کیئو کے قریب روسی بمباری میں شہریوں کی ہلاکتیں، پولینڈ میں 10 لاکھ سے زیادہ پناہ گزین داخل

لائیو کوریج

1. 4 مار چ 2022ائیر بی این بی نے روس اور بیلاروس میں آپریشنز معطل کر دیے

   X پوسٹ نظرانداز کریں

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام

   امریکین کمپنی ائیر بی این بی نے اعلان کیا ہے کہ وہ روس اور بیلاروس میں آپریشنز روک رہے ہیں۔

   کمپنی کے چیف ایگزیکٹیو نے چند گھنٹے پہلے ٹویٹ میں یہ اطلاع دی ہے۔

   یہ پابندی امریکہ اور مغربی ممالک کی جانب سے روسی معیشیت پر لگائی گئی پابندیوں کا تسلسل ہے۔

2. 4 مار چ 2022یوکرین کے ساحل پر کارگو جہاز دھماکے کے بعد ڈوب گیا

   

   ،تصویر کا ذریعہHenk Jungerius

   ایستونیا کے ایک مال بردار جہاز کے مالکان کا کہنا ہے کہ ان کا جہاز ایک دھماکے کے بعد یوکرین کے ساحل کے قریب ڈوب گیا ہے۔

   ان کا کہنا ہے کہ عملے کے چھ ارکان کو یوکرین کی مقامی ریسکیو سروس نے بچا لیا ہے۔

   پاناما کے جھنڈے والا یہ جہاز ایستونیا کی کمپنی وسٹا شپنگ ایجنسی کی ملکیت ہے۔

   ایستونیا نیٹو کی رکن ہے اور اس کی سرحد روس سے ملتی ہے۔

   یہ بحری جہاز چند روز قبل اودیسا کے قریب چورنومورسک کی جنوبی بندرگاہ سے نکلنے کے بعد یوکرین کے ساحل پر لنگر انداز ہو گیا تھا۔ یہ واضح نہیں ہے کہ دھماکہ کس وجہ سے ہوا۔

   یوکرین کی فوج کا کہنا ہے کہ روس جنوبی یوکرین میں اپنی پیش قدمی جاری رکھتے ہوئے دس لاکھ آبادی والے شہر اور ایک اہم بندرگاہ اودیسا پر قبضہ کرنے کے لیے بڑے جہاز بھیج رہا ہے۔

3. 4 مار چ 2022بریکنگ, روس میں بی بی سی پر پابندی

   سرکاری خبر رساں ایجنسی آر آئی اے کی رپورٹ کے مطابق روس کی کمیونیکیشن اتھارٹیز کو ملک میں بی بی سی کی روسی سروس تک محدود رسائی حاصل ہے۔

   ان کا کہنا ہے کہ دیگر دو خبر رساں اداروں کو بھی بلاک کر دیا گیا ہے جن میں میڈوزا اور ریڈیو لبرٹی شامل ہیں۔

4. 4 مار چ 2022جوہری پلانٹ پر حملے کے بعد ایشیا کی سٹاک مارکیٹوں میں مندی، تیل کی قیمتیں بڑھ گئیں

   

   ،تصویر کا ذریعہgettyimages

   یوکرین میں واقع یورپ کے سب سے بڑے جوہری پاور پلانٹ میں لگنے والی آگ کے بعد ایشیا میں حصص کی قیمتیں گر گئی ہیں۔

   ٹوکیو اور ہانگ کانگ کی منڈیوں میں شدید ترین گرواٹ دیکھی گئی، جاپان کا بینچ مارک نکی انڈیکس 2.5 فیصد کم ہوا جبکہ ہانگ کانگ میں ہینگ سینگ میں 2.6 فیصد کمی ہوئی۔

   ایشیا میں صبح کا آغاز تیل کی قیمتوں میں اضافے سے ہوا، برینٹ کروڈ کی قیمت 112 ڈالر فی بیرل سے اوپر پہنچ گئی ہے۔

   جوہری پلانٹ پر روسی فوجیوں کی طرف سے گولہ باری کے بعد یہاں آگ بھڑک اٹھی تھی۔

   یوکرین کی ایمرجنسی سروسز کا کہنا ہے کہ پہلے انھیں جوہری پلانٹ تک پہنچنے سے روک دیا گیا تھا لیکن بعد میں وہ عمارت تک رسائی حاصل کرنے اور آگ پر قابو پانے میں کامیاب ہو گئے۔

