انڈیا میں 10 ہزار سے زیادہ اموات، برازیل میں ایک دن میں تقریباً 35 ہزار نئے کیس

دنیا بھر میں کورونا کے مصدقہ متاثرین کی تعداد 81 لاکھ سے بڑھ گئی ہے جبکہ پاکستان میں میں لگاتار دوسرے روز بھی اموات کی ریکارڈ تعداد سامنے آئی ہیں۔ منگل کو دنیا کے دوسری سب سے متاثرہ ملک برازیل میں وائرس کے تقریباً 35 ہزار نئے کیس سامنے آئے ہیں جبکہ انڈیا چوتھے نمبر پر ہے اور وہاں مزید دو ہزار اموات ہوئی ہیں۔

لائیو کوریج

14 جون 2020سائنسدان وائرس کے لیے متعدد مؤثر ویکسین کے لیے پُرامید
کووڈ 19 کی ویکسین پر کام کرنے والے ایک سائنسدان کا کہنا ہے کہ انھیں ‘کافی یقین ہے’ کہ وائرس کے لیے کئی مؤثر ویکسین تیار کر لی جائیں گی۔
امپیریئل کالج لندن میں ایک ویکسین ٹیم کی سربراہی کرنے والے پروفیسر روبن شیٹوک نے بی بی سی کے اینڈریو مار شو میں گفتگو کرتے ہوئے کہا کہ: ‘مجھے لگتا ہے کہ کسی بھی دوسری ویکسین کی طرح ہمارے پاس اس ویکسین کو بنانے کا بھی امکان ہے، مگر کامیابی کی پیشگوئی کرنا بے وقوفی ہے کیونکہ کسی بھی انفرادی ویکسین کے ناکام ہونے کا کافی بڑا خطرہ ہوتا ہے، اور جو اہم ہے وہ یہ کہ دنیا بھر میں کئی ویکسین بنا سکنے کی وجہ سے ہمیں یقین ہے کہ ان میں سے کچھ کام ضرور کریں گی۔’
پروفیسر شیٹوک نے کہا کہ ان کی ٹیم ایک نئی ٹیکنالوجی پر مبنی ویکسین پر کام کر رہی ہے جسے اس سے پہلے انسانوں پر نہیں آزمایا گیا ہے۔
وائرس کو بڑھا کر اسے غیر فعال کرنے کے بجائے وہ وائرس سے حاصل کردہ جینیاتی مواد سے اینٹی باڈیز بنانے کی کوشش کر رہے ہیں۔
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
14 جون 2020ملک بھر میں کورونا سے 53 ڈاکٹروں سمیت طبی عملے کے 68 ارکان کی ہلاکت کا دعویٰ, محمد زبیر خان، صحافی
،تصویر کا ذریعہGetty Images
پرووینشل ڈاکٹر ایسوسی ایشن خیبر پختونخوا کے مطابق ملک بھر میں کورونا وائرس کی وجہ سے ہلاک ہونے والے طبی عملے کی تعداد 68 ہوگئی ہے جس میں 53 ڈاکٹر اور باقی نرسنگ سٹاف، پیرا میڈیکس اور دیگر سٹاف شامل ہے۔
تنظیم کے ترجمان ڈاکٹر سلیم کے مطابق عید کے بعد سے طبی عملے میں کورونا وائرس کی تصدیق ہونے اور ان کے ہلاک ہونے کی تعداد میں بہت زیادہ اضافہ ہوا ہے، اور گذشتہ آٹھ سے 10 دونوں میں متاثر اور ہلاک ہونے والے طبی عملے کی تعداد وبا کے سر اٹھانے کے بعد سے دوگنا سے بھی زیادہ ہوچکی ہے۔
ان کا کہنا تھا کہ معاملہ یہاں تک نہیں ہے کہ طبی عملہ حفاظتی اقدامات نہ ہونے کے سبب کورونا سے متاثر اور ہلاک ہوا ہے، بلکہ وہ عوام جن کے عزیز کورونا سے متاثر ہوتے ہیں ان کی جانب سے بھی ملک بھر کے طبی عملے کو تشدد کا سامنا ہے۔
