کورونا: دو کروڑ سے زائد امریکیوں کے متاثر ہونے کا خدشہ، مظفرآباد میں سمارٹ لاک ڈاؤن

دنیا بھر میں اب تک 96 لاکھ سے زیادہ افراد کورونا سے متاثر ہو چکے ہیں جبکہ ہلاکتوں کی تعداد چار لاکھ 89 ہزار سے تجاوز کر چکی ہے۔ پاکستان کے وزیراعظم عمران خان کہتے ہیں اگر ملک یہ مہینہ گزار لے تو ہم وبا کے عروج سے بچ سکتے ہیں جبکہ ملک میں گذشتہ روز کورونا کے باعث 148 اموات ہوئی ہیں۔

لائیو کوریج

24 جون 2020کیا کورونا کی دوسری لہر آ سکتی ہے؟
جہاں دنیا کے متعدد ممالک میں کورونا وائرس کی روک تھام کے لیے عائد پابندیوں میں نرمی ہو رہی ہے وہیں اس امر پر بھی توجہ مرکوز ہے کہ اس وبا کی دوسری لہر سے کیسے بچا جا سکتا ہے۔
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
24 جون 2020بریکنگ, پاکستان: صوبہ سندھ میں 1414 نئے متاثرین، مزید 39 اموات
پاکستان کے صوبہ سندھ میں کورونا وائرس کے مزیر 1414 نئے کیس سامنے آئے ہیں جس سے صوبے میں متاثرین کی تعداد 74070 ہو گئی ہے۔
گذشتہ 24 گھنٹوں کے دوران مزید 39 اموات کے ساتھ سندھ میں کورونا سے ہونے والی ہلاکتوں کی تعداد 1161 ہو گئی ہے۔
وزیر اعلی سندھ کے مطابق صوبے میں اب تک 39473 افراد کورونا سے صحت یاب بھی ہو چکے ہیں جبکہ 733 مریضوں کی حالت تشویشناک ہے۔
24 جون 2020بریکنگ, لاطینی امریکہ میں اموات ایک لاکھ سے تجاوز کر گئیں
،تصویر کا ذریعہGetty Images
خبر رساں ادارے روئٹرز کے مطابق لاطینی امریکہ میں ہونے والی اموات ایک لاکھ سے تجاوز کر گئی ہیں جبکہ اب تک یہاں 22 لاکھ سے زیادہ افراد متاثر ہو چکے ہیں۔
یہ تعداد گذشتہ ایک ماہ میں دگنی ہوئی ہے۔ خیال رہے کہ ایشیا، یورپ اور شمالی امریکہ میں وائرس کے پھیلاؤ کے بعد اب لاطینی امریکہ اس کا گڑھ بن چکا ہے۔
یہاں موجود ملک برازیل میں اب تک 50 ہزار سے زائد اموات ہو چکی ہیں جبکہ یومیہ 30 ہزار سے زائد کیسز سامنے آ رہے ہیں۔
گذشتہ روز برازیل میں 39436 کیسز سامنے آئے تھے۔
24 جون 2020نائیجیریا: لاک ڈاؤن کے دوران جبری مزدوری کرنے والے 100 افراد بازیاب
،تصویر کا ذریعہHamza Ibrahim
نائیجیریا میں پولیس نے 100 ایسے مزدوروں کو بازیاب کروا لیا ہے جن سے کورونا وائرس کے باعث لگائے گئے لاک ڈاؤن کے دوران چاول کی فیکٹری میں جبری طور پر کام کروایا جا رہا تھا۔
مارچ کے آخر میں ان افراد کو ملک کے شمالی شہر کانو میں فیکٹری سے نکلنے کی اجازت نہیں دی گئی تھی۔
ان مزدوروں کو 13 ڈالر اضافی دینے کا کہا گیا جو ان کو ماہانہ ملنے والے 72 ڈالرز کے علاوہ ہوں گے۔ جو اس شرط کو ماننے سے انکار کرتے تھے انھیں نوکری سے نکالنے کی دھمکی دی جاتی تھی۔