5. 4 مار چ 2022پانچ نتائج جن پر یوکرین اور روس کی جنگ کا اختتام ہو سکتا ہے

6. 4 مار چ 2022جوہری پلانٹ میں لگی آگ پر قابو پا لیا گیا: ایمرجنسی سروسز

   یوکرین کی ایمرجنسی سروسز کا کہنا ہے کہ وہ جوہری پاور پلانٹ میں لگی آگ بجھانے میں کامیاب ہو گئے ہیں۔

   سٹیٹ ایمرجنسی سروس نے اپنے سوشل میڈیا اکاؤنٹس پر لکھا: ’تربیتی عمارت میں لگنے والی آگ پر قابو پالیا گیا ہے اور کوئی بھی زخمی نہیں ہوا۔‘

7. 4 مار چ 2022جوہری پلانٹ میں لڑائی رک گئی ہے

   جیسا کہ اس سے قبل ہم نے رپورٹ کیا ہے کہ فائر فائٹرز زیپروزیا جوہری پلانٹ کی عمارت میں داخل ہونے میں کامیاب ہو گئے ہیں۔

   بی بی سی یوکرین سروس کا کہنا ہے کہ اینرگودر کے میئر دیمیترو اورلوف نے نجی میڈیا کو بتایا ہے کہ جوہری پلانٹ میں لڑائی اب رک گئی ہے۔

   مبینہ طور پر کئی گھنٹوں سے اس پلانٹ پرشدید گولہ باری کی جا رہی تھی۔

   یوکرین کے حکام کے مطابق اس لڑائی سے ایٹمی کمپلیکس کی عمارت کی تیسری، چوتھی اور پانچویں منزل پر آگ بھڑک اٹھی۔

8. 4 مار چ 2022کینیڈا کا جوہری پلانٹ پر حملے ’فوری طور پر بند‘ کرنے کا مطالبہ

   کینیڈا کے وزیر اعظم جسٹن ٹروڈو نے زیپروزیا جوہری پلانٹ پر روس کے حملے کے بعد یوکرین کے صدر سے بات کی ہے۔

   انھوں نے حملوں کی مذمت کرتے ہوئے ’فوری طور پر انھیں بند کرنے‘ کا مطالبہ کیا۔

   X پوسٹ نظرانداز کریں

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام

9. 4 مار چ 2022فائر فائٹرز آگ بجھانے کی کوشش کر رہے ہیں

   یوکرین کی ایمرجنسی سروسز کا کہنا ہے کہ فائر فائٹر کا عملہ بالآخر زیپروزیا پاور پلانٹ میں داخل ہونے میں کامیاب ہو گیا جہاں روسی فوج کی گولہ باری کے بعد تربیتی عمارت میں آگ لگی ہوئی ہے۔

   گذشتہ ایک گھنٹے سے یہاں آگ لگی ہوئی ہے اور فائر فائٹرز عمارت تک پہنچنے کی کوششیں کر رہے تھے۔

   سروس نے پہلے اطلاع دی تھی کہ روسی فوجی انھیں آگ بجھانے سے روک رہے ہیں۔

10. 4 مار چ 2022جوہری پلانٹ پر حملہ: امریکہ نیوکلیئر رسپانس ٹیم کو فعال کر رہا ہے

    امریکی وزیر توانائی جینیفر گرانہوم نے ٹویٹ کیا ہے کہ انھوں نے یوکرین کے وزیر توانائی سے زیپروزیا پلانٹ میں لگنے والی آگ کے بارے میں بات کی ہے اور امریکی نیوکلیئر انسیڈینڈ ریسپانس ٹیم کو فعال کرنے کا فیصلہ کیا ہے۔

    امریکی جوہری ہتھیاروں کی نگرانی کرنے والے گران ہولم نے پلانٹ کے قریب روسی فوجی کارروائی کو ’لاپرواہی‘ قرار دیتے ہوئے انھیں بند کرنے کا مطالبہ کیا۔

    ’پلانٹ کے ری ایکٹر مضبوط کنٹینمنٹ کے ذریعے محفوظ ہیں اور اس وقت ان ری ایکٹرز کو محفوظ طریقے سے بند کیا جا رہا ہے۔‘

