کورونا وائرس: بلوچستان میں کورونا کے 304 نئے مریض، خیبرپختونخوا میں متاثرین 15 ہزار سے زیادہ

لائیو کوریج

1. 7 جون 2020اجمل وزیر: ’بلاول سندھ پر توجہ دیں، خیبر پختونخوا میں کورونا صورتحال قابو میں ہے‘

   

   ،تصویر کا ذریعہRadio Pakistan

   خیبر پختونخوا کے مشیرِ اطلاعات اجمل وزیر نے پاکستان پیپلز پارٹی کے چئیرمین بلاول بھٹو پر تنقید کرتے ہوئے کہا ہے کہ بلاول سندھ پر توجہ دیں، خیبر پختونخوا میں کورونا صورتحال قابو میں ہے۔

   یاد رہے گذشہ روز پریس کانفرنس سے خطاب میں بلاول بھٹو نے وفاقی حکومت کو تنقید کا نشانہ بناتے ہوئے کہا تھا کہ شروع میں لاک ڈاؤن اچھی طرح اپنایا گیا مگر بعد میں ایک سازش کے تحت اس کے خلاف کام کیا گیا۔

   اجمل وزیر کا مزید کہنا تھا کہ خیبر پختونخوا میں عالمی ادارہ صحت کی گائیڈ لائنز کے مطابق متاثرین کی رپورٹنگ ہورہی ہے اور یہاں کورونا سے صحتیابی کی شرح سندھ سے کافی بہتر ہے۔

   اجمل وزیر کا یہ بھی کہنا تھا کہ نیشنل کوارڈینیشن کمیٹی میں وزیر اعلیٰ سندھ کو سب سے زیادہ وقت دیا جاتا ہے جس کا میں خود اور تمام صوبوں کے وزرائے اعلی گواہ ہیں۔

   ان کا کہنا تھا کہ وزیراعظم کی قیادت میں قومی رابطہ کمیٹی میں وزیر اعلی سندھ سمیت تمام وزرائے اعلی سے تمام ایشوز پر تفصیلی گفتگو ہوتی ہے اور تمام صوبوں اور پاکستان کے زیرِ انتظام کشمیر کے وزیراعظم کی مشاورت سے تمام تر فیصلے ہوتے ہیں۔ ان کا کہنا تھا کہ سندھ کے حکمرانوں کی منطق سمجھ نہیں آتی کہ باہر آکر کیوں اس طرح بے جا تنقید کرتے ہیں۔

   خیبر پختونخوا میں کورونا وائرس کی صورتحال کے حوالے سے بات کرتے ہوئے اجمل وزیر‎‎‎ کا کہنا تھا کہ صوبہ بھر کے 49 ہسپتالوں کے طبی عملے کو کورونا وائرس سے نمٹنے کے لیے حفاظتی سامان کی ساتویں کھیپ مہیا کردی گئی۔

2. 7 جون 2020لوگوں کے پاس شاید پیسے تو ہوں مگر اب آئی سی یو میں بستر میسر نہیں، مرتضیٰ وہاب

   پاکستان کے صوبہ سندھ میں گذشتہ 24 گھنٹوں کے دوران مزید 1744 افراد میں کورونا وائرس کی تصدیق ہوئی ہے۔ اس صورتحال پر ٹویٹ کرتے ہوئے وزیر اعلیٰ سندھ کے مشیر مرتضیٰ وہاب کا کہنا تھا کہ ’وہ لوگ جو کاروبار یا خریداری مراکز دوبارہ کھولنے میں زیادہ دلچسپی رکھتے تھے اب انھیں خوش ہونا چاہیے کیونکہ لوگوں کے پاس شاید پیسے تو ہوں لیکن اب آئی سی یو میں بستر میسر نہیں۔‘

   یاد رہے گذشتہ روز اپنی ٹویٹ میں مرتضیٰ وہاب کا کہنا تھا کہ سندھ کے ہسپتالوں کے آئی سی یو یعنی انتہائی نگہداشت کے یونٹس میں مریضوں کی تعداد میں تیزی سے اضافہ ہو رہا ہے۔

   X پوسٹ نظرانداز کریں

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام

3. 7 جون 2020کورونا وائرس: پالتو جانور مالکان کے خوف کی وجہ سے بے گھر

   مشرقِ وسطیٰ میں کچھ پالتو جانوروں کے مالکان نے کورونا وائرس کے خدشے کی وجہ سے انھیں اپنے پاس رکھنے سے انکار کر دیا ہے جبکہ یہ ابھی تک ثابت نہیں ہو سکا کہ وائرس کے پھیلاؤ میں جانوروں کا کوئی قابلِ ذکر کردار ہے۔

