Qaamooleen Israa'el bakka bu'uun mari'ataa turan Kaataarii akka deebii'aniif ajajaman

Qondaaltoonni tika Israa'el biyyattii bakka bu'uun dhukaasa dhaabuuf mari'ataa turan erga mariichi socha'u dideen booda Kaataarirraa gara biyyaatti akka deebii'aniif ajajamu ejansiin tika biyyattii Mosaad beeksiise.

Haguuggii Tamsaasa Kallattii

1 Sadaasa 2023Namoonni paaspoortii biyya biraa qabaniifi miidhaman 400 ol Gaazaa keessaa bahan
Madda suuraa, EPA
Daangan Raafaah banamuu hordofee, namoonni miidhamaniifi paaspoortii biyya biraa qaban waaree booda daangaa qaxamuruun Gaazaa keessaa gara Masriitti imaluu itti fufan.
Yoo xinnaate namoonni paasportii biyya biraa qaban 335 karaa ulaa Raafaah bahuusaanii qondaaltota Masriifi humnoota nageenyaa eerudhaan madden oduu Rooyitarsii fi AFP gabaasan.
Akkasumas namoonni miidhaman 76 gara Masriitti geeffamusaanii qondaaltoonni Masrii AFPtti himan.
Madda suuraa, EPA
1 Sadaasa 2023BBCn Gaazaatti tajajila raadiyoo yeroo muddamaa eegaluufi
Madda suuraa, Getty Images
BBCn Gaazatti raadiyoo dambalii gabaabaa banuufi. Kunis Gaazatti namoonni odeeffannoo atattamaa argachuu kan isaan dandeessisuufi waraana kana keessatti maal gochuu akka qaban odeeffannoowwan murteessoo uummata biraan gahuufi.
BBC World Service kana kana kan beeksise har'a yoo ta'u, namoonni yeroo haleellaan gaggeeffamu eessatti baqachuu akka qaban, bishaanifi nyaanni fa'aa eessatti akka argamu odeeffannoo yeroo atattamaa uummata biraan gahuuf kan ooludha.
Raadiyoon damabalii giddu galeessaa kun "Daily Gaza" jedhamuunis mogga'e. Qophiin raadiyoo kun Kaayiroofi Landanitti qophaa'un guyyaatti sagantaan tokko kan tamsa'u yoo ta'u Sadaasa 3 irraa eegala.
Gaazaatti bilbillis ta'ee intarneetin cituurraa kan ka'e qunnamtiin baay'ee rakkisaa ta'eera.
1 Sadaasa 2023Israa'el hanga ammaa Gaazaatti loltoonni 15 jalaa du'uun qormaanni cimaan akka ishee eeggatu agarsiiftudha
Madda suuraa, Getty Images
Israa'el Gaazaatti haleellaa qilleensarraa qofa osoo hin taane loltoota lafoonis Gaazaatti duultee jirti.
Gama biraan ammoo kaleessa haleellaa qilleensaa buufata baqattoota Jabaaliyaatti gaggeessiteen namoonni heddu du'aniiru.
Hanga har'aa namoonni du'an jijjigaa gamoo jalaa barbaadamaa jiru. Gaazexeessaan BBC Jeremii Boowen daayireektara hospitaala naannoo kaampii baqattoota haleelameetti argamuu dubbisuun namoonni 400 haleellichaan madaa'anii hospitaalicha seenuu odeeffate.
Namoota kanneen keessaa 120 yeroo hospitaalicha gahan du'aniiru ykn yeroo xiqqoo booda du'an.
Gama biraan ammoo Israa'el Gaazaa keessatti hanga ammaa haleellaa qilleensarraa 11,000 gaggeessuu beeksisuun lola kana keessatti ammoo loltoonni 15 jalaa ajjeefamuu beeksifte.
Humni lafoo Israa'el Gaazaatti bobbaafte ammayyuu guutummaa magaala Gaazaatti hin seenne. Yeroo gabaabaa kanatti loltoota hangana kan dhabde, gaafa waraana magaalaa keessaa eegaltu loltoota heddu dhabuunshee waan hin oolle agarsiiftudha jedha Jereemin.
