Humnoonni Yukireen iddoowwan Raashiyaan qabatte irraa fuudhuuf lolaa jiru - US

Haguuggii Tamsaasa Kallattii

1. 18 Bitooteessa 2022Waraana Raashiyaa-Yukireen sa’aatiiwwan 24 darban keessa

   

   Madda suuraa, Getty Images

   Waraana Raashiyaan Yukiraan irratti bane guyyoota 23 lakkoofsiseen sa’aatii 24 darban keessa taateewwan ijoo kanneen turan:

   .Pirezidantiin Yukireen Voloodmiir Zeleniskii akkaataa Gimbiin Barliin bara dur itti jige yaadachuun, miseensota mana maree Jarman akkasuma gimbii haaraa Awurooppa walabummaafi hacuuccaatti adda qoode “ka’aa jigsaa” jechuun waamicha dhiyeesse

   ·Pirezidantiin Raashiyaa Vilaadmiir Putiin gama isaatiin haasaa bilbilaan gaggeessaa Tarkii waliin taasiseen marii nagaa buusuu Yukireen waliin itti jiran ilaalchisuun fedhii qabu ibsateera.

   ·Raashiyaan dhimma namoomaa ilaalchisuun Jimaata yaada furmaataa UN sagaleen irratti akka kennamuuf dhiyeessu itti hin fufu jette. Kanaaf ammoo, US biyyoonni waliigaltee kana akka hin deeggarreef dhiibbaa gochaa jirti jechuun himatte.

   ·Qondaalonni waraanaa US fi UK akka jedhanitti, humnoonni Raashiyaa guyyoota dhiyoo as waraana itti jiraniin lafa ballifataa hin jira, kun ammoo rakkoowwan hamileefi loojistikaa isaan mudateera jedhan

   ·Magaalaa Kaharkiiv, Yukireen irratti roobuun itti fufeera, loltoonni Yukireen garuu cimanii dura dhaabbachaa jiru

   ·Akka aanga’oonni jedhanitti magaalaan Yukreen kibba-bahaatti argamtu Maariyaapool ammallee humnoota Raashiyaatiin reebamaa jirti, namoonni 30,000 ta’anis magaalattii keessaa baqachuu danda’aniiru

   ·Pirezidantiin US Joo Baayidan bilbila har’a bilbilaniin gita isaanii Pirezidantii Chaayinaa Shii Jiinpiing cimsanii akeekkachiisuuf jiru, dhimmi isaan ittiin akkeekkachiisaniif ammoo Chaayinaan gocha Rashiyaa qoqqobbiiwwan biyyoota Lixaa jalaa baraaruuf gootu jiraannaan “gatii ishee baasisu qaba” jedhan.

2. 18 Bitooteessa 2022Putiin maal barbaadu? Raashiyaan waraana dhaabuu dandeessii?

3. 18 Bitooteessa 2022Waraana Yukireen guyyaa 23ffaa: Boombiin irraa gadi roobaa jira, loltoonni Yukireen garuu cimanii dura dhaabbachaa jiru

   

   Waraana Raashiyaan Yukreen irratti bante guyyoota 23 lakkoofsiseen boombiin Raashiyaa magaalota Yukireen gurguddoo irratti akka bokkaa roobuu itti fufee jira. Loltoonni Yukireen ammoo cimanii dura dhaabbachaa jiru.

   Kessumaa magaalaa Yukireen guddoo lamaffaa Kaharaakiiv keessatti Raashiyaan torban sadaffaaf osoo walirraa hin kutiin haleelaa jirtuufi loltoonni Yukireen ammoo cimanii qolachaa jiran keessatti adda waraanaa irraa gaazexeessitoonni BBC Quentin Sommerville fi ogeessi kaameraa Darren Conway kallattiin gabaasaa jiru.

   Nu horrdofaa

4. 18 Bitooteessa 2022Ashamaa

   Walitti deebineerra!