ڈاکٹر سلیم نے دعویٰ کیا کہ ان کے اعداد و شمار کے مطابق ملک بھر کورونا کی وبا کے بعد عوام کی جانب سے ہسپتالوں اور طبی عملے پر تشدد کے 15 بڑے واقعات ہوچکے ہیں جن میں ملزمان گرفتار نہیں ہوئے ہیں۔
ڈاکٹر سلیم کا کہنا تھا کہ وہ چاروں صوبوں بشمول گلگت بلتستان اور پاکستان کے زیرِ انتظام کشمیر میں حکومتوں سے مطالبہ کرتے ہیں کہ وہ طبی عملے اور ہسپتالوں کی حفاظت کے لیے فی الفور قانون سازی کرے تاکہ طبی عملہ ان حالات میں اپنے فرائض ادا کرسکے۔
انھوں نے مزید مطالبہ کیا کہ طبی عملے کے ہلاک ہونے والے ارکان کے لیے شہدا پیکج کا اعلان کیا جائے اور ان کے بچوں کی تعلیم کا بندوبست کیا جائے۔
14 جون 2020پاکستانی فوج کے افسر میجر فہیم کورونا کے باعث انتقال کر گئے
پاکستانی فوج کے افسر میجر راجہ فہیم گذشتہ روز کوئٹہ میں کورونا وائرس کے باعث ہلاک ہوگئے ہیں۔ وہ دفاعی تجزیہ کار بریگیڈیئر آصف ہارون راجہ کے بیٹے تھے۔
ہماری نامہ نگار فرحت جاوید کے مطابق ان کے اہلِ خانہ کی جانب سے ان کے انتقال کی تصدیق کر دی گئی ہے۔
بتایا گیا ہے کہ چونکہ وہ کورونا متاثر تھے، اس لیے ان کی نمازِ جنازہ میں کافی کم لوگوں کو آنے کی اجازت دی گئی تھی۔
14 جون 2020لاطینی امریکہ کے ممالک میں مرض کے پھیلاؤ میں خطرناک حد تک اضافہ
،تصویر کا ذریعہGetty Images
چلی، ارجنٹینا، پیرو اور کولمبیا میں گذشتہ 24 گھنٹوں کے دوران کووِڈ 19 کے ریکارڈ متاثرین سامنے آئے ہیں جس کے بعد لاطینی امریکہ میں کورونا وائرس پھیلنے کے حوالے سے خدشات میں اضافہ ہوا ہے۔
مصدقہ متاثرین کی تعداد میں حالیہ اضافے کے بعد کئی طبی حکام کا کہنا ہے کہ یہ برِاعظم اب وبا کا مرکز بن چکا ہے۔ کئی حکومتوں کے پاس اب بھی ٹیسٹنگ کی ناکافی سہولیات ہیں، اس لیے خدشہ ہے کہ متاثرین کی اصل تعداد سامنے آنے والی تعداد سے کہیں زیادہ ہوسکتی ہے۔
- برازیل میں سنیچر کو 20 ہزار 894 متاثرین سامنے آئے جو پورے برِاعظم کی سب سے بڑی تعداد ہے۔ یہاں پر متاثرین اور ہلاکتوں کی تعداد امریکہ کے بعد دنیا میں دوسرے نمبر پر سب سے زیادہ ہے۔
- چلی کے وزیرِ اعظم سیبیسٹیئن پینیئرا نے وزیرِ صحت جیمی منیالیچ کو ملک میں ہلاکتوں کی تعداد رپورٹ کرنے پر تنازعے کی وجہ سے ہٹا دیا ہے۔
- میکسیکو میں گذشتہ تین دنوں میں متاثرین کی تعداد میں تیزی سے اضافہ ہوا ہے اور فی الوقت یہ لاطینی امریکہ کا چوتھا سب سے زیادہ متاثرہ ملک ہے۔
14 جون 2020بریکنگ, 2287 نئے متاثرین کے ساتھ سندھ ایک مرتبہ پھر پاکستان کا سب سے زیادہ متاثر صوبہ
سندھ میں گذشتہ 24 گھنٹوں کے دوران 2287 نئے متاثرین سامنے آئے ہیں جس کے بعد یہاں متاثرین کی کُل تعداد 53 ہزار 805 ہوگئی ہے۔
اب تک کے اعداد و شمار کے مطابق سندھ متاثرین کی تعداد کے اعتبار سے ایک مرتبہ پھر ملک کا سب سے زیادہ متاثرہ صوبہ بن گیا ہے۔
