آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
میتھیو ویڈ اور مارکس سٹوئنس کی ناقابل شکست شراکت، آسٹریلیا فائنل میں پہنچ گیا
ٹی ٹوئنٹی ورلڈ کپ میں دبئی کے میدان میں آسٹریلیا نے پاکستان کو انتہائی سنسنی خیز مقابلے کے بعد پانچ وکٹوں سے شکست دے دی اور اتوار کو نیوزی لینڈ کے خلاف فائنل میں جگہ بنا لی۔ اس جیت کے ساتھ آسٹریلیا نے ورلڈ کپ کے ناک آؤٹ مرحلوں میں پاکستان کے خلاف جیت کا ریکارڈ برقرار رکھا۔
لائیو کوریج
محمد صہیب
بریکنگ, پاکستان کے لیے انتہائی قیمی وکٹ، شاداب خان نے وارنر کو آؤٹ کر دیا!, آسٹریلیا کا سکور: 92/4، 11 اوور مکمل
پاکستان کے لیے شاداب خان نے اپنا تباہ کن سپیل کراتے ہوئے سب سے خطرناک ڈیوڈ وارنر کو آؤٹ کر دیا۔
شاداب کے تیسرے اوور کی پہلی گیند پر وارنر کٹ کرنے گئے اور رضوان نے خوبصورتی سے کیچ دبوچ لیا۔
وارنر نے 30 گیندوں پر 49 رنز بنائے۔
وارنر کی وکٹ گیم چینجر تھی!
پاکستان کو ڈیوڈ وارنر کی وکٹ کی اشد ضرورت!
اس وقت پاکستان کے ہدف کے خلاف آسٹریلیا کی جانب سے اوپنر ڈیوڈ وارنر نے ہی سب سے خطرناک بیٹنگ کا مظاہرہ کیا ہے۔
ان کی اننگز میں تین چوکے اور تین چھکے شامل ہیں اور اس وقت پاکستان کو ان کی وکٹ کی اشد ضرورت ہے۔
پاکستان کا سکور 10 اوورز کے بعد 71 تھا جبکہ آسٹریلیا کا 89 ہے۔ گو کہ اس کی تین وکٹیں بھی گر چکی ہیں لیکن اس وقت اسے آٹھ اعشاریہ سات کا رن ریٹ درکار ہے۔
آخری دس اوورز میں اوس بھی پڑنے کا خدشہ ہے۔
دس اوورز کے بعد آسٹریلیا کا پلڑا بھاری، پاکستان وارنر کی وکٹ کا منتظر, آسٹریلیا کا سکور: 89/3، دس اوور مکمل
پاکستان کا اس موقع پر سکور 71 رنز تھا اور انھیں صرف بابر اعظم کی وکٹ کا نقصان ہوا تھا۔
لیکن جواب میں آسٹریلیا ڈیوڈ وارنر کی برق رفتار بیٹنگ کی مدد سے اس وقت واضح طور پر آگے ہیں اور اب گلی 60 گیندوں پر انھیں جیتنے کے لیے صرف 88 رنز درکار ہیں۔
پاکستانی کپتان بابر اعظم اس وقت یقیناً دباؤ کا شکار ہوں گے اور پوری ٹیم کوشش میں ہوگی کہ کسی طرح سے وارنر کو آؤٹ کر دیا جائے۔
آسٹریلیا نے اب تک اپنے دس اوورز میں سے آٹھ اوورز میں باؤنڈری حاصل کی ہے۔
بریکنگ, وارنر کا شاداب کو چھکا لیکم پھر سمتھ کیچ آؤٹ!, آسٹریلیا کا سکور: 80/3، نو اوور مکمل
لگاتار دوسرے اوور کی پہلی گیند پر ڈیوڈ وارنر نے چھکا لگا کر شاداب کو دباؤ میں لانے کی کوشش کی۔
لیکن انھوں نے حوصلہ نہیں کھویا اور اوور کی چوتھی گیند پر سٹیو سمتھ کو کیچ کروا دیا جو اونچا شاٹ مارنے گئے اور مڈ وکٹ پر آصف علی کے ہاتھوں کیچ ہو گئے۔
بریکنگ, ڈیوڈ وارنر کا حفیظ کو چھکا!
محمد حفیظ کو بابر نے اوور دیا تو ان کی پہلی گیند دو ٹپے لے کر وارنر تک پہنچی جسے انھوں نے چھکا مار دیا۔
اوور کی اگلی گیندوں پر انھوں نے کم بیک کیا لیکن اس کے باوجود اوور میں 13 رنز دیے۔
’پہلی دس گیندوں میں سٹیو سمتھ کا سٹرائک ریٹ آسٹریلوی سکواڈ میں سب سے کم‘
’مچل مارش ایک بار پھر لیگ سپن کا نشانہ بنے‘
بریکنگ, شاداب خان کی پہلے اوور میں وکٹ، مارش آؤٹ!