Hidhattoonni Hamaas kaleessa loltuu Israa'el tokko ajjeesufi taankii dabalatee konkolaattota waraanaa Israa'el haleeluu beeksisee ture.
Loltuun kaleessa Hamaas Gaazaatti ajjeeffame har'a sirni awwaalchasaa magaalaa Jerusaalemitti raawwate.
1 Sadaasa 2023Ulaa Raafaarraan namoonni lammummaa biyya lamaa qaban 110 Masrii seenan
Madda suuraa, Rooyitars
Ibsa waa'ee suuraa, Daa'immaan madaa'an Gaazaa keessaa bahuuf dabaree eegaa jiru
Yoo xiqqaate namoonni sivilii madaa’an 20 Ulaa Gaazaa Raafaa jedhamurraan gara Masriitti qaxxaamuran.
Namoonni lammummaaa biyyaa laman qaban 110 ta’anis Gaazaarraa gara Masriitti qaxxaamuran.
Ammaaf dhukkubsattoonni Filisxeem 80 fi lammileen biyyoota biroo, akkasuma kanneen lammuummaa biyyoota lamaa qaban walumatti 500 ta’an Gaazaa keessaa akka bahan eeyyamameera.
Wayita ulaa daangaa kun banamu konkolaattoonni deeggarsa fe’an 20’n Gaazaa akka seenan eeyyamameera.
Madda suuraa, Rooyitars
1 Sadaasa 2023Loltuu Israa’el kaleessaa Gaazaatti ajjeefame sirni awwaalchaasaa Yerusaalemitti raawwatame
Madda suuraa, Rooyitars
Ibsa waa'ee suuraa, Sirna gaggeessaa loltuu Israa'el kaleessa Gaazaatti ajjeefamee
Loltuun Israa’el umrii ganna 20 Levii Lipshitiz jedhamu lola lafoo Gaazaarratt kaleessa du'e sirni awwaalcha isaa gaara Herzil, iddoo awwalcha loltootaa Yerusaalemitti argamutti raaawwatame.
Ministirri Mummee Israa’el Beenjamiin Netanaahuun loltoonni Israa’el 11 ajjeefamuun ‘’wanta baayyee nama madeessuudha’’ jechuun hawaasa biyyattiif himan.
‘’ Loltoonni keenya biyyasaaniif jecha kufan’’ jedhan Netanaahuun.
Madda suuraa, Rooyitars
1 Sadaasa 2023Gaazaatti lakkoofsi namoota ajjeefamanii 8,796 qaqqabe- Ministeera Fayyaa Gaazaa
Madda suuraa, GettyImages
Ministeerri Fayyaa Gaazaa erga waraanni Gaazaatti eegalamee namoonni 8796 ajjeefamuu hime.
Lakkoofsa namoota ajjeefamanii Kibxata himamee (8,525)irra 271'n dabale.
Ministeerichi akka himetti, namoota ajjeefaman keessaa 3,648 daa’immaniidha.
Haleellaa Hamaas Onkoloolessaa 7, 2023 Israa’elirratti raawwate hordofuun Israa'el haleellaa xiyyaaraa hamaa eegalte.
1 Sadaasa 2023Masiriin namoota madaa'an Gaazaarraa fudhachuun murtoo gaariidha- Dr. Tediroos Adihaanom
Madda suuraa, Reuters
Dursaan Dhaabbata Fayyaa Addunyaa (WHO) Dr. Tediroos Adihaanom "waliigalteen namoota Gaazaa keessatti miidhaan cimaan mudate hanga tokko gara Masiriitti fiduu" murtoo gaariidha jedhan.
Dr. Tediroos Adihaanom ergaa miidiyaa hawaasaarratti baasaniin, "Wallaansaaf namoota baasuu karoorsuurratti Ministeera Fayyaa Masirii waliin walitti dhiyeenyaan hojjechaa jirra, gargaaruus itti fufna," jedhan.
itti dabaluun, Gargaarsi fayyaa Gaazaa akka seenu hayyamames daddafee akka seenu ni barbaadna. Hospitaalonni haleelamuufi faayidaa waraanaaf ooluurraa eegamuu qabu."
