Украина: Зеленский Россия қўлидан Луҳанскни қандай қайтариб олмоқчи? - Видео Ukraina Rossiya yangilik
Сурат манбаси, Ukrainian Presidency
Украина ўз қўшинларини Лисичанск шаҳридан олиб чиққанини тасдиқлади.
Россия Мудофаа вазири Сергей Шойгу Президент Владимир Путинга Украина шарқидаги яна бир стратегик муҳим шаҳар қўлга киритилгани ҳақида ҳисобот берди.
Президент Путин генерал Лапин ва генерал Суровикинлардан бу ҳақда хабардорлигини билдирган, жангларга раҳбарлик қилган икки генерални "Россия қаҳрамони" деб мукофотлашга фармон берган.
Бундан олдин Украина шарқидаги жангларга Россиянинг икки генерали раҳбарлик қилаётгани ҳақидаги хабарлар тарқалган, АҚШдаги Урушни ўрганиш институтига кўра, бу нарса Лисичанскни босиб олиш ва Луҳанск вилоятининг маъмурий чегараларигача чиқишни Президент Путин ўзи учун қанчалар муҳим деб кўраётганининг бир тасдиғидир.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Украина раҳбарияти аскарларининг ҳаётини асраб қолиш мақсадида Лисичанскни ташлаб чиқишга қарор қилганларини айтдилар.
Сурат манбаси, Reuters
"Биз учун аскарларимиз ҳаёти муҳим. Биз деворларимизни қайта қуришимиз, ҳудудларимизни қайтариб олишимиз мумкин. Аммо биз учун ҳаммасидан муҳими инсонларимиздир", деди ўзининг 3 июль тунидаги видео мурожаатида Украина Президенти Володимир Зеленский.
Россиянинг қуроли кўп, пиёда қўшинлари ҳужумга ўтишдан олдин Украина армияси мавқеълари артиллерия бомбардимонларига тутилаяпти, сўнг Россия қўшинлари илгарилаяпти.
Аксар ҳарбий экспертлар айтишича, Россия ҳарбийлари катта инсоний ва техник талофатлар эвазига апрель ойида бошланган "Донбассга катта ҳужум"да Луҳанск вилоятининг унча катта бўлмаган ҳудудни қўлга киритолди, холос.
Эгиз шаҳарлар деб айтиладиган Северский Донец дарёси икки қирғоғида жойлашган Северодонецк ва Лисичанск учун қақшатқич жанглар кечди.
Жанубдан ҳужумга ўтган Россия қўшинлари Лисичанск атрофидаги Украина қўшинларини қуршовга олишга қаттиқ ҳаракат қилди.
Ҳозирги пайтда Украина раҳбариятини ўз ҳарбийларини Лисичанскдан олиб чиқиш билан уларни қуршовга тушиши олдини олганликларини айтадилар.
Украина ҳарбийлари ҳам ушбу жангларда кўп йўқотишлар берди.
"Биз ўз жангчиларимиз, ўз одамларимизнинг ҳаётини асраяпмиз. Ва бизнинг армиямиз қўмондонлиги душманнинг устунлиги кучли бўлган фронт қисмларидан, хусусан, Лисичанскдан олиб чиқаётган бўлса, бу дегани, биз ўзимизнинг тактикамиз эвазига, замонавий қуролларимиз етиб келиши эвазига яна қайтамиз", деди Президент Зеденский.
- Украина аскарлари Севередонецкдан чекинади, Россия Қозоғистоннинг тан олмаслик позициясини ҳурмат қилади ва босим ўтказмайди
- Украина уруши: Германия замбараклари Украинада, фақат "Азот" Украина назоратида
- НАТО урушга тайёгарлик кўряптими? Европа осмонида Россия ва НАТО самолётлари яқинлашди
- Путин ўзини Пётр I га қиёслади ва вазифаси Россия ерларини қайтариш эканини айтди
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
