Olujare Ọba Adebamigbe Oluwagbemigun ti wàjà
Oríṣun àwòrán, theprecisionng
Published
Olujare ti ilu Ijare, Ọba Adebamigbe Oluwagbemigun, Kokotiri Keji, ti waja.
Oloye Sapetu ilu naa, Wemimo Adekayero lo fidi iroyin naa mulẹ fun BBC Yoruba.
Ọdun 1996 ni Ọba Oluwagbemigun gori itẹ awọn babanla rẹ ko to dagbere faye lẹni ọdun mẹtalelọgọrin.
- Àwọn jàǹdùkú sọ àjọ̀dún Amole di 'ọdún olè jíjà' nílùú Akure
- Láàrín ọdún méjì ₦3 bílíọ̀nù làwọn ajínigbé ti gbà nílẹ̀ Yorùbá, èèyàn 200 ni wọ́n sì ti pa- Gani Adams
- Ẹgbẹ́ ALGON fún àwọn òṣìṣẹ́ NIS ní ọ̀jọ́ kan láti kúrò láwọn káńsù lórí ìkọlù alága ìjọba ìbílẹ̀ n'Ibadan
- Èyí ni ohun tí akẹ́kọ̀ọ́ tó gbé ìjọba Ekiti lọ síléẹjọ́ nítorí sẹ̀ríà tàwọn olùkọ́ rẹ̀ dá fún un sọ
Iṣẹ imọ ẹrọ ni oloogbe ọhun kọ ko to di Ọba ilu Ijare.
Ilu Ijare jẹ ọkan lara awọn ilu to wa ni ijọba ibilẹ Ifedore nipinle Ondo.
Ilu naa ni ile ẹkọ giga meji, Anglican Grammar School ti wọn da silẹ lọdun 1972 ati ile ẹkọ giga ti CAC ti wọn ṣagbekalẹ rẹ lọdun 1969.
Ni bayii ti kabiesi ti waja, awọn eeyan ilu naa yoo maa reti ki wọn yan adele ti yoo di ipo naa mu titi ti ọba mii yoo fi gori oye, nitori wọn kii yan adele obinrin niluu Ijare.
