Israa'el bakka haleellaa Hamaas Onkololeessa 7 yaadataa jirtuutti Beeruuti haleelte

Israa'el har'a wayita haleellaa Hamaas waggaa tokkooffaa yaadataa jirtuutti Kibba Libaanoos kan Hezboollaan baayyinaan keessa buufate haleelte.

Guduunfaa

Dho'insi guddaan buufata xiyyaaraa cinaatti dhaga'ame
Iraan biyyi Israa'el gargaartu kamiyyuu 'kan irratti xiyyeeffattu' ta'uu ibsite
US Israa'eel tumsuuf kutannoo qabdi- Isteet Depaartimant
Erga Joo Baayidan dhimma Israa'el-Iraan irratti dubbataniin booda gatiin boba'aa %5 dabale
raan Israa'el irratti misaa'el dhukaafte
Israa’el Libaanos keessatti lola lafoo daangaa'aa Hezboollaa irratti xiyyeeffate bahuu ibsite
Toora tamsaasa kallattii isa haaraa kanaan dura ture

Haguuggii Tamsaasa Kallattii

2 Onkololeessa 2024Israa’el loltuun ishee jalqabaa Libaanos keessati ajjeefamuu beeksifte
Madda suuraa, IDF
Erga Israa’el lafoon seentee loluu jalqabdee loltuun Israa’el jalqabaa Libaanos keessatti ajjeffamuun mirkanaa’e.
Humni Ittisaa Israa’el (IDF) ibsa baaseen akka beeksisetti, loltuun Kaappiteen Ehitaan Yitzhaak Oster jedhamu umuriin isaa wagga 22 ta’e Roobii Libaanos keessatti ajjeeffameera.
Loltuun ajjeefame kun garee Egooz jedhamu keessatti ajajaa gareeti. Gareen Egooz kun ammoo garee komaandoo barateefi riphee loltummaatiin beekamu akka ta’e IDF himeera.
2 Onkololeessa 2024Viidiyoo haleellaa misaa'elaa Iraan Israa'el irratti raawwatte agarsiisu
Viidiyoo haleellaa misaa'elaa Iraan Israa'el irratti raawwatte agarsiisu, daawwadhaa!
2 Onkololeessa 2024Hezboollaan walitti bu’insi har’aa kun waraana ‘marsaa jalqabaati’ jedhe
Dubbi-himaan Hezboollaa akka jedhetti, Humnoota Ittisaa Israa’el waliin kibba Libaanos keessatti walitti bu’insi ture waraana marsaa jalqabaati’ jedhe.
Humnoonniifi loltoonni diddaa keenya diina dura dhaabbachuun falmuuf guutuutti qophaa’aniiru,” jechuun Mohaammed Afiif rippoortarootatti himuu Roohitarsiifi NBCn gabaasaniiru.
Hezboollaa fi IDF Libaanos keessatti lafoon wal lolaa jiraachuu lamaanuu gabaasaa jiru.
Humni waraana Israa’el ammoo Libaanos keessatti ‘dhiheenyarratti lolaa jiraachuu’ himeera.
IDF ibsa haaraa baaseen, “bakkawwan garagaraatti” oppereeshinii gaggeessaa jiraachuu himeera.
Israa’el Libaanos keessa hanga meetira 400 seenuu raayyaan Libaanos himeera.
2 Onkololeessa 2024Israa'el Barreessaa Olaanaan UN biyyashee akka hin galle dhorkite
Madda suuraa, MOHAMMAD ALI/EPA-EFE/REX/Shutterstock
Ministirri Haajaa Alaa Israa'eel, Barreessaan Olaanaa Dhaabbata Biyyoota Gamtoomanii Antooniyoo Gutareez biyyasaanii akka hin galle dhorkamuu ibsan.
Israa'el Kaatiz biyyisaanii tarkaanfii kana kan fudhatte Gutareez haleellaa Iraan ittii bante waan balaaleffanneefidha.