4. 7 جون 2020کورونا وائرس: افغانستان میں یومیہ ہلاکتوں کی ریکارڈ تعداد

   

   ،تصویر کا ذریعہEPA

   افغانستان میں گذشتہ 24 گھنٹوں کے دوران کورونا وائرس سے مزید 30 ہلاکتوں کی تصدیق کی گئی ہے۔ یہ اب تک یومیہ ہلاکتوں کی سب سے زیادہ تعداد ہے۔

   افغانستان میں کورونا وائرس کے تصدیق شدہ متاثرین کی کل تعداد بھی بڑھ کر 20342 ہوگئی ہے۔

   سب سے زیادہ اموات دارالحکومت کابل میں ہوئیں جن کی تعداد 23 ہے۔

   شہر کے گورنر محمد یاغوب حیدری نے متنبہ کیا ہے کہ شہر میں انفیکشن کی اصل تعداد سرکاری اعداد و شمار سے کہیں زیادہ ہوسکتی ہے۔

   افغانستان میں اتوار سے عوامی مقامات پر ماسک پہننا لازمی ہے اور دو میٹر جسمانی فاصلہ برقرار رکھنے کی بھی ہدایات ہیں۔

5. 7 جون 2020بریکنگ, پاکستان میں متاثرین کی تعداد ایک لاکھ سے تجاوز کر گئی، 2018 اموات

   پاکستان میں کورونا وائرس کے متاثرین کی تعداد 100687 ہو گئی ہے جبکہ اب تک اس وائرس سے ہلاک ہونے والوں کی تعداد 2018 ہے۔

   پاکستان میں کورونا وائرس کے سب سے زیادہ متاثرین صوبہِ سندھ میں جہاں ان کی تعداد 38108 ہے۔ جبکہ اب تک سب سے زیادہ 683 اموات صوبہ پنجاب میں ہوئی ہیں۔

   خیبرپختونخوا میں متاثرین کی تعداد 13001 اور اموات 561 ہیں جبکہ بلوچستان میں متاثرہ افراد کی تعداد 6221 اور 54 ہلاکتیں ہوئی ہیں۔

   پاکستان کے وفاقی دارالحکومت اسلام آباد میں اب تک 4979 افراد اس وائرس سے متاثر ہوئے ہیں جبکہ 49 افراد کی ہلاکت ہوئی ہے۔

   پاکستان کے زیر انتظام کشمیر میں متاثرہ افراد کی تعداد 361 اور اموات آٹھ ہے جبکہ گلگت بلتستان میں مریضوں کی تعداد 927 اور 13 ہلاکتیں ہوئی ہیں۔

   پاکستان میں اب تک 33976 افراد صحت یاب بھی ہو چکے ہیں۔

   

6. 7 جون 2020بریکنگ, کورونا وائرس: سندھ میں 1744 نئے مریض، مزید 16 اموات

   

   ،تصویر کا ذریعہGetty Images

   پاکستان کے صوبہ سندھ میں مزید 1744 افراد میں کورونا وائرس کی تصدیق ہوئی ہے جس کے بعد صوبے میں متاثرین کی کل تعداد 38108 ہو گئی ہے جبکہ 16 مزید اموات کی بھی تصدیق کی گئی ہے۔

   وزیراعلیٰ سندھ سید مراد علی شاہ کے مطابق صوبے میں اموات کی مجموعی تعداد 650 ہوگئی ہے۔

   ان کا کہنا تھا کہ اس وقت کوورنا وائرس کے 1362 مریض صوبے کے مختلف ہسپتالوں میں زیر علاج ہیں اور 414 مریضوں کی حالت تشویشناک ہے۔

   سندھ میں مزید 511 مریض صحت یاب ہوئے ہیں جس کے بعد صحتیاب ہونے والے مریضوں کی کل تعداد 18776 ہو گئی ہے۔

   وزیراعلیٰ سندھ کے مطابق صوبے میں کورونا وائرس سے صحتیابی کی شرح 49.3 فیصد ہے۔

   سندھ میں اس وقت 18682 مریض زیر علاج ہیں جن میں سے 17257 مریض گھروں میں آئسولیشن میں ہیں جبکہ 63 مریض آئسولیشن سینٹرز میں ہیں۔