24 جون 2020یورپی یونین کا امریکہ سے آنے والے مسافروں پر پابندی پر غور
،تصویر کا ذریعہAFP
یورپی یونین کے سفارت کار آج اس بات کا فیصلہ کریں گے کہ آیا وہ اپنے ممالک کی سرحدیں یکم جولائی سے کھولنا چاہتے ہیں اور کیا امریکہ سمیت دیگر متاثرہ ممالک سے آنے والے مسافروں کو یورپی ممالک میں داخلے کی اجازت ہونی چاہیے یا نہیں۔
چند یورپی ممالک سیاحوں کے لیے اپنے دروازے کھولنا چاہتے ہیں تاہم کیی ملکوں کو وایرس کے پھیلاؤ کا ڈر لاحق ہے۔
27 اراکین پر مشتمل یورپی ممالک کی تنظیم کو پہلے یہ فیصلہ کرنا ہوگا کہ مسافروں کو یورپ آنے کے لیے کونسی شرائط پوری کرنی ہوں گی۔
24 جون 2020وبا کے دوران ڈاکٹروں کا ساتھی: موبائل فون
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
کورونا وائرس کے مریضوں کا علاج کرنے والے ایک ڈاکٹر ہر وقت موبائل فون اپنے پاس رکھتے ہیں۔ جہاں وہ اس میں اپنے بچوں کی تصاویر دیکھتے ہیں، وہیں وہ اپنے مریضوں کا ریکارڈ بھی رکھتے ہیں۔
اس وائرس سے تشویشناک مریض اپنے پیاروں سے رابطے میں بھی رہتے ہیں اور ان کے براہ راست محبت بھرے پیغامات ان تک پہنچتے ہیں۔
24 جون 2020تجزیہ: برطانیہ کو وائرس کی دوسری لہر کا سامنا کرنے کے لیے تیاری پکڑنی ہوگی, نک ٹریگل، صحت کے نامہ نگار
،تصویر کا ذریعہGetty Images
آنے والے ہفتوں اور مہینوں میں وبا کی ایک ممکنہ دوسری لہر کی باتیں ہو رہی ہیں اور برطانیہ کو اس کے لیے تیار رہنا ہوگا۔
تاہم صحت کے پالیسی لیڈرز تسلیم کرتے ہیں کہ یہ جاننے کا کوئی تریقہ نہیں کہ آنے والے دنوں میں کیا ہوگا۔
مصدقہ بات صرف یہ ہے کہ مقامی ھور پر انفیکشن کے نئے کلسٹر سامنے آئیں گے اور چند علاقوں میں ایسا ہونا شروع ہو گیا ہے۔
یہاں یہ بات قابلِ ذکر ہے کہ آج برطانیہ کی وہ حالت نہیں جو مارچ میں تھی جب وبا کی پہلے لہر آئی۔ ملک میں ٹیسٹ کرنے کی صلاحیت چند ہزار سے یومیہ دو لاکھ پر پہنچ چکی ہے اور کانٹیکٹ ٹریسرز کا ایک جال مشتبہ مریضوں کو دھونڈ نکالنے کا کام جاری رکھے ہوئے ہے۔
لیکن اب بھی نظام میں خامیاں موجود ہیں۔ بعض اوقات ٹیسٹ کے نتائج آنے میں تاخیر ہوجاتی ہے تو کہیں ٹریسنگ کا نظام مکمل طور فعال نہیں اور اس سے جڑی ایپ بھی ابھی مکمل نہیں ہوئی۔
بہرحال، اگر وائرس سے منٹنے کی قابلیت اسی طرح بہتر ہوتی رہے اور عوام نے احتیاط جاری رکھی تو قوی امکان ہے کہ ملک وائرس کی دوسری لہر کو بھی برداشت کر لے گا۔
24 جون 2020کورونا کی ادویات ڈاکٹر کی ہدایت کے بغیر استعمال نہ کریں
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
برطانیہ میں ماہرین کا کہنا ہے کہ اس مہلک وائرس کے خلاف جنگ میں کم مقدار والی سٹیرائڈ دوا ڈیکسامیتھازون سے کامیاب علاج ایک ’زبردست پیش رفت‘ ہے۔
