کورونا: دو کروڑ سے زائد امریکیوں کے متاثر ہونے کا خدشہ، مظفرآباد میں سمارٹ لاک ڈاؤن

لائیو کوریج

1. 25 جون 2020لاڑکانہ میں دو کروڑ مالیت کی چوری شدہ سرکاری ادوایات برآمد, محمد زبیر خان، صحافی

   

   ،تصویر کا ذریعہShehzad Pathan

   صوبہ سندھ کی لاڑکانہ پولیس نے دعوی کیا ہے کہ اس نے کم از کم دو کروڑ مالیت کی سرکاری ادوایات کو غیر قانونی طور پر مارکیٹ میں فروخت کرنے کی کوشش کرتے ہوئے پکڑ کردو ملزماں کو گرفتار کرلیا ہے۔

   طبی ماہرین کے مطابق ان میں ایسی مہنگی ادوایات بھی شامل ہیں جن کو کورونا کے مثبت مریضوں کو استعمال کروایا جارہا ہے۔

   لاڑکانہ پولیس کے اے ایس پی رضوان طارق کے مطابق اب چالیس کارٹن کے ادوایات پکڑی گئی ہیں۔ یہ ادوایات گزشتہ پانچ چھ روز کے دوران مختلف مقامات سے پکڑی گئی ہیں۔ جس میں سے 26 کارٹن مقامی قبرستان سے بر آمد ہوئے ہیں۔

   

   ،تصویر کا ذریعہShehzad Pathan

   ان کا کہنا تھا کہ ابتدائی تفتیش میں ہمیں پتا چلا ہے کہ یہ ادوایات ڈسڑکٹ ہیلتھ آفس اور ڈسرکٹ ہیڈ کوراٹر ہسپتال لاڑکانہ سے تعلق رکھتی ہیں۔ رضوان طارق کے مطابق ابتدائی تفتیش میں ہمیں پتا چلا ہے کہ لاڑکانہ کے ہسپتالوں میں ایک ارب روپیہ اور ڈسڑکٹ ہیلتھ آفس کو مختلف ہسپتالوں، بنیادی ہیلتھ سنٹر وغیرہ کے لیئے چھ کروڑ روپیہ کی سالانہ ادویات حکومت کی جانب سے مریضوں کو علاج معالجے کے مفت فراہم کی جاتی ہیں۔

   رضوان طارق کا کہنا تھا کہ دو ملزماں کی گرفتاری کے بعد پتا چلا ہے کہ انتہائی منظم مافیا ملوث ہے جس کے لیئے ایک جی ٹی آئی قائم کردی گئی ہے۔

   

   ،تصویر کا ذریعہShehzad Pathan

   دونوں سرکاری اداروں کو ریکارڈ سمیت جی ٹی آئی میں پیش ہونے کی ہدایت کی گئی ہے۔ اس ریکارڈ کی جانچ پڑتال کے بعد حقائق سامنے آجائیں گے کہ یہ ادویات کہاں سے چوری ہوئی ہیں۔ بے نظیر بھٹو میڈیکل یونیورسٹی لاڑکانہ کے شعبہ میڈیکل اینڈ الائنس سائسنز کے چیرمین پروفیسر ڈاکٹر بشیر شیخ کا کہنا تھا کہ پکڑی جانے والی تمام ادوایات مہنگی اور قیمتی ہیں۔

   ان میں وہ ادوایات بھی شامل ہیں جن کو اس وقت کورونا کے مثبت مریضوں پر ان کی علامات کے مطابق استعمال کیا جارہا ہے۔ ان کا کہنا تھا کہ ان میں ایسی ادوایات بھی شامل ہیں جو بچوں میں بہت زیادہ استعمال ہورہی ہیں۔

   ان میں جان بچانے والی ادوایات بھی شامل ہیں۔ ان سب ادوایات پر ملک بھر کے ڈاکٹرز کا اعتماد ہے اور وہ اپنے مریضوں کو یہ ادوایات استعمال کروا رہے ہیں۔

   