   وزیراعلیٰ سندھ کے مطابق صوبے کے 1744 متاثرین میں 1081 کراچی سے سامنے آئے ہیں۔

7. 7 جون 2020ڈپٹی کشمنر اسلام آباد: ’پاک نگہبان ایپ ایک بہترین اقدام ہے‘

   پاکستان کے وفاقی دارالحکومت اسلام آباد کے ڈپٹی کمشنر نے نیشنل انفارمیشن ٹیکنالوجی کی تعریف کرتے ہوئے پاک نگہبان ایپ کو ایک بہترین اقدام قرار دیا ہے۔

   ٹوئٹر پر اپنے پیغام میں انھوں نے لکھا کہ اس اس ایپ کی مدد سے کورونا وائرس کے مریض اپنے قریبی ہسپتال میں دستیاب بیڈ اور وینٹی لیٹر سے متعلق اعدادوشمار حاصل کر سکیں گے اور وقت ضائع کیے بغیر وہاں پہنچ پائیں گے۔

   X پوسٹ نظرانداز کریں

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام

8. 7 جون 2020ماسک کی کون سی قسم وائرس کو کتنا روک سکتی ہے؟

   

   ،تصویر کا ذریعہReuters

   کپڑے اور کاغذ کے ماسک عوام میں کووِڈ-19 پھیلنے سے تو روک سکتے ہیں لیکن یہ کسی بھی طرح انتہائی نگہداشت کے وارڈ میں استعمال کے لیے موزوں نہیں ہوتے۔

   یہاں انفیکشن کا خطرہ سب سے زیادہ ہوتا ہے اور طبی عملے کو بلند ترین معیار کا حفاظتی سامان چاہیے ہوتا ہے تاکہ وہ خود کو وائرس سے مکمل طور پر محفوظ کر سکیں۔

   ماسک کی سادہ ترین مثال سرجیکل ماسک ہے جو عام طور پر کپڑے یا کاغذ کی تین تہوں سے بنایا جاتا ہے۔

   مکمل تحریر

9. 7 جون 2020فلپائن میں کورونا سے اموات ایک ہزار سے تجاوز کر گئیں, انڈونیشیا میں 672 نئے متاثرین

   

   ،تصویر کا ذریعہReuters

   خبر رساں ادارے روئٹرز کے مطابق فلپائن میں اتوار کو کورونا سے نو مزید اموات کے بعد کل ہلاکتوں کی تعداد 1003 ہوگئی ہے۔

   اسی دوران 555 نئے متاثرین کے ساتھ کل متاثرین کی تعداد 21,895 ہوگئی ہے۔

   دوسری طرف انڈونیشیا میں 672 نئے کیسز اور 50 اموات کی تصدیق ہوئی ہے۔

   ملک میں وزارت صحت کے مطابق اب تک 31,186 افراد میں کووڈ 19 کی تشخیص ہوچکی ہے جبکہ 1851 اموات پیش آئی ہیں۔

   ملک میں 10,498 افراد صحتیاب بھی ہوئے ہیں۔

10. 7 جون 2020ڈاکٹر ظفر مرزا: ’74 فیصد اموات میں لوگ پہلے سے کسی بیماری میں مبتلا تھے‘

    پاکستان میں وزیراعظم عمران خان کے معاون خصوصی برائے صحت ڈاکٹر ظفر مرزا نے کہا ہے کہ ملک میں ہونے والی 74 فیصد اموات میں لوگ پہلے سے ہی کسی بیماری میں مبتلا تھے۔

    انھوں نے کہا کہ پہلے سے کسی بیماری میں مبتلا شخص کے کورونا سے متاثر ہونے کا خدشہ زیادہ ہوتا ہے۔

    اسلام آباد میں پریس کانفرنس کرتے ہوئے انھوں نے بتایا کہ معمر افراد کی دیکھ بھال کے لیے الگ گائیڈ لائنز بنائی گئی ہیں جو کووڈ 19 کی ویب سائٹ پر موجود ہیں۔

    ڈاکٹر ظفر مرزا نے بتایا کہ روزانہ کی بنیاد پر ٹیسٹنگ میں اضافہ ہو رہا ہے اور گذشتہ 24 گھنٹے میں 23 ہزار سے زیادہ ٹیسٹ کیے گئے ہیں جبکہ اب تک پاکستان میں 6 لاکھ 83 ہزار سے زیادہ ٹیسٹ کیے جا چکے ہیں۔