   Waraana Raashiyaafi Yukireen erga eegalee torban sadii guuteen walqabatee ta'iiwwan haaraa jiran gabaasa kallattii keenya kana jalaa hordofaa.

   Link marsariitii kanaa yeroo yeroon 'refresh' gochuun haaromsaatii odeessaalee wayitaawoo argattu.

   Bakka nagayaa oolaa!

5. 17 Bitooteessa 2022Halkan gaarii!

   Tamsaasi kallattii BBC Afaan Oromoo guyyaa Kamisaa xumurame.

   Jimaata ganama walitti deebina.

   Nagaan bulaa.

6. 17 Bitooteessa 2022Raashiyaan Yukireen keessa yakka waraanaa raawwatte jechuun US himatte

   

   Madda suuraa, Reuters

   Ministirri Dhimma Alaa US Antoonii Biliinkan Yukireen keessa yakki waraanaa raawwateera jedhanii wanta Pirezidant Joo Baayidan jedhan waliin akka waliigalan himan.

   Ekispartoonni US hamma yakka waraanaa biyyattii keessa raawwate galmeessaafi gamaaggamaa jiru jedhan.

   Kanaan achi ‘’Raashiyaan waan biraa dalagaa jirti jechuun nama dhiba,’’ jechuun wantoota torban muraasa darban raawwataman eeran.

   Raashiyaan lolatti xumura tolchuuf waan hiika qabu dalaguu ishee hin agarre jechuunis dubbatan.

7. 17 Bitooteessa 2022Mana murtii: Saalaan qilleensa gubbaa erga xiyyaarri lamatti bahee booda du'e

   

   Madda suuraa, AFP

   Emiliyaanoo Saalaan erga xiyyaarri cabee lamatti bahee booda miidhamee du’e jedhe manni murtii.

   Taphataan ganna 28 kuni waggaa sadii dura Kaardiif Siitii seenuuf Faransaay irraa ka’ee osoo gara Weels imaluu ture xiyyaarri cabee lubbuu kan dhabe.

   Du’a isaa booda qorannoon taasifamaa ture.

   Balalii eeyyama hin qabneerratti summii kaarboon monoksaayidiin ‘’of wallaaluu’’ hin oolle jedheera. Kanaanis lubbuu dhabuu hime.

   Saalaafi balaliisaa kan ta’e Deevid Ibbostan lamaanuu balaa kanaan lubbuu dhabaniiru.

   Nami balalii kana qindeesse, Deevid Hendersan, hidhaa baatii 18’n adabameera.

   Reeffi balaliisaa garuu ammallee hin argamne.

   • Balaliisaan taphataa 'hayyama balalii hin qabu ture'

8. 17 Bitooteessa 2022Maariinaa: 'Qorattoonni mormiin oduu gubbaa yaada koo itti hin fakkaanne'

   

   Madda suuraa, Reuters

   Gaazexeessituun Raashiyaa gaafa Wiixataa oduun Tv mootummaa gubbaa darbaa osoo jiru mormii waraanaa agarsiiste qondaaltonni yaadi kuni kan ishee akka ta’e amanuu dhabuu himte.

   ‘’Maashinii ololaa Raashiyaa keessaa cabsanii bahuuf’’ yaadaa akka turteefi ‘’lammiileen Raashiyaa biroos akka dura dhaabbatan,’’ yaaddee raawwachuu BBC’tti himte.

   Dabalataan, mormii isheen lammiileen Raashiyaa waraanicha akka hin deeggarre himuun fedhe jechuun dubbatte.

   Akka yaada isheetti wanti isheen raawwatte lammiileen Raashiyaa tamsaasa miidiyaa biyya keessaa Raashiyaa akka ija shakkiin ilaalan ni taasisa.

   ‘’Olola Kireemliniin hadooddaniittu jedhee lammiilee Raashiyaa hundatti himuun barbaada. Tamsaasa mootummaa Raashiyaa caqasuu dhaabaa,’’ jechuun himte.