   ،تصویر کا ذریعہShehzad Pathan

2. 25 جون 2020بریکنگ, سندھ میں مزید 1098 افراد کورورنا کا شکار

   

   وزیراعلیٰ سندھ سید مراد علی شاہ کا کہنا ہے کہ صوبہ سندھ میں گذشتہ 24 گھنٹوں کے دوراں 6458 نئےٹیسٹ کیے گئے جس کے بعد مزید 1098 نئے کورونا کیسز سامنے آئے۔

   سندھ بھر میں ابت ک 409145 ٹیسٹ ہوچکے ہیں اور صوبہ بھر میں 75168 کورونا کے کیسز رپورٹ ہوئے۔

   گذشتہ 24 گھنٹوں میں 17 کورونا کے مریض کی ہلاکت ہوئی جس کے بعد صوبے میں وبا کے باعث 1178 اموات ہوچکی ہیں۔

   وزیراعلیٰ سندھ سید مراد علی شاہ کے مطابق آج مزید 1267 مریض صحت یاب ہوکر گھروں کو چلے گئے جس کے بعد صحت یاب ہونے والوں کی تعداد 40740 ہوگئی ہے۔

   تاہم اس وقت 33131 مریض زیرعلاج ہیںجن میں سے 641 مریضوں کی حالت تشویشناک ہے۔ اور 99 مریض وینٹی لیٹرز پر ہیں۔

3. 25 جون 2020امریکہ میں انفیکشنز کا نیا ریکارڈ، کئی ریاستوں میں تیزی سے اضافہ

   

   ،تصویر کا ذریعہGetty Images

   امریکی اخبار نیو یارک ٹائمز کے مطابق امریکہ کی کئی ریاستوں نے لاک ڈاؤن میں نرمی اور معیشت کو کھولنے کے اقدامات کے بعد صرف بدھ کو ہی ملک میں کورونا وائرس کے 36 ہزار 880 نئے متاثرین رپورٹ ہوئے ہیں۔

   جب سے وبا شروع ہوئی ہے یہ ایک دن میں سب سے زیادہ انفیکشنز ہیں، اس سے پہلے یہ ریکارڈ اپریل میں بنا تھا۔ اس طرح کے اعداد شمار دی کووڈ ٹریکنگ پراجیکٹ نے بھی شائع کیے ہیں جو کہ 38 ہزار 672 ہیں۔ بدھ کے اعداد و شمار ابھی جان ہاپکنز یونیورسٹی نے شائع نہیں کیے، جس کی انفیکشن مانیٹرنگ کی اپنی ٹیم ہے۔

   امریکہ میں وبا کے شروع میں اس کا بڑا مرکز نیو یارک اور نیو جرسی تھا۔ لیکن حالیہ اضافے نے جنوبی اور مغربی ریاستوں مثلاً فلوریڈا، کیلیفورنیا، ٹیکساس اور اوکلاہوما کو متاثر کیا ہے۔

   اس اضافے کی وجہ زیادہ ٹیسٹنگ بھی بتائی جا رہی ہے، اگرچہ فلوریڈا جیسی ریاستوں میں ہسپتالوں میں مریضوں کے داخلے کی تعداد میں بھی اضافہ دیکھا گیا ہے، جس کا مطلب ہے کہ وبا ملک کے کئی حصوں میں بہت تیزی سے پھیل رہی ہے۔

   جان ہوپکنز یونیورسٹی کے مطابق امریکہ میں اس وقت 38 لاکھ تصدیق شدہ متاثرین ہیں جبکہ انفیکشنز سے 1 لاکھ 22 ہزار ہلاک ہو چکے ہیں۔

4. 25 جون 2020کیا چمگادڑ کورونا وائرس پھیلاتے ہیں؟

5. 25 جون 2020بریکنگ, پنجاب میں کورونا وآئرس کے 1655 نئے کیسز، 1107 کیسز صرف لاہور میں

   

   ،تصویر کا ذریعہGetty Images

   پاکستان کے صوبہ پنجاب میں کورونا وائرس کے1655 نئے کیس سامنے آنے کے بعد اب تک متاثرین کی مجموعی تعداد 71,191 ہو گئی۔