    انھوں نے یہ بھی بتایا کہ کورونا سے متاثر ہونے والے 34 فیصد مریض اب مکمل طور پر صحت یاب ہو چکے ہیں جبکہ پانچ ہزار لوگ مختلف ہستاپوں میں زیر علاج ہیں جن میں سے 262 وینٹی لیٹر پر ہیں۔

11. 7 جون 2020رکن پنجاب اسمبلی نذیر چوہان میں کورونا کی تشخیص

    

    ،تصویر کا ذریعہGovt of Punjab

    پاکستان میں صوبہ پنجاب کے رکن صوبائی اسمبلی نذیر چوہان میں کورونا وائرس کی تشخیص ہوئی ہے۔ انھوں نے دو ہفتوں کے لیے خود کو قرنطینہ کر لیا ہے۔

    سنیچر کو حکومت پنجاب کے ترجمان ناصر سلمان کا کورونا وائرس کا ٹیسٹ مثبت آیا تھا۔ ان کا کہنا تھا کہ انھوں نے علامات ظاہر ہونے پر ٹیسٹ کرایا جو مثبت آیا۔

    ’خود کو دو ہفتوں کے لیے آئسولیٹ کر لیا ہے، احباب سے دعاؤں کی درخواست ہے۔‘

    اس سے قبل سپیکر قومی اسمبلی اسد قیصر، وزیر تعلیم سندھ سعید غنی سمیت کئی پاکستانی رہنما کورونا سے صحتیاب ہو چکے ہیں۔

    مسلم لیگ ن کے رکن پنجاب اسمبلی شوکت چیمہ کورونا وائرس سے ہلاک ہوئے تھے۔

12. 7 جون 2020ملائیشیا میں صورتحال ’قابو میں‘، بحالی کا مرحلہ 31 اگست تک

    

    ،تصویر کا ذریعہReuters

    خبر رساں ادارے روئٹرز کے مطابق ملائیشیا میں حکام نے کہا ہے کہ بدھ سے کاروباری مراکز پر اکثر سختیاں ختم کر دی جائیں گی۔ بین الاریاستی سفری پابندی بھی ہٹائی جا رہی ہے۔

    ملک میں بین الاقوامی سرحد کی بندش کے ساتھ تقریباً تین ماہ تک لاک ڈاؤن نافذ رہا ہے۔

    ملائیشیا کے وزیر اعظم نے اتوار کو اعلان کیا کہ ملک میں کورونا وائرس کی عالمی وبا سے پیدا ہونے والی صورتحال اب ’قابو میں ہے۔‘

    انھوں نے کہا ہے کہ بحالی کا دورانیہ 31 اگست تک جاری رہے گا۔

    گذشتہ ماہ ملک میں کاروباری مراکز کھولنے کی اجازت دی گئی تھی لیکن سماجی فاصلے کی ہدایات اب بھی نافذ ہیں۔ 18 مارچ کو تمام غیر ضروری کاروبار اور سکول بند کرنے کا حکم دیا گیا تھا جبکہ نقل و حرکت اور عوامی اجتماعات پر پابندی عائد کی گئی تھی۔

    اب تک ملک میں کورونا کے 8303 متاثرین اور 117 اموات کی تصدیق ہوئی ہے۔

13. 7 جون 2020تائیوان میں لوگوں کی محدود تعداد ماسک پہن کر جمع ہوسکے گی

    

    ،تصویر کا ذریعہGetty Images

    خبر رساں ادارے روئٹرز کے مطابق تائیوان کی حکومت احکامات میں مزید نرمی کر رہی ہے۔ یہاں کورونا کے محض چھ مریض زیر علاج ہیں اور 56 دنوں سے ایک بھی فرد میں وائرس مقامی طور پر منتقل نہیں ہوا۔

    تائیوان ان ممالک میں سے ہیں جہاں ایک بھی دن کے لیے لاک ڈاؤن نافذ نہیں کیا گیا۔ یہاں حفاظتی تدابیر کے نفاذ کے ساتھ کووڈ 19 کے پھیلاؤ کو روکا گیا ہے۔

    حکام نے کہا ہے کہ وہ ’روزمرہ اور تفریح کی سرگرمیوں‘ کے لیے لوگوں کو جمع ہونے کی اجازت دیں گے لیکن انھیں اس صورت میں ماسک پہننا ہوگا اگر وہ سماجی فاصلہ قائم نہیں رکھ سکتے۔