1 Sadaasa 2023Ayatolaan Iraan biyyoonni Arabaa Israa'eliif nyaataaf boba'aa akka hin ergineef akeekkachiisan
Hogganaa Olaanaan Iraan Ayaatolaa Alii Hamiinii biyyoonni Arabaa Israa'eliif nyaataafi boba'aa erguurraa akka of qusataniif waamicha dhiyeesssan.
Hogganaa Olaanaan dhiibbaa guddaa uumuu danda'an kun hanga haleellaa Israa'el Gaazaa keessatti gaggeessaa jirtu dhaabbatutti biyyoonni omisha isaanii erguurraa of qusachuu qabu jedhan.
"Haleellaan Gaazaa keessatti raawwatamaa jiru atattamaan dhaabbachuu qaba... mootummaa abbaa irree warra Tsiyoonootaa kanaaf daandiin nyaataafi boba'aa geessu cufamuu qaba," jechuu isaanii TVn biyyaalessaa Iraan gabaaseera.
Haleellaa tasaa Hamaas Onkololessa 7 raawwate hordofee, Israa'el Hamaasiin lafarraa balleessuuf jecha gaazaa qilleensaafi lafoon haleeluu itti fufteetti.
Torban sadan darban keessa namoonni kuma 8 ol ta'an Gaazaa keessatti ajjeefamuun gabaafameera.
Madda suuraa, AFP
1 Sadaasa 2023'Waraana rakkisaafi dheeratu keessa jirra' - MM Netaniyaahuu
Madda suuraa, Prime Minister Benjamin Netanyahu / @netanyahu on
Loltoonni Israa'el 'waraana haqa-qabeessa ta'e' keessatti ajjeefamaniiru kan jedhan MM Benjaamin Netaniyaahuu, "Waraana rakkisaa ta'e keessa jirra" jedhan.
"Waraana dheeratu ta'a. Milkaa'ina gaariis galmeessineerra. Haata'u malee, kasaaraan nama gaddisiisanis nu mudataniiru," jedhan.
MM Netaniyaahuu kana kan jedhan, Kibxata lola Gaazaa keessatti gaggeeffameen loltoonni 11 du'uun isaanii erga mirkanaa'een booda.
"Ni beekna, loltoonni keenya hundinuu baayyee barbaachisoodha."
Miseensonni maatii uummanni Israa'el hundi isin waliin jira. Yeroo gadda guddaa kana keessa hundi keenya isin waliin jirra," jedhan.
"Biyya keenyaaf jedhanii loltoonni waraana haqaaf kufaniiru. Isin lammilee Israa'eliif waadaa kanaan isiniif galu ergamicha hanga ba'anutti itti fufna. Hanga mo'anutti itti fufna," jechuun ibsan.
1 Sadaasa 2023Karri banamnaan namoonni ce'umsa daangaa Raafaah'tti walitti qabaman
Madda suuraa, Reuters
Ce'umsa daangaa Raafaah kan gama Gaazaan Masirii waliin waldaangessu banamnaan namoonni walitti qabamanii eeggachuutti jiru.
Daangaa kanarraa ulaa banameen ba'uudhaaf namoonni baayyatanii eeggachaa wayita jiran suurri ni agarsiisa.
Har'a ganama ammoo namoota madaa'an guuruuf ambulaansiin Masirii irraa Gaazaatti ce'aa turan, garuu deebiyuu isaanii hin beeknu.
Wanti yaadatamuu qabu, erga Onkoloolessa 7 as namoonni sivilii Gaazaa keessaa ba'uu danda'an warra butamanii booda gadhiifaman qofaadha. Hanga ammaatti, karri ittiin bahani hunduu cufaa ture.