وزیرِ اعلیٰ ہاؤس سندھ سے جاری کردہ ایک اعلامیے کے مطابق گذشتہ 24 گھنٹوں میں مزید 15 مریض ہلاک ہوگئے ہیں جس کے بعد سندھ میں ہلاکتوں کی مجموعی تعداد 831 ہو گئی ہے۔
سرکاری اعلامیے کے مطابق گذشتہ 24 گھنٹوں میں 11 ہزار 197 ٹیسٹ کیے گئے جبکہ اب تک صوبے بھر میں دو لاکھ 98 ہزار 332 ٹیسٹ کیے جا چکے ہیں۔
اعلامیے میں بتایا گیا ہے کہ اس وقت 27 ہزار 368 مریض زیر علاج ہیں اور اس وقت 573 مریضوں کی حالت تشویشناک ہے۔
سرکاری اعداد و شمار کے مطابق آج 80 مریض وینٹی لیٹرز پر ہیں جبکہ آج 1219 مریض صحت یاب ہوکر گھروں کو چلے گئے جس کے بعد صحتیاب ہونے والے مریضوں کی تعداد 25 ہزار 606 ہوگئی ہے۔
حکومتِ سندھ کے مطابق گذشتہ 42 گھنٹے میں سب سے زیادہ 1499 متاثرین سندھ کے دارالحکومت کراچی سے سامنے آئے ہیں۔
سکھر سے 68، خیر پور 49، حیدرآباد 44، گھوٹکی 39، مٹیاری 38، شہید بے نظیر آباد 37، لاڑکانہ 22، سانگھڑ 20، میرپور خاص 15، کشمور 14، جامشورو 13، سجاول 10، شکار پور اور دادو سے 7، بدین 4، ٹھٹھہ اور نوشہروفیروز سے 3 اور قمبر سے 1 کیس رپورٹ ہوا۔
14 جون 2020دلی میں تھوکنے اور ماسک نہ پہننے پر جرمانہ دینا ہو گا
،تصویر کا ذریعہReuters
دلی کے لیفٹیننٹ گورنر انیل بیجل نے سماجی دوری اور حفاظتی قواعد کی خلاف ورزی سے متعلق نئے اصولوں کی منظوری دی ہے۔ نئے قواعد کے تحت اب لوگوں کو معاشرتی دوری اور حفاظت کے معیار پر عمل نہ کرنے پر جرمانہ عائد کیا جائے گا۔
دارالحکومت میں کورونا انفیکشن کے مریضوں کی تیزی سے بڑھتی ہوئی تعداد کے بعد یہ نئے قواعد لاگو کیے گئے ہیں۔
بیجل کے دفتر سے جاری بیان کے مطابق جسمانی فاصلے کے اصولوں کی خلاف ورزی، عوامی مقامات اور دفاتر میں ماسک نہ پہننے اور عوامی مقامات پر تھوکنے پر 500 روپے جرمانہ ہوگا۔
قواعد کی خلاف ورزی کرنے والوں کو 1000 روپے جرمانہ عائد کیا جائے گا۔ اگر جرمانہ فوری طور پر نہیں بھرا گیا تو آئی پی سی کی دفعہ 188 کے تحت کارروائی کی جائے گی۔
14 جون 2020بریکنگ, اسد عمر: وزیر اعظم صرف آپ کو ڈرانے کے لیے نہیں کہہ رہے تھے
،تصویر کا ذریعہGetty Images
پاکستان کے وفاقی وزیر اسد عمر نے اسلام آباد میں پریس کانفرنس سے مخاطب ہوتے ہوئے کہا ہے کہ ملک میں کورونا وائرس کے پھیلاؤ کے پہلے دو ماہ تک عوام نے نظم و ضبط دکھایا لیکن اس کے بعد ایسا نظر نہیں آیا جس کی وجہ سے روزبروز متاثرین میں اضافہ ہو رہا ہے۔
ان کا کہنا تھا کہ: ’انڈیا میں تیزی سے اموات میں اضافہ ہوا ہے۔ چین کے دارالحکومت بیجنگ میں دوبارہ اضافہ دیکھا گیا ہے۔ ہم صرف کورونا کے پھیلاؤ کی رفتار کم کر سکتے ہیں۔‘