   پرائمری اینڈ سیکنڈری ہیلتھ کیئر کے مطابق ان تازہ کیسز میں سب سے زیادہ لاہورمیں 1107، کیسز سامنے آئے۔

   ترجمان کے مطابق کورونا وائرس سے 86 مزید اموات ہوئیں اور اب تک صوبے مںی ہلاکتوں کی کل تعداد 1602 ہو چکی ہے۔

   صوبے میں اب تک 453,070 ٹیسٹ کیے جا چکے ہیں۔

   کورونا وائرس کو شکست دیے کر صحت یاب ہونے والوں کی تعداد 20,262 ہو چکی ہے۔

6. 25 جون 2020راولپنڈی کے مختلف علاقوں میں جراثیم کُش ادویات کا سپرے

   راولپنڈی شہر کے مختلف علاقوں میں ویسٹ مینیجمنٹ کمپنی نے کورونا سے بچاؤ کے لیے جراثیم کش ادویات کا سپرے کیا

   

   ،تصویر کا ذریعہRWMC

   

   ،تصویر کا ذریعہRWMC

   

   ،تصویر کا ذریعہRWMC

   

   ،تصویر کا ذریعہRWMC

7. 25 جون 2020عمران خان: پوری دنیا میں معاشی بحران ہے

   وزیر اعظم عمران خان نے اپنے ناقدین کو جواب دیتے ہوئے کہا کہ ایک تاثر دیا جا رہا ہے کہ ان کی حکومت کورونا کے پیچھے چھپ رہی ہے۔

   ان کا کہنا تھا کہ پوری دنیا اس وقت معاشی بحران سے دوچار ہے اور اس وبا کی وجہ سے عالمی طور پر معاشی ترقی متاثر ہوئی ہے۔

8. 25 جون 2020عمران خان: دنیا کا امیر ترین ملک بھی لاک ڈاؤن ختم کر رہا ہے

   وزیر اعظم نے اپنے خطاب میں کہا کہ امریکہ کی مثال ان کے سامنے ہے جہاں کئی ریاستوں مںی متاثرین کی تعداد بڑھنے کے باوجود وہاں لاک ڈاؤن ختم کیا جا رہا ہے۔

   ان کا کہنا تھا کہ آنے والے دن اس وبا کے حوالے سے بہت اہم ہیں۔ ان کے کہنا تھا کہ ایوان میں موجود تمام لوگوں کی ذمہ داری ہے کہ لوگوں کو بتائیں کہ کتنا ضروری ہے کہ ہم معمر افراد، بیمار افراد اور زیادہ حساس لوگوں کا خیال رکھیں۔

   ’ہمارے پاس اب دو راستے ہیں، اگر ہم احتیاط کر گئے تو ہمارا صحت کا نظام برداشت کر سکتا ہے۔ لیکن اگر بےاحتیاطی کی گئی۔۔۔ اور افسوس سے اس کی آئے دن رپورٹس آتی ہیں۔۔۔ لیکن اگر یہ مہینہ ہم گزار دیں تو ہم اس وبا کے اثرات سے بچ سکتے ہیں۔‘

9. 25 جون 2020وزیر اعظم عمران خان کا قومی اسمبلی میں کورونا وائرس کے حوالے سے پہلا خطاب

   وزیر اعظم عمران خان اس وقت قومی اسمبلی کورونا وائرس کے حوالے سے خطاب کر رہے ہیں۔

   انھوں نے اپنے ناقدین سے سوال کیا کہ اُن کے کون سے بیان میں تضاد تھا؟ ان کا کہنا تھا کہ وہ ہمیشہ سے یہی کہتے رہے ہیں کہ اگر ہمارے ملک کی آبادی سنگاپور جیسی ہوتی تو لاک ڈاؤن قابل عمل تھا۔

   انھوں نے انڈیا کی مثال دیتے ہوئے کہا کہ لاک ڈاؤن کی وجہ سے وہاں لوگ سڑکوں پر مر رہے ہیں اور ہسپتالوں میں جگہ نہیں ہے۔