11. 4 مار چ 2022سب سے بڑے جوہری پلانٹ میں آگ لگ گئی ہے: زیلینسکی

    یوکرین کے صدر نے یورپ کے سب سے بڑے جوہری پلانٹ پر روسی حملوں کے بعد دنیا بھر کے ممالک سے ’فوری کارروائی‘ کا مطالبہ کیا ہے۔

    ولادیمیر زیلنسکی نے ٹویٹر پر پوسٹ کی گئی ایک ویڈیو میں کہا ’یورپ کے سب سے بڑے جوہری پاور پلانٹ میں اس وقت آگ بھڑک رہی ہے۔‘

    اس نے روسیوں پر الزام لگایا کہ وہ جان بوجھ کر زیپروزیا پلانٹ کے چھ ری ایکٹروں پر تھرمل امیجنگ سے لیس ٹینکوں سے فائرنگ کر رہے ہیں۔

    1986 میں چرنوبل میں ہونے والی تباہی کی مثال دیتے ہوئے، انھوں نے خبردار کیا کہ زیپروزیا میں پگھلاؤ کے نتائج کہیں زیادہ بدتر ہوں گے۔

    انھوں نے التجا کی کہ ’یورپیو اٹھو، اپنے سیاستدانوں کو بتاؤ کہ روسی افواج یوکرین میں جوہری پلانٹ پر حملہ کر رہی ہیں۔‘

    ’روسی کہتے آئے ہیں کہ وہ دنیا کو جوہری راکھ تلے دبا دیں گے۔۔ اب یہ ایک وارننگ نہیں ہے بلکہ حقیقت ہے۔‘

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام

12. 4 مار چ 2022جوہری پلانٹ پر حملے کی اطلاعات پر یوکرین کے ساتھ رابطے میں ہیں: بین الاقوامی جوہری توانائی ایجنسی

    بین الاقوامی جوہری توانائی ایجنسی (آئی اے ای اے) نے کہا ہے کہ وہ یورپ سمیت یوکرین کے سب سے اہم جوہر پلانٹ پر روسی حملے کی اطلاعات کے پیش نظر یوکرینی حکام کے ساتھ رابطے میں ہیں۔

    جوہری پلانٹ کے ایک ترجمان نے سوشل میڈیا پر بھی کہا ہے کہ روسی افواج ’بھاری ہتھیاروں سے گولہ باری بند کریں۔‘

    امریکی خبر رساں ادارے ایسوسی ایٹڈ پریس کے مطابق، اینڈری ٹز نے ٹیلی گرام پر ایک ویڈیو میں کہا کہ ’یورپ کے سب سے بڑے ایٹمی توانائی پلانٹ میں نقصان سے جوہری نقصان کا خطرہ ہے۔‘

    ٹز کا کہنا تھا کہ ’پلانٹ براہ راست روسی گولہ باری کی زد میں ہے اور آگ بجھانے والا عملہ جوہری پلانٹ میں بھڑک اٹھنے والی آگ کو بجھانے کے لیے اس کے قریب نہیں جا سکتے۔ ‘

13. 4 مار چ 2022یورپ کے سب سے بڑے جوہری پلانٹ میں روسی گولہ باری کے باعث آگ لگنے کی اطلاعات

    

    ،تصویر کا ذریعہGetty Images

    یورپ کے سب سے بڑے جوہری پاور پلانٹ زاپوریزخیا میں مبینہ طور پر آگ بھڑک اٹھی ہے۔

    یوکرین کے قریبی شہر اینرودر کے میئر دیمیترو اورلوف کے مطابق ’ایسا لگتا ہے کہ یہ (پلانٹ کی) عمارت دشمن کی مسلسل گولہ باری‘ کی وجہ سے ہوا ہے۔

    میئر اورلوف نے اس سے قبل اپنے شہر کے مضافات میں، جو یوکرین کے جنوب مشرق میں واقع ہے، یوکرین اور روسی افواج کے درمیان شدید لڑائی کی اطلاع دی تھی۔

    اطلاعات کے مطابق روسی فوجی ٹینکوں نے شہر میں داخل ہونے اور پلانٹ پر قبضہ کرنے کی کوشش کی تھی، لیکن بدھ کے روز مقامی رہائشیوں اور کارکنوں کو جوہری پلانٹ اور اس کے آس پاس کی سڑکوں پر اکٹھا ہوتے دیکھا گیا۔