اسد عمر کا کہنا تھا کہ جولائی کے آخر تک صوبوں میں دو ہزار مزید آکسیجن والے بستروں کا انتظام کیا جائے گا۔ سندھ میں 500، خیبر پختونخوا میں 400، پنجاب 500، بلوچستان 200، گلگت بلتستان میں 40، کشمیر میں 60 اور اسلام آباد میں 450 مزید بستروں کا اضافہ کیا جائے گا۔ ’صحت کے نظام کو بڑھانے کا کام جاری ہے۔‘
ان کا کہنا تھا کہ ٹیسٹنگ کے نظام کو بڑھانا بھی اہم ہے۔ ’ہم پہلے 500 ٹیسٹ کرتے تھے اور آج تقریباً 30 ہزار ٹیسٹ روزانہ ہو رہے ہیں۔ صلاحیت اس سے بھی زیادہ موجود ہے۔‘
’آج فیصلہ کیا ہے کہ اگلے 4 سے 6 ہفتوں کے دوران ہم ڈیڑھ لاکھ ٹیسٹ روزانہ کی صلاحیت حاصل کر لیں گے۔ اور روز کم از کم ایک لاکھ ٹیسٹ کیے جائیں گے۔‘
اسد عمر نے بتایا کہ اگر وبا کے پھیلاؤ میں کمی نہ لائی گئی تو کوئی بھی نظام مفلوج ہوسکتا ہے۔
انھوں نے یہ بھی کہا کہ ’دو ماہ تک قوم نے نظم و ضبط دکھایا لیکن اب ایسا نہیں ہو رہا۔۔۔ وزیر اعظم صرف آپ کو ڈرانے کے لیے متنبہ نہیں کر رہے تھے۔‘
ان کا اشارہ وزیر اعظم عمران خان کی ان تقاریر کی جانب تھا جن میں وہ عوام سے سماجی فاصلہ اختیار کرنے کا مطالبہ کر رہے تھے۔
14 جون 2020بریکنگ, اسد عمر: جولائی کے آخر تک پاکستان میں 10 سے 12 لاکھ متاثرین ہوسکتے ہیں
،تصویر کا ذریعہRadio Pakistan
پاکستان کے وفاقی وزیر اسد عمر نے اسلام آباد میں اتوار کو ایک پریس کانفرنس سے مخاطب ہوتے ہوئے متنبہ کیا کہ اگر حالات اسی طرح رہے تو جولائی کے آخر تک ملک میں 10 سے 12 لاکھ متاثرین ہوسکتے ہیں۔
ان کا کہنا تھا کہ: ’جب وزیر اعظم نے لاک ڈاؤن میں نرمی کی تو ساتھ تاکید کی گئی کہ حفاظتی تدابیر پر عمل سے کورونا کا پھیلاؤ کم ہوگا ورنہ تیزی آئے گی۔‘
’بد قسمتی سے یہ دیکھنے میں آیا ہے کہ جون کے وسط تک تقریباً ڈیڑھ لاک متاثرین کی تشخیص ہوئی ہے۔‘
ان کا کہنا تھا کہ: ’اگر تبدیلی نہ کی گئی تو ماہرین بتا رہے ہیں کہ جون کے آخر تک دگنا اضافہ ہوچکا ہوگا۔ مطلب یہ تعداد تین لاکھ بھی ہوسکتی ہے۔‘
انھوں نے مزید بتایا کہ ’اسی طرح ماہرین کی رائے ہے کہ جولائی کے آخر تک یہ تعداد 10 سے 12 لاکھ تک جاسکتی ہے۔ مطلب سات سے آٹھ گنا تک اضافہ۔۔۔ یہ پریشانی کی بات ہے۔‘
اسد عمر نے کہا کہ تحقیق کے مطابق ماسک پہننے سے وائرس کے پھیلاؤ میں کمی آسکتی ہے۔
14 جون 2020مختلف ممالک سے پاکستان آنے والی پروازوں کا شیڈول
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
وزارت اوورسیز پاکستانیز نے آئندہ ہفتے کے دوران پاکستان آنے والی پروازوں کا شیڈول جاری کیا ہے۔
14 جون 2020وبا کے دنوں میں اس سکھ گرودوارے کا لنگر برطانیہ میں ہزاروں افراد تک پہنچایا جا رہا ہے
کووڈ 19 کے دنوں میں برطانیہ کے ایک بڑے سکھ گرودوارے کو ہزاروں بے گھر افراد کے لیے ایمرجنسی فوڈ آپریشن مرکز میں تبدیل کر دیا گیا ہے۔اس گرودوارے کے کچن سے گرم کھانا ہسپتالوں کے وارڈز اور ایسے لوگوں تک بھی پہنچایا جاتا ہے جو آئسولیٹ ہوچکے ہیں۔ دیکھیے ہماری ڈیجیٹل ویڈیو