لیکن اس کا یہ مطلب ہرگز نہیں کہ آپ یہ دوا خریدیں اور استعمال کرنا شروع کر دیں۔
ادویات کو بنا نسخے کے استعمال کرنے کے خطرات کیا کیا ہیں، یہ جاننے کے لیے ہم نے بات کی اسلام آباد میں ڈاکٹر زعیم سے۔
24 جون 2020برازیل: بُری طرح متاثرہ ملک میں ایک دن میں 1300 سے زیادہ اموات
،تصویر کا ذریعہAFP
برازیل میں گذشتہ روز وبا شروع ہونے کے بعد سے ایک دن میں اموات کی دوسری سب سے بڑی تعداد سامنے آئی ہے۔
وزارت صحت کے مطابق منگل کو ملک میں 1374 اموات ہوئی ہیں۔ سب سے زیادہ 1473 اموات 4 جون کو ریکارڈ ہوئی تھیں۔
امریکہ کے بعد برازیل دنیا میں دوسری نمبر پر سب سے زیادہ متاثرہ ملک ہے اور وہاں 11 لاکھ سے زائد مصدقہ مریض موجود ہیں۔
24 جون 2020بریکنگ, نئی دہلی: کورونا کے نئے مریضوں کی ریکارڈ تعداد
،تصویر کا ذریعہAFP
انڈیا کے دارالحکومت نئی دہلی میں یومیہ انفیکشنز کی تعدار میں ریکارڈ اضافہ دیکھنے میں آیا ہے۔ گذشتہ 24 گھنٹوں کے دوران شہر میں چار ہزار نئے مریض سامنے آئے ہیں۔
نئی دہلی میں اس وقت 66 ہزار افراد متاثر ہو چکے ہیں اور اس طرح یہ انڈیا کا دوسرا سب سے زیادہ متاثرہ شہر بن چکا ہے۔
دارالحکومت میں مریضوں کی تعداد ممبئی شہر کے قریب پہنچ گئی ہے جو 68 ہزار متاثرین کے ساتھ انڈیا کا سب سے زیادہ متاثرہ شہر ہے۔ تاہم ممبئی میں نئے مریضوں کی تعداد میں کمی آ رہی ہے اور یہاں گذشتہ 24 گھنٹوں کے دوران صرف 800 مریض سامنے آئے۔
نئی دہلی میں البتہ انفیکشن ریٹ ملک کا سب سے زیادہ ہے۔
این ڈی ٹی وی کی رپورٹ کے مطابق بدھ کے روز دہلی حکومت کی جانب سے کہا گیا تھا تھا کہ اب یہاں ہر گھر کی سکریننگ کی جائے گی تاکہ وبا کے پھیلاؤ کو روکا جا سکے۔
خیال رہے کہ انڈیا میں رواں ماہ کے آغاز میں لاک ڈاؤن ختم کر دیا گیا تھا تاہم کیسز کی تعداد میں تیزی سے اضافہ ہوا ہے۔
اب تک ملک میں چار لاکھ 40 ہزار سے زائد کیسز سامنے آئے ہیں جبکہ 14 ہزار سے زائد افراد اس وائرس سے ہلاک ہو چکے ہیں۔
24 جون 2020بریکنگ, عالمی بینک، ایشیائی ترقیاتی بینک کی جانب سے دیے گئے ایک ارب ڈالر پاکستان کو موصول, تنویر ملک، صحافی
تنویر ملک کورونا وائرس کی وجہ سے پیدا ہونے والی خراب معاشی صورتحال کے اثرات کو کم کرنے کے لیے عالمی بینک اور ایشیائی ترقیاتی بینک کی جانب سے پاکستان کو ایک ارب ڈالر موصول ہو گئے ہیں۔
پاکستان کے مرکزی بینک کے اعلامیے کے مطابق عالمی بینک اور ایشیائی ترقیاتی بینک کی جانب سے ملک کی زرمبادلہ کے ذخائر میں ایک ارب ڈالر جمع کرا دیے گئے ہیں۔
ایک ارب ڈالر میں سے عالمی بینک کی جانب سے پانچ سو ملین ڈالر اور ایشائی ترقیاتی بینک کی جانب سے بھی پانچ سو ملین ڈالر دیے گئے ہیں۔