   انھوں نے اسد عمر اور این سی او سی کے عملے کو خراج تحسین پیش کرتے ہوئے کہا کہ آج ساری دنیا اس بات کو تسلیم کر رہی ہے کہ لاک ڈاؤن سے نقصان زیادہ ہوتا ہے۔

10. 25 جون 2020گلگت بلتستان میں 28 نئے مریض, محمد زبیر خان، صحافی

    محکمہ صحت گلگت بلستان کے مطابق خطے میں 28 نئے مریضوں کے ساتھ کل کورونا متاثرین کی تعداد 1365 ہوگئی ہے جبکہ مجموعی طور پر 23 لوگ وائرس سے ہلاک ہوئے ہیں۔

    34 مریض صحت یاب ہوئے ہیں جس کے بعد صحت یاب مریضوں کی تعداد 995 ہوچکی ہے جبکہ زیر علاج مریضوں کی تعداد 346 ہے۔ محکمہ صحت گلگت بلستان کے مطابق کل کورونا مریضوں میں سے ساٹھ فیصد کی عمریں 16 سے 45 سال ہیں جبکہ 46 سے 60 سال کے مریضوں کی شرح 18 فیصد ہے اور 61 سے 75 سال تک یہ شرح نو جبکہ 75 سے زائد عمر میں یہ شرح صرف پانچ فیصد ہے۔

11. 25 جون 2020انڈیا: دلی کے تقریباً تین کروڑ شہریوں کا سروے کرنے کا فیصلہ

    

    ،تصویر کا ذریعہGetty Images

    انڈیا کے دارالحکومت کے تقریباً 3 کروڑ رہائشیوں کو کورونا وائرس کی علامات کے لیے چیک کیا جائے گا۔

    اس منصوبے کے تحت شہر کے ہر گھرانے کا گھر، گھر جا کر سروے کیا جائے گا۔ دلی اب متاثرین کے تعداد کے حوالے سے ملک کے سب سے بڑے شہر ممبئی سے بھی آگے نکل گیا ہے اور شہر کے ہسپتالوں میں بستروں کی قلت ہے۔

    شاید اسی وجہ سے شہر میں اموات کی شرح میں بھی اضافہ ہوا ہے۔

    دلی کی حکام نے یہ بھی کہا ہے کہ وہ 20 ہزار عام لوگوں کے ’رینڈم سامپلنگ‘ کے تحت نمونے لے کر شہر میں وائرس کے پھیلاؤ کا اندازہ لگانے کی کوشش بھی کریں گے۔

12. 25 جون 2020برطانیہ میں اینٹی باڈی ٹیسٹس کی افادیت پر بحث

    برطانوی سائنسدانوں کے ایک گروہ نے ملک میں میڈیکل عملے کے اینٹی باڈی ٹیسٹ کے حوالے سے خدشات ظاہر کیے ہیں کہ ان کی وجہ سہ نیشنل ہیلتھ سروس یا این ایچ ایس پر بوجھ مزید بڑھ جائے گا۔

    ان ٹیسٹس کے ذریعے یہ معلوم ہو سکتا ہے اگر کسی کو ماضی میں کورونا کا انفیکشن ہوا ہے یا نہیں۔ تام مثبت نتیجے سے صرف یہ معلوم ہوتا ہے کہ اس شخص کو ماضی میں کبھی کورونا ہوا تھا لیکن یہ نہیں پتا چلتا آیا اس شخص کو اب بھی یہ انفیکشن ہے یا نہیں۔

    تاہم برطانیہ میں مدافعتی امراض کے ماہر پروفیسر جان بیل نے اس ٹیسٹس کا دفع کرے ہوئے کہا ہے کہ ان ٹیسٹس پر تنقید کرنے والے سائنسدان ان کی افادیت کو پوری طرح سمجھ نہیں پائے ہیں۔

    اینٹی باڈی ٹیسٹس کے بارے میں مزید جاننے کی لیے دیکھیے یہ ویڈیو۔

13. 25 جون 2020برطانیہ میں گرمی کی لہر، پُرہجوم ساحلوں پر کورونا کے پھیلنے کا خدشہ