Kaatiz dabaluun hogganaan dhaaba tokkummaa biyyoota addunyaa eegu kanaa ''diina Israa'elii' jedhan.
''Shororkeessitootaaf, warra nama gudeeduufi lubbuu baasuuf deeggarsa dhiyeessa. Gutareez seenaa UN keessatti akka mudaatti dhaloota dhufuun yaadatama'' jedha.
Gutareez Kibxata kaleessaa ''waraanni Baha Giduugalaa bal'achaafi hammaachaa adeemaa jira'' jechuun dhukaasni akka dhaabatu wamaicha godhanii turan.
2 Onkololeessa 2024Bara kana Arsenaal waancaa liigii ni injifata- Saakaa
2 Onkololeessa 2024Waa'ee haleellaa Misaa'elaa Iraan, Israa'el irratti raawwattee maal beekna?
2 Onkololeessa 2024Israa'el Libaanos haleelelte, garuu miidhaa misaa'ela Iraan irraan kan ka'e ni raafamte
Madda suuraa, Reuters
Ibsa waa'ee suuraa, Roobii ganama yeroo Israa'el gara Beerutiitti dhokaafteetti
Ammaan tana suuraalee haaraa Israa'elii fi Libaanos irraa isin biraan gahuu fiduu dandeenya.
Kaleessa galgala Iraan Israa’el irratti misaa’ela dhukaasuun giddu galeessa Israa’el keessatti miidhaa tokko tokko geessisuun akkasumas Weest Baankii bakka humnaan keessa qubsiifame keessattis lammiin Filisxeem tokko ajjeesteetti.
Gama biraatiin Israa’eel haleellaa Hezboollaa Libaanos irratti raawwattu itti fuftee jirti. Suuraalee asiin gadii kanneen waan himan qabu.
Madda suuraa, Shutterstock
Ibsa waa'ee suuraa, Duubartii dhaabbatee miidaa gamoo haleellaa miisaa'el Iraaniin jidduugala Israa'el keessatti qaqabee ilaalaa jirtu
Madda suuraa, Reuters
Ibsa waa'ee suuraa, Roobii ganama haleellaa qiileensaa Israa'el raawwatteen booda aara Beeruuti keessaa ol ka'e mullatu
Madda suuraa, Reuters
Ibsa waa'ee suuraa, Namoota Buufata xiyyaara Beeruutiitti balalii'aaf hiriira galanii eeggataa jira. Garuu balaliinsii haqamaa jira
2 Onkololeessa 2024Ministirri Ittisaa UK humni waraanaa biyyattii Israa'elirraa misaa'ela qolachuusaaf galata dhiyeessan
Madda suuraa, Getty Images
Ministirri Ittisaa UK waraannisaa Israa'eliin haleellaa Iraan irraa qolachuu isaatiif waraanaa biyyattiif galta dhiyeessan.
Joon Heeley ergaa dhaamaniin humnoonni Biriteen haleellaa misaayelaa Iraan Israa'el irraa qolachuu keessatti ''gaheessaa baheera'' jechuun gargarasa oogummaa kennaniif galateeffatan.
BBC qorannoo godheen xiyyaaronnni waraanaa UK haleellaa Kibxataa Iraan qoluu keessatti qooda fudhachuu hubateera. Ebla darbes akkasuma wayita Iraan Israa'el haleeltu warri UK birmataaniiruuf.
US gama isheen haleellwwan kana Israa'el irraa qoluu waajirri ittisaa biyyattii beeksiseera.
Peentagoon akka jehdetti ajaja kallattiin pirezidant Joo Baayidan irraa kennameen Israa'eliin oolchuuf US farra misaayelaa hedduu dhukaafteetti jedha.
2 Onkololeessa 2024Israa'el loltoota dabalataa duula lafootiif Libaanositti ergite
Madda suuraa, Reuters
Akkuma gabaasaa turre, Israa'el Kibxata darbe weerara lafaa kibba Libaanos irratti raawwachuu ishee beeksiste, haata'u malee gadi fageenya odeessa kanaa lafarraa argachuu hindandeenye.