14 جون 2020یورپی یونین کے شینجن ممالک کے لیے سپین کی سرحد ’21 جون کو کھول دی جائے گی‘
،تصویر کا ذریعہReuters
سپین اپنی سرحدیں یورپی یونین کے شینجن ممالک کے لیے 21 جون کو کھول دے گا۔ تاہم پرتگال کے لیے سپین کی سرحد یکم جولائی سے کھلے گی۔
خبر رساں ادارے روئٹرز کے مطابق سپین کی حکومت نے اس سے قبل یہ کہا تھا کہ وہ غیر ملکی سیاحوں کو یکم جولائی سے خود ساختہ قرنطینہ کے بغیر داخلے کی اجازت دیں گے۔
آزمائش کے تحت بلیرک جزیروں پر پیر سے سیاحوں کی آمد کا سلسلہ شروع ہو جائے گا۔
14 جون 2020انڈیا: کورونا کے علاج کے لیے ریمڈیسیور کے علاوہ ٹوسلی ذوماب اور پلازما تھیراپی کی منظوری
،تصویر کا ذریعہReuters
انڈیا میں کورونا وائرس سے متاثرہ مریضوں کے مخصوص گروہوں کے علاج کے لیے ریمڈیسیور کے علاوہ ٹوسلی ذوماب اور پلازما تھیراپی کے استعمال کی اجازت دے دی گئی ہے۔
اس کے ساتھ ساتھ انڈین وزارت صحت نے کورونا انفیکشن کی علامات میں سونگھنےاور چکھنے کی صلاحیت ختم ہونا شامل کر لیا ہے۔
ریمڈیسیور ایک اینٹی وائرل دوا ہے جو کیلیفورنیا میں قائم بائیوفرما کمپنی جیلڈ سائنسز نے ایبولا کے علاج کے لیے بنائی تھی۔ کووڈ 19 مریضوں کے علاج کے لیے دنیا بھر میں اس دوا کی طبی آزمائش کی گئی اور اس کے مختلف نتائج سامنے آئے ہیں۔
جوڑوں کے امواض کے لیے ٹوسلی ذوماب کو استعمال کیا جاتا ہے لیکن ممبئی میں کورونا کے مریضوں کو بھی ٹوسلی ذوماب دی گئی ہے۔
وزارت کے مطابق دلی میں کورونا کے مریضوں کا پلازمہ تھیراپی سے علاج کیا گیا ہے لیکن ہر بار حوصلہ افزا نتائج نہیں ملے۔
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
14 جون 2020برطانوی حکومت ’سماجی فاصلے کے اصول کا جائزہ لے گی‘
،تصویر کا ذریعہReuters
برطانیہ کے وزیر خزانہ رشی سونک کا کہنا ہے کہ کورونا وائرس کے نتیجے میں ملکی معیشت کو 25 فیصد کے معاشی بحران سے ابھرنے میں مدد کے لیے برطانوی حکومت دو میٹر سماجی دوری کے اصول کا فوری طور پر جائزہ لے گی۔
سونک کا کہنا تھا کہ کووڈ 19 کے پھیلاؤ سے نمٹنے میں پیشرفت کا مطلب یہ ہے کہ موجودہ حالات کے پیشِ نظر دو میٹر کے قاعدے پر نظر ثانی کے لیے اس کا دوبارہ جائزہ لیا جا سکتا ہے۔
،تصویر کا ذریعہReuters
ان کے مطابق متعدد افراد کا کہنا ہے کہ لاک ڈاؤن کے بعد انھیں تیزی سے کاروبار شروع کرنے میں مشکلات کا سامنا ہو سکتا ہے۔
14 جون 2020کورونا وائرس: پلازمہ عطیہ کرنا کیوں ضروری ہے؟
پاکستان میں پلازمہ کے عطیہ سے کورونا وائرس کے مریضوں کو خاصی مدد ملتی ہے۔ طبی ماہرین کے مطابق پلازمہ کا عطیہ دینا بے حد ضروری ہے لیکن لوگوں میں اس بارے میں اب بھی بہت سے خدشات پائے جاتے ہیں۔