    برطانیہ میں بڑھتے درجہ حرارت کے ساتھ ساتھ لوگوں نے جوق در جوق ساحلوں کا رخ کیا ہے۔ تاہم اس حوالے سے خدشات بھی بڑھ گئے ہیں کہ اگر ایسا ہی ہوتا رہا تو ملک میں وائرس کی دوسری پیک آ سکتی ہے۔

    

    ،تصویر کا ذریعہPA Media

    

    ،تصویر کا ذریعہReuters

    

    ،تصویر کا ذریعہReuters

14. 25 جون 2020کورونا کا ٹیسٹ کیسے ہوتا ہے؟

    YouTube پوسٹ نظرانداز کریں

    Google YouTube کا مواد دکھانے کی اجازت دی جائے؟?

    اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔

    YouTube پوسٹ کا اختتام

    دنیا بھر میں مختلف ممالک الگ الگ طریقوں سے لوگوں کی ٹیسٹنگ کر رہے ہیں تاکہ کورونا وائرس کی تشخیص کی جا سکے اور متاثرین کی تعداد کے بارے میں معلوم ہوسکے۔

    اس ڈیجیٹل ویڈیو میں آپ جان سکتے ہیں کہ ٹیسٹنگ کیا ہے اور یہ کیوں ضروری ہے۔۔۔

15. 25 جون 2020عمران خان: یہ مہینہ احتیاط سے نکال لیا تو ملک وبا کے عروج سے بچ سکتا ہے

    وزیر اعظم عمران خان نے کہا ہے کہ جولائی کا مہینہ پاکستان کے لیے بہت اہم ہے اور اگر عوام نے اس ماہ احتیاط کی تو پاکستان ایک بڑی تباہی سے بچ سکتا ہے۔

    اسلام آباد میں ٹائیگر فورس کے رضاکاروں سے ملاقات کے دوران انھوں نے کہا: ’لوگوں کو سمجھ نہیں آ رہی کہ ایس او پیز پر عمل کرنا کتنا ضروری ہے۔ کیونکہ وہ عمل نہیں کرتے اس لیے ہمیں خطرہ ہے کہ ہمارے ہسپتالوں پر بھت بوجھ پڑ جائے گا۔‘

    انھوں نے کہا: ’حکام تھک چکے ہیں، انھوں نے اپنا کام بھی کرنا ہے اور ہم ان پر بوجھ نہیں ڈال سکتے۔۔۔ جو جو ملک (وائرس کو شکست دینے میں) کامیاب ہوا ہے وہاں سارا نیٹ ورک رضاکاروں کا ہے اور ہمارے پاس فورس میں ماشااللہ بہت پڑھے لکھے لوگ آئے ہیں۔‘

    ان کا کہنا تھا کہ یہ ایک مہینہ بہت اہم ہے۔ ’اگر ہم یہ مہینہ گزار گئے اور لوگوں کو تھوڑی سی احتیاط کروا دی تو انشاللہ ہمارا خیال ہے ہم اس وبا کی پیک سے بچ جائیں گے۔‘

    وزیر اعظم عمران خان نے ٹائیگر فورس کے رضاکاروں کا شکریہ بھی ادا کیا اور کہا کہ نوجوان ہی ہماری قوم کا مستقبل ہیں۔

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام

16. 25 جون 2020پاکستانی وزیر شیخ رشید ’کورونا سے صحتیاب‘

    

    ،تصویر کا ذریعہAFP

    پاکستان کے وفاقی وزیر برائے ریلوے شیخ رشید احمد کا تازہ کورونا وائرس ٹیسٹ منفی آیا ہے اور انھیں ہسپتال سے ڈسچارج کر دیا گیا ہے۔

    وزیر کی جانب سے جاری کی جانے والی ایک تصویر میں ان کے کورونا ٹیسٹ کی نیگیٹیو رپورٹ دیکھی جا سکتی ہے۔