    شائقین کی محدود تعداد کھیلوں کے مقابلوں دیکھ سکے گی۔ ٹرین پر کھانے کی سروس کی اجازت بھی دی گئی ہے۔

    تاہم ملک میں داخلے سے متعلق رکاوٹیں اب بھی نافذ ہیں۔ برطانیہ اور امریکہ سمیت ان ممالک کے شہریوں کے داخلے پر سختی رہے گی جہاں وبا اب بھی پھیل رہی ہے۔

    اب تک تائیوان میں کورونا کے 443 متاثرین اور سات اموات کی تصدیق ہوئی ہے۔

14. 7 جون 2020پاکستان: پنجاب میں کورونا کے زیادہ متاثرین کن شہروں میں موجود ہیں؟

    

    ،تصویر کا ذریعہGetty Images

    پاکستان کے صوبہ پنجاب کے ترجمان پرائمری اینڈ سیکنڈری ہیلتھ کئیر کے مطابق صوبے میں کورونا وائرس کے کل متاثرین کی تعداد 37090 جبکہ 683 اموات ہو چکی ہیں۔

    مخلتف شہروں میں رپورٹ ہونے والے 1782 نئے کیسز کی تفصیل کچھ یوں ہے:

    لاہور میں 691، ننکانہ 7، قصور 19، شیخوپورہ 13، راولپنڈی 143، جہلم ایک، اٹک پانچ، چکوال ایک، گوجرانوالہ 58، سیالکوٹ میں 31 نئے کیس رپورٹ ہوئے۔

    

    ،تصویر کا ذریعہGovt of Punjab

    ترجمان پرائمری اینڈ سیکنڈری ہیلتھ کئیر کے مطابق نارووال میں سات، گجرات 84، حافظ آباد چھ، منڈی بہاﺅالدین دو، ملتان 111، خانیوال پانچ، وہاڑی 16، فیصل آباد 291، چنیوٹ دو، ٹوبہ ٹیک سنگھ چھ، جھنگ چار اور رحیم یار خان میں 15 نئے کیس سامنے آئے۔

    سرگودھا میں چار، میانوالی چار، خوشاب ایک، بہاونگر 10، بہاولپور37، ڈی جی خان 133، مظفر گڑھ 41، لیہ 12، ساہیوال چھ، اوکاڑہ 10اور پاکپتن میں چھ نئے کیس سامنے آئے۔

15. 7 جون 2020ہم حالتِ جنگ سے کورونا کے مقابلے کے بارے میں کیا سیکھ سکتے ہیں؟

16. 7 جون 2020بچوں کو کووڈ 19 سے کتنا خطرہ ہے؟

    

    ،تصویر کا ذریعہGetty Images

    بچوں کو کورونا وائرس ہو سکتا ہے مگر اس بات کے امکانات انتہائی کم ہوتے ہیں کہ وائرس کا شکار بننے کے بعد وہ زیادہ بیمار پڑ جائیں۔

    یہ بات واضح نہیں ہے کہ وہ اس وائرس کو ایک دوسرے میں یا بالغ افراد میں کس حد تک منتقل کرنے کا باعث بن سکتے ہیں۔

    اب تک سامنے آنے والی تفصیلات کے مطابق ہم یہ جان پائے ہیں کہ بڑی عمر کے افراد کورونا وائرس سے ہونے والی پیچیدگیوں کا زیادہ شکار بنتے ہیں۔

    مکمل تحریر

17. 7 جون 2020پاکستان: صوبہ بلوچستان میں 40 دن میں کورونا کے پانچ ہزار کیس

    

    ،تصویر کا ذریعہHealth department Balochistan

    پاکستان کے صوبہ بلوچستان میں کورونا کے 6 ہزار کیسز میں سے ایک ہزار کیس 50 دن میں جبکہ باقی 5 ہزار 40 دن میں سامنے آئے ہیں۔

    محکمہ صحت کی رپورٹس میں اس کی سب سے بڑی وجہ احتیاطی تدابیر پر عملدرآمد نہ کرنے اور لاک ڈاﺅن میں نرمی کو قرار دیا گیا ہے۔

    بلوچستان میں اس وقت کورونا کے مجموعی کیسز کی تعداد 6 ہزار 221 ہے۔

    محکمہ صحت حکومت بلوچستان کی یومیہ رپورٹ میں ان میں سے 6 ہزار کیسز کا ہر ہزار کیس کی بنیاد پر ایک جائزہ پیش کیا گیا ہے۔