Madda suuraa, EBU
Madda suuraa, Reuters
1 Sadaasa 2023Masiriin hospitaala dirree itti madoo simattu banuu hordofee Filisxeemonni 88 Gaazaatii ba'uuf
Madda suuraa, Reuters
Namoonni dhibba hedduun lakkaa'aman daa'immaniifi maatiisaanii qabatanii, akkuma meeshaa qaban xaxataniin daangaa Raafaah irra jirutti dirreerratti walitti qabamanii taa'aa jiru. Garuu namni isaan waamaa jiru hin jiru.
Wanti ta'e amma ni ta'a jennee abdanna - namoonni akka ce'aniif ni hayyamamaaf jennee eegaa jirra.
Ambulaansii ykn namoota madaa'an Masirii seenan hin argine. Haata'u malee, namoota wallaansa fayyaa argachuuf geeffamuu qabaniif toofataa biraa qabaacuu danda'u.
Aanga'oota naannawaarraa akka hubannetti, namoonni madaa'an 88 gara Masiriitti akka ce'aniif ni hayyamamaaf.
Masiriin hospitaala banaa dirreerratti madoo itti wallaantu daangaarraa kiloomeetira 10 bakka fakaatutti ijaaraa jiraachuu quba qabna.
1 Sadaasa 2023Israa'el dooniiwwan misaa'elii gara Galaana Diimaatti erguuf
Madda suuraa, IDF
Kaleessa gareen Huutii Yaman keessa jiru misaa'elootaafi diroonotaan Israa'eliin si'a sadii haleelleerra jedhe. Gareen kun ammas haleellaa Israa'el irratti raawwatu kana nan itti fufe jechuun dhaadate.
Yaman bakka Huutiin keessa jiru kun Israa'el kibbaa irraa maayiloota dhibbaan lakkaa'amu fagaatee argama.
Amma ammoo humni waraanaa Israa'el (IDF) akka himetti, "humna ittisaa bakka sana jiru cimsuudhaaf" dooniiwwan misaa'elii kaleessarraa eegalanii gara Galaana Diimaatti bobba'aniiru.
Roobii gara ganamaa IDF, "diroonii dubbii barbaachaaf ergamte" Galaana Diimaa keessatti qolatee karaatti hambiseera jedhe.
Humni waraanaa Israa'el diroonii Yaman irraa gara magaalaa kibba Israa'elitti argamtu Elaatitti ergamte kuffiisuu ibseera.
1 Sadaasa 2023Erga waraanaatii as bakkawwan 11,000 ol haleelleera- IDF
Humnootiin Waraana israa'el (IDF) erga waraanni Hamaas waliin gaggeeffamuu eegalee torbanoota sadan darban keessatti, Gaazaaa keessatti eddoowwan ''dhaabbata shororkeessaa'' ta'an 11,000 ol haleeluu beeksise.
Humni waraanaa ollaa Jabaaliyaatti loltoonni Hamaas dhiheenya gamoowwan darbii baayyee, manneen barnootaa, wiirtuuwwan wallaansaafi waajjiraalee mootummaatti akka argaman adda baaseera. Loltoonnis hmni qilleensaa Israa'el haleellaa akka raawwatuuf qajeelfama kennaniiruuf jedhe,
Isaan dura ammoo humni waraanichaa haleellaa Jabaaliyaatti raawwateen ajajaa olaanaa Hamaas ajjeessee bu'uuraalee ulaa lafa jalaa garichaa barbadeessuu beeksiisee ture.
Amma ammoo, waraabbii viidiyoo haleellaan qilleensaa konkolaataa irratti yoo raawwatamu agarsiisu gadhiise. Konkolaataan sunis misaa'ela farra taankii kan baatuufi gara humnoota Israa'el imalaa ture jedhe.
1 Sadaasa 2023Erga haleellaa Hamaasii farrummaan Semeetizim US'tti 'akkaan dabale'
1 Sadaasa 2023WHOn waa'ee namoota Hamaasiin butamanii 'haalaan na yaaddeesse' jedhe
Daareektarri Olaanaan Dhaabbata Fayyaa Addunyaa (WHO), Tediroos Adihaanom, haalli namoota haleellaa Onkolooleessa 7 Israa'el irratti raawwatameen booda garee Hamaasiin butamanii fudhatamanii irratti ''yaaddoo cimaan'' itti dhagahamuu dubbattan.