آسٹریلوی بیٹنگ کی جارحایت کا سامنا کرنے کے لیے پاکستان نے شاداب خان کو گیند دی اور انھوں نے اپنے کپتان کے اعتماد پر پورا اترتے ہوئے دوسری ہی گیند پر مارش کو آؤٹ کر دیا جو اونچا کھیلنے گئے اور آصف علی کے ہاتھوں کیچ ہو گئے۔
اوور کی اگلی گیندوں پر انھوں نے صرف ایک رن دیے لیکن پانچویں گیند پر سمتھ خوش قسمت رہے اور گیند بلے کے کنارے سے لگ کر چوکے کے لیے چلی گئی۔
فنچ کے وکٹ کے بعد آسٹریلیا کا جارحانہ انداز، پاور پلے میں ففٹی مکمل, آسٹریلیا کا سکور: 52/1، چھ اوور مکمل
آسٹریلیا نے اپنی تیز بیٹنگ جاری رکھی اور حسن علی کے پہلے اوور میں ایک چوکے سے ساتھ آٹھ رنز حاصل کیے۔
یہ پاور پلے کا آخری اوور تھا اور ٹورنامنٹ میں پہلی بار پاکستان نے پچاس سے زیادہ سکور دیا ہے۔
’حیرت ہے بابر نے ابھی تک حفیظ کو نہیں آزمایا‘
کرکٹ تجزیہ کار بین جونز کا کہنا ہے کہ ’آپ کو مارش کو سپن کے ذریعے پھسانے ہوتا ہے کیونکہ وہ اس کے خلاف بہت کم سٹرائک ریٹ سے کھیلتے ہیں۔ وارنر سپن کو اچھا کھیلتے ہیں لیکن آف سپنرز کو نہیں۔
’حیرت ہے بابر نے ابھی تک حفیظ کو نہیں آزمایا۔‘
’پاکستانی کھلاڑیوں کے اعصاب کا اصل امتحان شروع‘
حارث رؤف کی پہلی گیند پر مارش کا چھکا!, آسٹریلیا کا سکور: 44/1، پانچ اوور مکمل
پہلے تین اوورز میں پانچ سے کم اوسط رکھنے کے بعد آسٹریلوی بلے بازوں نے جارحانہ انداز اختیار کیا اور پہلے عماد وسیم کے اوور میں 17 رنز حاصل کیے اور پھر حارث رؤف اپنے پہلے اوور کے لیے آئے تو پہلی دو گیندوں پر مارش نے چھکا اور چوکا مار کر ان کا استقبال کیا۔
اس اوور میں بھی آسٹریلیا نے 14 رنز حاصل کیے۔
ڈیوڈ وارنر کا جارحانہ کھیل، عماد وسیم کو چھکا!, آسٹریلیا کا سکور: 30/1، چار اوور مکمل
آسٹریلیا کی طرف سے ڈیوڈ وارنر نے یہ جانچ لیا کہ ہدف کے لیے تیز کھیلنا ہوگا اور انھوں نے عماد وسیم کے اوور کو نشانہ بنایا جس میں انھوں نے پہلے ایک چھکا مارا اور پھر اگلی دو گیندوں پر چوکے مارے۔
مچل مارش کا آفریدی کو چوکا!, آسٹریلیا کا سکور: 13/1، تین اوور مکمل
شاہین آفریدی کے اوور میں مچل مارش نے پہلی بار جارحانہ انداز اختیار کیا اور آف سائیڈ پر خوبصورت چوکا مارا۔
پاکستان کی لیے عماد وسیم کا اچھا اوور, آسٹریلیا کا سکور: 6/1، دو اوور مکمل
عماد وسیم کے اوور میں صرف پانچ رنز بنے اور آسٹریلیا اس وقت کوشش کر رہا ہے کہ وہ اپنی وکٹیں نہ گنوائے ورنہ ہدف حاصل کرنا اور مشکل ہو جائے گا۔
’شاہین اپنے اوور کی ہر گیند پر وکٹ لیتے دکھائی دے رہے تھے‘
’شاہین کے پہلے اوور کے بارے میں دو مرتبہ لکھ چکا ہوں، لیکن ابھی تک اس کا احاطہ نہیں کر سکا‘
’صرف ایک پاکستانی فاسٹ بولر ہی آپ کو یہ احساس دلوا سکتا ہے‘