    یوکرین میں زاپوریزخیا سمیت چار جوہری پلانٹ ہیں۔

    یہ پلانٹ چرنوبل کی طرح جو اب روس کے قبضے میں ہے جوہری فضلے کو استعمال میں لانے اور تلف کرنے کے لیے بھی استعمال ہوتا ہے۔

    اس سے قبل بین الاقوامی جوہری توانائی ایجنسی نے کہا ہے کہ وہ یوکرین اور دیگر کے ساتھ مشاورت کر رہے ہیں تاکہ ملک کو زیادہ سے زیادہ ممکنہ مدد فراہم کی جا سکے کیونکہ وہ موجودہ مشکل حالات میں جوہری تحفظ اور سلامتی کو برقرار رکھنا چاہتا ہے۔

14. 4 مار چ 2022سعودی عرب کی ماسکو اور کیئو کے درمیان ثالثی کی پیشکش

    

    ،تصویر کا ذریعہGetty Images

    سعودی ولی عہد شہزادہ محمد بن سلمان نے روس اور یوکرین کے درمیان جاری تنازع میں ثالثی کا کردار ادا کرنے کی پیشکش کی ہے۔

    انھوں نے روس اور یوکرین کے رہنماؤں سے کہا ہے کہ وہ ’تمام فریقین کے درمیان ثالثی کی کوششیں کرنے کے لیے تیار ہیں۔‘

    روسی صدر ولادیمیر پوتن اور یوکرینی صدر ولادیمیر زیلنسکی کے ساتھ الگ الگ فون پر بات چیت میں، سعودی ولی عہد شہزادہ سلمان نے دونوں ممالک کے درمیان تنازع کے ’سیاسی حل‘ کی حمایت کا اظہار کیا۔

    انھوں نے صدر زیلنسکی کو بتایا کہ سعودی سلطنت یوکرینی سیاحوں اور رہائشیوں کے ویزوں میں مزید تین ماہ کی توسیع کرے گی۔

    سعودی عرب کے میڈیا کے مطابق، روسی صدر پوتن نے ولی عہد کو فون کیا تھا جس پر سعودی ولی عہد نے یوکرین کی جنگ پر ’سعودی عرب کے موقف کو واضح کیا۔‘

    کریملن کی جانب سے دونوں رہنماؤں کے ٹیلیفونک رابطے پر جاری اعلامیہ میں کہا گیا ہے کہ دونوں رہنماؤں نے توانائی کے خدشات پر تبادلہ خیال کیا اور اوپیک پلس اتحاد میں شامل کلیدی شراکت داروں کی حیثیت سے تیل کی پیداوار کے باے میں اپنی حکمت عملی جاری رکھنے کا اعادہ کیا۔

    اعلامیہ میں کہا گیا ہے کہ ’متعدد مغربی ممالک کی طرف سے روس پر عائد پابندیوں کو مدنظر رکھتے ہوئے، صدر ولادیمیر پوتن نے عالمی توانائی کی فراہمی کے مسائل کو سیاسی رنگ دینے کی کوشش کو ناقابل قبول ‘ قرار دیا۔

15. 4 مار چ 2022’مسٹر مک ایڈمز میرا نام ہے اور میں نے ابھی تک ایک لفظ بھی نہیں بولا۔۔۔‘

16. 3 مار چ 2022پرامن انخلا کے راستوں پر اتفاق

    یوکرین کے مذاکرات کار میخیلو پودولیار کا کہنا ہے کہ شہریوں کے پرامن انخلا کے لیے دونوں جانب سے اس سمجھوتے پر پہنچی ہیں کہ وہ مشترکہ طور پر اس مقصد کے لیے موجود انسانی راہداریوں کو محفوظ رکھیں گی، اورجہاں شدید جنگ جاری ہے وہاں ادویات اور خوراک کی فراہمی پر بھی۔‘

    انھوں نے جنگ بندی کے نمکان پر بات کی اور کہا کہ’ میں زور دیتا ہوں، انخلا کے عرصے میں کچھ خاص سیکٹرز میں عارضی سیز فائر کے امکان پر۔‘

17. 3 مار چ 2022بریکنگ, مذاکرات سے وہ نتیجہ نہیں ملا جس کی ہم توقع کر رہے تھے: یوکرین

