilleensaa fi meeshaan waraanaa akka taankiiwwanii humna lafoo deeggaraa akka jiran ibsameera.
Haleellaa qilleensaa Israa’el Wixata kaleessaa Libaanos irratti raawwatteen namoonni 95 du’uu fi namoonni 172 madaa’uu ministeerri fayyaa Libaanos ibseera
Akka aanga'oonni jedhanitti, torban lamaan darban keessa Libaanos keessatti namoonni 1,000 ol ajjeefamaniiru, kanneen miliyoona tokkootti dhiyaatan ammoo buqqa’uu malu