   Maddeen biyyoota Lixaafi Yukireen akka barbaadanii caqasan dhaamte.

   Marinaa Ovisyaanikovaan miidiyaa Channel One jedhamutti ediitara dha. Erga mallattoo mormii agarsiiste booda sa’aatii 14’f qoratamuu dubbatti.

   Erga mormii agarsiiste booda adabamtee gadhiifamteetti.

   • Barreeffamni Maarinaan sagantaa oduu gubbaa qabatte maal jedha?

9. 17 Bitooteessa 2022UK'n sirna misaa'eliifi loltoota 100 Poolaandiitti bobbaasuuf

   UKn sirna misaa'eelii Sky Sabre jedhamu loltoota 100 waliin Poolaandii keessatti bobbaasuuf ta'u, Ministirri Ittisaa Been Waalaas himan.

   Jalqaba torban kanaatti, buufata leenjii Yaavoriv, dhiheenya ulaa baqattootni gara Polaandiitti ittiin qaxxaamuran guddaa irratti haleellaa xiyyaaraa Raashiyaatiin yoo xinnaatee namoonni 35 ajjeefamaniiru.

   Baqattoonni hedduun waraana jalaa karaa sanaan akka baqatan himama.

10. 17 Bitooteessa 2022'Qoqqoophiin Putiin waraanaarraa hin deebiisu'

    

    Madda suuraa, Getty Images

    Abbaan qabeenyaa Raashiyaa siyaasaa irratti dhiibbaa olaanaa qabu tokko qoqqobbiin gonkumaa Vilaadimiir Putiin weerara Yuukireen irratti gaggeessaa jiru akka dhaabuuf hin dhorku jechuun biyyoota Lixaa akeekkachisee.

    Mikhaa'il Firidmaan, abbaa qabeenyaa Alpha Bank, kan ta'an Bloombergiitti akka himaniitti, abbootii qabeenyaa akka Raashiyaa irratti dhiibbaa taasisaniif dirqisiisuun sirrii miti jedhan.

    Yoo itti gaafatamtoonni Gamtaa Awurooppaa sababii qoqqobbiiwwaniitiif akkasiin kan yaadan yoo ta'e, ani Putiinitti dhiyaadhee akka waraanaa dhaabuuf itti himuu nan danda'a ture, garuu hundi keenya balaa cimaa keessa jira jedheen yaadda'a,'' jedhan Firidmaan.

    ''Kana jechuunis kanneen murtee kana taasisan waa'ee siyaasa Raashiyaa omaa hubachu kan hin dandeenyeedha. Kunis eegeereefu balaa qabaata.''

    Firidmaan kan UK fi EUn qoqobame, namni Putiin akka waraana dhaabuuf isa waliin dubbatu akka hin jirre dubbatan.

    ''Garaagarummaan aangoo Putiiniifi nama kamuu akka fageenya dacheefi samiitti'' jedhu Firidmaan.

    ''Waa'ee waraanaarratti Putiniitti waa himuu jechuun, nama kamiifu, qixxee ofiin of ajjeessuuti,'' jedhan.

11. 17 Bitooteessa 2022‘Gadda, burjaajiifi aariitu nutti dhagahama’- baqattuu Yukireen

    

    Madda suuraa, AP

    Baqattuun Yukireen kan amma Poolaandii keessatti argamtu, ammaan tanatti waa’ee weerara Raashiyaa ‘‘gadda, burjaajiifi aarii’’ keessa jiraachu dubbatti.

    Yaanaa Syna’aa fi haatii ishee Liubov Syniavina kan umariin wagga 52 mana saanii Keeyiv irraa gaafa Guraandhala 24 yoo waraanni eegalu gara Cheerkaasiitti baqatanii maatii biraatti makaman.