ایشیائی ترقیاتی بینک نے کووڈ 19 وبا سے پیدا ہونے والے منفی معاشی اور معاشرتی اثرات کو کم کرنے کی غرض سے پاکستان کے لیے 50 کروڑ ڈالر قرض کی منظوری دے تھی۔
اسی طرح عالمی بینک نے بھی کورونا وائرس سے پیدا ہونے والی معاشی صورتحال اور صحت کے شعبے کے لیے 50 کروڑ ڈالر کی منظور ی دی تھی۔
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
24 جون 2020بریکنگ, لاہور کے مزید سات علاقوں میں کل سے لاک ڈاؤن: یاسمین راشد
،تصویر کا ذریعہReuters
پاکستان کے صوبہ پنجاب کی وزیرِ صحت یاسمین راشد نے اعلان کیا کہ لاہور کے مزید سات علاقوں گلبرگ، ڈی ایچ اے، ماڈل ٹاؤن، گلشنِ راوی، فیصل ٹاؤن، گارڈن ٹاؤن اور والڈ سٹی لاہور میں آج رات 12 بجے کے بعد سے لاک ڈاؤن کرنے کا فیصلہ کیا گیا ہے۔
انھوں نے کہا کہ اس سے پہلے کیے گئے سمارٹ لاک ڈاؤن کے دوران متاثرین کی تعداد کا جائزہ لیا جا رہا تھا۔ ان کا مزید کہنا تھا کہ ان سات علاقوں میں متاثرین کی تعداد میں تیزی سے اضافے کی وجہ سے یہ فیصلہ کیا گیا ہے۔
انھوں نے کہا کہ سب سے زیادہ خلاف ورزیاں مارکیٹوں میں دیکھنے میں آ رہی ہیں۔
انھوں نے لوگوں سے کہا کہ وہ خود ہی دکان والوں کو سمجھائیں کے اگر ان کی دکان کی وجہ سے پوری مارکیٹ بند ہو گئی تو سب کو نقصان ہو گا۔
انھوں نے کہا حکومت کی جانب سے لگائے گئے سمارٹ لاک ڈاؤن کا اثر ہم دو ہفتے کے بعد دیکھیں گے۔
ان کا مزید کہنا تھا کہ اپوزیشن کی جانب سے ہم پر تنقید کی جاتی ہے کہ یہ ہینڈسم لاک ڈاؤن ہے لیکن جو بھی کہیں اس طرح لاک ڈاؤن سے فائدہ ہوا ہے۔
یاسمین راشد نے بتایا کہ ہمارے پاس 250 ایچ ڈی یوز اور 60 وینٹی لیٹرز موجود ہیں۔ انھوں نے کہا کہ مزید علاقوں کے لاک ڈاؤن کے ذریعے ہسپتالوں میں جگہ خالی رکھنے میں مدد ملے گی۔
24 جون 2020’کاش میں اپنے عزیز کو ہسپتال نہ بھیجتی‘
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
پاکستان میں اس وقت کورونا کے مریضوں کے لیے ہسپتالوں میں بستروں، ادویات، طبی آلات اور وینٹیلیٹر کا حصول دن بہ دن مشکل ہوتا جا رہا ہے۔
اس بات کا اندازہ ہماری ساتھی ترہب اصغر کو اس وقت ہوا جب انھیں خود اپنے ایک عزیز کو ہسپتال میں داخل کروانے کے لیے بہت سے اعلیٰ حکام سے التجائیں کرنی پڑیں۔
اس دن کی کہانی سنیے ترہب اصغر کی ہی زبانی، اس پوڈکاسٹ میں۔۔
24 جون 2020منگولیا میں عالمی وبا کے دوران انتخابات
،تصویر کا ذریعہGetty Images
کورونا وائرس کی عالمی وبا کے دوران منگولیا میں آج انتخابات ہو رہے ہیں۔