پلازمہ کا عطیہ کیا ہے، یہ کیوں ضروری ہے اور یہ ہوتا کیسے ہے، ان تمام سوالات کے جواب دے رہے ہیں ڈاکٹر طاہر شمسی اس ویڈیو میں۔
14 جون 2020ایران پہنچنے میں مشکلات: پاکستانی آم تفتان میں پڑے پڑے خراب ہو رہے ہیں, محمد کاظم، بی بی سی اردو کوئٹہ
،تصویر کا ذریعہAsif Baloch
کورونا وائرس پر قابو پانے کے لیے لگائی گئی پابندیوں کی وجہ سے ایران جانے میں تاخیر سے بلوچستان کے سرحدی شہر تفتان میں پاکستانی تاجروں کا آم خراب ہورہا ہے۔
بی بی سی سے بات کرتے ہوئے تفتان کے مقامی تاجر صفی اللہ نے بتایا کہ ایران ایکسپورٹ کے لیے آموں کی ایک بڑی کھیپ تفتان میں پڑی ہے۔
ان کا کہنا تھا کہ تفتان سے ہفتے میں تین دن گاڑیوں کو ایران سے آنے اور جانے کی اجازت ہوتی ہے اور ان تین دنوں کے دوران ہر روز 70 کے قریب گاڑیاں ایران سے آ کر واپس جاسکتی ہیں۔
صفی اللہ کے مطابق ان گاڑیوں میں 40 سے زائد گیس کے باﺅزر ہوتے ہیں جبکہ باقی جو کنٹینر بچ جاتے ہیں ان میں وہ تمام آم نہیں جاسکتے جو یہاں پڑے ہوئے ہیں۔
ان کا کہنا تھا کہ تاخیر کی وجہ سے تاجروں کے آم خراب ہو رہے ہیں اور اس سے ان کو بڑے پیمانے پر نقصان ہورہا ہے۔
انھوں نے پاکستانی حکام سے اپیل کی کہ آموں سمیت جلدی خراب ہونے والی تمام اشیا کے روزانہ کی بنیاد پر ایران جانے کا انتظام کیا جائے۔
ان کا کہنا تھا کہ ’اگر یہ ممکن نہیں ہے تو ایران سے یہ کہا جائے کہ وہ ان تین دنوں کے دوران 70 کی بجائے زیادہ کنٹینرز بھیج دے تاکہ آموں کے ایران بھیجنے میں تاخیر نہ ہو اور تاجر بڑے نقصان سے بچ سکیں۔‘
،تصویر کا ذریعہAsif Baloch
،تصویر کا ذریعہAsif Baloch
14 جون 2020پنجاب: لاہور کے بعد راولپنڈی اور فیصل آباد میں سب سے زیادہ متاثرین
،تصویر کا ذریعہPunjab Health Department
پنجاب کے محکمہ صحت کے مطابق 13 جون کو کورونا وائرس کے 2514 نئے متاثرین کی تصدیق ہوئی۔ متاثرین کی کل تعداد 50,601 ہوگئی ہے۔
13 جون کو مزید 31 اموات ہوئیں جس کے بعد پنجاب میں کل اموات 969 ہوچکی ہیں۔
اب تک 338,714 ٹیسٹ کیے جا چکے ہیں اور 17,560 افراد صحتیاب ہوئے ہیں۔
لاہور میں کل متاثرین کی تعداد 26429 ہے جبکہ اس کے بعد راولپنڈی میں 4145 اور فیصل آباد میں 3677 متاثرین موجود ہیں۔
گذشتہ روز بھی لاہور میں 1331 افراد میں کورونا کی تشخیص ہوئی ہے۔
اس کے علاوہ پنجاب میں 925 ہیلتھ کیئر ورکرز کے کووڈ 19 ٹیسٹ مثبت آئے ہیں۔
صوبے میں 16 سے 45 سال عمر کے افراد میں وائرس سب سے زیادہ پایا گیا ہے۔
14 جون 2020کورونا وائرس ’آخری وبا‘ نہیں
،تصویر کا ذریعہGetty Images
یونیورسٹی آف لیورپول کے پروفیسر میتھیو بیلِس کا کہنا ہے کہ 'پچھلے 20 برسوں میں ہمیں چھ خطروں کا سامنا کرنا پڑا۔ ان میں سارس، مرس، ایبولا، ایوین انفلوئنزا اور سوائن فلو شامل ہیں۔‘