    Magaalaan tuni gara kibbaatti fageenya maayilii 119 irratti argamti.

    Haata’u malee akkuma loltoonni Raashiyaa gara Yukireenitti socho’uu itti fufaniin Bitooteessa 15 irratti biyyaa bahuuf murteessan karaa daangaa Poolaandiifi Yukireenii. Ammaan tanas magaalaa kibba-baha Polaand Przemysl keessa jirti.

    Ammaan tanas gara Awustiraaliyaa Veenaa imaluudhaaf imala baaburaa sa’aatii 11 fudhachuuf qophii taasisaa jiru. Achittis obbiileettii ishee waliin walitti makamuuf abdatu.

    Imalasaanii Yukireeniin ala ilaalchisee yoo dubbattuus, ‘‘Yeroo sanatti baayyee sodaannee turre. Garuu amma asi geenyeera. Akkasumas gargarsa Poolaand nuuf taasifteetti baayyee gammanneerra,’’ jetti Yaanaan wayita madda oduu PAtt’ himteetti.

    Waa’ee waraanichaa ilaalchisuunis ‘‘ Sababii gara lafeenyaa dhufaniifu baayyee nutti dhagahemee, gaddinee, burjaajoofneefo aarree jira. Mana keenyatti nutti dhufan,’’ jette.

12. 17 Bitooteessa 2022Weerarri Raashiyaa adda hundaan danqameera- UK

    Haleellaan Raashiyaan Yukireen irratti bante adda hundaan danqameee jiraa jedhe Ministeerri Ittisaa UK ibsa ganama kana baaseen.

    ''Humnoonni Raashiyaa gama lafoon, qilleensaafi galaanaan guyyoota dhiyoo as hedduu hin tarkaanfanne, guddoo miidhamuu itti fufaniiru'' jedhe.

    ''Qolannaan Yukireen jabaafi qindaa'adha. Lafti Yukireen hedduun magaalota gurguddoo hunda dabalatee harka Yukireen jiru.''

    Humni waraanaa Yukireen Raashiyaan haleellaa qilleensaatti fuula naanneffattee namoota nagaa fixaa jirti jedhan. Sababni ammoo oppireeshiniin humni lafoo waan hin milkaahiiniifi jedha.

13. 17 Bitooteessa 2022Maatiin loltoota Raashiyaa du'a ilmaan isaaniif gaddan

    US loltootni Raashiyaa 7,000 ta'an Yukireen keessatti ajjeefamaniiru yeroo jettu Raashiyaan garuu 500 hin caalan jetti.

    Gulaalaan BBC Raashiyaa sirna gaggeessaa loltoota Raashiyaa Yukireenitti du'aniif godhame irratti argamee gadda maatii argeera.

    Batasakaana Aleksaandiraafi Antoninaatti saanduqni reeffaa gaggeessaaf qophaayeera.

    Reeffa hoogganaa itti aanaa birgeedii motor-rifle jedhamuu kan ta'e Miikheel Orchiikoov kan Yukireen keessatti ajjeefameeti.

    Haati warraa loltuu kanaa mataa ishee huccuu gurraachaan marxitee maatiin jajjabeeffamaa jirti.

    Loltoota Raashiyaa meeqatu Yukireen keessatti du'e? Raashiyaa keessatti gaaffiin kun badii qaba. Gabaasni kamuu wanta hoogganoonni mootummaa jedhan fakkaachuu qaba.

    Ministeerri ittisaa Raashiyaa opireeshinii waraanaa addaan Yukireen keessatti loltootni du'an 498 jedheera.

    Kun gabaasa yeroo dhumaaf Raashiyaan guyyaa 15 dura kenniteedha. Ergasii gabaasni haaraan hin baane.

    ''Haalli biyya keenyaa salphaa miti. Hunduu ni hubata'' jedhan Lubni Bataskaanichaa namoota walitti qabamanitti yoo dubbatan.