ملک میں لوگوں کو محفوظ رکھنے کے لیے متعدد اقدامات اٹھائے جا رہے ہیں جن میں ووٹرز کا درجہ حرارت، ووٹنگ سٹیشنز کو ڈس انفیکٹ کرنا اور ووٹرز کو گلووز فراہم کرنا شامل ہیں۔
ملک کی دو اہم پارٹیوں کی جانب سے الیکشن مہم کے دوران بڑے اجتماعات پر لگائی گئی پابندی کی خلاف ورزی کی گئی تھی۔
منگولیئن پیپلز پارٹی کو امید ہے کہ وہ پارلیمان میں 76 نشستیں جیت کر اکثریت حاصل کر سکے گی۔
خیال رہے کہ منگلولیا میں وبا سے نمٹنے کے کڑے اقدامات کیے گئے تھے اور یہاں اب تک صرف 200 کیس سامنے آئے ہیں جبکہ کوئی ہلاکت نہیں ہوئی۔
24 جون 2020بریکنگ, ایمریٹس کا پاکستان کے لیے پروازیں عارضی طور پر منسوخ کرنے کا اعلان
،تصویر کا ذریعہAFP
ایمریٹس ایئرلائن نے بدھ کے روز پاکستان کے لیے اپنی پروازیں عارضی طور پر منسوخ کرنے کا اعلان کیا ہے۔
خلیج ٹائمز کی خبر کے مطابق یہ فیصلہ پاکستان سے تعلق رکھنے والے متعدد مسافروں میں کورونا وائرس کی تشخیص کے بعد کیا گیا ہے۔
ایمریٹس ایئرلائن کی میڈیا ٹیم نے ہماری نامہ نگار فرحت جاوید سے اس بات کی تصدیق کی ہے۔ ایک پیغام میں انھوں نے کہا کہ تین جولائی کے بعد صورتحال کا جائزہ لینے کے بعد اس حوالے سے مزید فیصلے کیے جائیں گے۔
خلیج ٹائمز کی خبر کے مطابق ایئرلائن کی جانب سے پاکستان کے لیے کارگو اور خصوصی پروازوں کا سلسلہ جاری رہے گا۔
کچھ رپورٹس کے مطابق 20 جون کو 26 پاکستانی مسافروں میں ہانگ کانگ کی فلائٹ میں کورونا وائرس کی تصدیق ہوئی تھی۔ ان مسافروں نے پاکستان سے براستہ دبئی ہانگ کانگ کا سفر کیا تھا۔
24 جون 2020کورونا وائرس سے صحتیاب ہونے میں کتنا وقت لگتا ہے؟
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
دنیا میں اب تک لاکھوں افراد کووڈ 19 سے مکمل صحت یاب ہوچکے ہیں لیکن صحت یابی کا دورانیہ مختلف لوگوں میں مختلف ہوسکتا ہے۔
کم علامات والے متاثرین ایک ہفتے میں صحت یاب ہوسکتے ہیں جبکہ ماہرین کے مطابق سنگین معاملات میں یہ دورانیہ ایک سال سے زیادہ بھی ہو سکتا ہے۔
24 جون 2020برطانیہ کو وبا کی دوسری لہر سے نمٹنے کے لیے فوری اقدامات اٹھانے ہوں گے: طبی رہنما
،تصویر کا ذریعہGetty Images
طبی شعبے سے تعلق رکھنے والے رہنماؤں نے مطالبہ کیا ہے کہ اس بات کا فوری جائزہ لینے کی ضرورت ہے کہ آیا برطانیہ کورونا وائرس کی دوسری لہر کے ’ناگزیر خطرے‘ سے نمٹنے لیے تیار ہے یا نہیں۔
برٹش میڈیکل جرنل میں شائع ہونے والے ایک خط میں کہا گیا ہے کہ وزرا کو خبردار کیا جاتا ہے کہ مزید جانی نقصان سے بچنے کے لیے فوری اقدامات اٹھانے ہوں گے۔
رائل کالجز آف سرجنز، نرسنگ، فزیشنز اور جی پیز کے صدور نے ایک اس خط پر دستخط کیے۔
یہ مطالبہ ایک ایسے وقت میں آیا ہے کہ جب بورس جانسن کی جانب سے انگلینڈ میں لاک ڈاؤن میں نرمی لائی گئی ہے۔
