Трамп АҚШ конституциясини ўзгартириб, учинчи марта президент бўлиши мумкинми?

Шавкат Мирзиёев ҳам Ўзбекистон Конституциясига ўзгартиришлар киритилиши ва барвақт сайловлар чақирилиши натижасида учинчи марта президентликка сайланган.

Сурат манбаси, President.uz

Сурат тагсўзи, Шавкат Мирзиёев Ўзбекистон Конституциясига ўзгартиришлар киритилиши ва барвақт сайловлар чақирилиши натижасида учинчи марта президентликка сайланган.
    • Author, BBC Янгиликлар бўлими
  • Published
  • Ўқилиш вақти: 2 дақ

АҚШ Президенти Доналд Трамп Оқ Уйга учинчи марта сайланиш эҳтимолини истисно қилмаслигини билдирди. «Жон деб қилган бўлардим», - деди у.

Баъзи тарафдорлари унинг учинчи муддатга сайланишини тақиқловчи АҚШ Конституциясини айланиб ўтиш учун 2028 йилда вице-президентликка сайланишига ундашган. Аммо, Трамп буни рад этди.

Осиё бўйлаб сафари чоғида журналистларга гапирар экан, 79 ёшли президент бу ғояни «жуда айёрона» дея тасвирлади ва бу тўғри иш бўлмаслигини айтди.

У президентликка учинчи марта номзодлигини илгари суриш учун қандай усулни қўллаши ноаниқ.

Ўтган ҳафта Трампнинг собиқ стратеги Стив Баннон президентни учинчи марта сайлаш учун «режа» амалда эканини айтган.

«Трамп 2028 йилда президент бўлади ва одамлар шунга ўрганишлари керак. Вақти келганда, режа билан таништирамиз», - деди Баннон.

Steve Bannon
Reuters
Tramp 2028 yilda prezident bo‘ladi va odamlar shunga o‘rganishlari kerak. Vaqti kelganda, reja bilan tanishtiramiz.
Stiv Bannon
Trampning sobis strategi (bbc.com/uzbek)

Япониядан Малайзия парвози чоғида у: «Бу ҳақида ўйлаб кўрганим йўқ. Лекин, оммавий фикр сўровларида мен ҳар қачонгидан ҳам юқори даражадаман», - деди.

Шунингдек, у ўзига муқобил сифатида Вице-президент ЖейДи Ванс ва Давлат котиби Марко Рубиони эҳтимолий ворислари дея тақдим қилди.

Skip Энг кўп ўқилган and continue reading
Энг кўп ўқилган

End of Энг кўп ўқилган

Skip Ижтимоий тармоқлардаги саҳифаларимиз and continue readingИжтимоий тармоқлардаги саҳифаларимиз

End of Ижтимоий тармоқлардаги саҳифаларимиз

«Сизга айтадиганим шуки, бизда ажойиб одамлар гуруҳи бор, уларда эса – йўқ», - деди у демократларга ишора қилиб.

АҚШ конституциясининг 22-ўзгартириши президентлар учинчи муддатга сайланишга уринишига тақиқ қўйган.

Бу ўзгартиришни бекор қилиш учун Вакиллар палатаси ва Сенат аъзоларининг учдан икки қисмининг овози керак бўлади. Сўнг эса 50та штатдан 38таси уни тасдиқлаши керак. Буни кўплар имконсиз деб кўряпти.

Келгуси АҚШ президентлик сайловларида Трамп 82 ёшида бўлади.

Сурат манбаси, Reuters

Сурат тагсўзи, Келгуси АҚШ президентлик сайловларида Трамп 82 ёшида бўлади.

Трампнинг ашаддий тарафдорларидан бири, Теннесси штатининг конгрессмени Анди Оглс январда 22-ўзгартиришни ўзгартиришга чақирганди. Унинг даъво қилишича, Трампнинг президентлик муддатлари бирин-кетин бўлмаган, демак кейинги муддати учинчиси дея саналмаслиги керак.

Март ойида CNBC каналига берган интервьюсида Трамп ўз номзодини илгари суриши эҳтимоли камлигини айтганди, кейинроқ эса бунинг тескарисини айтган.

Демократлардан ким 2028 йилда Оқ Уйна сайланиш учун номзодини қўйиши ҳали ноаниқ, лекин баъзилар аллақачон қизиқиш билдиришган.

Якшанба куни Калифорния губернатори Гавин Нюсом CBS каналига президентликка номзодини қўйишни режаламаётганини айтса, бу ёлғон бўлишини билдирган.

Собиқ Вице-президент ва Трампнинг 2024 йилги сайловлардаги рақиби Камала Ҳаррис ҳам BBC билан суҳбатда ўз номзодини илгари суришини айтди.

Трамп 6 ноябр куни Вашингтонда «Марказий Осиё - АҚШ» саммитига мезбонлик қилиши мўлжалланган. Унда Ўзбекистон президенти Шавкат Мирзиёев ҳам иштирок этиши кутилади.