14. 17 Bitooteessa 2022Raashiyaan loltootashee Yukreenitti du’aniif gaddarra jirti

15. 17 Bitooteessa 2022Raashiyaan waraana kanaan loltoota hedduu dhabdeetti jedhan Zeleniskiin

    

    Madda suuraa, Facebook/Zelenisky

    Ibsa galgala keessa kennaniin Pireezidantiin Yukireen Volodimiir Zeleniskii Raashiyaan waraana kanaan miidhama Siiriyaa, Afgaanistaaniifi Cheechiniyaa keessatti irra gahe caala miidhamteetti jedhan.

    Afaan warra Raashiyaan ergaa dhaamaniifiin ''Loltootni Raashiyaa miidhama akka Yukireen keessatti miidhaman Siiriyaatti, Cheechiniyaatti hin miidhamne. Loltootni Sooviyeet Afgaanistaan keessatti hanga kana hin miidhamne.''

    Aanga'oonni Raashiyaa sababa odeeffannoo waraanaan walqabatu jabeessanii to'ataniif ergaan lammiilee Raashiyaaf dhaamame kun uummata hedduu bira gahuun isaa ni shakkisiisa.

    Pireezidantichi bu'uura maaliin miidhama Raashiyaa kana akka shallaganis ifa miti.

    Hojjettootni tikaa US weerarri Yukireen erga eegalee torban sadii keessatti loltootni Raashiyaa 7,000 ta'an dhumuu tilmaaman.

    Tilmaamota adda addaa bahaniin Loltootni Sooviyeet 15,000 ta'an waraana Afgaanistaan (1979-89) dhumaniiru, Loltootni Raashiyaa 13,000 ta'an waraana Cheechiniyaan dhumaniiru kan Siiriyaan garuu dhibbootaan lakkaawama.

16. 17 Bitooteessa 2022Har'a maaltu ta'e?

    Wantoota haaraa hanga ammaa jiran muraasa:

    • Waraana Yukireen erga eegalee torban sadaffaa qabateen aanga'oota addunyaa gidduu dubbiin wal-ciga'uun hammaateera
    • Pireezidant Joo Baayidan Pireezidant Vilaadmiir Putiiniin 'yakkamaa waranaa' jechuun miidiyaaleetti dubbataniiru
    • Raashiyaan dubbiin Baayidan kun fudhatama kan hin qabneefi haasaa dhiifama hin arganne jechuun, US addunyaarratti namoota kumoota dhibbaan ajjeefteetti jettee himatte
    • Pireezidantiin Yukireen Volodimriir Zeleniskiin Koongireesii US'tti dubbatanii warra lixaarraa ammas deeggarsa dabalataa gaafatan
    • Zeleniskiin Raashiyaan waraana kanaan badii Siiriyaa, Afgaanistaaniifi Chiichiniyaa caala miidhamte jedhan
    • US Yukireen waraana akka jabeeffattu biiliyoona tokko waadaa galteetti. Kuniis bittaa diroonii, rookkeettii fi meeshaalee waraanaa biroo bituuf oola
    • Tiyaatirri magaalaa Mariyuupool kan namootni 1,200 ta'an keessatti dahatanii turan haleellaa boombii Raashiyaan rukutameera
    • Magaalaa Cheernihiiv keessatti namootni daabboo argachuuf hiriira qabatanii turan 13 humnoota Raashiyaan ajjeefaman.
    • Mootummootni Gamtoomanii waraana kanaan walqabatee lammiileen Yukireen miiliyoona sadii ta'an baqataniiru jedhe.

    

    Madda suuraa, National Police of Ukraine

17. 17 Bitooteessa 2022Gabaasa kallatti

    Ashamaa!

    Waraana Raashiyaafi Yukireen erga eegalee torban sadii guuteen walqabatee ta'iiwwan haaraa jiran gabaasa kallattii keenya kana jalaa hordofaa.