    شیخ رشید احمد میں کورونا وائرس کی جون 8 کو تشخیص ہوئی تھی۔

17. 25 جون 2020آئفل ٹاور کھل تو گیا لیکن صرف چڑھنے والوں کے لیے

    

    ،تصویر کا ذریعہEPA

    پیرس کا مشہور آئفل ٹاور کھل گیا ہے لیکن عوام کو اب تک اس پر چڑھنے کے لیے لفٹ کو استعمال کرنے کی اجازت نہیں ہوگی۔ لحاظہ یہاں آنے والے تمام سیاحوں کو سیڑھیوں کے ذریعے ہی 300 میٹر لمبے ٹاور کے اوپر تک پہنچ سکیں گے۔

18. 25 جون 2020چین کے دارالحکومت میں نئے کیسز لیکن وبا کی نئی لہر قابو میں

    

    ،تصویر کا ذریعہGetty Images

    چین کی قومی صحت کمیشن کے مطابق دارالحکومت بیجنگ میں جمعرات کو وائرس کے 13 نئے کیسز کی تصدیق ہوئی ہے۔

    تقریباً 57 دن کے وقفے کے بعد ایک بڑی منڈی سے منسلک وبا کی نئی پھوٹ نے اس ماہ پورے ملک کو پریشان کر دیا تھا۔

    اس کے بعد ٹیسٹنگ اور سماجی پابندیوں میں اضافہ ہوا تھا اور 27 محلوں کے رہنے والوں پر اپنے علاقوں سے نکلنے پر پابندیاں عائد تھیں جبکہ باقی ہر آنے جانے والے کو ٹیسٹ کروانے تھے۔

    تاہم حکام کا کہنا ہے کہ اس کلسٹر سے خطرہ ٹل گیا ہے اور آج کے نئے مریضوں کی تعداد اتنی نہیں کہ یہ کہا جا سکے کہ وائرس ایک بار پھر تیزی سے پھیل رہا ہے۔

19. 25 جون 2020بریکنگ, پاکستان: ایک دن میں 148 اموات، ٹیسٹنگ میں مزید کمی

    پاکستان کے نیشنل کمانڈ اینڈ کنٹرول سنٹر کے مطابق ملک میں بدھ کو کورونا کے باعث 148 اموات ہوئی ہیں جبکہ اسی دوران 4044 نئے مریض سامنے آئے ہیں۔

    جمعرات کی صبح جاری کیے گئے اعداد و شمار کے مطابق ملک میں گذشتہ روز 21835 ٹیسٹ کیے گئے جو کہ گذشتہ کئی روز کے مقابلے میں کہپیں کم ہے۔ سب سے زیادہ 31681 ٹیسٹ 19 جون کو ہوئے لیکن اس کے بعد سے ان کی تعداد میں مسلسل کمی آ رہی ہے۔

    

20. 25 جون 2020آسٹریلیا: ملبرن میں فوج کی زیر نگرانی گھر، گھر ٹیسٹنگ مہم کا آغاز

    

    ،تصویر کا ذریعہEPA

    گذشتہ ایک ہفتے سے ہم آپ کو آسٹریلیا کے شہر ملبرن میں کورونا کے نئے کیسز کے بارے میں بتاتے رہے ہیں۔ اگرچہ یہ عالمی سطح پر اتنی بڑا اضافہ نہیں لیکن مقامی حکام کوئی خطرہ مول نہیں لینا چاہتے۔

    اس وقت تقریباً 1300 اہلکار شہر کے مضافاتی علاقوں میں گھر گھر جا کر کورونا کے ٹیسٹ کر رہے ہیں۔ ریاست وکٹوریہ کا دارالخلافہ ملک میں نئے مقامی منتقلے کے کیسز کا واحد مرکز ہے۔

    ریاستی حکومت نے حکام کی مدد کے لیے فوجی دستے بھی طلب کر لیے ہیں۔

    آسٹریلیا میں گذشتہ روز 34 نئے کیسز سامنے آئے جن میں سے 33 کا تعلق وکٹوریہ سے ہے۔