آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
کم جونگ ان اور ڈونلڈ ٹرمپ کی ملاقات کے بعد دونوں رہنماؤں نے ایک اعلامیے پر دستخط کیے ہیں جس میں شمالی کوریا نے جزیرہ نما کوریا کو جوہری ہتھیاروں سے پاک کرنے کے لیے کام کرنے کا عزم ظاہر کیا ہے۔
ذیشان حیدر، شجاع ملک، وقاص علی، سارہ حسن
ٹرمپ اور کم کی ملاقات سے پہلے جنوبی کوریا کے صدر مون جے ان نے اپنے ٹویٹس میں اس امید کا اظہار کیا یہ سربراہی ملاقات ’امن سے جنگ کے تاریخی سنگ میل کے طور پر تسلیم کی جائے گی۔‘
انھوں نے اس حقیقت پسندی بھی ظاہر کی ہے کہ کس طرح تیزی سے چیزوں کو حاصل کیا جا سکتا ہے اور یہ کہ جوہری مسئلہ مکمل طور پر ایک سربراہی ملاقات میں حل نہیں کیا جا سکتا‘ لیکن اس مکمل کرنے میں ایک سال، دو سال یا اس سے بھی زیادہ وقت لگ سکتا ہے۔‘
سنگاپور میں موجود بی بی سی کے روپرٹ ونگ فیلڈ ہیز کا کہنا ہے کہ شمالی کوریا کی طرف اب بھی بہت بداعتمادی پائی جاتی ہے۔ صدر ٹرمپ کو کم جونگ ان کو قائل کرنا ہو گا کہ وہ ان پر اعتماد کر سکتے ہیں۔
جنوبی کوریا کی سب سے بڑی ویب سائٹ ناور پر کم جونگ ان کا نام اس وقت سب سے زیادہ تلاش کیا جانے والا لفظ ہے۔ کم جون ان کی عمر تیسرے نمبر پر ہے جبکہ ٹرمپ چھٹے نمبر پر ہے۔
صحافیوں سے بات چیت میں ٹرمپ نے کہا کہ وہ بہت اچھا محسوس کر رہے ہیں۔ ان کا کہنا تھا کہ ’ہماری بات چیت بہترین ہو گی اور میرے خیال میں بہت کامیاب بھی ہو گی۔ یہ میرے لیے بہت اعزاز کی بات ہے اور اس میں کوئی شک نہیں کہ ہمارا تعلق شاندار ہو گا۔‘
کم جون ان کا کہنا تھا کہ ’یہاں تک کا سفر آسان نہیں تھا۔ ماضی اور پرانی رقابتیں اور اقدامات نے آگے بڑھنے کی راہ میں رکاوٹوں کا کام کیا لیکن ہم نے ان پر سب پر قابو پایا اور آج ہم یہاں ہیں۔
دونوں رہنماؤں نے باقاعدہ بات چیت کے آغاز سے قبل صحافیوں سے مختصر گفتگو کی۔ اس موقع پر ماحول خوشگوار مگر پرتکلف تھا اور اس قسم کا معانقہ دیکھنے کو نہیں ملا جو کم کی اپنے جنوبی کوریائی ہم منصب سے چند ہفتے قبل ملاقات میں نظر آیا تھا
کم جونگ اُن کا کہنا تھا کہ ’آج ہم جہاں ہیں، یہاں تک پہنچنا آسان نہیں تھا۔‘
کم جون اُن اور ٹرمپ ساتھ ساتھ بیٹھے ہیں اور امریکی صدر نے کہا ہے کہ وہ سمجھتے یں کہ یہ ایک ’شاندار تعلق‘ ہو گا۔
یہ ایک تاریخی موقع ہے۔ کسی بھی امریکی صدر نے آج تک اپنے دورِ اقتدار میں کسی شمالی کوریائی رہنما سے ملاقات نہیں کی اور آج سے چند ماہ پہلے تک شاید ہی کسی کو اس کی توقع ہو۔
ٹرمپ اور کم جونگ ان کی خصوصی ملاقات میں کیا ہوگا اور کیا ہو سکتا ہے؟ جاننے کے لیے پڑھیے بی بی سی اردو کی خصوصی رپورٹ، ’وہ ملاقات جس کا دنیا کو انتظار ہے‘
اس تاریخی ملاقات سے چند لمحے قبل ڈونلڈ ٹرمپ نے ٹوئٹر پر ایک پیغام میں بتایا ہے کہ ان کے مشیر اور امریکہ کی نیشنل اکانامک کونسل کے ڈائریکٹر لیری کّلو کو دل کا دورہ پڑا ہے۔