    .یوکرین کی جانب سے مذاکرات کار میخیلو پودولیار نے روس کے ساتھ بات چیت کے بعد اپنی گفتگو میں کہا کہ ’بہت مایوسی کے ساتھ‘ روس اور یوکرین کے درمیان حالیہ مذاکرات وہ نتائج نہیں حاصل کر پائے جن کی ہم امید کر رہے تھے۔

    مگر ان کا کہنا ہے کہ دونوں جانب سے اس بات پر آمادگی کا اظہار کیا گیا ہے کہ ہم مستقبل قریب میں بات چیت کو جاری رکھیں گے۔

    انھوں نے یہ کہا کہ فقط ایک بات جو میں کہہ سکتا ہوں وہ یہ ہے کہ ہم نے اس معاملے کے انسانی پہلو کو تفصیل سے دیکھا ہے کیونکہ بہت سے شہر اب گھیراؤ میں ہیں۔

18. 3 مار چ 2022روس دوسری سب سے بڑی آئل کمپنی کا جنگ بندی کا مطالبہ

    

    ،تصویر کا ذریعہGetty Images

    روس کی دوسری سب سے بڑی آئل کمپنی لک آئل نے یوکرین میں تنازع کے خاتمے کا مطالبہ کیا ہے۔

    کمپنی کی ویب سائٹ پر جاری کیے گئے بیان میں کہا گیا ہے کہ اسے ’یوکرین میں پیش آنے والے واقعات پر خدشات ہیں‘ اور یہ کہ کمپنی مذاکرات کے ذریعے تنازع کے حل کی حمایت کرتی ہے۔

    خیال ظاہر کیا جاتا ہے کہ یہ کمپنی حملے کے خلاف بیان دینے والی روس کی سب سے بڑی کمپنیوں میں سے ایک ہے۔

19. 3 مار چ 2022بریکنگ, روسی فوجی آپریشن منصوبے کے عین مطابق جاری ہے: صدر پوتن

    

    ،تصویر کا ذریعہGetty Images

    روسی صدر ولادیمیر پوتن کا کہنا ہے روس کا ’خصوصی فوجی آپریشن‘ یعنی یوکرین پر حملہ منصوبے کے مطابق جاری ہے۔

    ان کا یہ دعویٰ ایک ایسے موقع پر سامنے آیا ہے جب کچھ تجزیہ نگاروں نے اس خیال کا اظہار کیا تھا کہ اب تک روسی حملہ منصوبے کے برعکس رہا ہے۔

    ان کی جانب سے ٹیلی ویژن پر دکھائی گئی تقریر میں انھوں نے یوکرینی فوجیوں پر الزام عائد کیا کہ انھوں نے ’ہزاروں غیرملکیوں کو یرغمال‘ بنایا ہوا ہے اور وہ اپنے شہریوں کو ’انسانی ڈھال‘ کے طور پر استعمال کر رہے ہیں۔ تاہم انھوں نے ان الزامات کا کوئی ثبوت نہیں دیا۔

    ان کا مزید کہنا تھا کہ روسی اور یوکرینی شہری ایک ہی ہیں اور ان کا مزید کہنا تھا کہ وہ مغرب کی جانب سے بنایا گیا ’روس مخالف بیانیہ ختم کر دیں گے۔‘

20. 3 مار چ 2022روس کے یوکرین پر حملے کے پہلے ہفتے کی ٹائم لائن

    YouTube پوسٹ نظرانداز کریں

    Google YouTube کا مواد دکھانے کی اجازت دی جائے؟?

    اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔

    YouTube پوسٹ کا اختتام

    پوتن کی تقریر، میزائل حملوں اور دھماکوں سے لے کر یوکرین کی جانب سے شہریوں کو لڑائی کی کال تک۔

    یوکرین پر روس کے حملے کے پہلے ہفتے میں ہزاروں افراد ہلاک ہو چکے ہیں اور اقوام متحدہ ادارہ برائے پناہ گزیں یو این ایچ سی آر کے مطابق تقریباً نو لاکھ افراد ملک چھوڑ کر جا چکے ہیں۔

    روس پر پابندیاں عائد کی گئیں اور دنیا بھر میں احتجاج بھی ہوا۔ دیکھیے روس کے یوکرین پر حملے کے پہلے ہفتے کی ٹائم لائن