    اس جائزے کے مطابق پہلے ہزار کیس 50 دن میں سامنے ہوئے، دوسرے ہزار کیس 11 دن میں، تیسرے ایک ہزار کیس 10 دن میں، چوتھے ہزار کیس نو دن میں، پانچویں ہزار کیس پانچ دن میں جبکہ چھٹے ایک ہزار کیس چھ دن میں ریکارڈ کیے گئے۔

    خیال رہے کہ بلوچستان میں پہلے ایک ہزار کیسز کے بعد پانچ ہزار کیس زیادہ تر اس وقت سامنے آئے جب 9 مئی کو مکمل لاک ڈاﺅن کو ختم کر کے اسے سمارٹ لاک ڈاﺅن میں تبدیل کیا گیا تاہم عید الفطر کے بعد سے کورونا وائرس کے کیسز میں تحاشا اضافہ ہوا ہے۔

18. 7 جون 2020افغانستان میں نجی سکولوں کو قرضے دیے جائیں گے

    

    ،تصویر کا ذریعہNooria Nazhat

    افغانستان میں وزارت تعلیم نے کہا ہے کہ نجی سکولوں کے اساتذہ کی تنخواہیں ان ہی سکولوں کو وقت پر ادا کرنی ہوں گی۔

    کورونا وائرس کی وبا کے دوران سکول بند رہنے کی وجہ سے انھیں مالی مشکلات کا سامنا ہے۔

    وزارت نے کہا ہے کہ وہ مالی مشکلات اور استاتذہ کی تنخواہوں میں کٹوتی جیسے مسائل دور کرنے کے لیے نجی سکولوں کو طویل مدتی قرضے فراہم کریں گے۔

    افغانستان میں سکول گذشتہ تین ماہ سے بند ہیں اور اس فیصلے میں مزید توسیع کی گئی ہے۔

    تعلیم سے متعلق حکومتی ترجمان نوریہ نزہت نے بی بی سی کو بتایا ہے کہ ہمیں سکولوں کی حمایت کرنی چاہیے۔ حکومت کے پاس اگر وسائل ہیں تو انھیں قرضے دیے جانے چاہیے تاکہ وہ عمارت کا کرایہ بھر سکیں۔

    انھوں نے آن لائن کلاسز کی بھی حمایت کی ہے۔

19. 7 جون 2020بریکنگ, دنیا بھر میں کورونا کے 69 لاکھ متاثرین، تقریباً چار لاکھ اموات

    

    ،تصویر کا ذریعہGetty Images

    جانز ہاپکنز یونیورسٹی کے اعداد و شمار کے مطابق دنیا بھر میں کورونا کے متاثرین کی تعداد 69 لاکھ سے تجاوز کر گئی ہے۔

    اس وقت دنیا بھر میں 6,900,011 افراد کووڈ 19 سے متاثرہ ہیں۔ ان میں سے 3,088,432 صحتیاب ہوچکے ہیں۔

    دوسری طرف اب تک کورونا سے تقریباً چار لاکھ اموات ہوچکی ہیں۔ تاحال کل اموات کی تعداد 399,832 ہے۔

    سب سے زیادہ اموات ان ممالک میں پیش آئی ہیں:

    • امریکہ 109,802
    • برطانیہ 40,548
    • برازیل 35,930
    • اٹلی 33,846
    • فرانس 29,145
    • سپین 27,135
    • میکسیکو 13,511
    • بیلجیئم 9,580
    • جرمنی 8,673
    • ایران 8,209

20. 7 جون 2020’کوئٹہ میں پلازما تھیراپی سے پانچ مریض صحتیاب‘

    

    ،تصویر کا ذریعہGetty Images

    پاکستان میں حکومت بلوچستان کے چیف سیکرٹری کیپٹن (ر) فضیل اصغر نے کہا ہے کہ کوئٹہ میں پلازما تھیراپی سے کورونا کا علاج کامیاب رہا ہے اور اس طریقہ کار سے چار مریض صحتیاب ہوچکے ہیں۔

    یہ بات انھوں نے کورونا وائرس کے پھیلاؤ کے روکنے اور لاک ڈاؤن کی صورتحال سے متعلق ایک اجلاس کے دوران کہی۔

    چیف سیکریٹری نے صحتیاب ہونے والے مریضوں سے اپیل کی کہ وہ پلازما تھیراپی کے لیے اپنا خون عطیہ کریں تاکہ زیادہ سے زیادہ مریض تندرست ہو سکیں۔