Haata'u malee Raayyaan Ittisaa Israa'el (IDF), odeeffannoo dhiheenya kana baaseen, "sakatta'iinsa daangeffamaa, xiqqaa fi kan eddoowwan Hezboollaa irratti xiyyeeffate" raawwachuuf "humnoonni dabalataa" kibba Libaanositti makamaa jiru jedhe.
Loltoonni kunneenis duula lafoottti makamuudhaaf Diviziyoonii 36ffaa fi humnoota biroo irraa kan fudhataman ta’uu IDF beeksiseera.
Ganama keessa Hezboollaan waraana lafoo Israa’el Kibxata darbe ganda daangaa kibba Libaanos keessatti raawwatte ofirraa qolachu ibsee ture, haata'u male waraanni Israa’el kanarratti yaada hin kennine.
Gama biraatiin ammoo Raayyaa Ittisa Israa'el hawaasni naannawa Haayifaa fi lixa Galiilee kan dhiheenya daangaa Libaanos akka bahaniif akkeekkachisa baase.
Ganama kana qofaa rookeettiiwwan gara 100 ta'an kaaba Israa'el irratti dhukaafamu miidiyaalee biyya keessaa IDF eeruudhaan gabaasan.
2 Onkololeessa 2024Alkoolii dhuguun hangam balaa qaba?
2 Onkololeessa 2024Haleellaa rasaasaafi meeshaa qara qabuun Teel Aviivitti raawwaten namoonni torba ajjeeffaman
Madda suuraa, Reuters
Haleellaa rasaasaa fi meeshaa qara qabuu halkan kaleessaa Israa'el magaalaa Teel Aviiv keessatti raawwatameen, lubbuun namoota 7 darbuu poolisiin Israa’el mirkaneesse.
Kana malees haleellaa namni qawwee hidhate tokkoo naannoo Jaafaatti ummata irratti baneen, kaan biraa hedduurra ammoo miidhaan qaamaa qaqabeera, gariinis garmalee miidhaamaniiru. .
Haleellaan lubbuu namaa galaafate kunis baabura keessatti kan eegale yoo ta’u, alattiis itti fufee akka ture poolisiin naannoo ibsi baaseen beeksiseera.
Waraabbiiwwan miidiyaa hawaasaa irratti maxxanfame qaamni namootaa lubbuu keessa hin jirree daandii irratti faca'ee mul'isa.
Poolisiin akka jedhetti, namni qawwee hidhate tokkoo fi kan meeshaa qara qabu haleellaa kana raawwatan lamaanuu miseensoota hawaasaatiin ''tasgabbeeffamaniiru'' jechuun, maddi haleellaa kanaas ''shororkeessummaa'' jechuun ibseera.
Eenyuummaa namoota haleellaa kan raawwatanii ifa hin taasiifamne. Miidiyaalee Israa'eel tokko tokkoos baayyinni lakkoofsa namoota ajjeeffamanii saddeet gahuu gabaasanii ture, haa ta'u malee lakkoofsi kun nama haleellaa sana raawwate dabalatee haata'u ykn haa dhiisuu ifa miti.
Madda suuraa, EPA-EFE/REX/Shutterstock
2 Onkololeessa 2024Iraan haleellaan Israa'el irratti bante yeroof xumuramuu ibsite
Madda suuraa, Getty Images
Iraan haleellaan misaa'elii Israa'el irratti raawwachaa turte yeroodhaaf xumuramuu Roobii ganama beeksifte.
Haleellaan inni guddaan Iraan dachee Israa'el keessatti raawwatte kun muddama dabalataa guddaa uumee wayita jirutti ammaaf haleellaan kun xumiuramuu beeksifte.
