ٹی ٹوئنٹی ورلڈ کپ میں گروپ ون کے آخری دو میچوں میں ویسٹ انڈیز نے آسٹریلیا کو آٹھ وکٹوں سے جبکہ جنوبی افریقہ نے انگلینڈ کو 10 رنز سے شکست دی لیکن جنوبی افریقہ سیمی فائنل تک رسائی حاصل نہیں کر پایا اور اس گروپ سے انگلینڈ اور آسٹریلیا سیمی فائنل میں پہنچ گئے۔
،تصویر کا ذریعہGetty Images
ویسٹ انڈیز کے مایہ ناز بلے باز اور ٹی ٹوئنٹی میں سب سے زیادہ سنچریاں بنانے والے کرس گیل نے آؤٹ ہونے کے بعد جس طرح اپنی مایوسی کا اظہار کیا، اور پھر جس طرح بلا اٹھا کر میدان سے باہر گئے، اس سے ایسا محسوس ہو رہا ہے کہ شاید یہ ان کی ویسٹ انڈیز کے لیے آخری اننگز ہو۔
42 سالہ کرس گیل کو میدان سے باہر جاتے ہوئے ان کے ساتھ کھلاڑیوں نے گلے بھی لگایا۔
،تصویر کا ذریعہget
،تصویر کا ذریعہGetty Images
جوش ہیزل ووڈ کو ان کے پہلے اوور میں ایون لوئیس اور گیل دونوں نے نشانہ بنایا اور 20 رنز حاصل کیے تھے۔
لیکن انھوں نے اپنے دوسرے اوور میں پورا بدلہ لے لیا اور ویسٹ انڈیز کو شدید نقصان پہنچاتے ہوئے اوور میں دو قیمتی وکٹیں حاصل کر لیں۔
پہلے انھوں نے نکولس پوران کو کیچ کروا دیا اور پھر ایک گیند کے بعد روسٹن چیز ان کی اندر آتی ہوئی گیند پر بولڈ ہو گئے۔
،تصویر کا ذریعہGetty Images
کرس گیل نے جارحانہ مزاج اختیار کرنے کی کوشش کرتے ہوئے نئے بولر پیٹ کمنز کو ان کی پہلی ہی گیند پر زوردار چھکا لگایا لیکن اگلی گیند پر شاٹ دہرانے کی کوشش میں وہ بولڈ ہو گئے۔
اوور کی اگلی گیندوں پر نئے بلے باز پورن کے چوکے کی مدد سے ویسٹ انڈیز نے کل 11 رنز حاصل کیے۔
،تصویر کا ذریعہget
ویسٹ انڈیز نے اننگز کے دوسرے اوور میں آسٹریلوی بولرز کی درگت بنانا شروع کر دی اور ہیزل ووڈ کو ایون لوئیس نے پہلی تین گینوں پر چوکے مارے اور پھر پانچویں گیند پر گیل نے ان کو لیگ سائیڈ پر چھکا رسید کر دیا۔
اس اوور میں انھیں 20 رنز حاصل ہوئے۔
،تصویر کا ذریعہGetty Images
آسٹریلیا کی جانب سے مچل سٹارک نے پہلا اوور کرایا جس میں ویسٹ انڈیز کی طرف سے کرس گیل نے تین رنز حاصل کیے اور ایک رن ایکسٹرا کا تھا۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
کرکٹ کے تجزیہ نگار مظہر ارشد نے اپنی ٹویٹ میں بتایا کہ آج کا میچ نہ صرف آسٹریلیا کے لیے بلکہ ویسٹ انڈیز کے لیے بھی اتنا ہی ضروری ہے۔
انھوں نے لکھا کہ تازہ ترین رینکنگ کے مطابق ویسٹ انڈیز اگر آج کا میچ ہر گئی تو وہ نویں نمبر پر گر جائے گی اور اگر 15 نومبر تک وہ پہلی آٹھ ٹیموں میں شامل نہیں ہوں گے تو ان کو اگلے ورلڈ کپ کے لیے سپر 12 میں کھیلنا ہوگا جو کہ آسٹریلیا میں اگلے سال منعقد ہوگا۔
،تصویر کا ذریعہGetty Images
ویسٹ انڈیز نے سری لنکا کے خلاف میچ والی ٹیم سے ایک تبدیلی کی ہے اور روی رام پال کی جگہ ہیڈن والش کو جگہ دی ہے۔
کرس گیل
ایون لوئیس
نکولس پوران (وکٹ کیپر)
روسٹن چیز
شمرون ہیٹمئیر
آندرے رسل
کیئرون پولارڈ (کپتان)
جیسن ہولڈر
ڈوائین براوو
عقیل حسین
ہیڈن والش جونئیر
،تصویر کا ذریعہGetty Images
آسٹریلیا نے اس میچ میں وہی ٹیم کھلانے کا فیصلہ کیا ہے جو بنگلہ دیش کے خلاف کھیلی تھی۔
ڈیوڈ وارنر
ایرون فنچ (کپتان)
مچل مارش
سٹیو سمتھ
گلین میکس ویل
مارکس سٹوئنس
میتھیو ویڈ (وکٹ کیپر)
پیٹ کمنز
مچل سٹارک
جوش ہیزل ووڈ
ایڈم زیمپا
اس اہم ٹاس میں آسٹریلوی کپتان ایرون فنچ کو کامیابی ملی اور انھوں نے کیئرون پولارڈ کو پہلے بیٹنگ کی دعوت دی۔
،تصویر کا ذریعہGetty Images
بی بی سی اردو کی جانب سے گروپ ون کے آخری دو میچوں کی کوریج میں خوش آمدید۔
دن میں آج دو میچ کھیلے جائیں گے اور دونوں ہی انتہائی اہمیت کے حامل ہیں کیونکہ ان دونوں میچوں کے نتائج سے گروپ کے دوسرے سیمی فائنلسٹ کا فیصلہ ہو سکے گا۔
ابو ظہبی میں دن کا پہلا میچ ہو رہا ہے جہاں آسٹریلیا کا سامنا ویسٹ انڈیز سے ہوگا۔ آسٹریلیا کا گروپ میں دوسرا نمبر ہے اور ان کا رن ریٹ بھی انگلینڈ کے بعد سب سے اچھا ہے۔
ویسٹ انڈیز دفاعی چیمپئین تھی لیکن اب وہ ٹورنامنٹ سے باہر ہو چکی ہے۔ البتہ ان کے لیے آج کا میچ اس لیے ضروری ہے کہ ہارنے کی صورت میں انھیں اگلے سال کے ٹی ٹوئنٹی ورلڈ کپ کے لیے کوالی فائنگ راؤنڈ کھیلنا پڑے گا۔
دن کے دوسرے میچ میں شارجہ کے میدان میں انگلینڈ اور جنوبی افریقہ کا مقابلہ ہوگا۔
انگلینڈ کی ٹیم سیمی فائنل کے لیے کوالی فائی کر چکی ہے البتہ جنوبی افریقہ کو نہ صرف انگلینڈ کو بہت اچھے مارجن سے شکست دینا ہوگی، بلکہ یہ امید کرنی ہوگی کہ ویسٹ انڈیز آسٹریلیا کو شکست دے دے۔
