آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
ہیٹی زلزلے کی تباہ کاریوں، امدادی کارروائیوں اور ملبے دبے افراد کی تلاش کی تصویری جھلکیاں
ہیٹی میں سنیچر کو آنے والے 7.2 شدت کے زلزلے نے ملک میں تباہی مچا دی ہے، اس زلزلے میں تقریباً دو ہزار افراد ہلاک جبکہ ہزاروں زخمی ہوئے ہیں۔
ملک کے جنوب مغربی علاقوں میں سب سے زیادہ نقصان ہوا ہے خصوصاً لیس کیاس کا شہر اور اس کے آس پاس کے علاقے بُری طرح متاثر ہوئے ہیں۔
زلزلے کے بعد امدادی کارروائیوں کا سلسلہ جاری ہے اور امدادی کارکن شہر میں ہر جگہ بکھرے عمارتی ملبے کو ہٹانے کے لیے ہیوی مشینری کا استعمال کر رہے ہیں۔ ایسے میں ملبے تلے زندہ بچ جانے والے افراد کی تلاش میں مشکل بھی پیش آ رہی ہے۔
امدادی کارروائیاں رواں ہفتے ہونے والی شدید بارشوں کے باعث میں بہت متاثر ہوئی ہیں۔ یہ بارشیں گریس نامی سمندری طوفان کی وجہ سے شروع ہوئی تھیں۔
ہزاروں افراد زلزلے کے باعث بے گھر ہو گئے ہیں اور اب انھیں اس کشمکش کا سامنا ہے کہ وہ کھلے آسمان تلے پتلی ترپالوں کے نیچے وقت گزاریں یا زلزلے سے متاثرہ عمارتوں میں واپس جانے کا خطرہ مول لیں۔
اقوام متحدہ کا کہنا ہے کہ ملک میں تقریباً پانچ لاکھ بچے چھت، پینے کے صاف پانی اور خوراک سے محروم ہو گئے ہیں۔
انسانی ہمدردی کے تحت فنڈ فار اکنامک اینڈ سوشل اسسٹینس کے ذریعے ملنے والے امدادی خوراک کے تھیلوں کے حصول کے لیے ہزاروں شہری طویل قطاروں میں کھڑے دکھائی دیتے ہیں۔
یہ بھی پڑھیے
End of سب سے زیادہ پڑھی جانے والی
امریکی کوسٹ گارڈز بھی لیس کیاس شہر کے اوفٹاما ہسپتال میں ادویات پہنچاتے دیکھے گئے ہیں۔
ہیٹی کے وزیر اعظم ایریل ہینری نے ملک میں ایک ماہ کے لیے ہنگامی حالت کا نفاذ کر دیا ہے اور شہریوں سے متاثرہ افراد سے اظہار یکجہتی پر زور دیا ہے۔
تمام تصاویر کے جملہ حقوق محفوظ ہیں۔