Haleellaa kana booda Istraa'eliifi Yunaayitiid Isteets Tehraaniin haaloo bahuuf yoo dhaadatan, Dhaabbatni Biyyoota Gamtoomaniifi Gamtaan Awurooppaa ammoo dhukaasni akka dhaabatu waamicha gochaa jiru.
Iraan Israa'el irratti haleellaan bante balaarraa of qolachuurratti kan xiyyeeffate akka ta'e himuun, xiyyeeffanoon haleellaa ishee buufataalee waraanaa Israa'el sadii akka ta'an ejensiin oduu Iraan gabaase.
Haleellaa kanaaf sababa kan ta'e hooggantoota hidhattoota Iraan deeggartu irratti ajjeechaa raawwate, weerara Libaanos irratti godhamuu fi dhibdee Gaazaa ta'uus Iraan ibiste.
''Israa'el akka deebinee haaloo baanu yoo nu affeeruu baatte'' haleellaan kun raawwateera kan jedhan Ministirri Haajaa Alaa Iraan Abbaas Araachii yoo dubbii barbaachi biraan raawwate deebiin kennan jabaa akka ta'u dhaadatan.
2 Onkololeessa 2024Hayyuuwwan dabalatee namoonni dhibbaan lakkaa'aman naannoo Amaaraatti jumlaan ukkaamfamuu Aministiin hime
Madda suuraa, Magaalaa guddoo naannoo Amaaraa, Baahird Daar
Magaalota gurguddoo naannoo Amaaraa keessatti namoonni dhibbaan lakkaa'man adeemsa seeraa malee jumlaan dhukkaamfamaa jiraachuu dhaabbatni mirgaaf falmu Aministii Intarnaashinaal beeksise.
ALI Fulbaana 18, 2017 irraa eegalee hayyuuwwaniifi hojjettoota siivilii dablatee namoonni dhibbaan lakkaa'aman jumaan qabamanii iukkaamfamuu ragaan isa qaqqabuu dhaabbatichi beeksiseera.
Dhaabbatichi ibsa Onkololessa 1, 2024 baaseen iggitiin jumlaa seeraan ala ta'e kun ''dhabamuu olaantummaa seeraa itti hammeessa'' jedheera.
Hoogganaan dhaabbatichaa dame Bahaafi Kibba Afrikaa Tigeere Chaguutaa ''poolisiifi loltootni Itoophiyaa duulli seera malaee qabuu, mootummaan waayee olaantummaa seeraa guutummaan guutuutti dhiisuu agarsiisa'' jedhan.
Aministiin ibsa isaa keessatti abbootiin aangoo maqaa barreeffatanii naannoo Amaaraa keessatti siviilota dhibbaan lakkaa'aman qabuu isaanii namoota ijaan arganirra aiyyaafachuu beeksise.
Chaguutaan akka jedhanitti aanga'oonni hidhaa jumlaa kana raawwachuusanii dura ''ajaja hidhaas ta'e, hayyam sakatta'insaa hin qabanne'' jedhaniiru.
Warri qabaman kunniin sa'aatii 48 keessattis mana murtii hin dhiyaanne jedhan.
Akka namoota ijaan argan irraa iyyaafatetti namoota jumlaan qabamaa jiran keessaa hayyuuwwan Yunivarsiitilee naannoo Amaaraa keessa hojjetan ni argamu.
Namootni gariin kan qabaman ''loltootaan galgala keessa'' ta'uun ibsameera.
''Mootummaan Itoophiyaa hidhaa adeemsa seeraa hin eegne kana atattamaan dhabuu qaba. Warra qabaman irratti seera bu'uureffatee himannaa baniin adeemsa seeraa hordofuun irra jira. Ta'uu baannaan namoota kana gadhiisuu qaba. Mootummaan iggita akka feetee cunqursaaf oolchuu dhaabuutu irra jira'' jedhan hogganaan dhaabbatichaa damee Bahaa fi Kibba Afrikaa.