Dr Tediroos ergaa toora X kan duraan Tiwitar jedhamurratti maxxansaniin, keessattuu daa'imman, dubartoota, jaarrooleefi kanneen rakkoo fayyaa xiyyeeffannaa wallaansa ariifachiisaa barbaadan irratti yaaddoo qaban ibsan.
''Dhaabbanni Fayyaa Addunyaa ammas irra deebiidhaan, namoonni butaman hundi atattamaan akka gadhiifamaniif waamicha taasisa'' jechuun barreessa.
Madda suuraa, Getty Images
1 Sadaasa 2023Suuraaleen waraana Israa'el gamoowwan cacabaniifi jijjigaa agarsiisan
Waraanni Israa'el suuraalee duula waraanaa kaabaa Gaazaa keessatti gaggeessu agarsiisuu haaraa qoode.
Suuraalee hedduunis gamoowwan jijjiggaa tuulamee kan agarsiisan yoo ta'u, kunis haleellaan qilleensaafi duulli lafoo Israa'el gaggeessaa jirtu hangam akka ta'e kan agarsiisudha.
Madda suuraa, Israel Defense Forces
Madda suuraa, Israel Defense Forces
Madda suuraa, Israel Defense Forces
1 Sadaasa 2023US biyyoota Afrikaa afur dabalataan sagantaa AGOA keessaa haquuf
1 Sadaasa 2023Boliiviyaan haleellaa Israa'el raawwataa jiruun walqabatee hariiroo dippilomaasii biyyattii waliin qabdu adda kuttee
Madda suuraa, EPA
Boliiviyaan Israa'el ''Gaazaa irratti haleellaa gita hin taaneefi cimaa raawwatti'' jechuun walitti dhufeenya dipplomaasii biyyattii waliin qabdu adda kutuu beeksiifte.
Itaanaan Minisitira Dhimmaa Alaa, Freedii Maamaanii gaazexessitootatti akka himaniitti, murteen isaanii kunis ''haleellaa sukkanneessaafi kan walgitu hin taanee waraanni ISraa'el Sulula Gaazaa keessatti fudhataa jirtu mormuufi balaaleeffachuudhaaf'' jedhan.
Gama biraatiinis, dureewwan Kolombiyaafi Chiiliis Israa'el mormuudhaaf jecha ambaasaaddaroota isaanii waaman.
Pirezidantiin Chiilii Gaabri'el Booriik Foonts, toora X kan duraan tiwiitara jedhamurratti akka barreessanitti, biyyii isaanii ''gochaa seera idil-addunyaa cabsuu fudhatama hin qabne Israa'el raawwattu cimsitee balaaleeffatti'' jedhaniiru.
Akkasumas, pirezidantiin Kolombiyaa Gastaavoo Pexiroosis, ''Israa'el ummata Filisxeem ajjeessuu kan hin dhaabne yoo ta'u, achitti argamu hin dandeenyu'' jechuun X gubbaatti barreessan.
1 Sadaasa 2023Chaayinaan waraana Israa'el-Hamaasirraa maal barbaaddi?
1 Sadaasa 2023Ministitti Dhimma Alaa US Jimaata Israa'elitti imaluuf
Madda suuraa, EPA
Ministirri Dhimma Alaa Ameerikaa Antoonii Biliinkan Jimaataa dhufu gara Israa'el akka imalan Dippaartimantiin Isteetii Ameerikaa beeksiise.
Biliinkan imalasaanii kanaan miseensoota mootummaa Israa'el waliin walarguun naannicha keessatti daawwanna gara biraas akka taasisan eegamu.
Biliinkan imalasaanii kanaan qoondaaltoota Filisxeem waliin walarguuf karoora qabaachuun isaanii ammatti ifa miti.
Erga torbanoota sadan darbanii as imalli amma Biliinkan Baha Giddu-galeessaatti taasisan kun imala lammaffaadha.