24 جون 2020انتہائی نگہداشت کے یونٹ کس طرح وجود میں آئے؟
،تصویر کا ذریعہGetty Images
ہاروی کُشنگ اپنے وقت کے دماغ کے آپریشن کے زبردست سرجن تھے۔ ان کے مریض ان سے بہت پیار کرتے تھے اور ان کے بارے میں کہتے تھے کہ وہ بہت خیال رکھنے والے ہیں لیکن وہ اپنے سٹاف کو مسلسل ایک دہشت کے ماحول میں رکھتے تھے۔
وہ غلطیوں کو برداشت نہیں کرتے تھے، غلطی کرنے پر سختی سے پیش آ سکتے تھے اور غُصے کا مظاہرہ کر سکتے تھے لیکن اُنھیں ان کے اس رویے پر معاف کیا جا سکتا ہے کیونکہ ان کی کارکردگی کے نتائج بہت اچھے تھے۔
سنہ 1931 میں 15 مئی تک اُنھوں نے امریکی ریاست میساچیوسٹس کے شہر بوسٹن کے پیٹر بنٹ برِگھم ہسپتال میں دماغ میں سے رسولی نکالنے کے اپنی زندگی کے دو ہزار آپریشن مکمل کر لیے۔
مزید جانیے نامہ نگار سائنس رچرڈ ہالنگھم کی اس تحریر میں۔
24 جون 2020بریکنگ, معروف پروفیسر ڈاکٹر مغیث الدین شیخ کورونا وائرس کے باعث انتقال کر گئے
،تصویر کا ذریعہFacebook/Mughees Uddin
معروف پروفیسر ڈاکٹر مغیث الدین شیخ کورونا وائرس کے باعث انتقال کر گئے ہیں۔
ان کے بیٹے علی مغیث نے بی بی سی کے نامہ نگار عماد خالق سے بات کرتے ہوئے ان کی ہلاکت کی تصدیق کی۔
پروفیسر ڈاکٹر مغیث الدین شیخ پنجاب یونیورسٹی کے شعبہ ابلاغیات کے بانی تھے اور وہاں بطور ڈین بھی خدمات سرانجام دیتے رہے تھے۔
اس کے علاوہ انھوں نے کئی تعلیمی اداروں میں تدریسی خدمات سرانجام دیں۔
20 جون کو انھوں نے اپنی فیس بک پوسٹ کے ذریعے اعلان کیا تھا کہ ان میں گذشتہ ہفتے کورونا وائرس کی تشخیص ہوئی تھی جس کے بعد انھوں نے خود کو گھر پر ہی محدود کر لیا تھا۔
انھوں نے لکھا کہ آغاز میں گھر پر محدود رہنے کے بعد اب وہ ہسپتال متنقل ہو گئے ہیں۔
گذشتہ روز علی مغیث نے فیس بک کے ذریعے بتایا تھا کہ ان کے والد کو وینٹی لیٹر پر منتقل کر دیا گیا ہے۔
گذشتہ برس ان کی سوانح عمری ’سسکتی مسکراتی زندگی‘ بھی شائع ہوئی تھی۔
24 جون 2020مالدیپ کا سیاحتی مقامات 15 جولائی سے کھولنے کا فیصلہ
،تصویر کا ذریعہGetty Images
مالدیپ کے صدر ابراہیم سولیہ کا کہنا ہے کہ مالدیوز اپنے سیاحتی مقامات 15 جولائی سے کھول دے گا جہاں بین الاقوامی سیاحوں کو خوش آمدید کہا جائے گا۔
انھوں نے بتایا کہ غیرملکیوں کو ملک میں داخل ہونے کے لیے ٹیسٹ کروانے کی ضرورت نہیں ہو گی۔
مالدیپ کے لیے سیاحت آمدن کا سب سے بڑا ذریعہ ہے تاہم مارچ میں کورونا وائرس کی وبا کے پھیلاؤ کے بعد اسے سرحدی پابندیاں عائد کرنی پڑیں تھیں۔
مالدیپ کی آبادی تین لاکھ 40 ہزار کے لگھ بھگ ہے اور یہاں اب تک 2200 کے قریب کیسز رپورٹ ہو چکے ہیں۔