Naannoo Amaaraa keessatti walitti bu'iinsa hidhattoota Faannoofi mootummaa Federaalaa gidduu gaggeeffamaa jiruun jireenyi idilee hawaasaa goolameera, bu'uura misoomaarrattis miidhaan guddaan qaqqabeera.
2 Onkololeessa 2024Kantiibaan Musliimni paartiisaatiin ala maaliif Tiraamp deeggaraa jira?
2 Onkololeessa 2024Huutiin Galaana Diimaarratti doonii boba'aa barbadeesse
Madda suuraa, Reuters
Hidhattoonni Hutii Yaman Kibxata kaleessaa dooniiwwan Galaana Diimaarra imalaa turan irratti haleellaa banuun dooniiwwan lama irratti miidhaa geessisfte.
Doonii Paanaamaadhaan galmaa'e Kordeeliyaa Moon bidiruu dirooniitiin rukutamuudhaan miidhaaf saxilameetti. Akkasumas dooniin Laayibeeriyaa keessatti galmaa'e kan biraa misaa'elaan rukutamte.
Haata'u malee hojjettoonni dooniiwwan lamaanitu miidhaan tokkollee irra hin geenye.
Hidhattoonni Huutii erga baatii Sadaasaatii qabee dooniiwwan naannoo Yaman jiran irratti haleellaa banaa kan turan yoo ta’u, kunis Flisxeemoota waliin dhaabbachu ibsuudhaaf. Israa'el mataashee irrattis haleellaa bananiiru.
Akkasumas Kibxata kaleessaa Huutiin magaalota Eilat fi Teel Aviev -Israa’el irratti haleellaa diroonii banuu isaanii beeksisanii booda, IDF diroonii galaana Meditiraaniyaanii irra balali’u akka to’ate ibse.
Akkasumas guyyaa Dilbataa Israa’el haleellaa qilleensaa cimaa magaalaa qarqara galaanaa Yaman Hudaayidaa keessatti dhaabbilee Huutiin itti fayyadaman irratti raawwatteetti.
Huutiin qaama hidhattoota "Axis of Resistance" jedhamaniifi faallaa Israa'el, US fi biyyoota dhihaa dhaabataniiti. Kunis Libaanoos keessatti Hezboolaa, Hamaas gaazaa keessaa dabalatee, neetworkii gareewwan hidhattoota Baha Giddu Galeessaa kanneen Iraaniin deeggaramaniidha.
2 Onkololeessa 2024US misaa'eeloota Iraan Israa'el irratti dhukaafte hedduu fashaleessuu himte
Madda suuraa, PA Media
Ministirri Raayyaa Ittisa Ameerikaa Looyd Oostiin, Ameerikaan “misaa’eloota hedduu” Iraan gara Israa’elitti furguggiste fashaleessite jedhan.
“Gocha dubbii barbaachaa cimaa Iraan raawwatte kana ni balaaleffanna. Gareewwan shororkeessummaa ishee bakka bu’ootashee ta'an dabalate, Iraan haleellaa dabalataa kamiyyuu akka dhaabdu gaafanna,” jechuun ibsa kennaniin dubbatan.
Itti dabaluudhaanis, “Ogummaa fi gootummaa loltoota Ameerikaa halkan kaleessa ittiin haleellaa Iraan irraa lubbuu namaa baraaruuf gargaaraniifi ittisa Israa’el deeggaruu itti fufan akkasumallee waldhabdee bal’achaa dhufe ykn hammaataa dhufu ittisuuf isaaniitti baay’ee boonna.” jedhan.
Ameerikaan haala jiru itti dhiyeenyaan akka hordoftuu akkasumas michootaa ishee waliin marii gochuu akka itti fuftu dubbatan.
2 Onkololeessa 2024Israa'el haleellaa dabaataa Beeruuti irratti raawwataa bulte
Ibsa waa'ee viidiyoo, Watch: Israel carries out air strikes on Beirut overnight
Iraan Israa'el irratti haleellaa misaa’ela balistikii guddaa erga dhukaafteen sa’aatii muraasa keessatti, humni qilleensaa Israa’el magaalaa guddoo Libaanos Beerut keessatti iddoowwan Hezboolaadhan qabaman jedhe irratti xiyyeeffachuun haleellaa dabalataa raawwate.