وہ مزید کہتے ہیں کہ ’ہم پانچ کو تو جھکائی دے کر بچ گئے مگر چھٹے کی زد میں آ ہی گئے۔‘
'اور یہ آخری عالمی وبا نہیں ہے جس کا ہمیں سامنا ہے۔ اسی لیے ہمیں جنگلی حیات کے امراض کا زیادہ گہرا مطالعہ کرنے کی ضرورت ہے۔'
مکمل تحریر
14 جون 2020دلی میں بستروں کی قلت، وائرس مزید پھیلنے کا خدشہ
،تصویر کا ذریعہAFP
انڈیا میں کورونا وائرس کے بڑھتے متاثرین نے صحت کے نظام پر بوجھ ڈال دیا ہے جس کے بعد ایک بڑے بحران کی صورتحال پیدا ہوگئی ہے۔
خبر رساں ادارے اے ایف پی کے مطابق دلی میں کئی لوگوں کو ہسپتال سے واپس گھر بھیجا جا رہا ہے کیونکہ بستروں کی عدم دستیابی ہے۔
انڈیا کے دارالحکومت میں وائرس سے 1200 اموات ہوچکی ہیں اور روز ایک ہزار نئے متاثرین کی تصدیق ہو رہی ہے۔
دلی کی بعض مقامی کونسلز کا کہنا ہے کہ حکومتی اعداد و شمار کے برعکس یہ تعداد کئی زیادہ ہوسکتی ہے۔
ذرائع ابلاغ پر ایسی افسوسناک خبریں چلائی جا رہی ہیں جن میں تشویشناک حالت میں آنے والے مریضوں کو ہسپتال داخل نہیں کیا گیا۔
ایک حاملہ خاتون کی ہلاکت اس وقت پیش آئی جب انھیں دوسرے ہسپتال منتقل کیا جا رہا تھا۔ ایک 78 سالہ شخص نے دلی کی ہائیکورٹ میں درخواست دائر کی ہے کہ انھیں وینٹیلیٹر نہیں دیا جا رہا۔ اس مقدمے کی سماعت سے قبل ہی ان کی موت واقع ہوگئی۔
اشون جین کے خاندان نے کئی ہسپتالوں سے گزارش کی کہ انھیں داخل کیا جائے لیکن کسی نے ایسا نہ کیا۔ وہ ایمبولینس میں ہی ہلاک ہوگئے۔
انڈیا میں اس وقت کورونا کے تین لاکھ سے زیادہ متاثرین ہیں اور تقریباً نو ہزار اموات ہوچکی ہیں۔
14 جون 2020پشاور میں کورونا کے 71 سالہ مریض کی ہسپتال میں سالگرہ منائی گئی
پشاور کے ایک ہسپتال کے انتہائی نگہداشت کے یونٹ میں داخل کورونا وائرس کے 71 سالہ مریض اسد نوید نے اپنی سالگرہ منانے کی خواہش ظاہر کی تو ڈاکٹروں نے کیک کا انتظام کیا اور خود تقریب میں شریک بھی ہوئے۔ آپ بھی اس لمحے کی ویڈیو دیکھیں۔
14 جون 2020ترجمان ریلوے: شیخ رشید کی طبیعت اب بہتر ہے
،تصویر کا ذریعہAFP
وفاقی وزیر ریلوے شیخ رشید، جن میں کچھ دن قبل کورونا کی تشخیص ہوئی تھی، کی طبیعت اب بہتر ہے لیکن وہ فی الحال ہسپتال داخل ہیں۔
سرکاری چینل پی ٹی وی نیوز کے مطابق ترجمان ریلوے کا کہنا ہے کہ شیخ رشید کو کچھ دیر قبل ایم ایچ ہسپتال منتقل کیا گیا ہے اور ان کی طبعیت ’بہتر ہے۔‘
ان کا مزید کہنا ہے کہ سہولیات کے پیش نظر انھیں ہسپتال داخل کرایا گیا۔ ’کچھ دیر قبل بھی رابطہ ہوا۔ شیخ صاحب بالکل ٹھیک ہیں۔‘
وفاقی وزیر علی محمد خان نے کہا ہے کہ: ’شیخ رشید صاحب ہمارے انتہائی اہم اور پیارے ساتھی ہیں۔ غریب نواز اور ہمیشہ کابینہ میں عوام کی بات کرنے والے ہیں۔ اللہ ان کو صحت کاملہ عطا فرمائے، آمین۔‘

انڈیا میں 10 ہزار سے زیادہ اموات، برازیل میں ایک دن میں تقریباً 35 ہزار نئے کیس

لائیو کوریج

14 جون 2020سائنسدان وائرس کے لیے متعدد مؤثر ویکسین کے لیے پُرامید

14 جون 2020ملک بھر میں کورونا سے 53 ڈاکٹروں سمیت طبی عملے کے 68 ارکان کی ہلاکت کا دعویٰ, محمد زبیر خان، صحافی

14 جون 2020پاکستانی فوج کے افسر میجر فہیم کورونا کے باعث انتقال کر گئے

14 جون 2020لاطینی امریکہ کے ممالک میں مرض کے پھیلاؤ میں خطرناک حد تک اضافہ

14 جون 2020بریکنگ, 2287 نئے متاثرین کے ساتھ سندھ ایک مرتبہ پھر پاکستان کا سب سے زیادہ متاثر صوبہ

14 جون 2020دلی میں تھوکنے اور ماسک نہ پہننے پر جرمانہ دینا ہو گا

14 جون 2020بریکنگ, اسد عمر: وزیر اعظم صرف آپ کو ڈرانے کے لیے نہیں کہہ رہے تھے

14 جون 2020بریکنگ, اسد عمر: جولائی کے آخر تک پاکستان میں 10 سے 12 لاکھ متاثرین ہوسکتے ہیں

14 جون 2020مختلف ممالک سے پاکستان آنے والی پروازوں کا شیڈول

14 جون 2020وبا کے دنوں میں اس سکھ گرودوارے کا لنگر برطانیہ میں ہزاروں افراد تک پہنچایا جا رہا ہے

14 جون 2020یورپی یونین کے شینجن ممالک کے لیے سپین کی سرحد ’21 جون کو کھول دی جائے گی‘

14 جون 2020انڈیا: کورونا کے علاج کے لیے ریمڈیسیور کے علاوہ ٹوسلی ذوماب اور پلازما تھیراپی کی منظوری

14 جون 2020برطانوی حکومت ’سماجی فاصلے کے اصول کا جائزہ لے گی‘

14 جون 2020کورونا وائرس: پلازمہ عطیہ کرنا کیوں ضروری ہے؟

14 جون 2020ایران پہنچنے میں مشکلات: پاکستانی آم تفتان میں پڑے پڑے خراب ہو رہے ہیں, محمد کاظم، بی بی سی اردو کوئٹہ

14 جون 2020پنجاب: لاہور کے بعد راولپنڈی اور فیصل آباد میں سب سے زیادہ متاثرین

14 جون 2020کورونا وائرس ’آخری وبا‘ نہیں

14 جون 2020دلی میں بستروں کی قلت، وائرس مزید پھیلنے کا خدشہ

14 جون 2020پشاور میں کورونا کے 71 سالہ مریض کی ہسپتال میں سالگرہ منائی گئی

14 جون 2020ترجمان ریلوے: شیخ رشید کی طبیعت اب بہتر ہے