Humni Ittisaa Israa’el haleellaa qilleensaa marsaa isa dhumaa kana raawwachuun dura jiraattoonni naannichaa keessa akka bahanii toora X irratti akeekkachiisa maxxansee ture.
Waraabbii viidiyoo kana ilaalaa.
2 Onkololeessa 2024Haleellaa Israa'eeliin booda Iraaniitti ummanni gammachuusaa ibsataa jira
Madda suuraa, EPA
Iraan erga Israa'el misaa'elaan rukutteen booda, namoonni daandii magaalaa Teehraan irratti gammachuusaanii ibsachuuf bahan.
Namoonni hedduun alaabaa Iraani fi Hezbollaa qabatanii daandiirratti bahuudhaan akkasumas suuraa hogganaa duraanii Hezbollaa kan gaafa Jimaata darbe haleellaa xiyyaaraa Israa’eliitiin Libaanos keessatti raawwateen ajjeefaman Hassan Nasrallah agarsiisaa turan.
Akka suuraaleen agarsiisaniitti gariin isaanii duungoo qabsiisanii turan.
Hiriiri kunis Imbaasii Biriteen alatti kan gaggeeffame yoo ta'u, eddoon kunis haleellaa Iraan baatii Eblaa keessa Israa'el irratti raawwatteen booda bakka itti gammachuu ibsatan ta'eera.
Madda suuraa, EPA
Madda suuraa, EPA
Madda suuraa, EPA
Madda suuraa, Getty Images
2 Onkololeessa 2024UNtti Ambaasadaroonni Iraanii fi Israa'el tarkaanfii biyyoonnisaanii fudhatan deeggaran
Madda suuraa, Reuters
Dhaabbata Biyyoota gamatooma (UN)tti Amdaasaadarri Iraan haleellaa misaa'elaa biyyisaanii Israa'el irratti raawwatteef sababa dhiheessuun deeggaran,
Ergamaan Iraan Amiir Sa’iid Iraavaanii xalayaa Mana Maree Nageenyaa Dhaabbata Biyyoota Gamtoomanii fi Barreessaa Olaanaaf barreessan keessatti, ajjeechaa hoggantoota olaanoo Hamaas fi Hezbollaa hordofuun haleellaa kaleessa galgala raawwatamee kun sirrii ta’uu ibsaniiru.
Akkasumas tarkaanfiin dabalataa Teehraan irratti fudhatamu kamiyyuu deebii “murteessaa” ta'e akka argatu akeekkachiiseera.
Haaluma walfakkaatunis, UNtti ergamaan Israa’el Daani Daanoon yaada gita isaanii Iraaniif kennaniin, haleellaa Iraan tibbana raawwatte kan namootni miliyoonaan lakkaa’aman guutuu biyyattii keessatti dahannoo boombii akka seenan dirqisiise kun baayyee “dhukkubsadha” jechuun haaloo ba’uuf waadaa galan.
“Nuti fedhii waraanaa ykn muddama uumuu hin qabnu, garuu yeroo lammiileen keenya nagaa haala akkasiitiin haleellaan irratti raawwatamu teenyee ilaaluu hin dandeenyu,” jedhan.
Dhuma torban darbeerratti, Iraan waldhabdeen amma jiru hammaachaa dhufuuf isaatiif manni maree nageenyaa ''omaa gochuu'' dhabuusaatti komachuun, miseensonni mana marichaa 15'n “naannicha gara waraana guutuutti akka hin harkifneef” Israa’el irratti “tarkaanfii murteessaa” akka fudhatan gaafatanii ture.
2 Onkololeessa 2024Lola Israa'eliifi Hezbollaa keessatti gahee waraana Libaanos maaliidha?